رووداو- هەولێر
ئەنجوومەنی وەزیرانی هەرێمی کوردستان کۆدەبێتەوە و گفتوگۆ دەربارەی هەوڵەکانی پیکهێنانی کابینەی نوێی عێراق و رێکارەکانی رووبەڕووبوونەوەی ڤایرۆسی کۆرۆنا دەکات.
بەپێی راگەیاندنی حکومەتی هەرێمی کوردستان، سبەی سێشەممە 2020-2-25 کۆبوونەوەکە ئەنجامدەدرێت و بەسەرپەرشتی مەسروور بارزانی، سەرۆکی حکومەتی هەرێمی کوردستان دەبێت.
جیا لە بابەتی ڤایرۆسی کۆرۆنا، تەوەرەکانی کۆبوونەوەکە بە گشتی بریتی دەبن لە:
- خستنەڕووی دوایین پێشهات و گۆڕانکارییەکانی عێراق و هەوڵەکانی پێکهێنانی کابینەی نوێی حکومەتی فیدراڵی.
- ئەنجامەکانی بەشداریی شاندی حکومەتی هەرێم بەسەرۆکایەتی مەسروور بارزانی لە کۆنفرانسی میونشن و دیدارەکانی ئیتاڵیا و ڤاتیکان.
- پلان، هەنگاو و رێکارەکانی حکومەتی هەرێمی کوردستان بۆ رووبەڕووبوونەوەی مەترسیی ڤایرۆسی کۆرۆنا کە بە ئامادەبوونی پارێزگارەکانی هەرێمی کورستان تاوتوێ دەکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ