ԵՏՀ Խորհրդի հունիսի 23-ի արդյունքները

ԵՏՀ Խորհուրդը հաստատել է ֆինանսական շուկայի ոլորտի օրենսդրության ներդաշնակեցման միջոցառումների պլանի կատարման ընթացքի մասին հաշվետվությունը։ Օրենսդրության ներդաշնակեցման միջոցներն իրականացվում են ֆինանսական շուկայի երեք ոլորտների՝ բանկային, ապահովագրական, արժեթղթերի շուկայի մասով: Ներդաշնակեցման պլանն ընդունվել է 2020 թվականի նոյեմբերին։

 ԵՏՀ Խորհուրդը հավանություն է տվել Միության մաքսային օրենսգրքի մասին պայմանագրում արտաքին էլեկտրոնային առևտրի կարգավորմանը վերաբերող փոփոխություններ կատարելու մասին արձանագրության նախագծին: Ստեղծվում է նոր իրավական ինստիտուտ՝ էլեկտրոնային առևտրի օպերատոր, որը միաժամանակ ապահովելու է նման ապրանքների հետ գործառնությունների լոգիստիկան, ինչպես նաև փոխգործակցությունը համացանցային հարթակների և մաքսային մարմինների հետ։

ԵԱՏՄ երկրների փոխվարչապետերը արտադրության նոր պայմաններ են համաձայնեցրել պետական գնումների նպատակով ապրանքների ծագման երկրի որոշման կանոնների համար։ Որոշման համաձայն՝ «ԷՆերգետիկ մեքենաշինություն, էլեկտրատեխնիկական և մալուխային արդյունաբերություն» ոլորտի վեց ապրանքային դիրքի համար պետական գնումներին մասնակցության թույլտվությունը կիրականացվի Հանձնաժողովի կողմից ձևավորվող Արդյունաբերական ապրանքների եվրասիական գրանցամատյանի տվյալների հիման վրա։

Սահմանվել են անասնաբուժական դեղամիջոցների մնացորդային պարունակության առավելագույն թույլատրելի մակարդակները, որոնք կարող են պարունակվել կենդանական ծագման սննդամթերքում։ 

Փոփոխություններ են կատարվել ԵԱՏՄ պատշաճ արտադրական պրակտիկայի կանոնների պահանջներին արտադրության համապատասխանության հավաստագրում։

ԵՏՀ Խորհուրդը հաստատել է ԵԱՏՄ-ում ստանդարտացման աշխատանքների համակարգման կարգը։

ԵՏՀ-ի Խորհուրդը հաստատել է ԵԱՏՄ տեխնիկական կանոնակարգերի մշակման պլանի փոփոխությունները: Այն լրացվում է երկու նոր կետով, որոնք նախատեսում են փոփոխություններ «Էներգասպառող սարքերի էներգետիկ արդյունավետության պահանջների մասին» և «Հրդեհային անվտանգության և հրդեհաշիջման ապահովման միջոցներին ներկայացվող պահանջների մասին» տեխնիկական կանոնակարգերում։

ԵՏՀ Խորհուրդը հաստատել է ԵԱՏՄ-ում ստանդարտացման աշխատանքների համակարգման կարգը

Կարգը, որը մշակվել է Մինչև 2025 թվականը Եվրասիական տնտեսական ինտեգրման զարգացման ռազմավարական ուղղություններին համապատասխան, սահմանում է մի շարք ուղղություններով Եվրասիական տնտեսական միության երկրների մարմինների փոխգործակցությունը ապահովող ընթացակարգեր:

Դրանց թվում են տեխնիկական կանոնակարգերի պահանջների կիրառման և կատարման համար անհրաժեշտ միջպետական ստանդարտների մշակման պլանավորումը, դրանց մշակման ծրագրերի նախապատրաստումը և հաստատումը. ծրագրերով նախատեսված միջպետական ստանդարտների մշակման (փոփոխություն կատարելու, վերանայման) դեպքում ստանդարտացման ազգային մարմինների գործողությունների համակարգումը. փոխգործակցությունը այն արտադրանքի համար ստանդարտների մշակման և ընդունման հարցում, որի համար տեխնիկական կանոնակարգեր դեռ չեն ընդունվել, բայց որը ներառված է այն արտադրանքի միասնական ցանկում, որի համար ԵԱՏՄ-ում պարտադիր պահանջներ են սահմանվում (օրինակ՝ բարձր լարման սարքավորումներ, ծառայողական և քաղաքացիական զենք, բույսերի պաշտպանության միջոցներ և այլն):

Ազգային մարմինները կհամագործակցեն նաև տեխկանոնակարգերի պահանջների կիրառման և կատարման համար անհրաժեշտ միջպետական ստանդարտները, ազգային ստանդարտները և չափման մեթոդիկաները գործողության մեջ դնելու և կիրառելու, արդյունաբերության, տրանսպորտի, էներգետիկայի և այլ ոլորտներում անդամ պետությունների կոոպերացիոն համագործակցության ապահովման հետ կապված ստանդարտներ մշակելու, տեխնիկական կարգավորման ոլորտում ստանդարտացման զարգացման գործողությունները համակարգելու հարցերում:

Կարգի դրույթների կիրառումը կնպաստի ԵԱՏՄ-ում ստանդարտացման զարգացմանը, միութենական տեխկանոնակարգերի կիրառման ապահովման, առաջադեմ միջազգային և տարածաշրջանային ստանդարտների կիրառման աշխատանքների համակարգված պլանավորմանը։

Սահմանվել են անասնաբուժական դեղամիջոցների մնացորդային պարունակության առավելագույն թույլատրելի մակարդակները, որոնք կարող են պարունակվել կենդանական ծագման սննդամթերքում

Եվրասիական տնտեսական հանձնաժողովի Խորհուրդն ընդունել է Միության «Սննդամթերքի անվտանգության մասին» տեխնիկական կանոնակարգի փոփոխությունները, որոնք վերաբերում են անասնաբուժական դեղամիջոցների մնացորդային պարունակության առավելագույն թույլատրելի մակարդակների սահմանմանը, որոնք կարող են պարունակվել կենդանական ծագման սննդամթերքում: Սա Հանձնաժողովի և երկրների բոլոր լիազոր մարմինների գրեթե չորս տարվա աշխատանքի արդյունքն է։

Փոփոխությունը սահմանել է 75 անասնաբուժական դեղամիջոցի (դեղաբանորեն ակտիվ նյութերի) մնացորդային քանակների առավելագույն թույլատրելի մակարդակները կենդանական ծագման չվերամշակված և վերամշակված սննդամթերքում, ինչը միջազգային պրակտիկայում նմանը չունեցող նոր հայեցակարգային ուղղություն է։ Նաև պահանջներ են սահմանվել տեխկանոնակարգում չնշված և (կամ) ԵԱՏՄ պետությունների տարածքներում չգրանցված անասնաբուժական դեղամիջոցների մնացորդների վերահսկման նկատմամբ, ինչը հատկապես կարևոր է ներմուծվող արտադրանքի վերահսկման համար։ 

Ընդունված փոփոխությունների իրականացումը թույլ կտա բարձրացնել Միության մաքսային տարածքում շրջանառության մեջ դրվող սննդամթերքի անվտանգությունը, կնպաստի կենդանական ծագման սննդամթերքում վերահսկիչ (հսկիչ) մարմինների կողմից անասնաբուժական դեղամիջոցների պարունակության մնացորդների որոշման արդյունքների տարբեր մեկնաբանման խնդրի և դրանով պայմանավորված փոխադարձ մատակարարումների արգելքների կարգավորմանը:

ԵԱՏՄ Մաքսային օրենսգրքի մասին պայմանագրում փոփոխություններ են կատարվել արտաքին էլեկտրոնային առևտուրը կարգավորելու մասով

Եվրասիական տնտեսական հանձնաժողովի Խորհուրդը հավանություն է տվել Եվրասիական տնտեսական միության մաքսային օրենսգրքի մասին պայմանագրում արտաքին էլեկտրոնային առևտրի կարգավորման մասով փոփոխություններ կատարելու մասին արձանագրության նախագծին։ 

Արձանագրության նախագիծը նախատեսում է քաղաքացիների կողմից համացանցային ռեսուրսների կիրառմամբ ձեռք բերվող ապրանքների նոր ռեգուլատորիկա՝ ժամանակավոր պահման, մաքսային հայտարարագրման, մաքսային վճարումների կիրառման առանձնահատկությունները, մաքսային («բոնդային») պահեստներից առաքման հնարավորությունը:

Ստեղծվում է նոր իրավական ինստիտուտ՝ էլեկտրոնային առևտրի օպերատոր, որը միաժամանակ ապահովելու է նման ապրանքների հետ գործառնությունների լոգիստիկան, ինչպես նաև փոխգործակցությունը համացանցային հարթակների և մաքսային մարմինների հետ։ 

Սույն Արձանագրության իրականացումը թույլ կտա կարգավորել տվյալ կատեգորիայի ապրանքների մաքսային ձևակերպումը, բարձրացնել բեռների մշակման արագությունը և մաքսային հսկողության արդյունավետությունը:

ԵՏՀ Խորհուրդը կարգադրել է Արձանագրության նախագիծն ուղարկել Միության երկրներ՝ դրա ստորագրման համար անհրաժեշտ ներպետական ընթացակարգերի համար։

ԵԱՏՄ-ում շարունակվում է ֆինանսական շուկայի ոլորտի օրենսդրության ներդաշնակեցումը

Եվրասիական տնտեսական հանձնաժողովի Խորհուրդը հաստատել է հաշվետվությունը ֆինանսական շուկայի ոլորտի օրենսդրության ներդաշնակեցման միջոցառումների պլանի կատարման ընթացքի մասին։ 

Օրենսդրության ներդաշնակեցման միջոցներն իրականացվում են ֆինանսական շուկայի երեք հատվածներում (բանկային, ապահովագրական, արժեթղթերի շուկա)՝ 2020 թվականի նոյեմբերին ընդունված Ներդաշնակեցման պլանին համապատասխան։

Ընդհանուր առմամբ, աշխատանքն իրականացվում է Ներդաշնակեցման պլանին համապատասխան, միջոցառումները կատարվում են զուգահեռ ռեժիմով։ Տվյալ պլանի համաձայն՝ բանկային և ապահովագրական ոլորտներում օրենսդրության ներդաշնակեցման աշխատանքը պետք է ավարտվի 2025 թվականին, իսկ արժեթղթերի շուկայի հատվածում՝ 2029 թվականին։ 

Կատարված աշխատանքների շրջանակում նախապատրաստվել են մի շարք միջազգային համաձայնագրերի նախագծեր, որոնցով նախատեսվում է ապահովել բորսայական աճուրդների անդրսահմանային հասանելիությունը արժեթղթերի և բրոքերների/դիլերների համար, ինչպես նաև ներդնել ստանդարտացված լիցենզիայի ինստիտուտը։

ԵԱՏՄ երկրների փոխվարչապետերը համաձայնեցրել են արտադրության նոր պայմանները Պետական գնումների նպատակով ապրանքների ծագման երկրի հաստատման որոշման կանոնների համար

Հունիսի 23-ին Եվրասիական տնտեսական հանձնաժողովի Խորհրդի որոշմամբ լրացումներ են կատարվել Պետական գնումների նպատակով ապրանքների առանձին տեսակների ծագման երկրի որոշման կանոնների (ԱԾԵ կանոններ) N 1 հավելվածում:

Հարցը Ղազախստանի Հանրապետության նախաձեռնությամբ ընդգրկվել է Հանձնաժողովի Խորհրդի օրակարգում։

Որոշման համաձայն՝ «ԷՆերգետիկ մեքենաշինություն, էլեկտրատեխնիկական և մալուխային արդյունաբերություն» ոլորտի վեց ապրանքային դիրքի համար պետական գնումներին մասնակցության թույլտվությունը կիրականացվի Հանձնաժողովի կողմից ձևավորվող Արդյունաբերական ապրանքների եվրասիական գրանցամատյանի տվյալների հիման վրա։ Արտադրանքը կարող է ներառվել գրանցամատյանում, եթե համապատասխանում է երկրների պրոֆիլային պետական մարմինների և բիզնեսի ներկայացուցիչների կողմից համաձայնեցված արտադրության պայմաններին:

«Հաշվի առնելով այսօրվա որոշումը՝ ԱԾԵ կանոններն արտադրության պայմաններ են ներառում 448 ապրանքային դիրքի համար։ «Գորշ գոտու» ապրանքների ցանկն աստիճանաբար կրճատվում է։ Այսօր դրանում մնում է ընդամենը 27 ապրանքային դիրք»,- մեկնաբանել է մրցակցության և հակամենաշնորհային կարգավորման նախարար Բախիթ Սուլթանովը։

Փոփոխություններ են կատարվել ԵԱՏՄ պատշաճ արտադրական պրակտիկայի կանոնների պահանջներին արտադրության համապատասխանության հավաստագրում

Եվրասիական տնտեսական հանձնաժողովի Խորհուրդը հաստատել է Եվրասիական տնտեսական միության պատշաճ արտադրական պրակտիկայի կանոնների պահանջներին արտադրության համապատասխանության հավաստագրի ձևի փոփոխությունները՝ ԵԱՏՄ պատշաճ արտադրական պրակտիկայի կանոնների և Եվրոպական միության համանման կանոնների պահանջների համադրելիության համապատասխանության հայտարարագրի ձևով: Սա Կարիբյան ավազանի, Ասիայի և Խաղաղօվկիանոսյան տարածաշրջանների երկրներին հնարավորություն է տալիս կիրառելու նշված հավաստագրերն առանց երրորդ երկրների դեղագործական տեսչությունների կողմից Միության պետությունների արտադրողների կրկնակի ստուգումների: 

Նման փոփոխությունների ընդունումը թույլ կտա ապահովել անդամ պետությունների արտադրողների դեղագործական արտադրանքի արտահանումը երրորդ երկրներ։

Եվրասիական միջկառավարական խորհրդի 2023 թվականի հունիսի 7-8-ի նիստի արդյունքները

Հունիսի 7-ից 8-ը Սոչիում կայացած Եվրասիական միջկառավարական խորհրդի նիստի արդյունքում քննարկվել է 22 հարց, ստորագրվել 14 փաստաթուղթ։

Նիստին մասնակցել են Եվրասիական տնտեսական միության երկրների կառավարությունների ղեկավարները՝ Եվրասիական միջկառավարական խորհրդի նախագահ, Ռուսաստանի Դաշնության կառավարության ղեկավար Միխայիլ Միշուստինը, Հայաստանի Հանրապետության վարչապետ Նիկոլ Փաշինյանը, Բելառուսի Հանրապետության վարչապետ Ռոման Գոլովչենկոն, Ղազախստանի Հանրապետության վարչապետ Ալիխան Սմայիլովը, Ղրղզստանի Հանրապետության նախարարների կաբինետի նախագահ Ակիլբեկ Ժապարովը, Եվրասիական տնտեսական հանձնաժողովի Կոլեգիայի նախագահ Միխայիլ Մյասնիկովիչը, ԵԱՏՄ-ին առընթեր դիտորդ պետությունների կառավարությունների ղեկավարներ՝ Ուզբեկստանի Հանրապետության վարչապետ Աբդուլա Արիպովը և Կուբայի Հանրապետության վարչապետ Մանուել Մառերո Կրուզը, ինչպես նաև հրավիրված՝ Ադրբեջանի Հանրապետության վարչապետ Ալի Ասադովը, Տաջիկստանի Հանրապետության վարչապետ Կոխիր Ռասուլզոդան, Թուրքմենստանի նախարարների կաբինետի նախագահի տեղակալ Հոջամիրատ Գելդիմիրադովը։

Միջկառավարական խորհրդի նիստում ստորագրվել է ԵԱՏՄ պետություններում գիտական աստիճանների մասին փաստաթղթերի փոխադարձ ճանաչման մասին համաձայնագիրը։ Սույն Համաձայնագրի ուժի մեջ մտնելուց հետո ԵԱՏՄ երկրների քաղաքացիները, որոնք ունեն գիտական աստիճանի մասին ազգային փաստաթղթեր, կկարողանան աշխատանքի տեղավորվել անդամ այլ պետությունում առանց նոստրիֆիկացիայի երկարատև ընթացակարգ անցնելու, ինչը կբարձրացնի բարձր որակավորում ունեցող մասնագետների շարժունակությունը և կնպաստի գիտական կոոպերացիայի զարգացմանը։

ԵԱՏՄ երկրների կառավարությունների ղեկավարներին տեղեկատվություն է ներկայացվել Միության ներքին շուկայում արգելքների վերացման ընթացքի մասին։ Մեդիատիվ մոտեցման շնորհիվ դրանց վերացման տեմպերը կրկնապատկվել են։

Միջկառավարական խորհուրդը հավանություն է տվել ԵԱՏՄ պետությունների տարածքներում «Արևելք-Արևմուտք» և «Հյուսիս-Հարավ» ուղղություններով տրանսպորտային ենթակառուցվածքի զարգացման պլաններին, այդ թվում՝ չինական «Մեկ գոտի, մեկ ուղի» նախաձեռնության հետ զուգակցման շրջանակներում:

ԵԱՏՄ-ն անցնում է ծովային անցակետերում էլեկտրոնային փաստաթղթաշրջանառության մշակման երկրորդ փուլին, հաստատվել է 2023-2025 թվականների համապատասխան պլանը։

ԵԱՏՄ երկրների կառավարությունների ղեկավարները հանձնարարել են մշակել կլիմայական օրակարգի հարցերի կարգավորման մոտեցումներ, որոնք նախատեսում են կլիմայական կոոպերացիոն նախագծերի իրականացում, ինչպես նաև ցածր ածխածնային զարգացման խթանում։ Համապատասխան մոտեցումները նախատեսվում է Միության մարմինների քննարկմանը ներկայացնել 2024 թվականի 1-ին կիսամյակում։

Հավանության է արժանացել անդրսահմանային շուկաներում մրցակցության վիճակի և դրանցում մրցակցության ընդհանուր կանոնների խախտումները կանխելու ուղղությամբ ձեռնարկվող միջոցների 2022 թվականի տարեկան հաշվետվությունը։ Անցյալ տարի ԵՏՀ-ն քննարկել է մրցակցության կանոնների խախտումների մասին 26 դիմում, անցկացրել 12 հակամենաշնորհային հետաքննություն, որոնցից 7-ը նշանակվել են Հանձնաժողովի սեփական նախաձեռնությամբ։

Եվրասիական միջկառավարական խորհրդի անդամները քննարկել են էլեկտրոնային նավիգացիոն կապարակնիքների կիրառման փորձերի իրականացման ընթացքը։ Որոշվել է դրանց արդյունքներն ամփոփել այս տարեվերջին։

Նիստում հավանության է արժանացել ԵԱՏՄ ինտեգրված տեղեկատվական համակարգի և Միության թվային օրակարգի հետագա զարգացման մասին զեկույցը։ ԵԱՏՄ-ում թվայնացման հիմքը կդառնա ինտեգրված համակարգը, որի հիման վրա կիրականացվեն թվային նախագծեր։

Կառավարությունների ղեկավարներին ներկայացվել է 2022 թվականին ԵՏՀ որոշումների նախագծերի կարգավորող ազդեցության գնահատման (ԿԱԳ) մշտադիտարկման մասին հաշվետվությունը: ԿԱԳ մասին դրական եզրակացությունների մասնաբաժինը հասել է 2015 թվականից ի վեր ամենաբարձր մակարդակին՝ 97%:

Որոշում է ընդունվել ԵԱՏՄ ընդհանուր էլեկտրաէներգետիկ շուկայում առաջիկա օր առաջ էլեկտրաէներգիայի կենտրոնացված առևտրի օպերատորի վերաբերյալ:

Բացի այդ, Միջկառավարական խորհրդին զեկուցվել է սննդամթերքի անվտանգության տեխնիկական կանոնակարգում անասնաբուժական դեղամիջոցների մնացորդների առավելագույն թույլատրելի մակարդակների սահմանման մասով փոփոխություններ կատարելու աշխատանքի մասին, որոնք կարող են պարունակվել կենդանական ծագման սննդամթերքում: Փոփոխությունների նախագծով սահմանվում է կենդանական ծագման ինչպես չվերամշակված, այնպես էլ վերամշակված սննդամթերքում անդամ պետություններում գրանցված 75 անասնաբուժական պատրաստուկների մնացորդային քանակների առավելագույն թույլատրելի մակարդակը, ինչպես նաև սահմանում չնշված կամ Միության անդամ պետությունների տարածքներում չգրանցված անասնաբուժական պատրաստուկների մնացորդային քանակների վերահսկողության պահանջներ: Փոփոխությունների նախագիծը և դրան կից փաստաթղթերի փաթեթը լրամշակվել են, համաձայնեցվել բոլոր երկրների կողմից, արժանացել ԵՏՀ Կոլեգիայի հավանությանը, և այժմ կներկայացվի Հանձնաժողովի խորհրդի նիստին:

ԵԱՏՄ շրջանակներում կապահովվի գիտական աստիճանների մասին փաստաթղթերի փոխադարձ ճանաչում

Հունիսի 8-ին Սոչի քաղաքում կայացած Եվրասիական միջկառավարական խորհրդի նիստում ստորագրվել է Եվրասիական տնտեսական միության անդամ պետություններում գիտական աստիճանների մասին փաստաթղթերի փոխադարձ ճանաչման մասին համաձայնագիրը։

«Համաձայնագրի ուժի մեջ մտնելուց հետո ԵԱՏՄ երկրների աշխատավորները, որոնք ունեն գիտական աստիճանի մասին ազգային փաստաթղթեր, կկարողանան աշխատանքի տեղավորվել ԵԱՏՄ անդամ մեկ այլ պետությունում՝ առանց նոստրիֆիկացիայի երկարատև ընթացակարգ անցնելու։ Սա կբարձրացնի բարձր որակավորում ունեցող մասնագետների շարժունակությունը և կնպաստի ԵԱՏՄ-ում գիտական կոոպերացիայի զարգացմանը»,- նշել է Եվրասիական տնտեսական հանձնաժողովի էկոնոմիկայի և ֆինանսական քաղաքականության նախարար Բակիտժան Սագինտաևը։

Համաձայնագիրն ուժի մեջ կմտնի ԵԱՏՄ բոլոր պետությունների կողմից համապատասխան ներպետական ընթացակարգերն ավարտելուց հետո:

ԵԱՏՄ-ում խոչընդոտների վերացման տեմպերը մեդիատիվ մոտեցման շնորհիվ կրկնապատկվել են

Հունիսի 8-ին Սոչիում կայացած Եվրասիական միջկառավարական խորհրդի նիստում կառավարությունների ղեկավարներին տեղեկատվություն է ներկայացվել Եվրասիական տնտեսական միության ներքին շուկայում արգելքների վերացման ընթացքի մասին։

Այս պահին խոչընդոտների գրանցամատյանում առկա տասնմեկ արգելքից չորսն արդեն վերացվել են, ևս չորսի մասով դրանք վերացված ճանաչելու ընթացակարգեր են ընթանում։ Մնացած երեք արգելքի մասով երկրներում նախապատրաստվել են կամ բարձր աստիճանի պատրաստության կարգավիճակում են համապատասխան նորմատիվ իրավական ակտեր։

Աշխատանքի ուժեղացմանը նպաստել են ԵՏՀ Կոլեգիայի կողմից ընդունված Եվրասիական տնտեսական միության ներքին շուկայում խոչընդոտների որակավորման և արգելքներն ու սահմանափակումները վերացված ճանաչելու մեթոդաբանության նորացված խմբագրությունում ամրագրված մոտեցումները: Նորարարությունները նախատեսում են խոչընդոտների դիտարկման օպտիմալացված ժամկետներ և կատարելագործման մեխանիզմ, դրանց վերացված ճանաչելու լրամշակված կարգեր, ինչպես նաև Միության ներքին շուկայում արգելքների նշանների առկայության հետ կապված իրավիճակների կարգավորմանն ուղղված հաշտարարության ընթացակարգ:

«Մեդիատիվ մոտեցումների, այսպես կոչված մեղմ իրավունքի կիրառումը և անդամ պետությունների հետ փոխգործակցության ամրապնդումը կրկնապատկել են արգելքների վերացման տեմպերը, - նշել է Եվրասիական տնտեսական հանձնաժողովի ներքին շուկաների, տեղեկատվայնացման, տեղեկատվահաղորդակցական տեխնոլոգիաների նախարար Վարոս Սիմոնյանը։ - Մեդիատիվ ընթացակարգերի շնորհիվ այս տարի մենք արդեն վերացրել ենք հինգ խոչընդոտ նախքան դրանք որպես արգելք որակելը, մեկ խոչընդոտի մասով ազգային ակտ է ընդունվել այն վերացնելու համար, յոթ խոչընդոտի մասով կատարվում է դրանց վերացնելու համար ազգային ակտերի նախապատրաստման և ընդունման աշխատանք»։

Միջկառավարական խորհուրդը բարձր է գնահատել խոչընդոտների վերացման նոր մոտեցումը, աշխատանքը կշարունակվի։

Նավիգացիոն կապարակնիքների կիրառման փորձերի արդյունքները կամփոփվեն մինչև 2023 թվականի վերջ

Եվրասիական միջկառավարական խորհրդի անդամները քննարկել են էլեկտրոնային նավիգացիոն կապարակնիքների կիրառման փորձերի իրականացման ընթացքը։ Որոշվել է դրանց արդյունքներն ամփոփել այս տարեվերջին։

Ընթացիկ տարվա հունիսի 6-ին մեկնարկել է երկաթուղային և (կամ) ավտոմոբիլային տրանսպորտի տեսակներով փոխադրվող փոխադարձ առևտրի ապրանքների նկատմամբ նավիգացիոն կապարակնիքների կիրառման փորձը: Նոր նախագծին մասնակցում են Ղազախստանի Հանրապետությունը, Ղրղզստանի Հանրապետությունը և Ռուսաստանի Դաշնությունը։

Փորձն իրականացվում է արտաքին տնտեսական գործունեության կողմերին և մասնակիցներին այս տարվա ապրիլի 3-ին ուժի մեջ մտած Եվրասիական տնտեսական միությունում փոխադրումների հետագծման համար նավիգացիոն կապարակնիքների կիրառման մասին համաձայնագրի գործնական իրականացմանը նախապատրաստելու համար:

Փոխադրողները փորձին մասնակցում են կամավոր և անհատույց:

Բացի այդ, այս տարվա փետրվարի 13-ից իրականացվում է նավիգացիոն կնիքների կիրառման փորձը Բելառուսի Հանրապետությունում արտահանման մաքսային ընթացակարգով գրանցված և Ռուսաստանի Դաշնության տարածքից մեկնող փայտանյութի և փայտամշակման արտադրանքի նկատմամբ: Այս փորձի հաջող իրականացման կապակցությամբ դրա իրականացման ժամկետը, որն ի սկզբանե նախատեսված էր մինչև 2023 թվականի հունիսի 30-ը, երկարաձգվել է մինչև տարեվերջ։

Կատարվող փորձերի շրջանակներում նավիգացիոն կապարակնիքների կիրառման տեխնոլոգիայի մշակումը թույլ կտա արդեն 2024 թվականի հունվարից սահուն անցում կատարել Եվրասիական տնտեսական միության ամբողջ տարածքում ապրանքների առանձին կատեգորիաների նկատմամբ (ալկոհոլ, ծխախոտային արտադրատեսակներ և պատժամիջոցային արտադրանք) նավիգացիոն կապարակնիքների կիրառմանը:

Եվրասիական տնտեսական հանձնաժողովը շարունակական հիմունքներով կողմերին անհրաժեշտ գործառնական աջակցություն է տրամադրում փորձերի կազմակերպման ընթացքում ծագած հարցերի առնչությամբ։

Բակիտժան Սագինտաև. «2022 թվականին ԿԱԳ մասին դրական եզրակացությունների մասնաբաժինը հասել է առավել բարձր մակարդակին՝ 97%»:

Եվրասիական տնտեսական միության երկրների կառավարությունների ղեկավարներին ներկայացվել է հաշվետվություն 2021 թվականին Եվրասիական տնտեսական հանձնաժողովի որոշումների նախագծերի կարգավորող ազդեցության գնահատման (ԿԱԳ) անցկացման մշտադիտարկման մասին։

Հանձնաժողովի կարգավորող ակտիվության աճի մասին վկայում է այն նախագծերի թվի զգալի աճը, որոնց համար ԿԱԳ ընթացակարգն անցկացվել է 2022 թվականին. 32%-ով՝ հանրային քննարկում անցած նախագծերի մասով, 49%-ով՝ ԿԱԳ մասին եզրակացություն ստացած նախագծերի մասով:

Արձանագրվել է Միության երկրների գործարար և փորձագիտական շրջանակների ԿԱԳ ընթացակարգում ներգրավվածության մակարդակի աճ 20%-ով։ Բիզնեսից ստացված առաջարկների 50%-ը հաշվի է առնվել Հանձնաժողովի որոշումների նախագծերի լրամշակման ընթացքում։

«Անցյալ տարի ԿԱԳ մասին դրական եզրակացությունների մասնաբաժինը հասել է առավել բարձր մակարդակին (2015 թվականից ի վեր)՝ 97%», - նշել է ԵՏՀ էկոնոմիկայի և ֆինանսական քաղաքականության նախարար Բակիտժան Սագինտաևը։

Բիզնեսի վարման պայմանների վրա կարգավորման ազդեցության գնահատման գործիքի հետագա կատարելագործման համար Մինչև 2025 թվականը եվրասիական տնտեսական ինտեգրման զարգացման ռազմավարական ուղղությունների իրականացման շրջանակներում նախապատրաստվել է Հանձնաժողովի աշխատակարգի փոփոխությունների նախագիծը, որոնք նախատեսում են Հանձնաժողովի ընդունված որոշումների փաստացի ազդեցության գնահատման և ԵԱՏՄ շրջանակներում միջազգային պայմանագրերի նախագծերի ԿԱԳ ընթացակարգերի անցկացման կարգի սահմանում։ Այդ ընթացակարգերի ներդրումը նախատեսվում է 2024 թվականից։

Տեղեկանք

ԿԱԳ-ը ձեռնարկատիրական գործունեության վարման պայմանների վրա ԵՏՀ որոշումների նախագծերի ազդեցության գնահատման ընթացակարգ է, դրա անցկացման ժամանակ հաշվի է առնվում Միության երկրների բիզնեսի դիրքորոշումը:

ԿԱԳ-ի ընթացակարգը բաղկացած է երկու փուլից. ընթացիկ գնահատումից՝ ԵՏՀ-ի որոշման նախագծի՝ Միության կայքում 30 օրացուցային օրվանից ոչ պակաս տևողությամբ հանրային քննարկումից և ամփոփիչ գնահատումից՝ ԵՏՀ-ի հատուկ ստեղծված աշխատանքային խմբի կողմից ԿԱԳ-ի մասին եզրակացության նախապատրաստումից։

ԵԱՏՄ-ն անցնում է ծովային անցակետերում էլեկտրոնային փաստաթղթաշրջանառության զարգացման երկրորդ փուլին

Եվրասիական միջկառավարական խորհուրդը հունիսի 8-ին Սոչիում կայացած նիստում հաստատել է Եվրասիական տնտեսական միության պետությունների ծովային անցակետերում էլեկտրոնային փաստաթղթաշրջանառության զարգացման 2023-2025 թվականների պլանը:

2021-2022 թվականներին պետությունների ծովային անցակետերում էլեկտրոնային փաստաթղթաշրջանառության զարգացման առաջին փուլի արդյունքների հիման վրա վերլուծվել է Միության իրավունքը և անդամ պետությունների ազգային ռազմավարությունները, ծովային անցակետերում թվային տեխնոլոգիաների կիրառման միջազգային փորձը և ընթացիկ իրավիճակը։

2023-2025 թվականների պլանը ներառում է հինգ միջոցառում՝ առաջին փուլի արդյունքների հիման վրա: Այսպես, նախատեսվում է ամբողջությամբ անցնել էլեկտրոնային փաստաթղթաշրջանառությանը և ծովային անցակետերում թվային տեխնոլոգիաների կիրառմանը և ապահովել տվյալների միասնականացումը էլեկտրոնային փաստաթղթաշրջանառության շրջանակներում։

«Թղթային կրիչով փաստաթուղթ օգտագործելուց հրաժարվելը պայմաններ կստեղծի ծովային նավահանգիստներով անխափան փոխադրումների համար, ինչն իր հերթին կբարձրացնի տրանսպորտային միջանցքների և երթուղիների արդյունավետությունը», - նշել է Եվրասիական տնտեսական հանձնաժողովի էներգետիկայի և ենթակառուցվածքի նախարար Արզիբեկ Կոժոշևը:

ԵՄԿԽ-ն որոշում է կայացրել ԵԱՏՄ ընդհանուր էլեկտրաէներգետիկ շուկայում առաջիկա օր առաջ էլեկտրաէներգիայի կենտրոնացված առևտրի օպերատորի վերաբերյալ

Հունիսի 8-ին Սոչիում կայացած Եվրասիական միջկառավարական խորհրդի նիստում կառավարությունների ղեկավարները համաձայնեցրել են Եվրասիական տնտեսական միության ընդհանուր էլեկտրաէներգետիկ շուկայում (ԸԷՇ) էլեկտրաէներգիայի օր առաջ կենտրոնացված առևտրի օպերատորին: Նման օպերատոր կլինի «Էլեկտրաէներգիայի մեծածախ շուկայի առևտրային համակարգի ադմինիստրատոր» ԲԸ-ն (Ռուսաստանի Դաշնություն):

Օպերատորի խնդիրն է ԵԱՏՄ ԸԷՇ-ում «օր առաջ» աճուրդի կազմակերպումն է: Սա էլեկտրաէներգիայի սփոթային առևտրի առանձնահատուկ մեխանիզմ է, որի դեպքում բորսայական մեխանիզմների օգտագործմամբ որոշվում է տվյալ էներգառեսուրսի մատակարարման գինը հաջորդ օրվա յուրաքանչյուր ժամի համար։

«Օր առաջ առևտուրը թույլ է տալիս որոշել էլեկտրաէներգիայի գնային ցուցիչները, որոնք օգտագործվում են երկարաժամկետ պայմանագրերում դրա գները որոշելիս, ինչպես նաև բարելավել էլեկտրաէներգետիկ օբյեկտների աշխատանքի պլանավորումը, ինչը մեծացնում է տնտեսության և բնակչության էլեկտրամատակարարման հուսալիությունը», - նշել է Եվրասիական տնտեսական հանձնաժողովի էներգետիկայի և ենթակառուցվածքի նախարար Արզիբեկը Կոժոշևը:

Բացի այդ, օպերատորին կհանձնարարվի գրանցման գործառույթներ իրականացնել էլեկտրաէներգիայի ընդհանուր շուկայում և որոշել էլեկտրահաղորդման միջպետական գծերի ազատ թողունակությունը։

Այժմ ԵՏՀ Խորհուրդը պետք է համապատասխան կարգադրություն ընդունի։

Միևնույն ժամանակ, ԵՄԿԽ անդամները պայմանավորվել են ուժեղացնել ԵԱՏՄ անդամ պետությունների Լիազոր մարմինների ղեկավարների խորհրդի լիազորությունները էներգետիկայի ոլորտում։ Պրոֆիլային նախարարները պետք է վերահսկեն ԵԱՏՄ ընդհանուր էլեկտրաէներգետիկ շուկայում օր առաջ օպերատորի գործողությունները շուկայի բոլոր մասնակիցների համար ոչ խտրական պայմաններ ապահովելու համար։

Տեղեկանք

Ավելի վաղ ԵՏՀ Խորհրդի 2022 թվականի նոյեմբերի 25-ի № 48 կարգադրությամբ «Բելառուսի ունիվերսալ ապրանքային բորսա» ԲԸ-ն, «Ղազախստանի էլեկտրաէներգիայի և հզորության շուկայի օպերատոր» ԲԸ-ն և «Սանկտ Պետերբուրգի միջազգային ապրանքահումքային բորսա» ԲԸ-ն որոշվել են որպես ԵԱՏՄ ԸԷՇ ժամկետային պայմանագրերով էլեկտրաէներգիայի կենտրոնացված առևտրի օպերատորներ: Նշված կազմակերպություններն արդեն սկսել են աշխատել իրենց առևտրային համակարգերը ԵԱՏՄ ԸԷՇ-ում ժամկետային պայմանագրերով էլեկտրաէներգիայի առևտրի կազմակերպմանը նախապատրաստելու ուղղությամբ:

ԵԱՏՄ երկրների կառավարությունների ղեկավարները հանձնարարել են մշակել կլիմայական օրակարգի հարցերի կարգավորման մոտեցումներ

Սոչիում Եվրասիական միջկառավարական խորհուրդը քննարկել է Կլիմայական օրակարգի շրջանակներում Եվրասիական տնտեսական միության երկրների համագործակցության միջոցառումների առաջին փաթեթի («Ճանապարհային քարտեզի») իրականացման հարցը։

Նշված աշխատանքի շրջանակներում Եվրասիական տնտեսական հանձնաժողովը նախապատրաստել է համալիր զեկույց ԵԱՏՄ անդամ պետությունների և հիմնական առևտրային գործընկերների ցածր ածխածնային զարգացման ոլորտի ազգային օրենսդրության վերլուծության վերաբերյալ։

Ելնելով այս փաստաթղթի եզրակացություններից՝ Միության երկրների կառավարությունների ղեկավարները հանձնարարել են մշակել ԵԱՏՄ շրջանակներում կլիմայական օրակարգի հարցերի կարգավորման մոտեցումներ, որոնք նախատեսում են կոոպերացիոն կլիմայական նախագծերի իրականացում, ինչպես նաև ցածր ածխածնային զարգացման խթանում։

«Մասնավորապես, խոսքը կարող է լինել շահագրգիռ անդամ պետությունների և երրորդ կողմերի կողմից կլիմայական կոոպերացիոն նախագծերի իրականացման արդյունքների շրջանառության համար պայմաններ ստեղծելու մասին՝ հաշվի առնելով միջազգային միտումները։ Հնարավոր է նաև կլիմայի պաշտպանության ոլորտում վավերացման և ստուգման մարմինների հավատարմագրման ազգային համակարգերի նկատմամբ համաձայնեցված մոտեցումների ձևավորում՝ հիմք ընդունելով լավագույն միջազգային պրակտիկաները և հիմնական առևտրային գործընկերների փորձը», - նշել է ԵՏՀ առևտրի նախարար Անդրեյ Սլեպնևը։

Բացի այդ, տվյալ մոտեցումների շրջանակներում կմշակվեն անդամ պետությունների տարբեր կլիմայական կարգավորմամբ պայմանավորված սահմանափակումներ և խոչընդոտներ թույլ չտալու առաջարկներ, ներառյալ տնտեսությունների ածխածնազերծման պլանների վերաբերյալ տեղեկատվության համակարգումը և փոխանակումը:

Համապատասխան մոտեցումները նախատեսվում է Միության մարմինների քննարկմանը ներկայացնել 2024 թվականի 1-ին կիսամյակում։

Տեղեկանք

Կլիմայական օրակարգի շրջանակներում Եվրասիական տնտեսական միության անդամ պետությունների միջև համագործակցության միջոցառումների առաջին փաթեթը («Ճանապարհային քարտեզը»), որն ընդունվել է 2022 թվականի հոկտեմբերի 21-ին կայացած Եվրասիական միջկառավարական խորհրդի նիստում, նախապատրաստվել է Միության անդամ պետությունների դիրքորոշումների մերձեցման առաջարկներ մշակող բարձր մակարդակի աշխատանքային խմբի կողմից, որը ստեղծվել է ի կատարումն ԵՄԿԽ 2021 թվականի օգոստոսի 20-ի № 10 կարգադրության։

Կառավարությունների ղեկավարները հաստատել են ԵԱՏՄ անդրսահմանային շուկաներում մրցակցության վիճակի մասին 2022 թվականի տարեկան հաշվետվությունը

Եվրասիական միջկառավարական խորհրդի կարգադրությամբ հավանության է արժանացել Անդրսահմանային շուկաներում մրցակցության վիճակի մասին և դրանցում մրցակցության ընդհանուր կանոնների խախտումները կանխելու ողղությամբ ձեռնարկվող միջոցների մասին 2022 թվականի տարեկան հաշվետվությունը:

Իրականացնելով հակամենաշնորհային արձագանքման միջոցներ՝ նախորդ տարի Եվրասիական տնտեսական հանձնաժողովը քննարկել է 26 դիմում մրցակցության կանոնների խախտման 26 մասին, իրականացրել 12 հակամենաշնորհային հետաքննություն, որոնցից 7-ը նշանակվել է Հանձնաժողովի սեփական նախաձեռնությամբ։ Դրանք առնչվել են փորձարկման լաբորատորիաների կողմից մատուցվող ծառայությունների շուկային, որոշ տեսակի սերմացուի, թղթի, թեթև մարդատար մեքենաների իրացման շուկաներին։

Քննարկվել է 13 գործ, որոնցից 3-ը հարուցվել է կատարվող հետաքննությունների շրջանակներում ԵՏՀ պահանջով Եվրասիական տնտեսական միության երկրների տնտեսավարող սուբյեկտների կողմից տեղեկատվություն չտրամադրելու փաստով։

Ավարտված գործերի արդյունքներով Հանձնաժողովի Կոլեգիան ընդունել է 5 որոշում։ Դրանցից երեքով ԵԱՏՄ երկրների տնտեսավարող սուբյեկտներին տուգանքներ են նշանակվել և մատնանշվել է հակամրցակցային պրակտիկաների վերացման անհրաժեշտությունը, երկուսով որոշումներ են կայացվել խախտումների փաստերի բացակայության մասին։

2022 թվականին Հանձնաժողովն ակտիվորեն կիրառել է «մեղմ իրավունքի» գործիքները՝ նախազգուշացումը և զգուշացումը, որոնք թույլ են տալիս վերականգնել մրցակցությունը անդրսահմանային շուկաներում առանց կոշտ պատժամիջոցների։ 

«Նախազգուշացման օգտագործմամբ մեզ հաջողվել է վերականգնել մրցակցությունը ութ անդրսահմանային շուկաներում։ Դրանց թվում են թեյի (Greenfield, TESS ապրանքանիշեր), ծրագրային ապահովման (հավելված անչափահասների հետագծման համար), կաթնաթթվային ըմպելիքների («Իմունելե» ապրանքանիշ), կոսմետիկ ապրանքների և այլ շուկաներ», - մեկնաբանելով հաշվետվությունը, նշել է ԵՏՀ մրցակցության և հակամենաշնորհային կարգավորման նախարար Բախիթ Սուլթանովը:

Նախարարը նաև հայտնել է, որ հնարավոր խախտումները կանխելու նպատակով անցած տարի Հանձնաժողովը 9 նախազգուշացում է տվել ընկերությունների ղեկավարներին (բժշկական, զբոսաշրջային ծառայությունների, բրնձի, պլաստմասսայի, բամբակյա արտադրանքի, գարեջրային արտադրանքի, ավտոմեքենաների իրացման ոլորտում) ԶԼՄ-ներում այնպիսի հայտարարություններով հանդես գալու համար, որոնք կարող էին հանգեցնել մրցակցության խեղաթյուրման կամ խախտման:

ԵԱՏՄ-ի մասին պայմանագրի պահանջների կատարման շրջանակներում երկրները Հանձնաժողով են ուղարկել վեց ծանուցում որոշ տեսակի ապրանքների նկատմամբ պետական գնային կարգավորման ներդրման վերաբերյալ։ Գործող կարգին համապատասխան՝ ԵՏՀ կողմից հինգ խորհրդակցություն է անցկացվել պետական գնային կարգավորման ներդրման և երկարաձգման հիմքերը պարզելու համար։ Առանձին երկրների կողմից գնային կարգավորման միջոցների ներդրման արդյունքում Միության անդրսահմանային շուկաներում մրցակցության սահմանափակումներ Հանձնաժողովը չի հայտնաբերել:

Շարունակվում է աշխատանքը ԵՏՀ-ի և մրցակցության ոլորտում լիազորված վերազգային ու տարածաշրջանային կազմակերպությունների միջև միջազգային համագործակցության զարգացման ուղղությամբ։ 2022 թվականի հուլիսին տարածաշրջանային կազմակերպությունների հանդիպման շրջանակներում Եվրասիական տնտեսական հանձնաժողովի և Արևելյան և Հարավային Աֆրիկայի ընդհանուր շուկայի մրցակցային հանձնաժողովի (ԿՕՄԵՍԱ) միջև ստորագրվել է Մրցակցային քաղաքականության և իրավակիրառության ոլորտում փոխըմբռնման հուշագիր։

Զեկույցի առանձին բաժինը նվիրված է մրցակցության ոլորտում Միության իրավունքի կատարելագործման ուղղությամբ կատարված աշխատանքին: Հանձնաժողովը մշակել է Տնտեսավարող սուբյեկտի կողմից հակամրցակցային համաձայնագրի կնքման կամ դրան մասնակցելու մասին ինքնակամ հայտարարելու դեպքում պատասխանատվությունից ազատելու կարգի նախագիծը։ Նախապատրաստվել են Տուգանքների մեթոդաբանության «կետային» փոփոխություններ, որոնք նախատեսում են մրցակցային կանոնները խախտողի նկատմամբ պատասխանատվության միջոցներ կիրառելու հնարավոր ժամկետի ավելացում՝ 3-ի փոխարեն այն կկազմի 5 տարի։

Միջկառավարական խորհուրդը հավանության է արժանացրել ԵԱՏՄ-ում տրանսպորտային ենթակառուցվածքի զարգացման պլանները

Հունիսի 8-ին Սոչիում կայացած նիստում Եվրասիական միջկառավարական խորհուրդը քննարկել է Եվրասիական տնտեսական միության պետությունների տարածքներում «Արևելք-Արևմուտք» և «Հյուսիս-Հարավ» ուղղություններով տրանսպորտային ենթակառուցվածքի ստեղծման և զարգացման հարցը, այդ թվում՝ չինական «Մեկ գոտի, մեկ ուղի» նախաձեռնության հետ զուգակցման շրջանակներում։ Տարեկան կտրվածքով նման զեկույցի նախապատրաստումը նախատեսված է Ռազմավարություն-2025-ով:

Ինչպես նշվում է փաստաթղթում, 2022 թվականին բարձր աշխարհաքաղաքական լարվածության պայմաններում սկսվել է եվրասիական տարածքում լոգիստիկայի և միջազգային տրանսպորտային միջանցքների կոնֆիգուրացիայի փոփոխությունը։

«Բեռների փոխադրման ուղիները տարբերակման անհրաժեշտությունը նոր հնարավորություններ է բացել Չինաստանի, Հնդկաստանի, Իրանի, Պակիստանի և Մերձավոր Արևելքի երկրների հետ համագործակցության զարգացման համար, - ասվում է զեկույցում։ - Այս պայմաններում կողմերի և Հանձնաժողովի ջանքերն ուղղված են եվրասիական տրանսպորտային միջանցքների զարգացմանը և տրանսպորտի ոլորտում գերակա ինտեգրացիոն ենթակառուցվածքային նախագծերի իրականացմանը»։

Եվրասիական տրանսպորտային միջանցքների և երթուղիների տրանսպորտային ենթակառուցվածքի զարգացման աշխատանքների համակարգումն իրականացվում է վերազգային և ազգային մակարդակներում՝ ենթակառուցվածքային զարգացման ազգային պլաններին և ռազմավարություններին համապատասխան: Այսպես, Հայաստանում նախատեսվում է իրականացնել 556 կմ երկարությամբ «Հյուսիս-Հարավ» ավտոճանապարհային միջանցքի կառուցման նախագիծ, Բելառուսի Հանրապետությունում՝ մինչև 2025 թվականը վերանորոգումից և վերակառուցումից հետո շահագործման հանձնել 664,39 կմ ավտոմոբիլային ճանապարհներ, էլեկտրիֆիկացված երկաթուղիների մասնաբաժինը մինչև 25% ավելացնելու նախագծեր: Ղազախստանը նախատեսում է մինչև 2025 թվականը վերակառուցել մոտ 12 հազ. կմ ավտոմոբիլային ճանապարհ, կառուցել ավելի քան 900 կմ և էլեկտրիֆիկացնել ավելի քան 800 կմ երկաթուղի։ Ղրղզստանը նախատեսում է մինչև 2025 թվականը վերակառուցել միջազգային տրանսպորտային միջանցքների մաս կազմող 1650 կմ ավտոմոբիլային ճանապարհ, կառուցել 186 կմ երկարությամբ Բալիկչի - Կոչկոր - Կարա-Կեչե երկաթուղին և էլեկտրիֆիկացել 321,5 կմ երկարությամբ Լուգովայա -Ռիբաչյե (Բալիկչի) երկաթուղային գիծը: Ռուսաստանը նախատեսում է մինչև 2024 թվականի վերջ կառուցել և վերակառուցել 8,5 հազ. կմ ավտոճանապարհ, վերանորոգել ավելի քան 77 հազ. կմ տարածաշրջանային և դաշնային ճանապարհներ. մինչև 2025 թվականը 1,9 հազ. կմ ընդհանուր երկարությամբ նոր երկաթուղային գծերի կառուցում, 6,5 հազ. կմ ընդհանուր երկարությամբ լրացուցիչ գլխավոր ուղիների կառուցում, 1,8 հազ. կմ ընդհանուր երկարությամբ գործող երկաթուղային գծերի էլեկտրիֆիկացում։

Զեկույցում նշվում է, որ 2022 թվականին Հանձնաժողովի կողմից ծրագրված բոլոր միջոցառումներն իրականացվել են։ Ինչ վերաբերում է 2023 թվականին, ապա ԵՏՀ-ն նախատեսում է մշակել «խցանների» ցուցակի ձևավորման հարցերը և դրանց վերացման համար անհրաժեշտ ֆինանսավորումը գնահատելու մոտեցումները։ Նախատեսվում է նաև շարունակել աշխատանքը ԵԱՏՄ շրջանակներում տրանսպորտի ոլորտի գերակա ինտեգրացիոն ենթակառուցվածքային նախագծերի իրականացման և տրանսպորտային միջանցքների թվայնացման ուղղությամբ։

«Միությունում ապրանքների ազատ տեղաշարժի ապահովումը և ներքին մաքսային սահմանների բացակայությունը, տրանսպորտի ոլորտում ԵԱՏՄ անդամ պետությունների տնտեսական ինտեգրումը և նրանց մոտ զարգացած տրանսպորտային ենթակառուցվածքի առկայությունը ժամանակակից պայմաններում կարող են դառնալ առանցքային կայունացնող գործոն անդամ պետությունների տնտեսությունների համար»,- կարծում է ԵՏՀ էներգետիկայի և ենթակառուցվածքի նախարար Արզիբեկ Կոժոշևը։

ԵԱՏՄ-ում սկսվել է թվային օրակարգի վերաձևակերպում

Հունիսի 8-ին Սոչիում՝ Եվրասիական միջկառավարական խորհրդի նիստում Եվրասիական տնտեսական միության երկրների կառավարությունների ղեկավարները հավանություն են տվել ԵԱՏՄ ինտեգրված տեղեկատվական համակարգի և Միության թվային օրակարգի հետագա զարգացման մասին զեկույցին, ինչպես նաև ընդունել ԵԱՏՄ մասին պայմանագրով սահմանված համագործակցության ոլորտների թվային փոխակերպման հետագա քայլերը նախատեսող կարգադրություն։

Տարվա ընթացքում Եվրասիական տնտեսական հանձնաժողովը մշակել և հաստատել է այնպիսի կարևոր փաստաթղթեր, ինչպիսիք են Մինչև 2027 թվականը Միության ինտեգրված համակարգի (ԻՏՀ) զարգացման նպատակային ծրագիրը և դրա մշակման Տեխնիկական առաջադրանքը:

Շարունակվում է Միության ինտեգրված տեղեկատվական համակարգի միջոցով տնտեսության տարբեր ոլորտներում անդրսահմանային փոխգործակցության ավտոմատացման աշխատանքը:

77 ընդհանուր գործընթացից ժամանակացույցին համապատասխան ապահովվել է 51 ընդհանուր գործընթացի տեխնիկական պատրաստություն (որից 26-ը գործարկվել է, կատարվել է երկրների միացում և կազմակերպվել տվյալների փոխանակում, ևս 25-ը տեխնիկապես լիարժեք պատրաստ են երկրների միացմանը), մինչև այս տարվա վերջ կապահովվի ևս 19 ընդհանուր գործընթացի պատրաստությունը։

ԵԱՏՄ-ում թվայնացման հիմքը կդառնա ԻՏՀ-ն, որի հիման վրա կիրականացվեն թվային նախագծեր։ Միջկառավարական խորհրդի ընդունած կարգադրությունը տալիս է Միության շրջանակներում թվային օրակարգի ենթակառուցվածքային ապահովման ճանապարհային քարտեզի նախապատրաստման աշխատանքների մեկնարկը:

«Բոլոր տեսակի փոխգործակցության (G2G, B2G, B2B, C2G, C2B, EEU2S) լիաձևաչափ ապահովումը՝ Մինչև 2027 թվականը Միության ԻՏՀ զարգացման նպատակային ծրագրին համապատասխան, կդառնա թվային օրակարգի հիմքը», - նշվում է փաստաթղթում։ 

Տեղեկանք

Եվրասիական տնտեսական միության շրջանակներում ընդհանուր գործընթացը՝ ԵԱՏՄ իրավունքը կազմող միջազգային պայմանագրերով և ակտերով, ԵԱՏՄ պետությունների օրենսդրությամբ կանոնակարգված (սահմանված) գործողություններ և ընթացակարգեր են, որոնք սկսվում են մի անդամ պետության տարածքում և ավարտվում են (փոփոխվում են) Միության մյուս անդամ պետության տարածքում։

2-րդ Եվրասիական տնտեսական համաժողովի արդյունքները

2-րդ Եվրասիական տնտեսական համաժողովը կայացել է մայիսի 24-ից 25-ը Մոսկվայում և համընկել Եվրասիական տնտեսական միության անդամ պետությունների և դիտորդ պետությունների ղեկավարների մասնակցությամբ անցկացվող Եվրասիական տնտեսական Բարձրագույն խորհրդի նիստի հետ։ Միջոցառումներն անցկացվել են 2023 թվականին Եվրասիական տնտեսական միության մարմիններում Ռուսաստանի Դաշնության նախագահության շրջանակներում: Համաժողովի կարգախոսն է «Եվրասիական ինտեգրումը բազմաբևեռ աշխարհում»։

Գործարար ծրագիր

Համաժողովի գործարար ծրագիրը բաղկացած էր շուրջ 35 նստաշրջանից: Հիմնական թեմաներն էին ԵԱՏՄ-ում ինտեգրացիոն գործընթացների առավել արդիական և պահանջված հարցերը, այդ թվում՝ երկարաժամկետ պլանավորման նոր փաստաթղթերի նախապատրաստումը և մինչև 2030 և 2045 թվականներն ընկած ժամանակահատվածի համար ինտեգրացիոն փոխգործակցության հիմնական ուղղությունների սահմանումը, հեռավոր արտասահմանի երկրների հետ ԵԱՏՄ համագործակցության զարգացումը, մաքսային կարգավորումը, ԵԱՏՄ ներքին շուկայի հեռանկարները, ինչպես նաև թվային փոխակերպումը և միջազգային հաշվարկների մեխանիզմների կատարելագործումը։

Միջոցառումները բաժանված էին յոթ թեմատիկ ուղղությունների՝

                «Մարդկային կապիտալ»,

                «Տեխնոլոգիաներ և կոոպերացիա»,

                «ԵԱՏՄ-ն փոփոխվող աշխարհում»,

                «Եվրասիական կապակցվածությունը»,

                «ԵԱՏՄ ներքին շուկա. մաքսային համագործակցություն, մրցակցություն և պետական գնումներ»,

                «Ռազմավարական բլոկ»,

                ԵԱՏՄ Գործարար խորհրդի բլոկ:

Գործարար ծրագրի շրջանակներում կայացել են նաև՝

                ԵԱՏՄ Գործարար խորհրդի նախագահության նիստը,

                «ԵԱՏՄ ներքին շուկա. մարտահրավերներ և

զարգացման հեռանկարներ» գործարար նախաճաշը,

                «Նոր հնարավորություններ Եվրասիայում միջազգային համագործակցության զարգացման համար» ՌՆԳ գործարար նախաճաշը,

                «ԵԱՏՄ — Ինդոնեզիա» բիզնես երկխոսությունը,

                «ԵԱՏՄ — Ինդոնեզիա» բիզնես երկխոսության գործարար նախաճաշը,

                «ԵԱՏՄ — Ինդոնեզիա» ոլորտային նախագծերի ներկայացումը։

Լիագումար նստաշրջան

2-րդ Եվրասիական տնտեսական համաժողովի առանցքային միջոցառումը լիագումար նստաշրջանն է։ Միջոցառմանը մասնակցել են Ռուսաստանի Դաշնության նախագահ Վլադիմիր Պուտինը, Բելառուսի Հանրապետության նախագահ Ալեքսանդր Լուկաշենկոն, Ղազախստանի Հանրապետության նախագահ Կասիմ-Ժոմարտ Տոկաևը, Ղրղզստանի Հանրապետության նախագահ Սադիր Ժապարովը, Հայաստանի Հանրապետության փոխվարչապետ Մհեր Գրիգորյանը, Եվրասիական տնտեսական հանձնաժողովի Կոլեգիայի նախագահ Միխայիլ Մյասնիկովիչը:

Որպես մոդերատորն հանդես է եկել «Ռուսաստանի արդյունաբերողների և ձեռնարկատերերի միություն» համառուսաստանյան հասարակական կազմակերպության նախագահ, ԵԱՏՄ նախագահության ղեկավար, Գործարար խորհրդի նախագահ Ալեքսանդր Շոխինը:

Մհեր Գրիգորյան. «Մեր Միության տարածքը բնական պաշարներով և օգտակար հանածոներով իր հագեցածությամբ ամենահարուստներից է աշխարհում։ Բայց մեր ամենաարժեքավոր հարստությունը, անշուշտ, մարդիկ են։ Անկասկած, հենց մարդկանցից ու նրանց մոտիվացիայից է կախված նպատակներին հասնելու և մեր մրցակցային առավելության արդյունավետությունը: Մեր ինտեգրման հիմնական իմաստը, հաշվի առնելով բոլոր ֆորմալ սահմանումները, մարդկային կապիտալի՝ որպես Եվրասիայի գլխավոր ներուժի և ապագայի զարգացումն է»։

Ալեքսանդր Լուկաշենկո. «Վերջին շրջանում աշխարհն ապրում է մշտական լարվածության և անորոշության մթնոլորտում։ Արտասովոր պայմաններում կայուն տնտեսությունը միշտ էլ հզոր խարիսխ է։ Բայց այսօր ցանկացած պետության տնտեսական սահմաններն այնքան թափանցիկ են, և առևտրային ցանցերը՝ այնքան միահյուսված, որ տնտեսական կայունության միայնակ հասնելը գրեթե անհնարին խնդիր է որևէ պետության համար: Ուստի ցանկացած երկիր շահագրգռված է այնպիսի հզոր տարածաշրջանային և միջազգային միավորումներին մասնակցությամբ, ինչպիսիք են, օրինակ, ԵԱՏՄ, ՇՀԿ, ԲՐԻԿՍ, ԱՍԵԱՆ»։

Կասիմ-Ժոմարտ Տոկաև. «Անցյալ տարվա իրադարձությունները կրկին ակներևաբար ցույց տվեցին «Հյուսիս-Հարավ» տրանսպորտային միջանցքի՝ որպես նոր գլոբալ լոգիստիկայի հիմնական տարրի զարգացման կարևորությունը: Այս միջօրեական միջանցքը համահունչ է լայնական Անդրկասպյան միջազգային տրանսպորտային երթուղու հետ: Ուստի մենք զգալի սիներգիա ենք տեսնում երկու երթուղիների կոորդինացված և համակարգված զարգացման մեջ: Սա միայն արդյունաբերության, տրանսպորտի և տնտեսության աճի կետ չէ։ Տվյալ երթուղիները կարող են արմատապես փոխել փոխգործակցության և կոոպերացիայի մակարդակը հսկայական Եվրասիայի ներսում: <...> Իսկ ընդհանուր առմամբ առանց չափազանցնելու կարող ենք ասել, որ այժմ մենք, ըստ էության, Եվրասիայի նոր տրանսպորտային հիմնակմախք ենք ձևավորում, որը մինչ այդ երբեք գոյություն չի ունեցել»:

Սադիր Ժապարով. «Բիզնեսի շահերի պաշտպանությունը և պետության կողմից դրանց աջակցությունը առաջնահերթ խնդիր է ԵԱՏՄ բոլոր երկրներում։ Այս առումով, կարծում եմ, անհրաժեշտ է մշակել Միությունում բիզնես օմբուդսմենի ինստիտուտի ստեղծման նպատակահարմարության հարցը։ <...> Եվրասիական վարկանիշային գործակալության ստեղծումը ձեռնարկատիրության սուբյեկտների առջև կանգնած սահմանափակումների վերացմանը զուգահեռ թույլ կտար բարձրացնել եվրասիական տարածաշրջանի երկրների ֆինանսական անկախության մակարդակը և ակտիվացնել ներդրումային գործունեությունը»։

Վլադիմիր Պուտին. «Մենք տեսնում ենք, որ գլոբալ ասպարեզում իսկապես խորը, հիմնարար փոփոխություններ են տեղի ունենում։ Ավելի ու ավելի շատ պետություններ գնում են ազգային ինքնիշխանության ամրապնդման, ինքնուրույն, անկախ ներքին և արտաքին քաղաքականություն վարելու ուղղությամբ, հավատարիմ մնում զարգացման սեփական մոդելին: Եվ նրանք բոլորը կողմ են միջազգային տնտեսական հարաբերությունների նոր, ավելի արդար ճարտարապետության կառուցմանը, ձգտում են կառուցողականորեն ազդել համաշխարհային գործընթացների վրա, ընդլայնել գործընկերային կապերի ցանցը՝ հիմնված փոխադարձ շահավետության, հարգանքի և միմյանց շահերը հաշվի առնելու վրա»։

Միխայիլ Մյասնիկովիչ. «Զարգացման առանցքային խնդիրը հեռանկարում ներդրումային գործունեությունն է։ Անհրաժեշտ է ներմուծման փոխարինման համամիութենական ծրագիր։ Տեխնոլոգիական ինքնիշխանությունը ենթադրում է էլեկտրոնիկայի զարգացման, հաստոցաշինության, դեղերի արտադրության, քիմիական և կենսաբանական ձեռնարկությունների, բարձր տեխնոլոգիաների ստեղծման լայնածավալ խնդիրների լուծում: Անհրաժեշտ է որոշել ֆինանսավորման աղբյուրներն ու մոտիվացիոն մեխանիզմները այդ նպատակների համար»։

Մասնակիցներ

Համաժողովի աշխատանքին մասնակցել է ավելի քան 2700 մասնակից և ԶԼՄ ներկայացուցիչ Ռուսաստանից և 59 երկրներից ու տարածքներից։

Բարձրաստիճան պաշտոնատար անձանցից համաժողովի աշխատանքներին մասնակցել են Ռուսաստանի Դաշնության նախագահ Վլադիմիր Պուտինը, Բելառուսի Հանրապետության նախագահ Ալեքսանդր Լուկաշենկոն, Ղազախստանի Հանրապետության նախագահ Կասիմ-Ժոմարտ Տոկաևը, Ղրղզստանի Հանրապետության նախագահ Սադիր Ժապարովը:

Միջոցառմանը մասնակցել են նաև Հայաստանի Հանրապետության փոխվարչապետ Մհեր Գրիգորյանը, Բելառուսի Հանրապետության փոխվարչապետ Իգոր Պետրիշենկոն, Ղազախստանի Հանրապետության փոխվարչապետ, առևտրի և ինտեգրման նախարար Սերիկ Ժումանգարինը, Ղրղզստանի Հանրապետության նախարարների կաբինետի նախագահի առաջին տեղակալ Ադիլբեկ Կասիմալիևը, Ռուսաստանի Դաշնության կառավարության ղեկավարի տեղակալ Ալեքսեյ Օվերչուկը:

Համաժողովին մասնակցել է ինը նախարար, նրանց թվում են՝

Ռուսաստանի Դաշնության էներգետիկայի նախարար Նիկոլայ Շուլգինովը, Ղազախստանի էներգետիկայի նախարար Ալմասադամ Սատկալիևը, Ղրղզստանի էներգետիկայի նախարար Թաալայբեկ Իբրաևը, Ղրղզստանի աշխատանքի, սոցիալական ապահովության և միգրացիայի նախարար Կուդայբերգեն Բազարբաևը, Ղրղզստանի էկոնոմիկայի և առևտրի նախարար Դանիյար Ամանգելդիևը, Ղրղզստանի արդարադատության նախարար Այազ Բայետովը, Նիկարագուայի ֆինանսների և պետական վարկերի նախարար Իվան Ադոլֆո Ակոստա Մոնտալվանը, Բելառուսի Հանրապետության էկոնոմիկայի նախարար Ալեքսանդր Չերվյակովը, Բելառուսի Հանրապետության աշխատանքի և սոցիալական պաշտպանության նախարար Իրինա Կոստևիչը, Բելառուսի Հանրապետության էներգետիկայի նախարար Վիկտոր Կարանկևիչը, Բելառուսի Հանրապետության կրթության նախարար Անդրեյ Իվանեցը:

Համաժողովն այցելել են միջազգային կազմակերպությունների և միավորումների ղեկավարներ, այդ թվում՝

Շանհայի համագործակցության կազմակերպության գլխավոր քարտուղար Մին Չժանը, Եվրասիական տնտեսական միության Դատարանի նախագահ Էռնա Հայրիյանը, Հավաքական անվտանգության պայմանագրի կազմակերպության Խորհրդարանական վեհաժողովի պատասխանատու քարտուղար Սերգեյ Պոսպելովը, ԱՊՀ Էլեկտրաէներգետիկ խորհրդի Գործադիր կոմիտեի նախագահ Տարաս Կուպչիկովը, Անկախ Պետությունների Համագործակցության Գործադիր կոմիտեի գլխավոր քարտուղար Սերգեյ Լեբեդևը, Միութենական պետության Մշտական կոմիտեի պետական քարտուղար Դմիտրի Մեզենցևը:

Նստաշրջանի ընթացքում տեսաուղերձով հանդես է եկել Մեր Ամերիկայի ժողովուրդների համար Բոլիվարյան դաշինքի գործադիր քարտուղար Ֆելիքս Ռամոն Պլասենսիա Գոնսալեսը։

Հարթակն այցելել է նաև դիվանագիտական կորպուսի 13 ղեկավար։

Համաժողովին մասնակցել է մեծ պատվիրակություն Ինդոնեզիայից, բարձրաստիճան պաշտոնյաների թվում հարթակ են այցելել Ինդոնեզիայի էներգետիկայի և հանքային պաշարների նախարարի էներգետիկ անցման ներդրման արագացման ռազմավարության և էներգետիկ ենթակառուցվածքի զարգացման գծով հատուկ խորհրդական Էգօ Սյախրիալը, Ռուսաստանում Ինդոնեզիայի արտակարգ և լիազոր դեսպան Խոսե Անտոնիո Մորատո Տավարեշը, Մինահասայի (Ինդոնեզիա) կառավարության ռեգենտ Ռոյկե Օկտավիան Ռորինգը, Հյուսիսային Սուլավեսի նահանգի (Ինդոնեզիա) կառավարության նահանգապետ Օլի Դոնդոկամբեյը, Մանադո քաղաքի (Ինդոնեզիա) քաղաքապետ Անդրեյ Անգոուն:

Ընդհանուր առմամբ, Միջոցառման հարթակ են այցելել օտարերկրյա պաշտոնական պատվիրակությունների ներկայացուցիչներ 38 երկրից և տարածքից:

Համաժողովին մասնակցել են շուրջ 400 ընկերության ավելի քան 550 բիզնեսի ներկայացուցիչ։

ԵՏՀ-2023 գործընկեր երկիր

Համաժողովի գործընկեր երկիր է դարձել Ինդոնեզիայի Հանրապետությունը։ ԵՏՀ-2023-ի շրջանակներում մի շարք միջոցառումներ են անցկացվել այս երկրի իշխանության մարմինների և ձեռնարկատիրական համայնքի ներկայացուցիչների հետ։ «ԵԱՏՄ — Ինդոնեզիա» գործարար երկխոսության մասնակիցները քննարկել են համագործակցության խորացմանն առնչվող առաջնահերթ խնդիրները, կայուն ենթակառուցվածքի ստեղծման, ինչպես նաև մատակարարումների շղթաների ավելացման, թվային նախաձեռնությունների մշակման և ոչ սակագնային խոչընդոտների վերացման հարցերը։ Բիզնես երկխոսությունը շարունակվել է գործարար նախաճաշի և B2B միջոցառումների՝ նեթվորքինգ նստաշրջանի և ընկերությունների երկկողմ հանդիպումների ձևաչափով։

«Կանաչ Եվրասիա» միջազգային կլիմայական մրցույթ

Համաժողովի շրջանակներում տեղի է ունեցել «Կանաչ Եվրասիա» կլիմայական միջազգային մրցույթի հաղթողների պարգևատրում։ Մրցույթն անցկացրել է «Նոր նախագծերի առաջմղման ռազմավարական նախաձեռնությունների գործակալություն» ԻՈԱԿ-ն Եվրասիական տնտեսական հանձնաժողովի հետ համատեղ 10 անվանակարգում, որոնց թվում են «Մաքուր էներգիա և էներգաարդյունավետություն», »Մաքուր արդյունաբերություն», «Կայուն գյուղատնտեսություն», «Ցածր ածխածնային տրանսպորտ», Կանաչ շինարարություն», «Կանաչ ֆինանսավորում», «Թափոնների արդյունավետ գործածում», «Բնապահպանական մշակույթ և բնակչության ներգրավում կլիմայական օրակարգին», «Բնապահպանական և կլիմայական մշտադիտարկում» և «Պետական քաղաքականությունը ցածր ածխածնային զարգացման ոլորտում» անվանակարգերը։ Մրցույթի շրջանակներում առաջարկված նախագծերը գնահատել է մասնագիտական համայնքի ներկայացուցիչներից բաղկացած փորձագիտական խումբը:

Մրցանակաբաշխությանը մասնակցել են Հայաստանի Հանրապետության փոխվարչապետ Մհեր Գրիգորյանը, Ռուսաստանի Դաշնության կառավարության ղեկավարի տեղակալ Ալեքսեյ Օվերչուկը, Բելառուսի Հանրապետության փոխվարչապետ Իգոր Պետրիշենկոն։

Համաձայնագրեր

Եվրասիական տնտեսական հանձնաժողովի երիտասարդական խորհուրդը և Ռուսաստանի Դաշնության արտաքին գործերի նախարարության Երիտասարդ դիվանագետների խորհուրդը համագործակցության ծրագիր են ստորագրել։

Ռուսաստանի ԱԳՆ ՄԳԻՄՕ-ն, Բելառուսի պետական համալսարանը, Բելառուսի պետական տնտեսագիտական համալսարանը, Ղրղզստանի Հանրապետության ԱԳՆ Կ. Դիկամբաևի անվ. դիվանագիտական ակադեմիան և Երևանի պետական համալսարանը համաձայնագիր են ստորագրել Եվրասիական ինտեգրման ոլորտում կոնսորցիումի մասին։

Տեղեկատվական գործընկերներ

Որպես տեղեկատվական գործընկեր հանդես է եկել 31 լրատվամիջոց։

Հայաստան՝ Armenpress, Արմինֆո, «NovostiNK» ցանցային հանդես, «Նոյյան տապան» թերթ

Բելառուս՝ ԲԵԼՏԱ, «ՓրայմՓրես»

Ղազախստան՝ «DKNews», «Կազինֆորմ» ՄՏԳ, «24KZ» հեռուստաալիք

Ղրղզստան՝ ԷլՏՌ հեռուստաընկերություն, Աքչաբար, «ԱյՖ Ղրղզստան» թերթ, «Կոմսոմոլսկայա պրավդա» հրատարակչություն Ղրղզստան, «News-Asia» Կենտրոնական Ասիայի տեղեկատվական պորտալ, «Կաբար» ՂԱՏԳ, Ղրղզստանի Հանրապետության Ազգային հեռուստառադիոհեռարձակող կորպորացիա

Ռուսաստան՝ ՏԱՍՍ, ՌԻԱ «Նովոստի», Ֆեդերալ Փրես, Ինտերֆաքս, TV BRICS, NEWS.ru, «Պարլամենտսկայա գազետա», «Միր», «Ռոսիյսկայա գազետա», «Կոմսոմոլսկայա պրավդա» հրատարակչություն, «Լենտա.ru», «Գազետա.ru», «Սեկրետ ֆիրմի»

Իրան՝ IranPress

Միր՝ Sputnik

Համաժողովի օպերատոր

Համաժողովի օպերատորն էր Ռոսկոնգրես հիմնադրամը՝ սոցիալական ուղղվածություն ունեցող զարգացման ոչ ֆինանսական ինստիտուտը՝ միջազգային, կոնգրեսային, ցուցահանդեսային և հանրային միջոցառումների խոշորագույն կազմակերպիչը:

Եվրասիական տնտեսական Բարձրագույն խորհրդի 2023 թվականի մայիսի 25-ի նիստի արդյունքները

Ընդունվել է ԵԱՏՄ մասին պայմանագրի փոփոխությունների փաթեթը՝ 3-րդ Մեծ Արձանագրությունը: Դրա հիմնական նպատակն է իրավակիրառ պրակտիկայի ընթացքում հայտնաբերված իրավական կարգավորման բացերի վերացումը, Միության մասին պայմանագրում օգտագործվող եզրութաբանության հստակեցումը, Միության մարմիններին տեխնիկական կարգավորման, բուսասանիտարական միջոցների, Միությանը կից դիտորդ պետության կարգավիճակի, պետական գնումների մասով մի շարք լիազորություններ վերապահելը։

Պետությունների ղեկավարներին ներկայացվել են 2022 թվականին Ռազմավարություն-2025-ի իրականացման արդյունքները:

Ընդունվել է ԵԱՏՄ մասին պայմանագրում փոփոխություններ կատարելու մասին արձանագրությունը՝ արդյունաբերության ոլորտներում համատեղ կոոպերացիոն նախագծերի իրականացման ընթացքում ֆինանսական աջակցության մասով։ Համատեղ արդյունաբերական կոոպերացիոն նախագծերին ֆինանսական աջակցությունն իրականացվելու է միջազգային և ազգային ֆինանսական կազմակերպությունների կողմից տրվող վարկերի և փոխառությունների տոկոսադրույքների սուբսիդավորման հաշվին, դրանց ցանկը կսահմանի ԵՏՀ Խորհուրդը։

Պետությունների ղեկավարներին ներկայացվել է 2022 թվականին Եվրասիական տնտեսական միության միջազգային գործունեության հիմնական ուղղությունների իրականացման զեկույցը։ Համաշխարհային առևտրի և ներդրումների դանդաղման ֆոնին ԵԱՏՄ պետությունների համար զգալիորեն մեծացել է Ասիա-խաղաղօվկիանոսյան և մերձավորարևելյան տարածաշրջանների առևտրատնտեսական գործընկերների կարևորությունը. Միության արտաքին առևտրային շրջանառությունում աճել է Չինաստանի, Հնդկաստանի, Արաբական Միացյալ Էմիրությունների, Իրանի և այլ երկրների տեսակարար կշիռը։

Գերագույն խորհուրդը հավանություն է տվել զբոսաշրջության, օդերևութաբանության, մարկշեյդերական գործի, գույքի գնահատման, շինարարության և կինեմատոգրաֆիայի ոլորտներում ազատականացման պլանների իրականացման պարտադիր կատարման ենթակա զեկույցին։ Այն ներկայացնում է ազատականացման խնդիրները, ներառյալ կարգավորման բովանդակային համարժեքության, վարչական համագործակցությունը չափանիշները, և դրանց լուծման ուղիները։

ԵԱՏՄ-ն պատրաստվում է ապրանքների արտահանման և ներմուծման լիցենզիաների և թույլտվությունների էլեկտրոնային ձևով տրամադրմանը:

ԵՏԲԽ-ի նիստում ստորագրված ամփոփիչ ակտերի ցանկ

1. Որոշում «Եվրասիական տնտեսական Բարձրագույն խորհրդի որոշ որոշումներում փոփոխություններ կատարելու մասին»:

2. Արձանագրություն 2014 թվականի մայիսի 29-ի Եվրասիական տնտեսական միության մասին պայմանագրում Եվրասիական տնտեսական միության անդամ պետությունների կողմից արդյունաբերության ոլորտներում համատեղ կոոպերացիոն նախագծերի իրականացման ժամանակ ֆինանսական աջակցության տրամադրման մասով փոփոխություններ կատարելու մասին:

3. Որոշում «Եվրասիական տնտեսական միության անդամ պետությունների կողմից արդյունաբերության ոլորտներում համատեղ կոոպերացիոն նախագծերի իրականացման ժամանակ ֆինանսական աջակցություն տրամադրելու մասին»:

4. Արձանագրություն Եվրասիական տնտեսական միության մասին 2014 թվականի մայիսի 29-ի պայմանագրին Ղրղզստանի Հանրապետության միանալու կապակցությամբ Ղրղզստանի Հանրապետության կողմից Եվրասիական տնտեսական միության մասին 2014 թվականի մայիսի 29-ի պայմանագրի, Եվրասիական տնտեսական միության իրավունքի մաս կազմող առանձին միջազգային պայմանագրերի և Եվրասիական տնտեսական միության մարմինների ակտերի կիրառման պայմանների և անցումային դրույթների մասին 2015 թվականի մայիսի 8-ին ստորագրված արձանագրությունում փոփոխություններ կատարելու մասին:

5. Արձանագրություն Եվրասիական տնտեսական միության մասին 2014 թվականի մայիսի 29-ի պայմանագրում փոփոխություններ կատարելու մասին («3-րդ Մեծ Արձանագրություն)»:

6. Կարգադրություն «Բնական մենաշնորհների սուբյեկտների գործունեության կարգավորման միասնական սկզբունքների ու կանոնների մասին արձանագրության 20-րդ կետի 5-րդ ենթակետին համապատասխան տեղեկատվության ներկայացնելու մասին (Եվրասիական տնտեսական միության մասին 2014 թվականի մայիսի 29-ի պայմանագրի N 20 հավելված)»:

7. Որոշում «Եվրասիական տնտեսական հանձնաժողովի աշխատանքային կանոնակարգի N 1 հավելվածում փոփոխություն կատարելու մասին» (ապրանքների արտահանման և (կամ) ներմուծման համար լիցենզիաների և թույլտվությունների տրամադրման կանոնների հաստատում):

8. Որոշում «Եվրասիական տնտեսական հանձնաժողովի աշխատանքային կանոնակարգի N 1 հավելվածում փոփոխություն կատարելու մասին» (մաքսային գործառնություններ):

9. Կարգադրություն «Եվրասիական տնտեսական միության շրջանակներում ծառայությունների առանձին հատվածների ազատականացման պլանների իրականացման մասին»:

10. Որոշում «Եվրասիական տնտեսական Բարձրագույն խորհրդի 2014 թվականի դեկտեմբերի 23-ի N 112 որոշման մեջ փոփոխություն կատարելու մասին»:

11. Կարգադրություն «Եվրասիական տնտեսական միության անդամ պետությունների կողմից 2021-2022 թվականներին Ծառայությունների առևտրի, հիմնադրման և գործունեության կարգավորման կանոններով նախատեսված դրույթների կատարման մշտադիտարկման արդյունքների մասին»:

12. Կարգադրություն «Եվրասիական տնտեսական Բարձրագույն խորհրդի 2016 թվականի դեկտեմբերի 26-ի N 7 կարգադրության մեջ փոփոխություններ կատարելու մասին»:

13. Կարգադրություն «Եվրասիական տնտեսական Բարձրագույն խորհրդի նիստի անցկացման ժամանակի և վայրի մասին»:

ԵԱՏՄ-ն պատրաստվում է ապրանքների արտահանման և ներմուծման լիցենզիաների և թույլտվությունների էլեկտրոնային ձևով տրամադրմանը

Մայիսի 25-ին Եվրասիական տնտեսական միության պետությունների ղեկավարների կողմից ստորագրված ԵԱՏՄ մասին պայմանագրում փոփոխություններ կատարելու մասին արձանագրությունը լիցենզիաների և թույլտվությունների տրամադրման կանոնները առանձնացնում է որպես ինքնուրույն փաստաթուղթ՝ պահպանելով առանձին նորմերը Պայմանագրում։

Արձանագրությունը ենթակա է հետագա վավերացման և ուժի մեջ կմտնի լիցենզիաների և թույլտվությունների տրամադրման կանոնների նոր խմբագրության հետ միաժամանակ, որոնց նախագծի նախապատրաստումն այժմ իրականացնում է Եվրասիական տնտեսական հանձնաժողովը։

«Անդամ պետությունների տնտեսությունների թվայնացման զարգացման պայմաններում նման լուծումները նպաստում են փաստաթղթերի թղթային և էլեկտրոնային պատճենների օգտագործման նվազեցմանը ապրանքների արտահանման և ներմուծման լիցենզիաներ և թույլտվություններ տրամադրելիս: Սա, անշուշտ, կպարզեցնի ընթացակարգերը և բարենպաստ ազդեցություն կունենա ԵԱՏՄ-ում բիզնես վարելու վրա», — նշել է ԵՏՀ առևտրի նախարար Անդրեյ Սլեպնևը։

Ընդունվել է ԵԱՏՄ մասին պայմանագրի փոփոխությունների փաթեթը

Եվրասիական տնտեսական Բարձրագույն խորհրդի մայիսի 25-ի նիստի ընթացքում Եվրասիական տնտեսական միության պետությունների ղեկավարները ստորագրել են այսպես կոչված 3-րդ Մեծ Արձանագրությունը, որը պարունակում է ԵԱՏՄ մասին պայմանագրի փոփոխությունները:

3-րդ Մեծ Արձանագրությունը մշակվում էր 2021 թվականի հուլիսից մինչև 2022 թվականի հունիսն ընկած ժամանակահատվածում։ Դրա հիմնական նպատակն է վերացնել իրավակիրառ պրակտիկայում հայտնաբերված իրավական կարգավորման բացերը, հստակեցնել Միության մասին պայմանագրում օգտագործվող տերմինաբանությունը, Միության մարմիններին մի շարք լիազորություններ վերապահել՝ տեխնիկական կարգավորման, բուսասանիտարական միջոցների, Միությանը կից դիտորդ պետության կարգավիճակի մասով:

Այսպես, օրինակ՝ ԵԱՏՄ մասին պայմանագիրը ներառում է մի շարք նորմեր, որոնք իրավական կարգավորում են սահմանում Միության կարանտինային օբյեկտների միասնական ցանկում չընդգրկված, բայց բուսասանիտարական ռիսկ ներկայացնող վնասատու օրգանիզմների համար։ ԵԱՏՄ-ի մասին պայմանագրի N 3 հավելվածում հստակեցվում է «վստահության անդրսահմանային տարածք» հասկացության սահմանումը. բացի լիազոր մարմինների միջև փոխգործակցությունից (G2G), այժմ հնարավոր է փոխգործակցությունը տնտեսավարող սուբյեկտների և լիազոր մարմինների միջև (B2G) էլեկտրոնային փաստաթղթերը, տեղեկատվությունը էլեկտրոնային ձևով կազմելիս, ուղարկելիս, փոխանցելիս և ստանալիս: Ուժը կորցրած են ճանաչվում Ապրանքների արտահանման և ներմուծման լիցենզիաների և թույլտվությունների տրամադրման կանոնները (3-րդ Մեծ Արձանագրության ուժի մեջ մտնելուց հետո այս կանոնները կսահմանվեն Հանձնաժողովի կողմից): ԵԱՏՄ մասին պայմանագրի N 25 հավելվածը լրացվել է էլեկտրոնային ձևաչափով պետական գնումներ իրականացնելիս էլեկտրոնային թվային ստորագրության փոխադարձ ճանաչման նորմով։

Այժմ 3-րդ Մեծ Արձանագրությունը կուղարկվի երկրներ՝ վավերացման։

Պետությունների ղեկավարներին ներկայացվել են Ռազմավարություն-2025-ը 2022 թվականին իրականացնելու արդյունքները

Մայիսի 25-ին Մոսկվայում կայացած Եվրասիական տնտեսական Բարձրագույն խորհրդի նիստում պետությունների ղեկավարներին ներկայացվել է 2022 թվականի արդյունքներով Մինչև 2025 թվականը եվրասիական տնտեսական ինտեգրման զարգացման ռազմավարական ուղղությունների իրականացման զեկույցը:

Ինչպես նշվում է զեկույցում, Ռազմավարություն-2025-ի իրականացման երկրորդ տարին համընկել է տնտեսապես ծանր ժամանակաշրջանի հետ, Ռուսաստանի և Բելառուսի դեմ կիրառված պատժամիջոցները չէին կարող չանդրադառնալ Միության գործունեության վրա։ «Սակայն տնտեսական աճի ապահովման և Ռազմավարության իրականացման համատեղ ջանքերի շնորհիվ հնարավոր եղավ կայունացում կամ դրական միտումներ ապահովել ցուցանիշների մեծ մասով՝ ՀՆԱ, արդյունաբերական արտադրություն, գյուղատնտեսական արտադրանքի արտադրություն և այլն», — ասվում է զեկույցում։

Տեղեկանք

ԵԱՏՄ-ում ՀՆԱ-ի ֆիզիկական ծավալի ինդեքսը 2023 թվականի հունվար-մարտ ամիսներին, 2022 թվականի հունվար-մարտ ամիսների համեմատ, նախնական գնահատմամբ կազմել է 98,8%:

ԵԱՏՄ-ում գյուղատնտեսական արտադրանքի արտադրությունը 2023 թվականին շարունակում է աճել։ Առաջին եռամսյակում աճը կազմել է 2,9%։ Աճը նկատվել է ԵԱՏՄ բոլոր պետություններում։

ԵԱՏՄ արդյունաբերական արտադրության ծավալը երեք ամսում նախորդ տարվա նույն ժամանակահատվածի համեմատ կազմել է 99,5%։ Արդյունաբերական արտադրության աճ է գրանցվել Ղրղզստանում (+7,6%), Հայաստանում (+3,6%), Ղազախստանում (+2,8%) և Բելառուսում (+1,8%)։

Աճի դրական միտում է ցույց տալիս փոխադարձ առևտուրը։ 2023 թվականի հունվար-մարտ ամիսներին Միության պետությունների միջև փոխադարձ առևտրի ծավալն աճել է ավելի քան 20%-ով։

ԵԱՏՄ-ն 2022 թվականին ավելացրել է միջազգային գործընկերների թիվը

Մայիսի 25-ին Մոսկվայում կայացած Եվրասիական տնտեսական Բարձրագույն խորհրդի նիստում պետությունների ղեկավարներին ներկայացվել է 2022 թվականին Եվրասիական տնտեսական միության միջազգային գործունեության հիմնական ուղղությունների իրականացման զեկույցը։

Համաշխարհային առևտրի և ներդրումների դանդաղման ֆոնին ԵԱՏՄ պետությունների համար զգալիորեն աճել է Ասիա-Խաղաղօվկիանոսյան և Մերձավոր Արևելքի տարածաշրջանների առևտրատնտեսական գործընկերների կարևորությունը՝ Միության արտաքին առևտրաշրջանառությունում աճել է Չինաստանի, Հնդկաստանի, Արաբական Միացյալ Էմիրությունների, Իրանի և այլ երկրների տեսակարար կշիռը։

«Չնայած արտաքին բարդ պայմաններին, հաշվետու տարում Միության միջազգային գործունեության արդյունքներից է Միության նոր գործընկերների թվի աճը։ Հանձնաժողովի և ԱՄԷ կառավարության միջև երկխոսությունը պաշտոնականացվել է, սկսվել է Մյանմայի և Լաոսի՝ որպես ԱՍԵԱՆ անդամ պետությունների հետ հարաբերությունների ինստիտուցիոնալացման գործընթացը։ Զարգացում է ստացել փոխգործակցությունն առանցքային ինտեգրացիոն և միջպետական միավորումների հետ (ԱՊՀ, ՇՀԿ, ԱՍԵԱՆ): Փոխըմբռնման հուշագրով պաշտոնականացվել է Հանձնաժողովի երկխոսությունը ԱՓՎՄԽ-ի (Ասիայում փոխգործակցության և վստահության միջոցների խորհրդակցության) հետ», — ասվում է զեկույցում:

Ինչպես երևում է փաստաթղթից, տարին նշանավորվել է դիտորդ պետություններ Ուզբեկստանի և Կուբայի հետ փոխգործակցության խորացմամբ։ Արդյունավետ ենթակառուցվածք է ստեղծվել այդ երկրների հետ երկխոսություն զարգացնելու համար, որն ուղղված է համատեղ նախագծերի զարգացման և գործարար շրջանակների միջև ուղիղ շփումների հաստատման միջոցով առևտրատնտեսական կապերի ամրապնդմանը։

Այն երրորդ երկրների և տարածաշրջանային միավորումների ՀՆԱ-ն, որոնց հետ կնքվել են առևտրային համաձայնագրեր, շնորհվել է դիտորդի կարգավիճակ և ստորագրվել փոխգործակցության հուշագրեր, կազմում է 71,9 տրլն ԱՄՆ դոլար, կամ համաշխարհային ՀՆԱ-ի 49,9%-ը: Այդ երկրների բնակչությունը հասնում է 4,3 միլիարդի, կամ աշխարհի բնակչության 53,5%։

Տեղեկանք

ՇՀԿ-ի, ԲՐԻԿՍ-ի, ԱՍԵԱՆ-ի հետ առևտուրը 2022 թվականին աճել է 35%-ով և գերազանցել ԵԱՏՄ-ի ընդհանուր ապրանքաշրջանառության մեկ երրորդը։

2021 թվականին Ուզբեկստանի հետ անդամ պետությունների ապրանքաշրջանառությունն աճել է ավելի քան 22%-ով և կազմել գրեթե 12 մլրդ ԱՄՆ դոլար: 2022 թվականին ապրանքաշրջանառությունն աճել է մոտ 27%-ով։

2021 թվականին Կուբայի հետ անդամ պետությունների ապրանքաշրջանառությունն աճել է շուրջ 9%-ով և կազմել 169,5 մլն դոլար, իսկ 2022 թվականին կրկին աճել է՝ ավելի քան երկու անգամ։

Համաձայնեցվել է ԵԱՏՄ-ի անցումը արդյունաբերության լիաձևաչափ աջակցության

Մայիսի 25-ին Եվրասիական տնտեսական բարձրագույն խորհրդի նիստում Եվրասիական տնտեսական միության երկրների ղեկավարները հավանություն են տվել ԵԱՏՄ մասին պայմանագրի փոփոխություններին՝ համատեղ բազմակողմ ինտեգրացիոն նախագծերի ֆինանսավորման Եվրասիական տնտեսական հանձնաժողովի նոր լիազորությունների առումով մասով։

Միության մասին պայմանագրի նորույթները թույլ կտան արդեն 2024 թվականի սկզբից գործարկել ԵԱՏՄ միասնական բյուջեից կարևորագույն կոոպերացիոն նախագծերին աջակցելու փորձնական ծրագիրը։

Իրական հատվածում կոոպերացիայի ֆինանսավորման նոր մեխանիզմը կնպաստի միութենական պետությունների արդյունաբերական հատվածի հետագա տեխնոլոգիական զարգացմանը և, ընդհանուր առմամբ, կխթանի ինտեգրացիոն գործընթացները եվրասիական տարածքում՝ ներառյալ փոքր տնտեսությունների համար նոր բարձր տեխնոլոգիական արտադրությունների մշակման և ներդրման հասանելիության ապահովումը:

Նախնական գնահատականներով՝ առաջարկվող մոտեցումը թույլ կտա ձևավորել հիմնադրամ՝ ԵԱՏՄ բյուջեից տարեկան շուրջ 1,5 միլիարդ ռուբլու չափով ֆինանսավորման աջակցության համար։

Միաժամանակ, ֆինանսավորման մեխանիզմի հնարավորինս արագ ներդրման նպատակով Եվրասիական տնտեսական բարձրագույն խորհրդի անդամները ստորագրել են որոշում, որին համապատասխան՝ ֆինանսական աջակցությունն իրականացվում է միջազգային և ազգային ֆինանսական կազմակերպությունների կողմից տրամադրվող վարկերի և փոխառությունների տոկոսադրույքների սուբսիդավորման ձևով:

Միության երկրները կառաջնորդվեն ինտեգրման կոոպերացիոն արդյունաբերական նախագծերի ընտրության և ֆինանսավորման կարգով, որը կհաստատվի տարվա երկրորդ կեսին Եվրասիական միջկառավարական խորհրդի կողմից։

Նախագծերի աջակցության վերաբերյալ ուղղակի որոշումներն ընդունվելու են Միության մարմինների՝ ԵՏՀ Կոլեգիայի և Խորհրդի կողմից: Մեխանիզմը փորձնական ռեժիմով կգործի հինգ տարի։

ԵԱՏՄ-ում հստակեցվել են բժշկական կիրառման բարձր տեխնոլոգիական դեղամիջոցների հասկացությունները

Եվրասիական տնտեսական հանձնաժողովի Խորհուրդը փոփոխություններ է կատարել Բժշկական կիրառման դեղամիջոցների գրանցման և փորձաքննության կանոններում։

Գրանցման և փորձաքննության կանոնները դեղամիջոցների շրջանառության ոլորտում առավել պահանջված փաստաթուղթն է։ Այս կապակցությամբ Կանոնների դրույթներն արդիականացվում են՝ հաշվի առնելով դեղորայքային պատրաստուկների նոր խմբերի ի հայտ գալը, դեղագիտության և դեղագործության բնագավառի գիտական տեղեկությունները, անդամ պետությունների գործնական փորձը:

Խորհրդի որոշմամբ ընդլայնվել և միասնականացվել է Գրանցման կանոնների հասկացությունների ապարատը բարձր տեխնոլոգիաների կիրառման հիման վրա ստեղծված դեղորայքային պատրաստուկների նոր խմբերի առնչությամբ։ Առանձնացվել է դեղորայքային պատրաստուկների երեք նոր խումբ՝ գենային թերապիայի պատրաստուկներ, մարմնաբջիջ դեղորայքային պատրաստուկներ, հյուսվածքային ինժեներիայի պատրաստուկներ:

Նման փոփոխությունների ընդունումը թույլ կտա օպտիմալացնել մի շարք պատրաստուկների շուկայահանման գործընթացները, որոնք ապահովում են մարդու նախկինում անբուժելի հիվանդությունների բուժման բեկումնային տեխնոլոգիաների ներդրումը։

ԵՏՀ Խորհուրդը հավանության է արժանացրել Բուժապրանքների շրջանառության միասնական սկզբունքների և կանոնների մասին համաձայնագրում փոփոխություններ կատարելու մասին արձանագրությունը

Եվրասիական տնտեսական հանձնաժողովի Խորհուրդը հավանության է արժանացրել Եվրասիական տնտեսական միության շրջանակներում բժշկական ապրանքների (բժշկական նշանակության ապրանքների և բժշկական տեխնիկայի) շրջանառության միասնական սկզբունքների և կանոնների մասին համաձայնագրում փոփոխություններ կատարելու մասին արձանագրությանը, որը նախատեսում է Միության շրջանակներում գրանցման ոչ ենթակա բժշկական ապրանքների ցանկի ընդլայնում (Համաձայնագրի 4-րդ հոդվածի 11-րդ կետ):

Արձանագրությունը մշակվել է Եվրասիական տնտեսական միության երկրների առաջարկներով՝ հաշվի առնելով այս ոլորտում նորմատիվ իրավական ակտերի կիրառման փորձը։

Փաստաթուղթը նախատեսում է, որ գրանցման ենթակա չեն բոլոր այն բժշկական սարքերը, որոնք արտադրվել են բուժառուների անհատական պատվերով բացառապես անձնական օգտագործման համար, կոնկրետ բուժառուի կենսական ցուցումների համաձայն բժշկական օգնություն տրամադրելու համար ներմուծված բժշկական ապրանքները, արտահանման համար արտադրվածները, գրանցված բժշկական ապրանքներից և դեղորայքային պատրաստուկներից անդամ պետության օրենսդրությանը համապատասխան կազմված և այդ պետության տարածքում շրջանառության համար նախատեսված բուժպարագաների պայուսակները, լրակազմերը, հավաքածուները և դեղատուփերը:

Արձանագրությունը կուղարկվի ստորագրման համար անհրաժեշտ ներպետական ընթացակարգերի անցկացման համար։

Պետգնումների համար ապրանքների ծագման երկրի որոշման կանոնները լրացվել են ութ ապրանքային դիրքերի արտադրության պայմաններով

Ղազախստանի Հանրապետության նախաձեռնությամբ մայիսի 22-ին Եվրասիական տնտեսական հանձնաժողովի Խորհրդի նիստում Պետական (մունիցիպալ) գնումների նպատակով ապրանքների առանձին տեսակների ծագման երկրի որոշման կանոնները լրացվել են ութ նոր ապրանքային դիրքերի արտադրման պայմաններով։

Մասնավորապես, հավանության են արժանացել տարբեր հզորությունների վեց տեսակի տրանսֆորմատորների, ախտահանման և ախտահանիչ միջոցների արտադրության պայմանները։

ԵՏՀ մրցակցության և հակամենաշնորհային կարգավորման նախարար Բախիթ Սուլթանովի խոսքով՝ հաշվի առնելով ընդունված որոշումը, Կանոններն արդեն պարունակում են արդյունաբերության 15 ոլորտի 450 ապրանքային անվանման արտադրության պայմաններ։

«Բացի այդ, այժմ 276 ապրանքային դիրքի մասնակցությունը պետգնումներին թույլատրվում է ՍՏ-1 հավաստագրի հիման վրա», — նշել է ԵՏՀ նախարարը։

ԵՏՀ Խորհրդի 2023 թվականի ապրիլի 20-21-ի նիստի արդյունքները

Ապրիլի 20-ից 21-ը Մոսկվայում առցանց ձևաչափով կայացել է Եվրասիական տնտեսական հանձնաժողովի Խորհրդի նիստը՝ Ռուսաստանի Դաշնության փոխվարչապետ Ալեքսեյ Օվերչուկի նախագահությամբ, ԵՏՀ Խորհրդի անդամների և ԵՏՀ Կոլեգիայի նախագահ Միխայիլ Մյասնիկովիչի մասնակցությամբ:

Նավիգացիոն կապարակնիքների կիրառման Բելառուսի և Ռուսաստանի փորձարկման վերջնաժամկետը երկարաձգվել է մինչև 2023 թվականի վերջ։ Փորձարկումը մեկնարկել է ընթացիկ տարվա փետրվարին և իրականացվում է Բելառուսում արտահանման մաքսային ընթացակարգով գրանցվող և Ռուսաստանի տարածքից դուրս եկող փայտանյութի և փայտամշակման արտադրանքի նկատմամբ։ Ի սկզբանե նախատեսվում էր այն ավարտել մինչև հունիսի 1-ը, սակայն բելոռուսական կողմի նախաձեռնությամբ ժամկետը երկարաձգվեց։ Նավիգացիոն կապարակնիքների կիրառումը թույլ կտա օպտիմալացնել լոգիստիկան, պարզեցնել և արագացնել բեռները ստացողին առաքելու ընթացակարգը:

ԵՏՀ Խորհուրդը հաստատել է ԵԱՏՄ-ում նավիգացիոն կապարակնիքների օգտագործմամբ փոխադրումների հետագծման մեխանիզմի ներդրման ճանապարհային քարտեզը։ Հանձնաժողովի կողմից մշակված ճանապարհային քարտեզը պարունակում է համալիր միջոցառումներ, որոնց իրականացումը թույլ կտա սկսել ԵԱՏՄ-ում փոխադրումների հետագծումը արդեն 2024 թվականի հունվարից։

ԵՏՀ Խորհրդի անդամները պայմանավորվածություն են ձեռք բերել ԵԱՏՄ մաքսային տարածքից արտահանվող ապրանքների ծագման որոշման ներդաշնակեցված համակարգի մասին համաձայնագրի նախագիծը դրա ստորագրման համար անհրաժեշտ ներպետական ընթացակարգերի ուղարկելու վերաբերյալ։ Համաձայնագիրը նպատակ ունի միասնականացնել Եվրասիական տնտեսական միության երկրների մոտեցումները ապրանքները ԵԱՏՄ մաքսային տարածքից դուրս արտահանման շրջանակներում դրանց ծագման որոշման և հաստատման հարցում, այդ թվում՝ անդամ պետություններում ծագումից կախված արտահանման կարգավորման միջոցների առկայության դեպքում:

Պետգնումների համար ապրանքների ծագման երկրի որոշման կանոնները լրացվել են նոր ապրանքային դիրքերով և արտադրման պայմաններով։ Հավանության են արժանացել 38 ապրանքային դիրքի վերաբերյալ արտադրության պայմանները և համաձայնեցվել 174 ապրանքի համար ծագման երկրի հաստատումը ՍՏ-1 ձևի վկայականով ԵԱՏՄ երկրներում պետական գնումներին մասնակցելու համար:

ԵՏՀ Խորհուրդը քննարկել է նաև եվրասիական ինտեգրման խորացման մի շարք այլ հարցեր։ 

Նավիգացիոն կապարակնիքների կիրառման Բելառուսի և Ռուսաստանի փորձարկման վերջնաժամկետը երկարաձգվել է մինչև 2023 թվականի վերջ

Եվրասիական տնտեսական հանձնաժողովի Խորհուրդը ապրիլի 21-ին Մոսկվայում կայացած նիստում որոշել է երկարաձգել նավիգացիոն կապարակնիքների կիրառման Բելառուսի և Ռուսաստանի փորձարկումը մինչև 2023 թվականի վերջ։

Փորձարկումը մեկնարկել է ընթացիկ տարվա փետրվարին և իրականացվում է Բելառուսում արտահանման մաքսային ընթացակարգով գրանցվող և Ռուսաստանի տարածքից դուրս եկող փայտանյութի և փայտամշակման արտադրանքի նկատմամբ։

Փորձարկման նպատակն է թեստավորել նավիգացիոն կապարակնիքների կիրառումը երկու երկրների տարածքներով ապրանքների փոխադրման ընթացքում։

Ի սկզբանե նախատեսվում էր այն ավարտել մինչև հունիսի 1-ը, սակայն բելոռուսական կողմի նախաձեռնությամբ ժամկետը երկարաձգվեց մինչև տարեվերջ։

Նավիգացիոն կապարակնիքների կիրառումը թույլ կտա օպտիմալացնել լոգիստիկան, պարզեցնել և արագացնել բեռները ստացողին առաքելու ընթացակարգը:

Հաստատվել է ԵԱՏՄ-ում նավիգացիոն կապարակնիքների օգտագործմամբ փոխադրումների հետագծման մեխանիզմի ներդրման ճանապարհային քարտեզը

Եվրասիական տնտեսական հանձնաժողովի Խորհուրդը ապրիլի 21-ին Մոսկվայում կայացած նիստում հաստատել է Եվրասիական տնտեսական միությունում նավիգացիոն կապարակնիքների օգտագործմամբ փոխադրումների հետագծման մեխանիզմի ներդրման ճանապարհային քարտեզը։

ԵԱՏՄ-ում նավիգացիոն կապարակնիքների կիրառման մասին համաձայնագիրը ուժի մեջ է մտել 2023 թվականի ապրիլի 3-ից։ Հանձնաժողովի կողմից մշակված ճանապարհային քարտեզը պարունակում է համալիր միջոցառումներ, որոնց իրականացումը թույլ կտա սկսել ԵԱՏՄ-ում փոխադրումների հետագծումն արդեն 2024 թվականի հունվարից։

ԵՏՀ-ն ավարտում է աշխատանքը ապրանքները երրորդ երկրներ արտահանելիս դրանց ծագման որոշման համակարգի ստեղծման ուղղությամբ

Եվրասիական տնտեսական միության մաքսային տարածքից արտահանվող ապրանքների ծագման որոշման ներդաշնակեցված համակարգի մասին համաձայնագրի նախագիծը դրա ստորագրումը կազմակերպելու համար անհրաժեշտ ներպետական ընթացակարգերի ուղարկելու մասին պայմանավորվածություններ են ձեռք բերվել Մոսկվայում կայացած Եվրասիական տնտեսական հանձնաժողովի Խորհրդի անդամների նիստում։

Համաձայնագիրը նպատակ ունի միասնականացնել Եվրասիական տնտեսական միության երկրների մոտեցումները ապրանքները ԵԱՏՄ մաքսային տարածքից դուրս արտահանման շրջանակներում դրանց ծագման որոշման և հաստատման հարցում, այդ թվում՝ անդամ պետություններում ծագումից կախված արտահանման կարգավորման միջոցների առկայության դեպքում:

«Բացի արտահանման հայտարարագրման ժամանակ արդյունավետ աշխատանքի կառուցումից, փաստաթուղթը նաև կնպաստի եվրասիական ապրանքների համար երրորդ երկրների շուկաների հասանելիությանը՝ Միությունից արտահանվող արտադրանքի ծագման փաստաթղթային հաստատման միասնական մեխանիզմների ձևավորման և ապրանքի ծագման մասին հավաստագրերի տրամադրում իրականացնող կազմակերպությունների հետ արտահանողների փոխգործակցության միջոցով», — նշել է ԵՏՀ առևտրի նախարար Անդրեյ Սլեպնևը։

Բացի այդ, Համաձայնագիրը կդառնա Միությունում ապրանքների ծագման ինքնուրույն հայտարարագրման համակարգի ներդրման մեկնարկային կետը, որը թույլ կտա պարզեցնել երրորդ երկրների հետ ԵԱՏՄ-ի ազատ առևտրի համաձայնագրերի շրջանակներում սակագնային արտոնություններ ստանալու գործընթացը։

Անդամ պետությունների կողմից անհրաժեշտ բոլոր ընթացակարգերն ավարտելուց հետո փաստաթղթի նախագիծը կներկայացվի ստորագրման, որը նախատեսվում է իրականացնել Եվրասիական միջկառավարական խորհրդի մակարդակով։

Տեղեկանք

ԵԱՏՄ մաքսային տարածքից արտահանվող ապրանքների ծագման որոշման ներդաշնակեցված համակարգի մասին համաձայնագրի նախագիծը մշակվել է մինչև 2025 թվականը եվրասիական տնտեսական ինտեգրման զարգացման ռազմավարական ուղղությունների 3.1.7 կետին համապատասխան: Նշված Ռազմավարական ուղղությունների իրականացման միջոցառումների պլանի համաձայն՝ Համաձայնագիրը անդամ պետությունների կողմից պետք է ստորագրվի ընթացիկ տարում:

Պետգնումների համար ապրանքների ծագման երկրի որոշման կանոնները լրացվել են նոր ապրանքային դիրքերով և արտադրման պայմաններով

Ապրիլի 21-ին Եվրասիական տնտեսական հանձնաժողովի Խորհուրդը հավանության է արժանացրել 38 ապրանքային դիրքի վերաբերյալ արտադրության պայմանները և համաձայնեցրել 174 ապրանքի համար ծագման երկրի հաստատումը ՍՏ-1 ձևի վկայականով Եվրասիական տնտեսական միության երկրներում պետական գնումներին մասնակցելու համար:

Հանձնաժողովի մրցակցային բլոկը «հնգյակի» երկրների լիազորված պետական մարմինների, բիզնես ընկերակցությունների և ձեռնարկատերերի հետ համատեղ համաձայնեցրել են արտադրության այն պայմանները, որոնց կատարման դեպքում զարկերակային օքսիմետրերը, էնդոսկոպները, արյան փոխներարկման սարքավորումները, արտաքին դեֆիբրիլյատորները, սերմերի մաքրման, տեսակավորման կամ չափաբերման մեքենաները, նավթագազային ոլորտի համար նախատեսված կոմպրեսորների և օդային պոմպերի առանձին տեսակներ և այլ ապրանքներ արտադրված ԵԱՏՄ երկրների տարածքներում արտադրված։

ԵՏՀ մրցակցության և հակամենաշնորհային կարգավորման նախարար Բախիթ Սուլթանովի խոսքով՝ Խորհրդի ընդունած որոշումը շոշափելի առաջընթաց է։

«Երկրների համար պետգնումների հարցերը հատկապես զգայուն են, այստեղ դիրքորոշումների համաձայնեցման գործընթացը բավականին երկար է տևում։ Այսօրվա որոշմամբ մի շարք ապրանքների համար ընդունվել են արտադրության այնպիսի պայմաններ, որոնց կատարման դեպքում արտադրողը իր ապրանքները կարող է վստահաբար անվանել «եվրասիական»։ Որոշման մեջ «նստած» է նաև 174 ապրանք, որոնք նախկինում հայտնվել են արգելքի տակ և չեն կարողացել մասնակցել գնումներին։ Այժմ այս, այսպես կոչված, «գորշ գոտին» վերացված է։ Այս ապրանքների արտադրողներն ու մատակարարները՝ իսկ դրանք սոցիալական նշանակություն ունեն ԵԱՏՄ երկրների քաղաքացիների համար, քանի որ դրանք են կապի միջոցները, բժշկական սարքավորումները, գրենական պիտույքները, գույքը և ֆիզիկական դաստիարակության և սպորտի համար նախատեսված սարքավորումները և շատ ավելին, ՍՏ-1 հավաստագրի հիման վրա կարող են իրենց մասին տեղեկություններ ավելացնել Եվրասիական գրանցամատյանում և դառնալ գնումների լիարժեք մասնակից», — ամփոփել է ԵՏՀ նախարարը։

Տեղեկանք

Հաշվի առնելով ընդունված որոշումը՝ ԵՏՀ Խորհրդի 2020 թվականի նոյեմբերի 23-ի N 105 որոշմամբ հաստատված Պետական գնումների նպատակով արդյունաբերական ապրանքների առանձին տեսակների ծագման երկրի որոշման կանոնները արտադրության պայմաններ են պարունակում արդյունաբերության 14 ոլորտի 407 ապրանքային անվանման վերաբերյալ: Բացի այդ, Կանոնները պարունակում են 276 ապրանքային դիրք, որոնց մասնակցությունը պետական գնումներին թույլատրվում է ՍՏ-1 հավաստագրի հիման վրա:

ԵՏՀ Խորհրդի 2023 թվականի մարտի 30-ի նիստի արդյունքները

Մարտի 30-ին Մոսկվայում առցանց ձևաչափով կայացել է Եվրասիական տնտեսական հանձնաժողովի Խորհրդի նիստը՝ Ռուսաստանի Դաշնության փոխվարչապետ Ալեքսեյ Օվերչուկի նախագահությամբ, ԵՏՀ Խորհրդի անդամների և ԵՏՀ Կոլեգիայի նախագահ Միխայիլ Մյասնիկովիչի մասնակցությամբ:

Ֆիզիկական անձանց համար ապրանքների անմաքս ներմուծման բարձրացված շեմի գործողությունը երկարաձգվել է ևս կես տարով։ Այսպիսով, մինչև սույն թվականի հոկտեմբերի 1-ը ֆիզիկական անձանց համար անմաքս ապրանքների ներմուծման շեմը փոխադրողով կամ փոստային առաքանիներով տեղափոխվող, որպես ուղեբեռ տրանսպորտի բոլոր տեսակներով, բացի օդայինից, կամ ոտքով փոխադրվող ապրանքների համար կկազմի 1000 եվրո և 31 կգ:

Եվրասիական տնտեսական հանձնաժողովի Խորհուրդը որոշում է ընդունել մինչև 2023 թվականի դեկտեմբերի 31-ն ընկած ժամանակահատվածում եղեգնաշաքարի հումքի անմաքս ներմուծման ձևով սակագնային արտոնություն տրամադրելու մասին։ Ներմուծման մաքսատուրքից ազատվում է Բելառուսի Հանրապետություն ներմուծվող շաքարը՝ առավելագույնը 100 հազ. տոննա ծավալով, Ղազախստանի Հանրապետություն՝ առավելագույնը 350 հազ. տոննա ծավալով, Ղրղզստանի Հանրապետություն՝ առավելագույնը 50 հազ. տոննա ծավալով և Ռուսաստանի Դաշնություն՝ առավելագույնը 100 հազ. տոննա ծավալով։

Ղազախական կողմի առաջարկով պետգնումների նպատակների համար Ծագման երկրի հաստատման կանոնները լրացվել են նոր արտադրական պայմաններով։

Քննարկվել է «2014 թվականի մայիսի 29-ի Եվրասիական տնտեսական միության մասին պայմանագրում Եվրասիական տնտեսական միության անդամ պետությունների կողմից արդյունաբերության ոլորտներում համատեղ կոոպերացիոն նախագծերի իրականացման ժամանակ ֆինանսական աջակցության տրամադրмան մասով փոփոխություններ կատարելու մասին արձանագրության նախագծի մասին» հարցը: ԵԱՏՄ մասին պայմանագրում արդյունաբերության ոլորտներում համատեղ կոոպերացիոն նախագծերի իրականացման ժամանակ ֆինանսական աջակցության տրամադրման մասով կատարվող փոփոխությունների նախագիծը կուղարկվի դրա ստորագրման համար անհրաժեշտ ներպետական ընթացակարգերին։

Հստակեցվել են ազգային օրենսդրությանը համապատասխան բժշկական արտադրատեսակների շրջանառության կարգավորման դեպքերը:

Փոփոխություններ են կատարվել «Երկաթուղային տրանսպորտի ենթակառուցվածքի անվտանգության մասին» տեխկանոնակարգում:

Հավանության է արժանացել պետական գնումների համար բանկային երաշխիքների փոխադարձ ճանաչման մասին համաձայնագրի նախագիծը։

Ֆիզիկական անձանց համար 1000 եվրոյի չափով անմաքս ապրանքների ներմուծման շեմը երկարաձգվել է մինչև 2023 թվականի հոկտեմբերի 1-ը

Մարտի 30-ին Եվրասիական տնտեսական հանձնաժողովի Խորհրդի նիստում որոշվել է ֆիզիկական անձանց համար 1000 եվրոյի չափով անմաքս ապրանքների ներմուծման շեմը երկարաձգել մինչև 2023 թվականի հոկտեմբերի 1-ը։

Նախկինում Հանձնաժողովի Խորհուրդը բարձրացրել էր անմաքս ներմուծման շեմը մինչև 1000 եվրո այն ապրանքների համար, որոնք փոխադրվում են փոխադրողի կողմից կամ փոստային առաքմամբ, ինչպես նաև տրանսպորտի բոլոր տեսակներով ներմուծվող ուղեբեռով, բացի օդայինից, կամ հետիոտն կարգով: Այս շեմը սահմանվել էր ժամանակավոր՝ մինչև ընթացիկ տարվա ապրիլի 1-ը։

Միջոցի երկարաձգումը թույլ կտա աջակցել քաղաքացիներին պատժամիջոցների ճնշման պայմաններում և խուսափել առաջին անհրաժեշտության ապրանքների և ճգնաժամային ներմուծման ապրանքների դեֆիցիտից:

Տեղեկանք

Հղումներ նախկինում ընդունված որոշումներին՝

- որոշում ֆիզիկական անձանց համար ապրանքների անմաքս ներմուծման շեմը երկարաձգելու մասին.

- ուղեբեռով կամ հետիոտն կարգով ապրանքներ ներմուծելու մասին որոշում.

- փոխադրողի կամ փոստային առաքանիներով ապրանքների ներմուծման մասին որոշում:

ԵՏՀ Խորհուրդը որոշում է ընդունել 2023 թվականին շաքարի հումքի սակագնային արտոնության մասին

Եվրասիական տնտեսական հանձնաժողովի Խորհուրդը որոշում է ընդունել մինչև 2023 թվականի օգոստոսի 31-ը եղեգնաշաքարի հումքի անմաքս ներմուծման տեսքով սակագնային արտոնություն տրամադրելու մասին:

Ներմուծման մաքսատուրքից ազատվում է Բելառուսի Հանրապետություն ներմուծվող շաքարը՝ առավելագույնը 100 հազ. տոննա ծավալով, Ղազախստանի Հանրապետություն՝ առավելագույնը 350 հազ. տոննա ծավալով, Ղրղզստանի Հանրապետություն՝ առավելագույնը 50 հազ. տոննա ծավալով և Ռուսաստանի Դաշնություն՝ առավելագույնը 100 հազ. տոննա ծավալով:

«Որոշումն ընդունվել է՝ հաշվի առնելով ԵԱՏՄ անդամ պետությունների 2023 թվականի շաքարի ինդիկատիվ հաշվեկշիռները։ Հավանության արժանացած մաքսային արտոնությունն ուղղված է շաքարի ոլորտի ներքին արտադրության զարգացմանը և Միության երկրների ձեռնարկություններին հումքով ապահովելուն», - նշել է ԵՏՀ առևտրի նախարար Անդրեյ Սլեպնևը։

Նա նաև պարզաբանել է, որ նախատեսվում է աշնանը վերադառնալ այս հարցին՝ հաշվի առնելով ԵԱՏՄ անդամ պետությունների կողմից շաքարի պահանջարկի փոխադարձ փակման հնարավորությունները։

Որոշումն ուժի մեջ կմտնի պաշտոնական հրապարակման օրվանից 10 օրացուցային օրը լրանալուց հետո։

Ռելսային ամրակների արտադրության պայմանները ներառվել են Պետգնումների նպատակով ապրանքների ծագման երկրի հաստատման կանոններում

Եվրասիական տնտեսական հանձնաժողովի Խորհուրդը ղազախստանյան կողմի առաջարկով փոփոխություններ են կատարել Պետական գնումների նպատակների համար ապրանքների առանձին տեսակների ծագման երկիրը որոշելու կանոններում։ Հավանության են արժանացել «Երկաթուղային մեքենաշինություն» ոլորտի «Առաձգական սեղմակներով ռելսային ամրակներ» ապրանքային արտադրանքին առնչվող արտադրական պայմանները և տեխնոլոգիական գործառնությունները։

Ընդունված պայմանների կատարման պարագայում ռելսային ամրակները կհամարվեն ԵԱՏՄ-ում արտադրված և անխոչընդոտ կմասնակցել պետական գնումներին Միության երկրներում։

Հիշեցնենք, որ այն ապրանքի ծագման երկիրը, որի արտադրման պայմանները որոշվում են Կանոններով, պետական գնումներին մասնակցելու դեպքում հաստատվում է ԵԱՏՄ անդամ պետությունների արդյունաբերական ապրանքների եվրասիական գրանցամատյանից քաղվածք տրամադրելու միջոցով։

Հստակեցվել են ազգային օրենսդրությանը համապատասխան բժշկական արտադրատեսակների շրջանառության կարգավորման դեպքերը

Եվրասիական տնտեսական հանձնաժողովի Խորհուրդը փոփոխություններ է կատարել բժշկական արտադրատեսակների գրանցման կանոններում, որոնք ԵԱՏՄ պետություններին թույլ են տալիս որոշ դեպքերում կարգավորել բժշկական սարքերի շրջանառությունը՝ համաձայն ազգային օրենսդրության։

Ինչպես նշել է ԵՏՀ տեխնիկական կարգավորման նախարար Վիկտոր Նազարենկոն, փոփոխությունները թույլ կտան ապահովել բժշկական արտադրատեսակների հասանելիությունը ԵԱՏՄ երկրների շուկաներում՝ ազգային մակարդակում արտակարգ իրավիճակներում արձագանքման ճկուն մեխանիզմների կիրառման շնորհիվ։

Փոփոխությունը նախատեսում է նաև ԵԱՏՄ կանոններով բժշկական արտադրատեսակների գրանցման ժամանակ իրենց արդիականությունը կորցրած անցումային դրույթների բացառում։

Փոփոխություններ են կատարվել «Երկաթուղային տրանսպորտի ենթակառուցվածքի անվտանգության մասին» տեխկանոնակարգում

Եվրասիական տնտեսական հանձնաժողովի Խորհուրդը Ռուսաստանի Դաշնության առաջարկով փոփոխություններ է կատարել Մաքսային միության «Երկաթուղային տրանսպորտի ենթակառուցվածքի անվտանգության մասին» տեխնիկական կանոնակարգում։

Երկաթուղային տրանսպորտի ենթակառուցվածքի ենթահամակարգերի բաղկացուցիչ մասերի տարրերի հետ կապված փոփոխություններին համապատասխան, նշանակված ծառայության ժամկետները և (կամ) նշանակված ռեսուրսները սահմանելու անհրաժեշտությունը որոշում է նախագծողը (մշակողը): Միևնույն ժամանակ, նշանակված ծառայության ժամկետների և (կամ) նշանակված ռեսուրսների արժեքները սահմանվում են արտադրանքի կոնստրուկտորական փաստաթղթերում:

Երկաթուղային տրանսպորտի ենթակառուցվածքի ենթահամակարգերի բաղկացուցիչ մասերի տարրերը ներառում են, օրինակ, երկաթուղային ռելսեր, փայտե և երկաթբետոնե կոճեր և չորսուներ, ռելսային ամրակներ, սլաքային գծանցումներ և այլն:

ԵՏՀ Խորհրդի նիստի արդյունքները

Փետրվարի 15-ին Մոսկվայում առցանց ձևաչափով կայացել է Եվրասիական տնտեսական հանձնաժողովի Խորհրդի նիստը՝ Ռուսաստանի Դաշնության փոխվարչապետ Ալեքսեյ Օվերչուկի նախագահությամբ, ԵՏՀ Խորհրդի անդամների և ԵՏՀ Կոլեգիայի նախագահ Միխայիլ Մյասնիկովիչի մասնակցությամբ:

Եվրասիական տնտեսական հանձնաժողովի Խորհուրդը ԵՏՀ Կոլեգիային հանձնարարել է Հայաստանի, Բելառուսի, Ղազախստանի և Ղրղզստանի համար 3 ամսով երկարաձգել ինքնագնաց մեքենաների և այլ տեսակի տեխնիկայի թղթային անձնագրերի ձևակերպման հնարավորությունը՝ էլեկտրոնային անձնագրերի ձևակերպման հետ մեկտեղ։

ԵՏՀ Խորհուրդը միասնականացրել է Միությունում իրավակիրառ պրակտիկան քաղաքացիական ավիացիայի ինքնաթիռների վերանորոգման համար ժամանակավորապես ներմուծվող շարժիչների, պահեստամասերի և սարքավորումների վերաբերյալ: Եվրասիական տնտեսական հանձնաժողովի Խորհուրդը սահմանել է, որ քաղաքացիական ավիացիայի ինքնաթիռների վրա տեղադրված շարժիչները, պահեստամասերը և սարքավորումները, որոնք ժամանակավորապես ներմուծվել են առանց մաքսատուրքերի վճարման և նախատեսված են քաղաքացիական ավիացիայի ինքնաթիռների տեխնիկական սպասարկման կամ վերանորոգման համար, կարող են օգտագործվել ինչպես Եվրասիական տնտեսական միության տարածքում, այնպես էլ նրա սահմաններից դուրս։

Փետրվարի 15-ին Եվրասիական տնտեսական հանձնաժողովի Խորհրդի նիստում հավանության է արժանացել «Էլեկտրամեքենաշինության ոլորտի նախագծերի ձևավորման և իրականացման ընթացքում Եվրասիական տնտեսական միության անդամ պետությունների միջև կոոպերացիոն համագործակցության զարգացման միջոցների մասին» հանձնարարականը: Փաստաթուղթը նախապատրաստվել է «Եվրասիական էլեկտրոբուս» արդյունաբերական կոոպերացիայի փորձնական նախագծի գործարկման վերաբերյալ ԵՏՀ Խորհրդի 2022 թվականի հուլիսի 15-ի հանձնարարության կատարման համար։

ԵՏՀ Խորհրդի անդամները հավանություն են տվել մինչև 2024 թվականի փետրվարի 1-ը Հայաստանի, Բելառուսի, Ղազախստանի և Ղրղզստանի տարածքներ սեփական կարիքների համար՝ առանց արտակարգ օպերատիվ ծառայությունների կանչի սարքի (համակարգի) տեղադրման մասին փոխադրամիջոցներին ներկայացվող պահանջները կիրառելու ներմուծվող M և N կատեգորիաների առանձին փոխադրամիջոցների համապատասխանության գնահատման և շուկայահանման իրականացման հնարավորության երկարաձգմանը:

ԵԱՏՄ-ում ներդրվում են տեղային օգտագործման համար նախատեսված վերարտադրված դեղորայքային պատրաստուկների կենսահամարժեքության հետազոտություններ անցկացնելու կանոնները:

ԵՏՀ Խորհուրդը հավանություն է տվել ԵԱՏՄ երկրների հարկային մարմինների միջև անուղղակի հարկերի վճարված գումարների վերաբերյալ էլեկտրոնային ձևով տեղեկատվության փոխանակման արձանագրության փոփոխություններին։ ԵԱՏՄ երկրներում անուղղակի հարկերի վճարման ամբողջականությունն ապահովելու նպատակով 2009 թվականին պետությունները կնքել են Էլեկտրոնային ձևով տեղեկատվության փոխանակման մասին արձանագրությունը։ Հարկային մարմինները տեղեկատվություն են փոխանակում պետությունների բյուջեներ վճարված անուղղակի հարկերի գումարների մասին։ Կատարվող փոփոխությունները վերաբերում են հարկային մարմինների միջև տեղեկատվական փոխանակման ժամկետի, ինչպես նաև ձևաչափային-տրամաբանական վերահսկողության արձանագրությունների փոխանակման ժամկետի կրճատմանը։ Փաստաթուղթն ուղարկվել է ԵԱՏՄ երկրներ ներպետական ընթացակարգերի կատարման համար։ 

Ենթակարանտինային արտադրանքի ցանկում և ԵԱՏՄ միասնական կարանտինային բուսասանիտարական պահանջներում արտադրանքի մանրամասնմանն առնչվող փոփոխություններ են կատարվել։

ԵՏՀ Խորհուրդը միասնականացրել է Միությունում իրավակիրառ պրակտիկան քաղաքացիական ավիացիայի ինքնաթիռների վերանորոգման համար ժամանակավորապես ներմուծվող շարժիչների, պահեստամասերի և սարքավորումների վերաբերյալ:

Եվրասիական տնտեսական հանձնաժողովի Խորհուրդը սահմանել է, որ քաղաքացիական ավիացիայի ինքնաթիռների վրա տեղադրված շարժիչները, պահեստամասերը և սարքավորումները, որոնք ժամանակավորապես ներմուծվել են առանց մաքսատուրքերի վճարման և նախատեսված են քաղաքացիական ավիացիայի ինքնաթիռների տեխնիկական սպասարկման կամ վերանորոգման համար, կարող են օգտագործվել ինչպես Եվրասիական տնտեսական միության տարածքում, այնպես էլ նրա սահմաններից դուրս։

Ընդ որում, խոսքը ոչ թե ինչ-որ նոր կարգավորում սահմանելու, այլ միայն գործող նորմը հստակեցնելու մասին է։ Այս առումով ընդունված որոշման գործողությունը տարածվում է այն իրավահարաբերությունների վրա, որոնք ծագել են Մաքսային միության Հանձնաժողովի 2010 թվականի հունիսի 18-ի N 331 որոշման ուժի մեջ մտնելու օրվանից։

Նշենք, որ հարցի քննարկումը նախաձեռնվել է արտաքին տնտեսական գործունեության մասնակիցներից Հանձնաժողովում ստացված դիմումների կապակցությամբ։ Այժմ շահագրգիռ ձեռնարկատերերը փաստացի ստացել են առանց մաքսատուրքի վճարման ներկրված շարժիչների, պահեստամասերի և սարքավորումների տեղադրման և օգտագործման օրինականության և հնարավորության հաստատումը։

Տեղեկանք

Քաղաքացիական ավիացիայի ինքնաթիռների տեխնիկական սպասարկման կամ վերանորոգման համար նախատեսված շարժիչների, պահեստամասերի և սարքավորումների ժամանակավոր ներմուծումը՝ առանց ներմուծման մաքսատուրքերի վճարման, նախատեսված է Մաքսային միության Հանձնաժողովի 2010 թվականի հունիսի 18-ի N 331 որոշմամբ հաստատված Մաքսատուրքերի, հարկերի վճարումից լրիվ պայմանական ազատմամբ ժամանակավորապես ներմուծվող ապրանքների ցանկի 25-րդ կետով:

ԵՏՀ Խորհուրդը հավանություն է տվել էլեկտրամեքենաշինության ոլորտում ԵԱՏՄ երկրների կոոպերացիոն համագործակցության զարգացման միջոցներին

Փետրվարի 15-ին Եվրասիական տնտեսական հանձնաժողովի Խորհրդի նիստում հավանության է արժանացել «Էլեկտրամեքենաշինության ոլորտի նախագծերի ձևավորման և իրականացման ընթացքում Եվրասիական տնտեսական միության անդամ պետությունների միջև կոոպերացիոն համագործակցության զարգացմանն ուղղված միջոցների մասին» հանձնարարականը։ Փաստաթուղթը նախապատրաստվել է «Եվրասիական էլեկտրոբուս» արդյունաբերական կոոպերացիայի փորձնական նախագծի գործարկման վերաբերյալ ԵՏՀ Խորհրդի 2022 թվականի հուլիսի 15-ի հանձնարարականը իրականացնելու համար։

«Հանձնարարականի ընդունումը թույլ է տալիս կազմակերպել հետագա աշխատանքը էլեկտրատրանսպորտի լրակազմողների արտադրության ոլորտում ԵԱՏՄ պետությունների կոոպերացիոն նախագծերի ձևավորման ուղղությամբ», - ընդգծել է ԵՏՀ արդյունաբերության և ագրոարդյունաբերական համալիրի նախարար Արտակ Քամալյանը։ 

Ըստ Արտակ Քամալյանի՝ փաստաթուղթը սահմանում է Միությունում էլեկտրատրանսպորտի արտադրության զարգացման համար անդամ պետությունների համագործակցության հիմնական բազային մոտեցումները և լրակազմողների արտադրության կոնկրետ համատեղ նախագծերի անցնելու միջոցառումները։ Հանձնարարականը նաև ամրագրում է Կրիտիկական լրակազմողների և անհրաժեշտ արտադրական ներուժ ունեցող կազմակերպությունների ձևավորված ցանկերը:

«Առաջին հերթին, անհրաժեշտ է զարգացնել էլեկտրոբուսաշինության ոլորտի իրավասությունները, քանի որ նման արտադրանքը արդեն արտադրվում են Եվրասիական տնտեսական միության երկրների մեծ մասում, և դրա պահանջարկը խթանվում է հիմնականում պետական գնումների հաշվին, - նշել է ԵՏՀ նախարարը։ - Հետագա աշխատանքը այս ոլորտում կշարունակվի, սակայն հիմնական շեշտը նախատեսվում է դնել պոտենցիալ կոոպերացիոն նախագծերի ձևավորմանը՝ մշակելով Հանձնաժողովի միջոցների հաշվին վարկերի տոկոսադրույքների սուբսիդավորման հնարավորությունը»։ 

Այս հարցի մշակման ընթացքում Բելառուսից առաջարկներ են ստացվել դիտարկել անդամ պետությունների փորձը լիցքավորման համալիրների, այդ թվում՝ էլեկտրոբուսների, էլեկտրաբեռնատարների և էլեկտրամոբիլների լիցքավորման համար լիցքավորող սարքերի կառուցման հարցում։

ԵՏՀ Խորհրդի հանձնարարությամբ այս հարցը պետք է մշակվի Հանձնաժողովի՝ Միության շրջանակներում արդյունաբերության գերակա և բարձր տեխնոլոգիական ոլորտներում կոոպերացիայի և ներմուծման փոխարինման հարթակում: Անհրաժեշտության դեպքում կքննարկվի շահագրգիռ անդամ պետությունների կողմից համատեղ կոոպերացիոն նախագիծ ստեղծելու հնարավորությունը։ 

Փաստաթղթերի իրականացումը կնպաստի էլեկտրամեքենաշինության, գիտատեխնիկական համագործակցության ոլորտում Միության պետությունների կոոպերացիոն շփումների զարգացմանը, այս ոլորտի առանցքային տեխնոլոգիաների ու նախագծերի վերաբերյալ անդամ պետությունների փորձի փոխանակմանը:

ԵԱՏՄ-ում ներդրվում են տեղային օգտագործման համար նախատեսված վերարտադրված դեղորայքային պատրաստուկների կենսահամարժեքության հետազոտություններ անցկացնելու կանոնները

Եվրասիական տնտեսական հանձնաժողովի Խորհուրդը լրացրել է Դեղորայքային պատրաստուկների բիոհամարժեքության հետազոտություններ անցկացնելու կանոնները, որոնք սահմանում են տեղային ազդեցությամբ կրկնօրինակված (գեներիկ և հիբրիդային) դեղորայքային պատրաստուկների համարժեքության հաստատման միասնական ստանդարտները։ Հետազոտությունների անցկացման կանոնները լրացված են երեք հավելվածով, որոնք կանոնակարգում են տեղային ազդեցության դեղորայքային պատրաստուկների համարժեքության սահմանման մոտեցումները՝ կախված դրանց ներարկման ձևից (կիրառման եղանակից):

Բացառվում է տեղային կիրառման վերարտադրված դեղերի համարժեքության
 և փոխադարձ փոխարինելիության մասին ոչ հավաստի տեղեկությունների տրամադրման հնարավորությունը, ինչպես նաև դեղորայքային պատրաստուկների հետազոտություններ կատարելիս տրամադրվում են բուժառուի իրավունքների պաշտպանության լրացուցիչ երաշխիքներ:

«Կատարված փոփոխությունները թույլ կտան կրճատել կրկնօրինակված դեղամիջոցների հետազոտությունների ծրագիրը և փոխարինել նման դեղամիջոցների տևական, թանկարժեք և լայնածավալ կլինիկական հետազոտությունները փոքր խմբերով կամ հատուկ մոդելներով կատարվող հետազոտություններով: Դեղորայքային պատրաստուկների այս խմբերի հետազոտությունների կրկնօրինակման անհրաժեշտության բացառումը կուղեկցվի դրանց մշակման հետ կապված ծախսերի կրճատմամբ»,- նշել է ԵՏՀ տեխնիկական կարգավորման նախարար Վիկտոր Նազարենկոն։ 

Երկարաձգվում է մարդատար տրանսպորտի և բեռնատարների համապատասխանության գնահատման և շուկայահանման իրականացումը

ԵՏՀ Խորհրդի անդամները հավանություն են տվել մինչև 2024 թվականի փետրվարի 1-ը Հայաստան, Բելառուս, Ղազախստան և Ղրղզստան սեփական կարիքների համար՝ առանց արտակարգ օպերատիվ ծառայությունների կանչի սարքի (համակարգի) տեղադրման մասին պահանջները կիրառելու ներմուծվող M և N կարտեգորիաների առանձին փոխադրամիջոցների համապատասխանության գնահատման և շուկայահանման իրականացման երկարաձգմանը:

Հիշեցնենք, որ M կատեգորիան ներառում է մարդատար տրանսպորտային միջոցները, ներառյալ թեթև մարդատար ավտոմեքենաները, իսկ N կատեգորիան՝ բեռնատարները:

Որոշումներն ընդունվել են Հանձնաժողովի Խորհրդի 2022 թվականի մարտի 17-ի կարգադրությամբ հաստատված՝ Եվրասիական տնտեսական միության պետությունների տնտեսությունների կայունության բարձրացման, այդ թվում՝ մակրոտնտեսական կայունության ապահովման միջոցների իրագործման շրջանակներում։ Դրանք տարածվում են 2023 թվականի փետրվարի 1-ից ծագած իրավահարաբերությունների վրա։

Երկարաձգվում է ինքնագնաց մեքենաների և այլ տեսակի տեխնիկայի թղթային անձնագրերի ձևակերպման ժամկետը

Եվրասիական տնտեսական հանձնաժողովի Խորհուրդը ԵՏՀ Կոլեգիային հանձնարարել է Հայաստանի Հանրապետության, Բելառուսի Հանրապետության, Ղազախստանի Հանրապետության և Ղրղզստանի Հանրապետության համար 3 ամսով երկարաձգել ինքնագնաց մեքենաների և այլ տեսակի տեխնիկայի թղթային անձնագրերի ձևակերպման հնարավորությունը՝ էլեկտրոնային անձնագրերի ձևակերպման հետ մեկտեղ։ 

Համապատասխան փոփոխությունները սահմանված կարգով կկատարվեն ԵՏՀ Կոլեգիայի 2015 թվականի սեպտեմբերի 22-ի N 122 որոշման մեջ։

Տեղեկանք

 Համաձայն ԵՏՀ Կոլեգիայի 2015 թվականի սեպտեմբերի 22-ի N 122 որոշման՝ թույլատրվում է ինքնագնաց մեքենաների թղթային անձնագրի ձևակերպում ԵՏՀ Կոլեգիայի 2015 թվականի օգոստոսի 18-ի N 100 որոշմամբ հաստատված Անձնագրի միասնական ձևին և վերջինիս Լրացման կարգին համապատասխան. Բելառուսի Հանրապետությունում և Ղազախստանի Հանրապետությունում՝ մինչև 2023 թվականի մարտի 31-ը ներառյալ, Հայաստանի Հանրապետությունում և Ղրղզստանի Հանրապետությունում՝ մինչև 2023 թվականի մայիսի 31-ը ներառյալ։ Ռուսաստանի Դաշնությունում 2022 թվականի նոյեմբերի 2-ից ինքնագնաց մեքենաները ձևակերպվում են միայն էլեկտրոնային անձնագրերով։

Եվրասիական միջկառավարական խորհրդի 2023 թվականի փետրվարի 2-3-ի նիստի արդյունքները

Փետրվարի 2-ից 3-ը Ալմաթիում (Ղազախստանի Հանրապետություն)՝ Եվրասիական միջկառավարական խորհրդի առերես ձևաչափով կայացած նիստում Եվրասիական տնտեսական միության երկրների կառավարությունների ղեկավարները քննարկել են ութ հարց։

Եվրասիական միջկառավարական խորհուրդը հաստատել է ԵԱՏՄ ընդհանուր էլեկտրաէներգետիկ շուկայի շրջանակներում էլեկտրական էներգիայի (հզորության) միջպետական փոխանցման ծառայությունների հասանելիության կանոնները։ Սա ընդհանուր էլեկտրաէներգետիկ շուկայի գործարկման համար անհրաժեշտ կանոնների փաթեթի առաջին մասն է, որը պետք է ընդունեն ԵԱՏՄ կառավարությունների ղեկավարները։

ԵԱՏՄ երկրների կառավարությունների ղեկավարները կողմ էին «Եվրասիական ագրոէքսպրես» համատեղ ինտեգրացիոն նախագծում «Հյուսիս-Հարավ» միջազգային տրանսպորտային միջանցքով Թուրքմենստանի, Իրանի Իսլամական Հանրապետության, Արաբական Միացյալ Էմիրությունները և Հնդկաստանի Հանրապետության ուղղությամբ իրականացվող փոխադրումները ներառելու վերաբերյալ Եվրասիական տնտեսական հանձնաժողովի առաջարկին:

Եվրասիական միջկառավարական խորհուրդը որոշում է ընդունել Արդյունաբերության ոլորտում միջպետական ծրագրերի ու նախագծերի մշակման, ֆինանսավորման և իրականացման հիմնադրույթում փոփոխություններ կատարելու մասին։ Այս փաստաթուղթը գործում է Եվրասիական տնտեսական միության շրջանակներում արդեն 5 տարի՝ 2018 թվականի փետրվարից, և ներկայումս առաջացել է դրա առանձին նորմերի ճշգրտման կարիքը։

Միջկառավարական խորհրդի նիստում Եվրասիական տնտեսական հանձնաժողովը զեկույց է ներկայացրել Եվրասիական տնտեսական միության պետություններում առկա մակրոտնտեսական իրավիճակի և կայուն տնտեսական զարգացման ապահովման առաջարկների մասին։ Զեկույցը տեղեկատվություն է պարունակում համաշխարհային տնտեսության զարգացման ընթացիկ միտումների, ԵԱՏՄ պետությունների տնտեսական զարգացման դինամիկայի և հեռանկարների մասին, վերլուծվում են աճի խոչընդոտները և առաջարկվում Միության երկրների տնտեսությունների զարգացմանն աջակցելու սկզբունքներ ու չափանիշներ։

Եվրասիական միջկառավարական խորհրդի հաջորդ նիստը տեղի կունենա հունիսի 7-ից 9-ը Ռուսաստանի Դաշնության Սոչի քաղաքում:

Եվրասիական միջկառավարական խորհրդի նիստին մասնակցել են Եվրասիական տնտեսական միության երկրների կառավարությունների ղեկավարները՝ ԵՄԿԽ նախագահ, Ռուսաստանի Դաշնության կառավարության ղեկավար Միխայիլ Միշուստինը, Հայաստանի Հանրապետության վարչապետ Նիկոլ Փաշինյանը, Բելառուսի Հանրապետության վարչապետ Ռոման Գոլովչենկոն, Ղազախստանի Հանրապետության վարչապետ Ալիխան Սմայիլովը, Ղրղզստանի Հանրապետության նախարարների կաբինետի նախագահ Ակիլբեկ Ժապարովը, ինչպես նաև Եվրասիական տնտեսական հանձնաժողովի Կոլեգիայի նախագահ Միխայիլ Մյասնիկովիչը և ԵԱՏՄ դիտորդ պետությունների կառավարությունների ղեկավարները՝ Ուզբեկստանի Հանրապետության վարչապետ Աբդուլա Արիպովը (առերես ձևաչափով) և Կուբայի Հանրապետության վարչապետ Մանուել Մարերո Կրուզը (տեսակապի միջոցով):

Եվրասիական միջկառավարական խորհրդի նիստի արդյունքում ստորագրված փաստաթղթերը՝

- Կարգադրություն «Եվրասիական տնտեսական միության անդամ պետություններում մակրոտնտեսական իրավիճակի և կայուն տնտեսական զարգացման ապահովման առաջարկությունների մասին»: - Որոշում «Արդյունաբերական ոլորտում միջպետական ծրագրերի և նախագծերի մշակման, ֆինանսավորման և իրականացման հիմնադրույթում փոփոխություններ կատարելու մասին»:
  - Կարգադրություն «Այն ապրանքների ցանկում փոփոխություններ կատարելու մասին, որոնց համար իրականացվում է ինդիկատիվ հաշվեկշիռներ նախապատրաստում»:
- Որոշում «Եվրասիական տնտեսական միության ընդհանուր էլեկտրաէներգետիկ շուկայի շրջանակներում էլեկտրական էներգիայի (հզորության) միջպետական փոխանցման ծառայությունների հասանելիության կանոնները հաստատելու մասին»։
- Կարգադրություն «Եվրասիական միջկառավարական խորհրդի 2022 թվականի հունիսի 21-ի N 11 կարգադրության մեջ փոփոխություններ կատարելու մասին»:
- Կարգադրություն «Եվրասիական տնտեսական միության ինտեգրված տեղեկատվական համակարգի և թվային օրակարգի հետագա զարգացման մասին»:
    - Կարգադրություն ««Եվրասիական ագրոէքսպրես» գյուղատնտեսական արտադրանքի և պարենի արագացված երկաթուղային և մուլտիմոդալ փոխադրումների իրականացման վերաբերյալ Եվրասիական տնտեսական միության անդամ պետությունների համատեղ նախագծի իրագործման ընթացքի մասին:
- Կարգադրություն «Եվրասիական միջկառավարական խորհրդի հերթական նիստի անցկացման ժամանակի և վայրի մասին»:

ԵՏՀ Խորհրդի 2023 թ. հունվարի 25-ի նիստի արդյունքները

Հունվարի 25-ին Մոսկվայում առերես ձևաչափով կայացել է Եվրասիական տնտեսական հանձնաժողովի Խորհրդի նիստը՝ Ռուսաստանի Դաշնության փոխվարչապետ Ալեքսեյ Օվերչուկի նախագահությամբ, ԵՏՀ Խորհրդի անդամների և ԵՏՀ Կոլեգիայի նախագահ Միխայիլ Մյասնիկովիչի մասնակցությամբ:

2023 թվականի հունվարի 1-ից Ռուսաստանի Դաշնությունը մեկ տարվա ընթացքում նախագահում է ԵԱՏՄ մարմիններում՝ Եվրասիական տնտեսական բարձրագույն խորհրդում, Եվրասիական միջկառավարական խորհրդում և Եվրասիական տնտեսական հանձնաժողովի Խորհրդում։

ԵՏՀ Խորհուրդը ևս 55 ապրանքային դիրքի համար հաստատել է արտադրության պայմանները, որոնց կատարման դեպքում ապրանքը համարվում է ԵԱՏՄ-ում արտադրված և կարող է թույլատրվել Միության պետություններում պետական գնումներին մասնակցությանը: Պետական գնումների նպատակով ապրանքների առանձին տեսակների ծագման երկրի որոշման կանոնների N 1 հավելվածում կատարվել են համապատասխան փոփոխություններ: Այս ապրանքները ներառում են օդանավակայանի քարշիչներ, 3D տպիչներ, խոսափողներ, բարձրախոսներ, հեռախոսներ, ձայնային կայանքներ, հաշվողական մեքենաների սարքերի և սնուցման բլոկերի սխեմաներ, տեսաներածիչներ, կենսաչափական համալիրներ, լուսադիոդներ, օպտիկամանրաթելային մալուխներ, շնչառական սարքեր և այլ ապրանքներ: Կատարված փոփոխություններն անդրադարձել են արդյունաբերության հինգ ոլորտների՝ հաստոցաշինության, հատուկ մեքենաշինության, բժշկական սարքերի, երաժշտական գործիքների, ինչպես նաև ձայնային սարքավորումների, էլեկտրոնիկայի և ռադիոէլեկտրոնիկայի արտադրության։

Եվրասիական տնտեսական հանձնաժողովի Խորհուրդը որոշում է ընդունել ժամանակավորապես՝ մինչև 2024 թվականի փետրվարի 29-ը պաստառների արտադրության համար նախատեսված պլաստիկացված պոլիվինիլքլորիդի ներկրման մաքսատուրքի դրույքաչափը զրոյացնելու մասին: Տվյալ ապրանքի համար ԵԱՏՄ ՄՄՍ ներկայիս դրույքաչափը կազմում է 6,5%:

ԵԱՏՄ-ի կարանտինային օբյեկտների ցանկը համալրվել է վնասատուի նոր տեսակով, պահանջ է սահմանվել, որ սերմն ու տնկանյութը պետք է զերծ լինեն կարանտինային այս օբյեկտից։

Եվրասիական տնտեսական հանձնաժողովի Խորհուրդը հաստատել է Համապատասխանության գնահատման տիպային սխեմաների փոփոխություններին: ԵՏՀ Խորհրդի որոշումը պայմաններ է ստեղծում այս ոլորտում կազմակերպակարգադրական բնույթի բարելավումների համար։ Դրանք թույլ կտան արագորեն փոփոխություններ կատարել Միության համապատասխանության գնահատման փաստաթղթերում (հավաստագրեր և հայտարարագրեր) իրավաբանական անձի անվանումը կամ անհատ ձեռնարկատիրոջ ազգանունն ու սկզբնատառերը փոխելիս, ինչպես նաև արտադրանքի արտադրման վայրի հասցեի առանձին վավերապայմանների փոփոխության փաստաթղթերում (խոսքը, օրինակ, քաղաքի, փողոցի անվանափոխության, փոստային ինդեքսը, տան համարը փոխելու մասին է)՝ փաստացի արտադրության վայրը մնա անփոփոխ մնալու պայմանով։ Դա կհեշտացնի ԵԱՏՄ երկրների գործող տնտեսվարող սուբյեկտների աշխատանքը։

Եվրասիական տնտեսական հանձնաժողովի Խորհրդի նիստի մասնակիցները հավանության են արժանացրել ագրոարդյունաբերական համալիրի զարգացման համատեղ կանխատեսումները և առանձին գյուղատնտեսական ապրանքների պահանջարկի և առաջարկի 2023 թվականի համատեղ ինդիկատիվ հավասարակշռությունը:

Նիստի ընթացքում հավանություն է տրվել ԵԱՏՄ պետություններում մակրոտնտեսական իրավիճակի վերաբերյալ Հանձնաժողովի զեկույցին և կայուն տնտեսական զարգացման ապահովման առաջարկներին։ Այն կներկայացվի Եվրասիական միջկառավարական խորհրդի առաջիկա նիստում։

Հավանության է արժանացել 2023 թվականի փետրվարի 2-ից 3-ը Ղազախստանի Հանրապետության Ալմաթի քաղաքում կայանալիք Եվրասիական միջկառավարական խորհրդի նիստի օրակարգի նախագիծը։

ԵԱՏՄ երկրներում պետգնումներին մասնակցելու համար ապրանքների ծագման երկրի որոշման կանոնները լրացվել են ևս 55 դիրքով

ԵՏՀ Խորհուրդը ևս 55 ապրանքային դիրքի համար հաստատել է արտադրության պայմանները, որոնց կատարման դեպքում ապրանքը համարվում է ԵԱՏՄ-ում արտադրված և կարող է թույլատրվել Միության պետություններում պետական գնումներին մասնակցությանը:

Պետական գնումների նպատակով ապրանքների առանձին տեսակների ծագման երկրի որոշման կանոնների N 1 հավելվածում կատարվել են համապատասխան փոփոխություններ: Այս ապրանքները ներառում են օդանավակայանի քարշիչներ, 3D տպիչներ, խոսափողներ, բարձրախոսներ, հեռախոսներ, ձայնային կայանքներ, հաշվողական մեքենաների սարքերի և սնուցման բլոկերի սխեմաներ, տեսաներածիչներ, կենսաչափական համալիրներ, լուսադիոդներ, օպտիկամանրաթելային մալուխներ, շնչառական սարքեր և այլ ապրանքներ: Ընդհանուր առմամբ, կատարված փոփոխություններն անդրադարձել են արդյունաբերության հինգ ոլորտների՝ հաստոցաշինության, հատուկ մեքենաշինության, բժշկական սարքերի, երաժշտական գործիքների, ինչպես նաև ձայնային սարքավորումների, էլեկտրոնիկայի և ռադիոէլեկտրոնիկայի արտադրության։

Բոլոր պայմանները և արտադրական գործառնությունները համաձայնեցված են ԵԱՏՄ երկրների լիազոր մարմինների և բիզնեսի հետ։

ԵՏՀ մրցակցության և հակամենաշնորհային կարգավորման հարցերով նախարար Բախիթ Սուլթանովի խոսքով՝ ԵՏՀ Խորհրդի կողմից ընդունված որոշումն էապես ընդլայնում է միմյանց պետական գնումներին Միության երկրների արտադրողների մասնակցության հնարավորությունները։

«Ընդունված պայմանները և տեխնոլոգիական գործառնությունները թույլ կտան առավելագույնս օգտագործել Միության երկրներում ստեղծված հզորությունները արտադրական գործընթացում, ինչը կարևոր է ներմուծման փոխարինման և արտադրությունների տեղափոխման պայմաններում», - մեկնաբանել է նախարարը։

Տեղեկանք

Հաշվի առնելով ընդունված որոշումը՝ ԵՏՀ Խորհրդի 2020 թվականի նոյեմբերի 23-ի N 105 որոշմամբ հաստատված Պետական գնումների նպատակով արդյունաբերական ապրանքների առանձին տեսակների ծագման երկրի որոշման կանոնները արտադրության պայմաններ են պարունակում արդյունաբերության 14 ոլորտի 375 ապրանքային անվանման վերաբերյալ: Բացի այդ, Կանոնները պարունակում են 102 ապրանքային դիրք, որոնց մասնակցությունը պետական գնումներին թույլատրվում է ST-1 հավաստագրի հիման վրա:

ԵՏՀ-ն մեկ տարով զրոյացրել է պաստառի արտադրության համար պոլիմերների ներմուծման մաքսատուրքը

Եվրասիական տնտեսական հանձնաժողովի Խորհուրդը որոշում է ընդունել ժամանակավորապես՝ մինչև 2024 թվականի փետրվարի 29-ը պաստառների արտադրության համար նախատեսված պլաստիկացված պոլիվինիլքլորիդի ներկրման մաքսատուրքի դրույքաչափը զրոյացնելու մասին: Տվյալ ապրանքի համար ԵԱՏՄ ՄՄՍ ներկայիս դրույքաչափը կազմում է 6,5%:

«Պոլիմերը նախատեսված է ռոտացիոն տրաֆարետային տպագրության միջոցով թղթի և չհյուսած գործվածքի (ֆլիզելինի) վրա տպագրության համար և ներկայումս անհրաժեշտ ծավալներով չի արտադրվում Եվրասիական տնտեսական միության տարածքում»,- պարզաբանել է ԵՏՀ մաքսասակագնային և ոչ սակագնային կարգավորման վարչության տնօրեն Վահագն Ղազարյանը։

Նրա խոսքով՝ Միության անդամ մի շարք երկրների նկատմամբ արտաքին պատժամիջոցների պայմաններում մաքսասակագնային կարգավորման ընդունված միջոցը թույլ կտա աջակցել ներքին շուկայում պաստառ արտադրողներին։

Որոշումն ուժի մեջ է մտնելու պաշտոնական հրապարակման օրվանից 10 օրացուցային օրը լրանալուց հետո։

Տեղեկանք

Նախկինում Հանձնաժողովի Խորհրդի 2017 թվականի օգոստոսի 22-ի N 47 և 2018 թվականի դեկտեմբերի 5-ի N 97 որոշումների համաձայն՝ խնդրո առարկա ապրանքների ներմուծման մաքսատուրքի զրոյական դրույքաչափը արդեն կիրառվել էր 2017 թվականի հոկտեմբերի 14-ից մինչև 2020 թվականի դեկտեմբերի 31-ը ներառյալ։

ԵՏՀ Խորհրդի 2022 թվականի դեկտեմբերի 14-ի նիստի արդյունքները

Դեկտեմբերի 14-ին Մոսկվայում առերես ձևաչափով կայացել Է Եվրասիական տնտեսական հանձնաժողովի խորհրդի՝ 2022 թվականի եզրափակիչ նիստը՝ Ղրղզստանի Հանրապետության նախարարների կաբինետի նախագահի առաջին տեղակալ Ադիլբեկ Կասիմալիևի նախագահությամբ, ԵՏՀ Խորհրդի անդամների և ԵՏՀ Կոլեգիայի նախագահ Միխայիլ Մյասնիկովիչի մասնակցությամբ:

ԵՏՀ խորհուրդը հաստատել է համաձայն Եվրասիական տնտեսական միության իրավունքի բժշկական արտադրատեսակների գրանցմանն անցնելու գործողությունների պլանը (ճանապարհային քարտեզը)։

ԵՏՀ Խորհուրդը հավանություն է տվել ԵԱՏՄ մասին պայմանագրում արտակարգ բուսասանիտարական միջոցների ներդրման մասին փոփոխություններին:

ԵՏՀ խորհուրդը քննարկել է ԵԱՏՄ կենսաբանական անվտանգության ռազմավարության նախագծի շուրջ աշխատանքի ընթացքը։ Ավելի վաղ նման նախաձեռնությամբ հանդես էր եկել բելոռուսական կողմը։ Հանձնաժողովի խորհուրդը հանձնարարել է շարունակել խորհրդակցությունները։

ԵՏՀ Խորհուրդը որոշում է ընդունել Անասնաբուժական վերահսկողության (հսկողության) իրականացման ընթացքում լաբորատոր հետազոտությունների (փորձարկումների) կազմակերպման կանոնները այս ոլորտում ռեֆերենս լաբորատորիաներին (կենտրոններին) ներկայացվող միասնական պահանջներով լրացնելու մասին։ 

ԵՏՀ Խորհուրդը որոշում է ընդունել «ԲԵԼԱԶ» ԲԲԸ-ի կողմից իրականացվող բացահանքային տեխնիկայի արտադրության համար դիզելային շարժիչների ներմուծման մաքսատուրքի զրոյական դրույքաչափի գործողության ժամկետը մինչև 2024 թվականի ապրիլի 1-ը երկարաձգելու մասին:

Փոխվարչապետերին են ներկայացվել ԵԱՏՄ-ում համատեղ ծրագրերի և նախագծերի ֆինանսավորման մեխանիզմների վերաբերյալ առաջարկներ։

ԵՏՀ Խորհուրդը լրացրել է Ապրանքների ծագման երկրի որոշման կանոնները 81 ապրանքային դիրքով, ներառյալ՝ ջահերը, արդուկները, միկրոալիքային վառարանները, սուրճի կամ թեյի պատրաստման էլեկտրական սարքերը, ներքնակները, էլեկտրական ջրատաքացուցիչները, փոշեկուլները, ուղեփակոցները, մանրադիտակները և այլն։

ԵՏՀ Խորհրդի որոշմամբ փոփոխություններ են կատարվել Հանձնաժողովի կողմից պետական գնումների ոլորտում ազգային ռեժիմից բացառումներ սահմանելու մասին ակտերի ընդունման մասին ԵԱՏՄ պետությունների ծանուցումների քննարկման կարգում։ Փոփոխություններն ընդունվել են նախորդ տարի Հանձնաժողովի Խորհրդի կողմից հաստատված՝ բացառումների և սահմանափակումների վերացման ճանապարհային քարտեզի իրականացման նպատակով։ 

ԵՏՀ Խորհուրդը հանձնարարական է ընդունել գույքի գնահատման օբյեկտների համեմատական ցանկի վերաբերյալ։ Համեմատական ցանկը ներառում է գույքի գնահատման օբյեկտներ՝ ԵԱՏՄ յուրաքանչյուր պետությունում համապատասխան օբյեկտների նկատմամբ գույքի գնահատում կատարելու իրավունք տվող թույլտվությունների նշումով: 

ԵՏՀ Խորհրդի հաջորդ նիստը կկայանա 2023 թվականի հունվարի 20-ին Մոսկվայում՝ առերես ձևաչափով։

Եվրասիական տնտեսական հանձնաժողովի Խորհրդի նիստի արդյունքներով ստորագրված փաստաթղթեր

– Որոշում «Անասնաբուժական վերահսկողության (հսկողության) իրականացման ընթացքում լաբորատոր հետազոտությունների (փորձարկումների) կազմակերպման կանոններում փոփոխություններ կատարելու մասին»:

– Որոշում «Արտադրանքի միասնական ցանկում, որի նկատմամբ Մաքսային միության շրջանակներում սահմանվում են պարտադիր պայմաններ, փոփոխություններ կատարելու մասին»:

- Կարգադրություն «Բժշկական արտադրատեսակների գրանցման և անվտանգության, որակի և արդյունավետության փորձաքննության կանոններին համապատասխան բժշկական արտադրատեսակների գրանցման իրականացմանը անցումն ապահովելու միջոցառումների պլանը («ճանապարհային քարտեզը») հաստատելու մասին»:

- Կարգադրություններ «Մինչև 2025 թվականը եվրասիական տնտեսական ինտեգրման զարգացման ռազմավարական ուղղությունների իրականացման միջոցառումների պլանում փոփոխություններ կատարելու մասին»:

– Հանձնարարական «Գույքի գնահատման օբյեկտների համեմատական ցանկի մասին՝ համապատասխան օբյեկտների նկատմամբ գույքի գնահատում կատարելու իրավունք տվող թույլտվությունների նշումով»:

– Որոշում «Եվրասիական տնտեսական հանձնաժողովի Խորհրդի որոշ որոշումներում փոփոխություններ կատարելու մասին»:

– Որոշում «Պետական (համայնքային) գնումների նպատակներով ապրանքների առանձին տեսակների ծագման երկիրը որոշելու կանոններում փոփոխություններ կատարելու մասին»։

– Կարգադրություն «Եվրասիական տնտեսական միության համատեղ ծրագրերի և նախագծերի ֆինանսավորման մեխանիզմների վերաբերյալ առաջարկների մասին»։

– Կարգադրություն «Եվրասիական տնտեսական միության մասին 2014 թվականի մայիսի 29-ի պայմանագրում փոփոխություններ կատարելու մասին արձանագրության նախագծի մասին («3-րդ Մեծ» Արձանագրության նախագիծ)»:

– Որոշում «Եվրասիական տնտեսական միության անդամ պետությունների կողմից պետական (համայնքային) գնումների ոլորտում ազգային ռեժիմից բացառումներ սահմանելու մասին ակտերի ընդունման մասին անդամ պետությունների ծանուցումները, նման ակտերի վերացման հարցերով անդամ պետությունների դիմումները Եվրասիական տնտեսական հանձնաժողովի կողմից քննարկման, ինչպես նաև Հանձնաժողովի կողմից նման ակտերի վերացման անհրաժեշտության մասին որոշումների ընդունման կարգում փոփոխություններ կատարելու մասին»:

– Որոշում «Ներքին այրման շարժիչների առանձին տեսակների նկատմամբ Եվրասիական տնտեսական միության Միասնական մաքսային սակագնի ներմուծման մաքսատուրքի դրույքաչափի գործողության ժամկետի երկարաձգման մասին»:

– Կարգադրություն «Արտադրողների կողմից լիազորված անձանց միասնական գրանցամատյանի ձևավորման մոտեցումների մասին»։

ԵԱՏՄ երկրների փոխվարչապետերին առաջարկներ են ներկայացվել համատեղ ծրագրերի և նախագծերի ֆինանսավորման մեխանիզմների վերաբերյալ

Դեկտեմբերի 14-ի նիստում Եվրասիական տնտեսական հանձնաժողովի Խորհուրդը քննարկել է ԵՏՀ Կոլեգիայի առաջարկները Եվրասիական տնտեսական միությունում համատեղ ծրագրերի և նախագծերի ֆինանսավորման մեխանիզմների վերաբերյալ։

Ինչպես նշել է ԵՏՀ ինտեգրման և մակրոտնտեսության նախարար Սերգեյ Գլազևը, Հանձնաժողովը վերլուծել է Եվրասիական տնտեսական միությունում գործունեություն իրականացնող զարգացման միջազգային ֆինանսական ինստիտուտների ծրագրերի և նախագծերի ֆինանսավորման աղբյուրներն ու գործիքները, ԱՊՀ-ում միջպետական ծրագրերի մշակման նորմատիվ բազան, ինչպես նաև միջազգային ինտեգրացիոն միավորումների և զարգացման ինստիտուտների գործունեությունը:

Նախապատրաստված առաջարկները հաշվի կառնվեն Միության համատեղ ծրագրերի ու նախագծերի մշակման, ֆինանսավորման և իրականացման հիմնադրույթի նախագծի շուրջ աշխատելիս, որի մշակումը նախատեսված է Ռազմավարություն-2025-ով:

ԵՏՀ Խորհուրդն ի գիտություն է ընդունել զեկույցը։

Տեղեկանք

«Եվրասիական տնտեսական միության համատեղ ծրագրերի և նախագծերի ֆինանսավորման մեխանիզմների վերաբերյալ առաջարկների մասին» զեկույցը մշակվել է Ռազմավարություն-2025-ի, ինչպես նաև ԵԱՏՄ անդամ պետությունների տնտեսությունների կայունության բարձրացմանն ուղղված միջոցների ցանկի կատարման նպատակով, ներառյալ մակրոտնտեսական կայունության ապահովումը։

ԵՏՀ Խորհուրդը լրացրել է Ապրանքների ծագման երկրի որոշման կանոնները մի շարք ապրանքային դիրքերով

ԵՏՀ Խորհրդի որոշմամբ Պետական գնումների նպատակների համար ապրանքների առանձին տեսակների ծագման երկիրը որոշելու կանոններում կատարվել են կարևոր փոփոխություններ։ Պետական գնումների նպատակով Արդյունաբերական ապրանքների եվրասիական գրանցամատյանում ընդգրկվող ապրանքների ցանկը СТ-1 վկայագրի հիման վրա (տրվում է Անկախ պետությունների համագործակցությունում ծագման երկրի որոշման 2009 թվայանի նոյեմբերի 20-ի կանոններին համապատասխան) լրացվել է ևս 81 տեսակի ապրանքներով։

Դրանց թվում են ջահերը, արդուկները, միկրոալիքային վառարանները, սուրճ կամ թեյ պատրաստելու էլեկտրական սարքերը, ներքնակները, էլեկտրական ջրատաքացուցիչները, փոշեկուլները, ուղեփակոցները, մանրադիտակները և այլն։

Ըստ ԵՏՀ մրցակցության և հակամենաշնորհային կարգավորման նախարար Բախիթ Սուլթանովի՝ այժմ այս ապրանքները Եվրասիական գրանցամատյանում ընդգրկելու համար արտադրողը կարող է տրամադրել ապրանքի ծագման СТ-1 հավաստագիր։ «Այսօր ընդունված լրացումները ձեռնարկատերերի համար էապես կհեշտացնեն եվրասիական գրանցամատյանում ընդգրկման ընթացակարգը, ինչը հատկապես կարևոր է՝ հաշվի առնելով այդ ապրանքների սոցիալական նշանակությունը», - նշել է ԵՏՀ նախարարը։

Բացի այդ, Խորհրդի որոշմամբ СТ-1 հավաստագրի հիման վրա Արդյունաբերական ապրանքների եվրասիական գրանցամատյանում ընդգրկելու հնարավորության ժամկետը հատուկ տեխնիկայի ութ դիրքի համար երկարաձգվել է մինչև 2023 թվականի հունիսի 30-ը, տրոլեյբուսների համար՝ մինչև 2023 թվականի վերջ, թեթև արդյունաբերության ապրանքների և թղթի համար՝ մինչև 2024 թվականի վերջ:

Սահմանվել են անասնաբուժության ոլորտի ռեֆերենս լաբորատորիաներին ներկայացվող պահանջները

Եվրասիական տնտեսական հանձնաժողովի Խորհուրդը որոշել է փոփոխություններ կատարել Անասնաբուժական վերահսկողություն (հսկողություն) իրականացնելիս լաբորատոր հետազոտությունների (փորձարկումների) կազմակերպման կանոններում և լրացնել դրանք այս ոլորտի ռեֆերենս լաբորատորիաներին (կենտրոններին) ներկայացվող միասնական պահանջներով։

Պահանջները Եվրասիական տնտեսական միության երկրներին թույլ կտան կիրառել լաբորատորիաների ֆունկցիոնալ կարողությունների գնահատման, ռեֆերենս գործառույթներով օժտելու համար դրանց թվից կենտրոնների ընտրության միասնական մոտեցումներ: Դա կնպաստի կատարվող հետազոտությունների արդյունքների հավաստիության բարձրացմանը, ինչպես նաև նվազագույնի կհասցնի փոխադարձ և միջազգային առևտրում կողմերի լիազորված մարմինների կողմից անհիմն արգելքների և սահմանափակումների կիրառման ռիսկերը։

Բացի այդ, կատարվող փոփոխությունները նախատեսում են փաստաթղթի հայեցակարգային ապարատի արդիականացում և նմուշառման ակտերի ձևերի համապատասխանեցում։

Կանոնների նոր խմբագրությունը ուժի մեջ կմտնի պաշտոնական հրապարակման օրվանից 30 օրացուցային օրը լրանալու պահից։

Հաստատվել է ԵԱՏՄ իրավունքին համապատասխան բժշկական արտադրատեսակների գրանցմանն անցնելու ճանապարհային քարտեզը

Եվրասիական տնտեսական հանձնաժողովի խորհուրդը հաստատել է համաձայն Միության իրավունքի բժշկական արտադրատեսակների գրանցմանն անցնելու գործողությունների պլանը (ճանապարհային քարտեզը)։ Ճանապարհային քարտեզը թույլ է տալիս հաշվի առնել 2022 թվականի հունվարի 1-ից բժշկական արտադրատեսակների ընդհանուր շուկայի աշխատանքում բացահայտված բոլոր հարցերը և ներառում է Միության երկրների լիազորված մարմինների միջոցառումները, ինչպես նաև Եվրասիական տնտեսական հանձնաժողովի հետ համատեղ միջոցառումները:

Փորձարկման բազայի զարգացման ուղղությամբ լիազորված մարմինների միջոցառումները րծունեությունը ներառում են՝

- փորձարկման լաբորատորիաների (կենտրոնների) աշխատանքի խնդրահարույց հարցերի մշտական վերլուծություն,

- փորձարկման լաբորատորիաների (կենտրոնների) և բժշկական կազմակերպությունների (կլինիկական փորձարկումների բազաների) գործունեությանն աջակցության միջոցների վերաբերյալ առաջարկների նախապատրաստում,

- փորձագետների և տեսուչների անհրաժեշտ նախապատրաստում Միության կանոններով աշխատելու համար:

Հանձնաժողովի հետ համատեղ միջոցառումներն են՝

- բժշկական արտադրատեսակների շրջանառության ոլորտում Միության շրջանակներում կայուն տեղեկատվական փոխգործակցության ապահովում,

- բժշկական արտադրատեսակների գրանցման ընթացակարգի հետագա օպտիմալացում:

Ինչպես նշել է ԵՏՀ տեխնիկական կարգավորման նախարար Վիկտոր Նազարենկոն, պլանի համաձայն, միջոցառումների հիմնական մասը պետք է ավարտվի մինչև 2023 թվականի վերջ։ Դա թույլ կտա ապահովել համաձայնագրի անցումային շրջանի ավարտից հետո Միության կանոններով բժշկական արտադրատեսակների գրանցմանն անվերապահ անցումը՝ հաշվի առնելով դրա նախատեսվող երկարաձգումը մինչև 2025 թվականի վերջ։

ԵՏՀ Խորհուրդը հավանություն է տվել ԵԱՏՄ մասին պայմանագրում արտակարգ բուսասանիտարական միջոցների ներդրման մասին փոփոխություններին

Եվրասիական տնտեսական հանձնաժողովի Խորհուրդը հավանություն է տվել Եվրասիական տնտեսական միության մասին պայմանագրի փոփոխություններին, որոնք վերաբերում են Կարանտինային օբյեկտների միասնական ցանկում չընդգրկված, բայց Միության մաքսային տարածքի համար բուսասանիտարական ռիսկ ներկայացնող վնասակար օրգանիզմների նկատմամբ արտակարգ բուսասանիտարական միջոցների ներդրման կարգի՝ «հնգյակի» համար միասնական մոտեցումների սահմանմանը։

ԵԱՏՄ մասին պայմանագրում փոփոխություններ կատարելու մասին արձանագրության նախագիծը Խորհրդն ուղարկել է ԵԱՏՄ երկրներին ներպետական ընթացակարգեր անցկացնելու նպատակով, որից հետո փաստաթուղթը կներկայացվի պետությունների ղեկավարների ստորագրմանը։

Այս փոփոխությունների ուժի մեջ մտնելը թույլ կտա նվազագույնի հասցնել անդամ պետությունների փոխադարձ առևտրի խոչընդոտների առաջացման ռիսկը և բարձրացնել Միության մաքսային տարածքի բուսասանիտարական անվտանգությունը։

Բացի այդ, Պայմանագիրը ներառում է անդամ պետությունների պայմանավորվածություններ սպառողների իրավունքների պաշտպանության ոլորտում համատեղ գործողություններ ձեռնարկելու վերաբերյալ։

ԵՏՀ-ն կատարելագործել է Պետական գնումներից բացառումներ սահմանելու մասին ԵԱՏՄ պետությունների ծանուցումների քննարկման կարգը

Եվրասիական տնտեսական հանձնաժողովի Խորհրդի որոշմամբ փոփոխություններ են կատարվել է Հանձնաժողոի կողմից Պետական գնումների ոլորտում ազգային ռեժիմից բացառումներ սահմանելու մասին ակտերի ընդունման վերաբերյալ Եվրասիական տնտեսական միության պետությունների ծանուցումների քննարկման կարգում (հաստատված ԵՏՀ Խորհրդի 2015 թվականի նոյեմբերի 23-ի № 69 որոշմամբ):

Փոփոխություններն ընդունվել են նախորդ տարի Հանձնաժողովի Խորհրդի կողմից հաստատված՝ բացառումների և սահմանափակումների վերացման ճանապարհային քարտեզի իրականացման նպատակով։

Նոր Կարգը, բացի տեխնիկական փոփոխություններից, սահմանում է բացառում ներդնող պետության պարտականությունը՝ ԵԱՏՄ մեկ այլ պետության կողմից սույն ակտը վերացնելու մասին դիմում ստացվելու դեպքում հիմնավորել իր որոշումը համապատասխան վերլուծական տեղեկոատվությամբ։

Բացի այդ, Հանձնաժողովը պարտավորվում է ԵՏՀ կայքում տեղադրել բացառումներ սահմանելու մասին Միության պետությունների կողմից ընդունվող ակտերի վերաբերյալ ծանուցումների գրանցամատյանը։ Գրանցամատյանը տեղեկատվություն կպարունակի կարգի պահանջներին ծանուցումների համապատասխանության, սահմանվող կարգավորման որակավորման մասին, ինչպես նաև այլ տեղեկություններ ընդունվող ակտի մասին:

Մեկնաբանելով ընդունված փոփոխությունները՝ ԵՏՀ մրցակցության և հակամենաշնորհային կարգավորման նախարար Բախիթ Սուլթանովը նշել է, որ դրանք կապահովեն պետությունների գործողությունների թափանցիկությունն ու կանխատեսելիությունը, հստակ կսահմանվեն «խաղի կանոնները» և գնումների ոլորտը ավելի բարեկամական կդարձնեն ձեռնարկատերերի համար։

   

Տեղեկանք

ԵԱՏՄ մասին պայմանագիրը նախատեսում է պետության՝ բացառիկ դեպքերում առավելագույնը երկու տարի ժամկետով միակողմանի կարգով (իր օրենսդրությանը համապատասխան) պետական գնումների ազգային ռեժիմից բացառումներ սահմանելու իրավունքը։

Եվրասիական տնտեսական բարձրագույն խորհրդի 2022 թվականի դեկտեմբերի 9-ի նիստի արդյունքները

Այսօր Բիշքեկում Ղրղզստանի Հանրապետության նախագահ Սադիր Ժապարովի նախագահությամբ առերես ձևաչափով կայացել է Եվրասիական տնտեսական բարձրագույն խորհրդի նիստը Եվրասիական տնտեսական միության պետությունների ղեկավարների՝ Հայաստանի Հանրապետության վարչապետ Նիկոլ Փաշինյանի, Բելառուսի Հանրապետության նախագահ Ալեքսանդր Լուկաշենկոյի, Ղազախստանի Հանրապետության նախագահ Կասիմ-Ժոմարտ Տոկաևի, Ռուսաստանի Դաշնության նախագահ Վլադիմիր Պուտինի, Կուբայի Հանրապետության նախագահ Միգել Դիաս Կանել Բերմուդեսի (տեսաուղերձի ձևաչափով), Ուզբեկստանի Հանրապետության վարչապետ Աբդուլա Արիպովի, Եվրասիական տնտեսական հանձնաժողովի Կոլեգիայի նախագահ Միխայիլ Մյասնիկովիչի մասնակցությամբ:

ԵԱՏՄ պետությունների ղեկավարները որոշում են ընդունել ազատ առևտրի մասին համաձայնագիր կնքելու շուրջ Արաբական Միացյալ Էմիրությունների հետ Եվրասիական տնտեսական միության կողմից բանակցություններ սկսելու մասին:

ԵԱՏՄ պետությունների ղեկավարները ստորագրել են Միության տարածքում էլեկտրոնային տեսքով ծառայություն մատուցելու դեպքում ԱԱՀ գանձման կարգում փոփոխություններ կատարող արձանագրություն:

Եվրասիական տնտեսական բարձրագույն խորհուրդը որոշում է ընդունել արդյունաբերական կոոպերացիայի ֆինանսավորման նոր ձևաչափ ստեղծելու մասին:

ԵԱՏՄ պետությունների ղեկավարները հաստատել են ԵԱՏՄ միջազգային գործունեության 2023 թվականի հիմնական ուղղությունները:

Եվրասիական տնտեսական բարձրագույն խորհուրդը հաստատել է ծառայությունների ազատականացման համար առաջնահերթ ուղղությունների ցանկը, ինչպես նաև որոշում ընդունել Եվրասիական տնտեսական միության ծառայությունների միասնական շուկայի ընդլայնման մասին, որը 2023 թվականի հունվարի 1-ից կընդգրկի ծառայությունների ևս 14 հատված, այդ թվում՝ օդերևութաբանության, կենցաղային և այլ օժանդակ ծառայություններ:

Եվրասիական տնտեսական բարձրագույն խորհուրդը որոշել է ստեղծել օժանդակ մարմին՝ էներգետիկայի ոլորտում ԵԱՏՄ անդամ պետությունների լիազոր մարմինների ղեկավարների խորհուրդ: Հաստատվել է Հիմնադրույթը խորհրդի մասին: Ղեկավարների խորհրդի ստեղծումը թույլ կտա բարձրացնել այս ոլորտում Միության երկրների փոխգործակցության արդյունավետությունը, որն ուղղված է էներգետիկ ռեսուրսների հիմնական տեսակներով ազգային տնտեսությունների ապահովմանը, երկարաժամկետ փոխշահավետ համագործակցության զարգացմանը, համակարգված էներգետիկ քաղաքականություն վարելուն և էներգառեսուրսների ընդհանուր շուկաների փուլային ձևավորման իրականացմանը:

ԵՏԲԽ-ի որոշմանը համապատասխան՝ 2023 թվականի հունվարի 1-ից Ռուսաստանի Դաշնությունը մեկ տարվա ընթացքում նախագահելու է ԵԱՏՄ մարմիններում՝ Եվրասիական տնտեսական բարձրագույն խորհրդում, Եվրասիական միջկառավարական խորհրդում և Եվրասիական տնտեսական հանձնաժողովի Խորհրդում։ Համաձայն ԵԱՏՄ մասին պայմանագրի՝ այդ մարմիններում նախագահողի պաշտոնում տեղի է ունենում ամենամյա պլանային ռոտացիա՝ ռուսական այբուբենի կարգով։ Անցնող 2022 թվականին բոլոր կառույցներում նախագահել է Ղրղզստանի Հանրապետությունը և վերջինիս ներկայացուցիչները։

Եվրասիական տնտեսական բարձրագույն խորհրդի հաջորդ նիստը կկայանա 2023 թվականի մայիսի 24-ից 25-ը Ռուսաստանի Դաշնությունում:

Եվրասիական տնտեսական բարձրագույն խորհրդի նիստի արդյունքում ստորագրված փաստաթղթերը

-       Որոշում «Արաբական Միացյալ Էմիրությունների հետ ազատ առևտրի մասին համաձայնագրի կնքման շուրջ բանակցություններ սկսելու մասին»,

-     Որոշում «Եվրասիական տնտեսական միության միջազգային գործունեության 2023 թվականի հիմնական ուղղությունների մասին»,

-    Որոշում «Եվրասիական տնտեսական հանձնաժողովի աշխատանքային կանոնակարգի N 1 հավելվածի 63-րդ կետում փոփոխություն կատարելու մասին»,

-     Որոշում «Էներգետիկայի ոլորտում Եվրասիական տնտեսական միության անդամ պետությունների լիազոր մարմինների ղեկավարների խորհրդի մասին»,

-    Արձանագրություն Եվրասիական տնտեսական միության մասին 2014 թվականի մայիսի 29-ի պայմանագրում էլեկտրոնային ձևով ծառայություն մատուցելու դեպքում անուղղակի հարկման կարգը սահմանելու մասով փոփոխություններ կատարելու մասին,

-    Որոշում «Ծառայությունների այն հատվածների (ենթահատվածների) ցանկում փոփոխություններ կատարելու մասին, որոնցում գործում է ծառայությունների միասնական շուկան Եվրասիական տնտեսական միության շրջանակներում»,

-     Որոշում «Ծառայությունների այն հատվածների (ենթահատվածների) որոշման նպատակով ծառայությունների ազատականացման համար առաջնահերթ ուղղությունների ցանկի մասին, որոնց շուրջ շարունակվելու է Եվրասիական տնտեսական միության շրջանակներում ծառայությունների միասնական շուկայի ձևավորման աշխատանքը՝ ազատականացման ծրագրերին համապատասխան (անցումային շրջանի ընթացքում)»,

-    Որոշում «Եվրասիական տնտեսական միության զարգացման գործում ներդրած ավանդի համար» մեդալով պարգևատրելու մասին,​

-    Որոշում «Եվրասիական տնտեսական միության մարմիններում արտաքին աուդիտի (վերահսկողության) մասին հիմնադրույթում փոփոխություն կատարելու մասին»,

-       Որոշում «Եվրասիական տնտեսական միության Դատարան դիմելիս տնտեսավարող սուբյեկտների կողմից վճարվող տուրքի չափը հաստատելու մասին»,

-    Որոշում «Եվրասիական տնտեսական միության մարմիններում նախագահության մասին»,

ԵԱՏՄ-ում ընդունվել է արդյունաբերական կոոպերացիայի նախագծերի ֆինանսավորման նոր ձևաչափ

Եվրասիական տնտեսական բարձրագույն խորհուրդը դեկտեմբերի 9-ին Բիշքեկում կայացած նիստում որոշում է ընդունել արդյունաբերական կոոպերացիայի նախագծերի ֆինանսավորման նոր ձևաչափ ստեղծելու մասին։

Եվրասիական տնտեսական հանձնաժողովի գոյության տասը տարվա ընթացքում առաջին անգամ կգործարկվի այս ոլորտում արդյունավետ աջակցության մեխանիզմ, որը Միության երկրների ձեռնարկություններին թույլ կտա իրականացնել կարևոր ռազմավարական նախագծեր։ Այն կօգնի արդյունավետորեն խթանել բիզնեսի նախաձեռնությունները, էապես մեծացնել երկրների միջև փոխադարձ ներդրումները, ավելացնել աշխատատեղերի թիվը, բարձրացնել արտադրական համալիրների կայունությունը և այլն։

Ավելի վաղ անդամ պետությունների ղեկավարները բազմիցս նշել են արդյունաբերական կոոպերացիայի զարգացման և Միությունում նոր համատեղ ձեռնարկությունների ու ենթակառուցվածքային նախագծերի ի հայտ գալու համար անհրաժեշտ պայմանների ստեղծման անհրաժեշտությունը։ Չէ՞ որ առանց դրանց, ըստ էության, ԵԱՏՄ-ի արագացված արդյունաբերական զարգացումն անհնար է։ Իսկ դա իր հերթին անհրաժեշտ է Միության երկրներում անկախ, հզոր տնտեսության ձեւավորման համար։

Այդ նպատակով Հանձնաժողովը և անդամ պետությունները միջոցներ են առաջարկել արդյունաբերական ձեռնարկություններին աջակցելու համար, մասնավորապես, համատեղ ծրագրերի ֆինանսավորման կոնկրետ աղբյուրների և մեխանիզմների վերաբերյալ: Որպես ֆինանսավորման մեխանիզմ, սահմանվել է Միության բյուջեից կոոպերացիոն նախագծերի իրականացման համար տրամադրված վարկերի և փոխառությունների տոկոսադրույքների սուբսիդավորումը։ Մեխանիզմը նախատեսված է հինգ տարվա համար՝ երկարաձգման հնարավորությամբ։

Նախնական հաշվարկներով՝ կձևավորվի տարեկան մոտ 20 մլն ԱՄՆ դոլարի չափով հիմնադրամ։ Դա թույլ կտա նախագծերին աջակցություն ցուցաբերել տարեկան շուրջ 16-17 միլիարդ ռուսական ռուբլի գումարի չափով։

Հանձնաժողովը և միութենական պետությունները որպես նախագծերի ընտրության չափանիշ կարևոր են համարում երեք և ավելի կողմերի մասնակցությունը, կոոպերացիոն շղթայում ավելացված արժեքի ձևավորումը, ֆինանսական արդյունավետությունն ու կայունությունը, փոխադարձ առևտրի, ներդրումների ծավալների աճը և այլն:

Նոր մեխանիզմի իրական կիրառման և կոոպերացիոն արդյունաբերական համագործակցության նախագծերի ֆինանսավորման մեկնարկի համար Միության երկրների նախագահների որոշմամբ փոփոխություններ կկատարվեն ԵԱՏՄ մասին պայմանագրում։ Ակնկալվում է, որ ֆինանսավորման նոր ձևաչափը կմեկնարկի 2024 թվականի սկզբին։

ԵԱՏՄ պետությունների ղեկավարները հաստատել են ԱԱՀ-ով էլեկտրոնային ձևով ծառայությունների հարկման նոր կարգը

Դեկտեմբերի 9-ին Եվրասիական տնտեսական բարձրագույն խորհրդի նիստում ԵԱՏՄ պետությունների ղեկավարները ստորագրել են Միության տարածքում էլեկտրոնային տեսքով ծառայություն մատուցելու դեպքում ԱԱՀ գանձման կարգում փոփոխություններ կատարող արձանագրություն:

Նոր կանոնների համաձայն՝ ԵԱՏՄ տարածքում էլեկտրոնային ձևով ծառայությունների անդրսահմանային գնման դեպքում ԱԱՀ-ով հարկումը տեղի է ունենալու ըստ գնորդի գտնվելու վայրի։ Մինչ օրս այս հարցում ընդհանուր մոտեցում չկար, ինչը հանգեցնում էր կրկնակի հարկման կամ այնպիսի իրավիճակի, երբ նման առևտրային գործունեությունը չէր հարկվում որևէ անդամ պետությունում։

Բացի այդ, հաստատված արձանագրությունը ԵԱՏՄ տարածքում գնորդներին էլեկտրոնային ձևով ծառայություններ մատուցող հարկ վճարողներին հնարավորություն է տվել հեռակա կարգով գրանցվելու անդամ պետությունում որպես ԱԱՀ վճարող, պարզեցված ձևաչափով ներկայացնելու էլեկտրոնային հայտարարագիր և վճարելու հարկը։

Կարգավորվել են նաև ԵԱՏՄ տարածքում էլեկտրոնային ձևով ծառայությունների մատուցման դեպքում ԱԱՀ-ի հարկային վարչարարության կարգի տեխնիկական հարցերը։

Էլեկտրոնային առևտրի ոլորտում ԵԱՏՄ հարկային օրենսդրության զարգացման արձանագրությունը և հեռանկարները մեկնաբանել է ԵՏՀ տնտեսության և ֆինանսական քաղաքականության նախարար Բակիտժան Սագինտաևը.

«Այսօր ստորագրվել է կարևոր արձանագրություն, որն ամրագրում է ԱԱՀ-ի վարչարարության վերազգային կարգը ԵԱՏՄ անդամ պետություններում հարկ վճարողների կողմից էլեկտրոնային ձևով ծառայություն մատուցելու դեպքում: Ձեռք բերված պայմանավորվածությունը նպաստում է այս ոլորտում մրցակցային միջավայրի զարգացմանը, էլ ավելի մեծ տնտեսական ինտեգրմանը, ինչպես նաև բիզնեսի համար պարզություն է մտցնում ԵԱՏՄ տարածքում էլեկտրոնային ձևով ծառայությունները ԱԱՀ-ով հարկելու հարցերում։ Նշեմ, որ այս ոլորտում աշխատանքները դեռ չեն ավարտվել, և ներկայումս Հանձնաժողովը սկսել է հաստատել էլեկտրոնային ձևով այն ծառայությունների ցանկը, որոնց վրա կտարածվեն նոր կանոնները։ Բացի այդ, Հանձնաժողովն ակտիվորեն աշխատում է ԵԱՏՄ երկրների միջև ապրանքների էլեկտրոնային առևտրի ԱԱՀ-ով հարկման հարցերի կարգավորմանն ուղղված Արձանագրության նախագծի հաստատման ուղղությամբ»։

ԵԱՏՄ ծառայությունների միասնական շուկան ընդլայնվում է

2023 թվականի հունվարի 1-ից Եվրասիական տնտեսական միության միասնական շուկայի ձևաչափում կընդգրկվի ծառայությունների ևս 14 հատված, որոնց թվում են՝ օդերևութաբանական, կենցաղային և այլ օժանդակ ծառայություններ։

Ծառայությունների միասնական շուկայի (ԾՄՇ) ձևավորումը նպաստում է ապրանքների, աշխատանքների և ծառայությունների մրցունակության բարձրացմանը, սպառողների համար գների ու սակագների նվազեցմանը, թույլտվությունները կրկին ստանալու և իրավաբանական անձի հիմնադրման անհրաժեշտությամբ պայմանավորված ծառայություն մատուցողների ծախսերի կրճատմանը, անձնակազմի որակավորման և իրավաբանական անձի պահպանման ծախսերի հաստատմանը:

2015 թվականից ի վեր ծառայությունների 128 հատված արդեն աստիճանաբար անցել ԾՄՇ ձևաչափին, նրանց թվում են ԵԱՏՄ երկրների տնտեսությունների համար այնպիսի կարևոր ուղղություններ, ինչպիսիք են շինարարական և զբոսաշրջային ծառայությունները և շատ այլ ուղղություններ:

Տեղեկանք

Ծառայությունների միասնական շուկան ծառայությունների կոնկրետ հատվածի այն վիճակն է, երբ կողմերը չեն կիրառում խտրական, քանակական և այլ սահմանափակումներ, ճանաչվում են թույլտվությունները և որակավորումները և ապահովվում Միության ամբողջ տարածքում ծառայություն մատուցելու հնարավորությունը՝ առանց իրավաբանական անձի ձևով լրացուցիչ հիմնադրման:

ԵԱՏՄ-ն ազատ առևտրի համաձայնագրի կնքման շուրջ բանակցություններ կսկսի ԱՄԷ-ի հետ

Եվրասիական տնտեսական միությունը Արաբական Միացյալ Էմիրությունների հետ բանակցություններ է սկսում ազատ առևտրի մասին համաձայնագրի կնքման շուրջ: Համապատասխան որոշումն ընդունվել է ԵԱՏՄ պետությունների ղեկավարների կողմից դեկտեմբերի 9-ին Բիշքեկում կայացած Եվրասիական տնտեսական բարձրագույն խորհրդի նիստի ընթացքում։

«Համատեղ հետազոտական խմբի աշխատանքը ցույց է տվել, որ ԱՄԷ-ի հետ ազատ առևտրի գոտու ձևավորումը թույլ կտա պայմաններ ստեղծել ավելի քան 1300 ապրանքային դիրքերով մեր մատակարարումների աճի համար ինչպես արդյունաբերական հատվածում, այնպես էլ ԱԱՀ-ում», - մեկնաբանել է որոշումը Եվրասիական տնտեսական հանձնաժողովի առևտրի նախարար Անդրեյ Սլեպնևը։

Միաժամանակ նա ընդգծել է, որ ԵՏՀ-ն առաջիկա աշխատանքներին ավելի լայն է նայում, քան ապրանքների առևտրի արտոնյալ ռեժիմի ձևավորմանը։ Բազմապլանային փոխգործակցության արդիականությունը հաստատվում է Արաբական Միացյալ Էմիրություններում Միության երկրների մեծ թվով ընկերությունների, այդ թվում՝ նորարարական ընկերությունների մեծ հետաքրքրությամբ և ներկայությամբ, ինչպես նաև այդ պետության՝ որպես միջազգային առևտրային և տրանսպորտալոգիստիկ հաբի դերով։

Բացի այդ, ԱՄԷ-ի հետ համաձայնագիրը դիտարկվում է ամբողջ Պարսից ծոցի երկրներում ԵԱՏՄ արտահանողների դիրքերի ամրապնդման տեսանկյունից՝ Մեծ Եվրասիական գործընկերության և «Հյուսիս-Հարավ» միջանցքի համատեքստում։

Անդրեյ Սլեպնևի խոսքով՝ բանակցությունների ընթացքում կողմերն ակնկալում են շարժվել fast track ռեժիմով և առաջին փուլն անցկացնել արդեն հաջորդ տարվա մարտին։

Տեղեկանք

ԵԱՏՄ և ԱՄԷ միջև ազատ առևտրի մասին համաձայնագրի կնքման նպատակահարմարության հարցն ուսումնասիրող Համատեղ հետազոտական խումբը (ՀՀԽ) ստեղծվել է ԵՏՀ Խորհրդի կարգադրությանը համապատասխան 2022 թվականի ապրիլին։ Հիմք ընդունելով կատարված հետազոտությունը, ՀՀԽ-ն նպատակահարմար է համարել համապատասխան բանակցություններ սկսելը: Խմբի աշխատանքի արդյունքները, ինչպես նաև ապագա համաձայնագրի հայեցակարգային դրույթները քննարկվել են Հանձնաժողովի Խորհրդի այս տարվա նոյեմբերի 25-ի նիստում։

2015-ից 2021 թվականներին ԵԱՏՄ և ԱՄԷ միջև փոխադարձ առևտրի ծավալն աճել է 4 անգամ, հասնելով 6,3 մլրդ դոլարի. ԵԱՏՄ արտահանումն աճել է 4,7 անգամ, ԱՄԷ-ից ներմուծումն ավելացել է 47%-ով։

ԵԱՏՄ-ում հաստատել են ծառայությունների ոլորտում առաջնահերթ ուղղությունների ցանկը՝ հետագա ազատականացման համար

Եվրասիական տնտեսական բարձրագույն խորհուրդը հաստատել է ծառայությունների ազատականացման համար առաջնահերթ ուղղությունների ցանկը՝ ծառայությունների այն հատվածները (ենթահատվածները) որոշելու նպատակով, որոնց համար կշարունակվի աշխատանքը ազատականացման ծրագրերին համապատասխան Եվրասիական տնտեսական միության ծառայությունների միասնական շուկայի ձևավորման ուղղությամբ։

Այս ցանկը ներառել է ծառայությունների 117 տեսակ։ Դրանց թվում են տեքստիլի արտադրատեսակների, թղթի և թղթե արտադրանքի, հիմնական մետաղների, ավտոմեքենաների, կցասայլերի, տրանսպորտային սարքավորումների, քիմիկատների և քիմիական արտադրանքի, պլաստմասսե արտադրատեսակների արտադրության, ձուլման, տարբեր ոլորտների խորհրդատվական (իրավունք, շրջակա միջավայր և այլն) և այլ ծառայություններ:

Տեղեկանք

Ծառայությունների կոնկրետ հատվածներում ծառայությունների միասնական շուկայի ձևավորման կարգը և փուլերը որոշվում են Բարձրագույն խորհրդի կողմից հաստատվող ազատականացման ծրագրերով:

Ցանկը հաստատվում է Բարձրագույն խորհրդի կողմից՝ Մինչև 2025 թվականը Եվրասիական տնտեսական ինտեգրման զարգացման ռազմավարական ուղղությունների իրականացման գործողությունների պլանի 1.3.1 կետի շուրջ աշխատանքների շրջանակներում:

Հաստատվել են ԵԱՏՄ միջազգային գործունեության 2023 թվականի հիմնական ուղղությունները

Եվրասիական տնտեսական միության պետությունների ղեկավարները դեկտեմբերի 9-ին Բիշքեկում կայացած Եվրասիական տնտեսական բարձրագույն խորհրդի նիստում հաստատել են ԵԱՏՄ միջազգային գործունեության 2023 թվականի հիմնական ուղղությունները։

Ինչպես նշվում է փաստաթղթում, 2023 թվականին ԵԱՏՄ-ի համար առաջնահերթություն կլինեն ԱՊՀ պետությունների և մերձավոր արտերկրի այլ երկրների հետ փոխգործակցության ակտիվացումը, Շանհայի համագործակցության կազմակերպության (ՇՀԿ), Հարավարևելյան Ասիայի պետությունների ընկերակցության (ԱՍԵԱՆ), Եվրոպական միության (ԵՄ), ԲՐԻԿՍ երկրների և Կենտրոնական Ասիայի և Մերձավոր Արևելքի այլ շահագրգիռ պետությունների և ընկերակցությունների հետ համակարգված երկխոսության զարգացումը Մեծ Եվրասիական Գործընկերության գաղափարի համատեքստում, աջակցությունը ԵԱՏՄ երկրների արտահանման ներուժի իրագործմանը, այդ թվում՝ նոր շուկաներ մուտք գործելու և փոխադարձ հաշվարկներում ազգային արժույթների օգտագործումն ընդլայնելու միջոցով։

Բացի այդ, 2023 թվականի առաջնահերթությունների թվում է փոփոխվող գլոբալ տնտեսության պայմաններում բիզնեսի համար նոր հնարավորությունների որոնումը, աջակցությունը բիզնեսին տրանսպորտալոգիստիկ շղթաների խախտումների և միջազգային առևտրում ֆինանսական հաշվարկների սահմանափակումների հետ կապված խոչընդոտների հաղթահարման գործում: 

Միության հիմնական ջանքերը կենտրոնացած կլինեն համագործակցության արդեն իսկ ստեղծված մեխանիզմների զարգացման վրա, այդ թվում՝ կնքված հուշագրերի, հռչակագրերի և առևտրային համաձայնագրերի շրջանակներում։ Սրան է նվիրված փաստաթղթի առաջին բաժինը:

Միջազգային կազմակերպությունների թվում այստեղ նշվում են Միավորված ազգերի կազմակերպությունը (ՄԱԿ), այդ թվում՝ նրա տարածաշրջանային հանձնաժողովները, Համաշխարհային մաքսային կազմակերպությունը (ՀՄԿ), Առևտրի համաշխարհային կազմակերպությունը (ԱՀԿ) և այլն, տարածաշրջանային միավորումներից են ԱՊՀ Գործադիր կոմիտեն, ՇՀԿ, ԱՍԵԱՆ-ը, Աֆրիկյան միությունը և այլն։

Ինչ վերաբերում է երրորդ երկրներին, ապա առաջնահերթություն կլինի համագործակցությունը ԵԱՏՄ-ին կից դիտորդ պետությունների հետ, Չինաստանի հետ՝ Առևտրատնտեսական համագործակցության համաձայնագրի շրջանակներում, Վիետնամի, Սերբիայի, Սինգապուրի և Իրանի հետ՝ արտոնյալ առևտրային համաձայնագրերին համապատասխան։

Փաստաթղթի երկրորդ մասում ներկայացվում են այն հնարավոր գործընկերները, որոնց հետ շփումների զարգացմանն է ձգտում Միությունը: Դրանց թվում են ԵԱՏՄ-ի հետ համակարգային փոխգործակցության խորացման նկատմամբ հետաքրքրություն ցուցաբերող տարածաշրջանային միավորումներն ու երրորդ պետությունները։

Տեղեկանք

ԵԱՏՄ միջազգային գործունեությունն իրականացվում է Եվրասիական տնտեսական միության մասին 2014 թվականի մայիսի 29-ի պայմանագրի 7-րդ հոդվածին և Եվրասիական տնտեսական միության կողմից միջազգային համագործակցության իրականացման կարգին համապատասխան, որը հաստատվել է Եվրասիական տնտեսական բարձրագույն խորհրդի 2014 թվականի դեկտեմբերի 23-ի № 99 որոշմամբ: Նշված Կարգի 5-րդ կետին համապատասխան ձևավորվում են Եվրասիական տնտեսական միության միջազգային գործունեության հիմնական ուղղությունները։

2022 թվականի նոյեմբերի 10-ի դրությամբ ԵՏՀ-ն կնքել է 46 հուշագիր միջազգային կազմակերպությունների հետ, 27 հուշագիր երրորդ երկրների կառավարությունների, նախարարությունների և գերատեսչությունների հետ, 14 հուշագիր տարածաշրջանային ինտեգրացիոն և միջպետական միավորումների հետ, 7 առևտրային համաձայնագիր երրորդ երկրների հետ։

ԵԱՏՄ-ում ստեղծում են մաքսատուրքերի վճարման պարտավորության դադարեցման նոր հանգամանքներ

Եվրասիական տնտեսական հանձնաժողովի Խորհուրդը որոշում է ընդունել, որը նախատեսում է դադարեցնել մաքսատուրքերի վճարման պարտավորությունը, որը նախկինում առաջացել է ժամանակավոր պահեստում գտնվող ապրանքների նկատմամբ՝ նման ապրանքների հայտարարագրման կամ Եվրասիական տնտեսական միության մաքսային տարածքից մեկնման հետ կապված մաքսային գործառնություններ կատարելիս:

Որոշումը թույլ կտա ապահովել Միություն ներմուծվող ապրանքների մաքսային վճարներով միապատիկ հարկման սկզբունքը և դրական ազդեցություն կունենա ձեռնարկատիրական գործունեության իրականացման պայմանների վրա։

ԵՏՀ Խորհուրդը փոփոխություններ է կատարել «Երկաթուղային շարժակազմի անվտանգության մասին» Միության տեխկանոնակարգում

«Երկաթուղային շարժակազմի անվտանգության մասին» Միության տեխնիկական կանոնակարգի փոփոխությունները հստակեցրել են այն արտադրանքի համար համապատասխանության հավաստագրի տրամադրման հնարավորությունը, որի բաղադրիչները ենթակա են տեխնիկական կանոնակարգի պահանջներին համապատասխանության հաստատման՝ պայմանով, որ այդ բաղադրիչները նույնպես անցել է համապատասխան ընթացակարգ։
Միևնույն ժամանակ, մինչև 2023 թվականի դեկտեմբերի 31-ը թույլատրվում է շրջանառության մեջ դնել լոկոմոտիվների առանցքատուփերի և շարժվագոնային շարժակազմերի համար նախատեսված գլորքի գլանային (կասետատիպ) առանցքակալները, եթե դրանք ունեն համապատասխանության հավաստագրեր՝ պայմանական վազքի առնվազն կեսի չափով սթենդային փորձարկումների կատարման հիման վրա, դրանց հետագա վերահսկվող շահագործմամբ մինչև վազքի ամբողջ ծավալին հասնելը:

Բացի այդ, ԵՏՀ Խորհուրդը քննարկել է Հանձնաժողովի Կոլեգիայի հաշվետվությունը՝ ԵԱՏՄ տեխնիկական կանոնակարգերի և դրանց փոփոխությունների մշակման պլանի կատարման ընթացքի մշտադիտարկման մասին:

ԵԱՏՄ երկրների աշխատանքի մշակման և ակտիվացման պլանի հետագա իրականացման համար ԵՏՀ Խորհրդի կարգադրությամբ որոշվել են պլանի իրականացման միջոցառումները։

ԵՏՀ Խորհուրդը միասնական պահանջներ է սահմանել շոկոլադի, շոկոլադե արտադրանքի և կակաոյի արտադրանքի նկատմամբ

Եվրասիական տնտեսական հանձնաժողովի Խորհուրդը հաստատել է Մաքսային միության «Սննդամթերքի անվտանգության մասին» տեխնիկական կանոնակարգում կատարված փոփոխությունները։ Փոփոխությունները վերաբերում են շոկոլադի, շոկոլադե արտադրանքի և կակաոյի արտադրանքի նկատմամբ ԵԱՏՄ երկրների համար միասնական պահանջների սահմանմանը։
Տեխնիկական կանոնակարգի փոփոխությունների համաձայն՝ շոկոլադը ներառում է դառը, մուգ, սովորական, քաղցր, կաթնային, էքստրակաթնային, սպիտակ շոկոլադը, միջուկով շոկոլադը և շոկոլադի փոշին. շոկոլադե արտադրանքը՝ այն հրուշակեղենը, որը պարունակում է արտադրատեսակի ընդհանուր զանգվածի 25% և ավելի չափով շոկոլադի տարանջատված բաղադրիչ. կակաոյի մթերքը՝ քերած կակաոն, կակաոյի յուղը, կակաոյի փոշին, կակաոյի մանրուքը և կակաոյի քուսպը:


Նոր պարտադիր պահանջների համաձայն՝ ԵԱՏՄ-ում շրջանառության մեջ դրվող շոկոլադը պետք է պարունակի 35% և ավելի կակաոյի ընդհանուր չոր մնացորդ, այդ թվում՝ 18% և ավելի կակաոյի յուղ։



Շոկոլադի արտադրության համար չի թույլատրվում օգտագործել կենդանական ճարպեր՝ բացառությամբ կաթի ճարպի, սակայն թույլատրվում է օգտագործել կակաոյի յուղի համարժեքներ և (կամ) SOS տիպի կակաոյի յուղի բարելավիչներ, որոնց ընդհանուր զանգվածային բաժինը շոկոլադում չի կարող գերազանցել 5%-ը:



Շոկոլադի և կակաոյի մթերքի արտադրության համար չի թույլատրվում օգտագործել շոկոլադի կամ կակաոյի մթերքի համը և (կամ) բույրը նմանակող բուրավետիչներ։ Կաթնային, էքստրակաթնային և սպիտակ շոկոլադի արտադրության համար չի թույլատրվում օգտագործել կաթի կամ սերուցքի, կաթնային յուղի համը և (կամ) բույրը նմանակող բուրավետիչներ։

Միջուկով շոկոլադի դեպքում բաժանվող շոկոլադի արտաքին մասը պետք է կազմի 25% կամ ավելին։ Ընդ որում, միջուկով շոկոլադը չի ներառում հացաբուլկեղենը (այդ թվում՝ ամոքահունց), ալյուրի հրուշակեղենը և շոկոլադապատ պաղպաղակը։

Տեխնիկական կանոնակարգերի փոփոխությունները կնպաստեն սպառողական շուկան որակյալ արտադրանքով հագեցնելուն։

Փաստաթուղթը մշակել է Բելառուսի սննդի արդյունաբերության պետական կոնցեռնը («Բելգոսպիշչեպրոմ»): Շոկոլադին ներկայացվող պահանջները ներդաշնակեցված են Կոդեքս Ալիմենտարիուս միջազգային չափանիշներին։

Փաստաթուղթը ուժի մեջ կմտնի պաշտոնական հրապարակման օրվանից 210 օր հետո։

ԵՏՀ Խորհրդի 2022 թվականի նոյեմբերի 25-ի նիստի արդյունքները

Եվրասիական տնտեսական հանձնաժողովի Խորհուրդը նոյեմբերի 25-ին կայացած նիստում սահմանել է շոկոլադին, շոկոլադե արտադրատեսակներին և կակաոյի արտադրանքին ներկայացվող միասնական պահանջներ:

ԵԱՏՄ-ում սահմանվել են մաքսային վճարների վճարման պարտավորության դադարեցման նոր հանգամանքներ:

ԵՏՀ Խորհուրդը փոփոխություններ է կատարել «Երկաթուղային շարժակազմի անվտանգության մասին» Միության տեխնիկական կանոնակարգում:

Քննարկվել է տեղեկատվությունը ԵԱՏՄ պետություններին դեղորայքային պատրաստուկներով և բժշկական նշանակության դեղագործական նյութերով ապահովվածության մակարդակի բարձրացման միջոցառումների պլանի իրականացման մասին, որոնց արտադրությունը ԵԱՏՄ-ում պետք է ապահովվի մինչև 2024 թվականը:

Հավանության է արժանացել ԵԱՏՄ պետություններում կազմակերպված աճուրդներում արժեթղթերի տեղաբաշխման ու շրջանառության անդրսահմանային թույլտվության մասին համաձայնագրի նախագիծը:

Քննարկվել են դեկտեմբերի 9-ին Բիշքեկում նախատեսված Եվրասիական տնտեսական բարձրագույն խորհրդի նիստի օրակարգին վերաբերող առաջարկները։
ԵՏՀ Խորհրդի հաջորդ նիստը կկայանա դեկտեմբերի 14-ին Մոսկվայում՝ առերես ձևաչափով։

ԵԱՏՄ երկրների կառավարությունների ղեկավարները հավանություն են տվել Արդյունաբերական համագործակցության հիմնական ուղղությունների իրականացման տարեկան մշտադիտարկման և վերլուծության արդյունքների մասին զեկույցին։

Եվրասիական միջկառավարական խորհուրդը հոկտեմբերի 20-21-ի նիստում հավանության է արժանացրել Եվրասիական տնտեսական միության շրջանակներում Արդյունաբերական համագործակցության հիմնական ուղղությունների (ԱՀՀՈՒ) իրականացման տարեկան մշտադիտարկման և վերլուծության արդյունքների մասին զեկույցը։

Զեկույցում նշվում է, որ Միությունում արդյունաբերության զարգացման և կոոպերացիոն համագործակցության 2021 թվականի ցուցիչների արժեքները թույլ են տալիս խոսել անդամ պետությունների արդյունաբերության զարգացման դրական կողմերի մասին։

Այսպես, Միության բոլոր երկրներում ապահովվել է արդյունաբերական արտադրանքի ծավալների աճ։ Ընդ որում, ընդհանուր առմամբ Միությունում այս ցուցանիշն աճել է ավելի քան 5%-ով։ Փոխադարձ կոոպերացիոն մատակարարումների ծավալն աճել է 40%-ով։Միաժամանակ, հաշվի առնելով տնտեսական կոնյունկտուրայի տեղի ունեցող փոփոխությունները և արտաքին մարտահրավերները, Հանձնաժողովի արդյունաբերական բլոկը Միության երկրների պետական մարմինների հետ միասին մշակել և զեկույցում ներկայացրել է արդյունաբերության ոլորտում ինտեգրման հետագա զարգացման և կողմերի արդյունաբերությունների վրա բացասական ազդեցության շուտափույթ վերացման առաջարկներ։

Զեկույցը կուղարկվի դաշնակից պետությունների կառավարություններին։ Փաստաթղթում ներկայացված առաջիկա հեռանկարի արդյունաբերական համագործակցության զարգացման կողմնորոշիչները կդառնան ԱՀԶՅ-ով նախատեսված միջոցառումների իրականացման գործողությունները համակարգելու կարևոր գործիք, ինչպես նաև կնպաստեն եվրասիական արդյունաբերական ինտեգրման բոլոր ոլորտներում առաջադրված խնդիրների լուծմանը։

 Տեղեկանք

Զեկույցի նախապատրաստումը նախատեսված է Եվրասիական տնտեսական միության մասին պայմանագրի 92-րդ հոդվածով, ինչպես նաև ԵԱՏՄ շրջանակներում արդյունաբերական համագործակցության հիմնական ուղղություններով։

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

Եվրասիական միջկառավարական խորհրդի 2022 թվականի հունիսի 20-21-ի նիստի արդյունքները

Եվրասիական տնտեսական միության երկրների կառավարությունների ղեկավարները Երևանում (Հայաստանի Հանրապետություն) հունիսի 20-ից 21-ը առերես ձևաչափով կայացած Եվրասիական միջկառավարական խորհրդի նիստին քննարկել են 23 հարց։

ԵԱՏՄ երկրների վարչապետերը համաձայնեցված մոտեցումներ են մշակել Միության լրացուցիչ ձևավորված բյուջետային միջոցների հաշվին արդյունաբերական կոոպերացիայի արտոնյալ ֆինանսավորման աղբյուրների և մեխանիզմի վերաբերյալ։

Ինչպես ԵՄԿԽ-ի արդյունքների վերաբերյալ մամուլի ասուլիսի ընթացքում նշել է ԵՏՀ Կոլեգիայի նախագահ Միխայիլ Մյասնիկովիչը, արդյունաբերական կոոպերացիան ոչ միայն հումքի, համալրողների, միջանկյալ ապրանքների փոխադարձ մատակարարում է, խոսքը համատեղ ինտեգրացիոն նախագծերի մասին է։

«Այս իրավիճակում նախանշվել են նաև ֆինանսավորման աղբյուրները, որոնք ուղղված կլինեն այդ նախագծերի իրականացման նպատակով գործարար համայնքների համար սահմանվող վարկերի տոկոսադրույքների սուբսիդավորմանը: Սա փաստացի մեր ինտեգրման նոր էջն է: Այս հարցը կներկայացվի Եվրասիական տնտեսական բարձրագույն խորհրդի նիստին, որպեսզի Հանձնաժողովը կառավարությունների հետ միասին կարողանա որոշակի գումարներ հատկացնել կոոպերացիոն նախագծերին աջակցելու համար։ Խոսքը հակագնագցման և այլ պաշտպանիչ տուրքերից 10 տոկոս մասհանումների մասին է, որոնք ձևավորվում են ԵԱՏՄ-ում։ Տարեկան այդ գումարը կազմում է 190-ից մինչև 230 միլիոն դոլար, և այդ մասհանումների 10%-ը կարող է ուղղվել նախագծերի աջակցությանը՝ էժանացման, տոկոսադրույքների սուբսիդավորման հաշվին, որոնք չպետք է գերազանցեն առանցքային դրույքաչափը»,- հայտնել է Միխայիլ Մյասնիկովիչը։

Եվրասիական միջկառավարական խորհուրդը քննարկել է Եվրասիական տնտեսական միության անդամ պետությունների կողմից իրականացվող ներմուծման փոխարինման համատեղ նախագծերի վերաբերյալ զեկույցը: 2021–2022 թվականներին ԵԱՏՄ-ում իրականացվել է ավտոմոբիլաշինության, հաստոցաշինության, էլեկտրատեխնիկայի և մի շարք այլ ոլորտների 25 նախագիծ։

ԵԱՏՄ երկրների կառավարությունների ղեկավարները հավանություն են տվել Եվրասիական տնտեսական միության շրջանակներում Արդյունաբերական համագործակցության հիմնական ուղղությունների (ԱՀՀՈՒ) իրականացման տարեկան մշտադիտարկման և վերլուծության արդյունքների մասին զեկույցին։

Եվրասիական միջկառավարական խորհուրդը կարգադրություն է ընդունել, համաձայն որի՝ ԵԱՏՄ շահագրգիռ երկրների ընկերությունների համար հասանելի կդառնա Եգիպտոսի Արաբական Հանրապետությունում Ռուսաստանի արդյունաբերական գոտին՝ ռուսական բիզնեսի հետ հավասար պայմաններով, ներառյալ՝ ստեղծվող ենթակառուցվածքի և աշխատանքի այլ պայմանների հասանելիությունը:

Եվրասիական միջկառավարական խորհուրդը Եվրասիական տնտեսական հանձնաժողովին հանձնարարել է ԵԱՏՄ երկրների կառավարությունների հետ միասին ապահովել կլիմայական օրակարգի շրջանակներում ճանապարհային քարտեզի կատարումը:

ԵԱՏՄ երկրների կառավարությունների ղեկավարները կառավարություններին հանձնարարել են դիտարկել Հավատարմագրման տարածաշրջանային կազմակերպությունում (ՀՏԿ) հավատարմագրման մարմինների մասնակցության հնարավորությունը  և աջակցել կողմերի լիազոր մարմիններին դրա ստեղծման և գործունեության հետ կապված կազմակերպական, ֆինանսական հարցերի լուծմանը։

Եվրասիական միջկառավարական խորհուրդը հանձնարարել է կատարել Ռուսաստանի Դաշնության, Ղազախստանի Հանրապետության և Ղրղզստանի Հանրապետության միջև փոխադարձ առևտրում երկաթուղային և ավտոմոբիլային տրանսպորտով ապրանքների փոխադրման ժամանակ էլեկտրոնային նավիգացիոն կապարակնիքների օգտագործման փորձարկում։

Եվրասիական միջկառավարական խորհրդի հաջորդ նիստը տեղի կունենա 2023 թվականի փետրվարի 2-ից 3-ը Ալմաթիում (Ղազախստանի Հանրապետություն):

Նիստին մասնակցել են ԵՄԿԽ նախագահ, Ղրղզստանի Հանրապետության նախարարների կաբինետի նախագահ, Ղրղզստանի Հանրապետության նախագահի աշխատակազմի ղեկավար Ակիլբեկ Ժապարովը, Հայաստանի Հանրապետության վարչապետ Նիկոլ Փաշինյանը, Բելառուսի Հանրապետության վարչապետ Ռոման Գոլովչենկոն, Ղազախստանի Հանրապետության վարչապետ Ալիխան Սմայիլովը, Ռուսաստանի Դաշնության վարչապետ Միխայիլ Միշուստինը, Եվրասիական տնտեսական հանձնաժողովի Կոլեգիայի նախագահ Միխայիլ Մյասնիկովիչը։ ԵԱՏՄ դիտորդ պետությունների ներկայացուցիչների կողմից՝ Ուզբեկստանի Հանրապետության վարչապետ Աբդուլա Արիպովը, Կուբայի Հանրապետության վարչապետ Մանուել Մարերո Կրուսը (տեսաուղերձի ձևաչափով)։

Եվրասիական միջկառավարական խորհրդի նիստի արդյունքներով ստորագրված փաստաթղթերը՝

- Կարգադրություն «Եվրասիական տնտեսական միության ներքին շուկայում խոչընդոտների վերացման իրավիճակի մասին»:

- Կարգադրություն «Ղրղզստանի Հանրապետության, Ղազախստանի Հանրապետության և Ռուսաստանի Դաշնության տարածքների միջև երկաթուղային և (կամ) ավտոմոբիլային տրանսպորտով էլեկտրոնային նավիգացիոն կապարակնիքների օգտագործմամբ փոխադրվող ապրանքների փոխադրման ժամանակ նավիգացիոն կապարակնիքների օգտագործման թեստավորման փորձարկում կատարելու մասին»:

- Կարգադրություն «Եգիպտոսի Արաբական Հանրապետությունում Սուեզի ջրանցքի տնտեսական գոտում Ռուսաստանի արդյունաբերական գոտու գործունեության մասին»։

- Որոշում ««Մինչև 2027 թվականը Եվրասիական տնտեսական միության ինտեգրված տեղեկատվական համակարգի զարգացման նպատակային ծրագիրը հաստատելու մասին»
 Եվրասիական միջկառավարական խորհրդի որոշման նախագծի մասին»:

- Կարգադրություն «Եվրասիական տնտեսական միության անդամ պետությունների միջև 2021 թվականին փոխադարձ առևտրի վիճակի մասին»:

- Կարգադրություն «Եվրասիական տնտեսական միության շրջանակներում Արդյունաբերական համագործակցության հիմնական ուղղությունների իրականացման ամենամյա մշտադիտարկման և վերլուծության արդյունքների մասին»:

- Կարգադրություն «Եվրասիական տնտեսական միության անդամ պետությունների բյուջեների միջև 2021 թվականին ներմուծման մաքսատուրքերի գումարների հաշվեգրման և բաշխման մասին»:

- Կարգադրություն «Եվրասիական միջկառավարական խորհրդի նիստի անցկացման ժամանակի և վայրի մասին»:

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

ԵԱՏՄ երկրների բիզնեսը կկարողանա օգտվել Եգիպտոսում Ռուսաստանի արդյունաբերական գոտու առավելություններից

Եվրասիական տնտեսական միության շահագրգիռ երկրների ընկերությունների համար հասանելի կդառնա Եգիպտոսի Արաբական Հանրապետությունում Ռուսաստանի արդյունաբերական գոտին՝ ռուսական բիզնեսի հետ հավասար պայմաններով, ներառյալ՝ ստեղծվող ենթակառուցվածքի և աշխատանքի այլ պայմանների հասանելիությունը:

Ռուսաստանի Դաշնության լիազոր մարմինները՝ Եվրասիական տնտեսական հանձնաժողովի մասնակցությամբ, շնորհանդես կանցկացնեն ԵԱՏՄ երկրների իշխանությունների և ընկերությունների համար և կտեղեկացնեն արդյունաբերական գոտու տարածքում գործունեության իրականացման մասին։ Համապատասխան կարգադրությունը հոկտեմբերի 21-ին Երեւանում ընդունել է Եվրասիական միջկառավարական խորհուրդը։

«Արտահանման զարգացմանն ուղղված համատեղ միջոցների կիրառումը նախատեսված է ԵԱՏՄ մասին պայմանագրով։ Բացի այդ, Մինչև 2025 թվականը ռազմավարությամբ ամրագրված է օտարերկրյա արտահանման ենթակառուցվածքի համատեղ օգտագործման ընդլայնում», - նշել է ԵՏՀ առևտրի նախարար Անդրեյ Սլեպնևը։

Նրա խոսքով՝ միության ընկերությունների մասնակցությունը Եգիպտոսում արդյունաբերական գոտու գործունեությանը կնպաստի ԵԱՏՄ արտադրանքի իրացման շուկաների ընդլայնմանը։ Ընդ որում, խոսքը ոչ միայն Եգիպտոսի Արաբական Հանրապետության տարածքի մասին է, այլև ողջ Աֆրիկյան տարածաշրջանի, որտեղ արդյունաբերական գոտու արտադրանքը կարող է առաքվել առանց մաքսատուրքի։

«Բացի այդ, կզարգանա կոոպերացիան Միության ձեռնարկությունների միջև, ինչը կնպաստի նաև Եվրասիական տնտեսական միության շրջանակներում առաջնահերթ խնդիրների լուծմանը», - հավելել է Անդրեյ Սլեպնևը։

ԵԱՏՄ-ում սահմանում են արդյունաբերական կոոպերացիայի ֆինանսական աջակցության աղբյուրներն ու մեխանիզմները

Հոկտեմբերի 20-ին Երևանում Եվրասիական տնտեսական միության երկրների կառավարությունների ղեկավարները ԵՏՀ-ի գոյության տասը տարվա ընթացքում առաջին անգամ համաձայնեցված մոտեցումներ են մշակել Միության լրացուցիչ ձևավորված բյուջետային միջոցների հաշվին արդյունաբերական կոոպերացիայի արտոնյալ ֆինանսավորման աղբյուրների և մեխանիզմի վերաբերյալ ։

Այս գործիքի շնորհիվ ԵԱՏՄ-ում առավել հեռանկարային բազմակողմ նախագծերը ֆինանսական աջակցություն կստանան միջազգային և Միության ազգային ֆինանսական կազմակերպությունների կողմից տրված վարկերի տոկոսադրույքների սուբսիդավորման միջոցով։

Ընդունված փաստաթղթերի համաձայն՝ աշխատանքների հետագա կազմակերպման համար անդամ պետությունները հաստատել են կոոպերացիոն նախագծերի ֆինանսավորման միասնական կանոնների և առաջնահերթությունների մշակման անհրաժեշտությունը։

«Եվրասիական տնտեսական միության երկրների կառավարությունների ղեկավարները ընդունել են Հանձնաժողովին նոր լիազորություններ տալու անհրաժեշտությունը՝ նախագծերի հետ աշխատանքին ուղղված գործունեությունը վերազգային մակարդակով կազմակերպելու և ֆինանսական աջակցություն տրամադրելու համար։ Միևնույն ժամանակ, մեզ համար առանցքային առաջնահերթություն են երեք և ավելի կողմերի մասնակցությունը նախագծում, կոոպերացիոն շղթայում ավելացված արժեքի ձևավորումը, ֆինանսական արդյունավետությունն ու կայունությունը, փոխադարձ առևտրի և ներդրումների օբյեկտների աճը»,- ընդգծել է ԵՏՀ արդյունաբերության և ագրոարդյունաբերական համալիրի նախարար Արտակ Քամալյանը։

Այս ուղղությամբ հետագա աշխատանքի պլաններին համապատասխան՝ 2023 թվականի ընթացքում կքննարկվեն ԵՏՀ նոր լիազորությունների , ֆինանսավորման կարգի մշակման ու ընդունման, կոոպերացիոն նախագծերի իրականացման միասնական չափանիշների և ոլորտների հաստատման, ֆինանսավորման մանրամասն մեխանիզմի և մի շարք այլ հարցեր:

«Սա մեզ թույլ կտա տնտեսության իրական հատվածում դուրս գալ ինտեգրման նոր մակարդակ», - եզրափակել է ԵՏՀ նախարարը։

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

Միխայիլ Մյասնիկովիչը մասնակցել է Հայաստանի նախագահ Վահագն Խաչատուրյանի հետ ԵԱՏՄ երկրների կառավարությունների ղեկավարների հանդիպմանը

Եվրասիական տնտեսական հանձնաժողովի Կոլեգիայի նախագահ Միխայիլ Մյասնիկովիչը հոկտեմբերի 21-ին Երևանում մասնակցել է Հայաստանի Հանրապետության նախագահ Վահագն Խաչատուրյանի հետ Եվրասիական տնտեսական միության մասնակից երկրների պատվիրակությունների ղեկավարների հանդիպմանը, որը կայացել է Եվրասիական միջկառավարական խորհրդի նիստի նախօրեին։

Նախագահ Վահագն Խաչատուրյանը նշել է, որ ԵՄԿԽ այս նիստը կնպաստի ԵԱՏՄ երկրների տնտեսության հետագա զարգացմանը, եվրասիական ինտեգրացիոն գործընթացների ընդլայնմանը և տնտեսական անվտանգության ապահովման մեխանիզմների ամրապնդմանը։

«Ես անկեղծորեն համոզված եմ, որ միայն համատեղ ջանքերով մենք կկարողանանք վստահորեն առաջ շարժվել՝ նոր հնարավորություններ ստեղծելով մեր երկրների ժողովուրդների կյանքի որակի բարելավման և բարեկեցության աճի համար։ Կարևոր եմ համարում ընդգծել, որ ներկա պայմաններում, երբ մեր ժողովուրդները բախվում են նոր գլոբալ և տարածաշրջանային մարտահրավերների, անհրաժեշտ է օգտագործել մեզ մոտ առկա բոլոր միջոցներն ու ռեսուրսները համագործակցության ամրապնդման, համակարգման և ընդունվող որոշումների արդյունավետ իրականացման նպատակով», - հայտարարել է Վահագն Խաչատուրյանը։

Հանդիպմանը մասնակցել են Եվրասիական միջկառավարական խորհրդի նախագահ, Ղրղզստանի Հանրապետության նախարարների կաբինետի նախագահ Ակիլբեկ Ժապարովը, Հայաստանի Հանրապետության վարչապետ Նիկոլ Փաշինյանը, Բելառուսի Հանրապետության վարչապետ Ռոման Գոլովչենկոն, Ղազախստանի Հանրապետության վարչապետ Ալիխան Սմայիլովը, Ռուսաստանի Դաշնության կառավարության նախագահ Միխայիլ Միշուստինը, ինչպես նաև Ուզբեկստանի Հանրապետության վարչապետ Աբդուլա Արիպովը:

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

ԵՏՀ-ն սկսում է իրականացնել կլիմայական օրակարգի շրջանակներում ճանապարհային քարտեզը

Եվրասիական միջկառավարական խորհուրդը Եվրասիական տնտեսական հանձնաժողովին հանձնարարել է ԵԱՏՄ երկրների կառավարությունների հետ միասին ապահովել կլիմայական օրակարգի շրջանակներում ճանապարհային քարտեզի կատարումը:

«Միջոցառումների փաթեթի իրականացումը ինտեգրացիոն միավորմանը նոր խթան կհաղորդի տեխնոլոգիաների և արդյունաբերական կոոպերացիայի զարգացմանն ուղղված համատեղ ջանքերի մասով, ինչպես նաև թույլ կտա բարձրացնել ԵԱՏՄ ապրաքների մրցունակությունը գլոբալ շուկայում, - նշել է ԵՏՀ առևտրի նախարար Անդրեյ Սլեպնևը։ - Բացի այդ, հնարավոր կլինի կանխել ազգայինկարգավորման տարբերությունների հետևանքով Միության շուկայում աառևտրային խոչընդոտների առաջացումը»։

Ընդհանուր առմամբ, ճանապարհային քարտեզը ներառում է յոթ ուղղություն՝

- կլիմայի ոլորտում ազգային օրենսդրական կարգավորման վերլուծություն և տվյալ ոլորտի ընդհանուր մոտեցումների զարգացման առաջարկների նախապատրաստում,

- Փարիզի համաձայնագրի նպատակներին հասնելու համար ածխածնային կարգավորման համատեղ շուկայական և ոչ շուկայական մեխանիզմների ձևավորման առաջարկների մշակում,

- հետևյալ ոլորտներում ցածր էմիսիոն փոխակերպման խթանման միջոցների որոշում՝ հաշվի առնելով իրավասությունը՝ տրանսպորտ, էներգետիկա, մետաղագործություն, քիմիական արդյունաբերություն, շինարարություն, գյուղատնտեսություն,

- Ցածր ածխածնային զարգացման եվրասիական նախաձեռնություններ,

- կանաչ ֆինանսավորում,

- Կլիմայական տեխնոլոգիաների և թվային նախաձեռնությունների բանկի ձևավորում,

- կլիմայական օրակարգի հարցերով միջազգային առևտրային հարաբերությունների ոլորտի համակարգում և այլ փոխգործակցությում՝ միջազգային ասպարեզում կլիմայական ոլորտում ԵԱՏՄ անդամ պետությունների շահերը խթանելու նպատակով:

Տեղեկանք

ԵԱՏՄ շրջանակներում ստեղծվել է Կլիմայական օրակարգի շրջանակներում ԵԱՏՄ անդամ պետությունների դիրքորոշումների մերձեցման առաջարկների մշակման հարցերով Բարձր մակարդակի աշխատանքային խումբ (ԲՄԱԽ)՝ ԵՏՀ առևտրի նախարար Անդրեյ Սլեպնևի գլխավորությամբ։ Ելնելով Միության երկրներից ստացված առաջարկներից՝ հաստատվել է ԲՄԱԽ կազմը անդամ պետությունների լիազոր մարմինների ղեկավարների տեղակալների մակարդակով։

2021 թվականի հոկտեմբերի 14-ին Եվրասիական տնտեսական բարձրագույն խորհրդի նիստում ընդունվել է Կլիմայական օրակարգի շրջանակներում ԵԱՏՄ անդամ պետությունների տնտեսական համագործակցության մասին հայտարարությունը, որի նախագիծը նախապատրաստել է ԲՆԱԽ-ն։ Այս փաստաթուղթը, որը ստորագրվել է Գլազգոյում ՄԱԿ-ի Կլիմայի փոփոխության շրջանակային կոնվենցիայի կողմերի կոնֆերանսի 26-րդ նստաշրջանի նախօրեին, սահմանում է ինտեգրացիոն միավորման շրջանակներում այս ուղղությամբ համաձայնեցված մոտեցումների ձևավորման վեկտորը։

ԲՆԱԽ-ի հարթակում ակտիվ աշխատանք է տարվել կլիմայական օրակարգի շրջանակներում ԵԱՏՄ Միջոցառումների (ճանապարհային քարտեզի) առաջին փաթեթի համաձայնեցման ուղղությամբ՝ Միության ներքին շուկայում խոչընդոտներն ու սահմանափակումները կանխելու և գլոբալ տեխնոլոգիական վերափոխման և համաշխարհային տնտեսության կառուցվածքի փոփոխության պայմաններում ԵԱՏՄ անդամ երկրների տնտեսությունների մրցունակության պահպանման նպատակով:

ԵԱՏՄ երկրները կշարունակեն աշխատել Հավատարմագրման տարածաշրջանային կազմակերպության ստեղծման ուղղությամբ

Հոկտեմբերի 21-ին Եվրասիական միջկառավարական խորհրդի նիստի ընթացքում Եվրասիական տնտեսական միության երկրների վարչապետերը ԵԱՏՄ երկրների կառավարություններին հանձնարարել են դիտարկել Հավատարմագրման տարածաշրջանային կազմակերպությունում (ՀՏԿ) հավատարմագրման մարմինների մասնակցության հնարավորությունը և աջակցել կողմերի լիազորված մարմիններին դրա ստեղծման և գործունեության հետ կապված կազմակերպական, ֆինանսական հարցերի լուծման գործում:

«Հավատարմագրման տարածաշրջանային կազմակերպության ստեղծումը կնպաստի Միությունում հավատարմագրման ընթացակարգերի մերձեցմանը՝ արտադրանքի համապատասխանության գնահատման արդյունքների նկատմամբ վստահությունը բարձրացնելու և ԵԱՏՄ ընդհանուր շուկան պաշտպանելու նպատակով, - նշել է ԵՏՀ նախարար Վիկտոր Նազարենկոն։ - Բացի այդ, անկասկած, այն կարող է դառնալ երրորդ երկրների հետ առևտրում տեխնիկական խոչընդոտների ստեղծումը կանխելու գործուն գործիքներից մեկը, ինչպես նաև թույլ կտա պայմաններ ստեղծել ԱՊՀ երկրների և հեռավոր արտասահմանյան երկրների շուկաներ դաշնակից ապրանքների արտահանումն ավելացնելու համար»:

Նման տարածաշրջանային կազմակերպության աշխատանքի էական արդյունքը կլինի ընդհանուր շահերի առաջմղումը և միջազգային ասպարեզում ԵԱՏՄ երկրների հավատարմագրման համակարգերի հեղինակության բարձրացումը։ Այն նաև նպաստում է ԱՊՀ-ում և ԵԱՏՄ-ում ազատ առևտրի ապահովման արդյունավետ մեխանիզմի ստեղծմանը։

Ավելի վաղ Եվրասիական տնտեսական միության պետությունների կառավարությունների ղեկավարների հանձնարարությամբ Հանձնաժողովը և Հավատարմագրման մարմինների ղեկավարների խորհուրդը 2021-2022 թվականների ընթացքում մանրամասն մշակել են Եվրասիական տարածաշրջանի Հավատարմագրման տարածաշրջանային կազմակերպության ստեղծման հարցերը։

Հիմք ընդունելով Միության համար նման կազմակերպության ստեղծման նպատակահարմարության մասին ընդհանուր եզրահանգումը, Հանձնաժողովի զեկույցում ուրվագծվել են դրա աշխատանքի հիմքերն ու պայմանները. դրանք են՝ ԱՊՀ և ԵԱՏՄ անդամ պետությունների հավատարմագրման ազգային մարմինների մասնակցությունը, նրա միջազգային ճանաչումը, ԵԱՏՄ (ԱՊՀ) երկրներից մեկում տեղակայված մշտապես գործող աշխատանքային մարմնի առկայությունը։ Նախանշվել է նաև Հավատարմագրման տարածաշրջանային կազմակերպության ստեղծումից հետո վերջինիս և Հանձնաժողովի միջև փոխգործակցության նախընտրելի ձևաչափը՝ գործընկերության մասին համապատասխան համաձայնագրի ստորագրման միջոցով:

Որոշում է կայացվել նավիգացիոն կապարակնիքների օգտագործմամբ փոխադրումների հետագծման փորձարկում կատարելու մասին

Եվրասիական միջկառավարական խորհուրդը հանձնարարել է կատարել Ռուսաստանի Դաշնության, Ղազախստանի Հանրապետության և Ղրղզստանի Հանրապետության միջև փոխադարձ առևտրում երկաթուղային և ավտոմոբիլային տրանսպորտով ապրանքների փոխադրման ժամանակ էլեկտրոնային նավիգացիոն կապարակնիքների օգտագործման փորձարկում։

Փորձարկումը թույլ կտա թեստավորել տեղեկատվական համակարգերը, մշակել նավիգացիոն կապարակնիքների կիրառման մեխանիզմ և նախապատրաստել արտաքին տնտեսական գործունեության մասնակիցներին՝ ԵԱՏՄ-ում նավիգացիոն կապարակնիքների օգտագործմամբ փոխադրումների հետագծման ներդրմանը:

2021–2022 թվականներին ԵԱՏՄ-ում իրականացվել է ավտոմոբիլաշինության, հաստոցաշինության, էլեկտրատեխնիկայի և մի շարք այլ ոլորտների 25 նախագիծ։

Եվրասիական միջկառավարական խորհուրդը քննարկել է Եվրասիական տնտեսական միության անդամ պետությունների կողմից իրականացվող ներմուծման փոխարինման համատեղ նախագծերի վերաբերյալ զեկույցը։

Զեկույցում ներկայացված է տեղեկատվություն 2021-2022 թվականներին ներմուծումից կախված ոլորտներում, այդ թվում՝ ավտոմոբիլային, հաստոցագործիքային, էլեկտրատեխնիկական, քիմիական, բժշկական, թաղանթանյութաթղթային ոլորտներում ավելի քան 20 միլիարդ ԱՄՆ դոլար ընդհանուր գումարի չափով 25 նախագծի իրականացման մասին: Այս նախագծերի մասին տեղեկատվությունը կառուցվածքավորված է ԵԱՏՄ արդյունաբերականացման քարտեզում , որը ինտեգրացիոն միավորման կայքում տեղադրված արդյունաբերական տեղեկատվական ռեսուրս է:

«Մեզ մոտ նկատվում են արդյունաբերությունում ներմուծման փոխարինման ուղղությամբ ինտեգրացիոն համագործակցության խորացման լուրջ հնարավորություններ, - նշել է Արտակ Քամալյանը։ - Ըստ ԵԱՏՄ արդյունաբերականացման քարտեզի՝ ավելի քան 50 նախագծերի մասով կա՛մ առկա է ուղղակի շահագրգռվածություն ինտեգրացիոն համագործակցությամբ, կա՛մ արտադրողները նպատակաուղղված են Միության երկրներ արտադրանքի մատակարարումների իրականացմանը»:

Արդեն իրականացվում է ինտեգրացիոն բաղադրիչով վեց նախագիծ՝ավտոարդյունաբերության, քիմիական և էլեկտրատեխնիկական արդյունաբերության, ինչպես նաև անտառամթերման տեխնիկայի արտադրության ոլորտներում: Դրանք են, օրինակ, Կարելիայում հարվեստերների, ֆորվարդերների, քարշափոխադրող մեքենաների և փայտաբեռնիչների արտադրության բելոռուսա-ռուսական նախագիծը և հանքային պարարտանյութերի արտադրության և Կարատաու-Ժանաթաս ֆոսֆատային ավազանում հանքավայրերի մշակման ղազախստանա-ռուսական նախագիծը:

Արտակ Քամալյանի խոսքով՝ այս պահին Արդյունաբերականացման քարտեզը ներառում է 25 ոլորտի 158 ծրագիր՝ ավելի քան 270 մլրդ ԱՄՆ դոլար ընդհանուր գումարի չափով: Միությունում ինչպես արդեն որպես կոոպերացիոն սահմանված, այնպես էլ պոտենցիալ կոոպերացիոն արդյունաբերական նախագծերը իրականացվում են առավելապես ներմուծումից կախված ուղղություններով: Արդյունաբերության տարբեր ոլորտների զգալի թվով նախագծեր ունեն ԵԱՏՄ երկրների ձեռնարկությունների ինտեգրացիոն համագործակցության հեռանկարներ։

ԵՏՀ նախարարն ընդգծել է, որ զեկույցի տվյալները կարող են հաշվի առնվել անդամ պետությունների կառավարությունների կողմից՝ Միության արտադրողներին կոոպերացիոն շղթաներում ներառելիս, որոշակի այս կամ այն ներդրումային նախագծերին պետական աջակցություն ցուցադրելիս, միջազգային նախագծեր իրականացնելիս, արտադրության տեղայնացում կատարելիս։

«Զարգացնելով մեր արտադրողների միջև համագործակցային կապերը, մենք պետք է հաշվի առնենք նրանց ոլորտային մասնագիտացումը, գիտատեխնիկական և արտադրական հնարավորությունները: Միությունում ներմուծման փոխարինման զարգացման հիմնարար գործոնը, ըստ երևույթին, ներմուծումից կախված ուղղություններով գիտատեխնիկական բազայի զարգացումն է», - ամփոփել է ԵՏՀ նախարարը։

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

Գնաճը ԵԱՏՄ-ում 2022 թվականի սեպտեմբերին կազմել է 11,1%

Ապրանքների ու ծառայությունների սպառողական գների ինդեքսը Եվրասիական տնտեսական միությունում 2022 թվականի օգոստոսին՝ 2021 թվականի դեկտեմբերի համեմատ կազմել է 111,1%, 2022 թվականի օգոստոսի համեմատ՝ 100,3%:

2022 թվականի սեպտեմբերին 2021 թվականի դեկտեմբերի համեմատ ԵԱՏՄ-ում նկատվել է ոչ պարեային ապրանքների և պարենային ապրանքների գների զգալի աճ՝ 12,7% և 10,3% համապատասխանաբար։ Վճարովի ծառայությունների գները այդ ժամանակահատվածում ավելացել են 9,8%-ով։

2021 թվականի դեկտեմբերի համեմատ պարենային ապրանքների գների աճը ավելի բարձր, քան ընդհանուր առմամբ ԵԱՏՄ-ում, գրանցվել է Ղազախստանում (19,5%), Բելառուսում (14,4%) և Ղրղզստանում (13,1%)։ Ոչ պարենային ապրանքների գների ամենամեծ աճը գրանցվել է Բելառուսում (18,7%) և Ղազախստանում (14%), վճարովի ծառայությունների համար՝ Ղազախստանում (10,8%) և Բելառուսում (10,1%)։

Ավելի մանրամասն վիճակագրական տեղեկատվությունը ներկայացված է Եվրասիական տնտեսական հանձնաժողովի վիճակագրության վարչության կայքէջի «Սպառողական գների ինդեքսի մասին» բաժնում։

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

ԵՏՀ-ն և ԱՊՀ-ն քննարկել են թվային միջավայրում մտավոր սեփականության իրավունքների պաշտպանության վերազգային մեխանիզմների զարգացման հեռանկարները

ԵՏՀ-ն և ԱՊՀ-ն քննարկել են թվային միջավայրում մտավոր սեփականության իրավունքների պաշտպանության վերազգային մեխանիզմների զարգացման հեռանկարները

«Մտավոր սեփականությունը ժամանակակից աշխարհում. ժամանակի մարտահրավերները և զարգացման հեռանկարները» խորագրով 2-րդ միջազգային գիտագործնական գիտաժողովի շրջանակներում քննարկվել են ԵՏՀ և ԱՊՀ հնարավորությունները՝ եվրասիական տարածքի շրջանակներում թվային միջավայրում մտավոր սեփականության իրավունքների պաշտպանության ինտեգրացիոն մեխանիզմների ձևավորման համատեքստում։

ԵՏՀ ձեռնարկատիրական գործունեության զարգացման վարչության փոխտնօրեն Նուրժամալ Իլյասովան և ԱՊՀ Գործկոմի տնտեսական համագործակցության վարչության գիտատեխնիկական համագործակցության և նորարարությունների բաժնի ղեկավար Թիմուր Մանսուրովը նշել են, որ այս ուղղությամբ երկու կազմակերպությունների կառուցողական փոխգործակցություննն իրականացվում է Փոխգործակցության խորացման մասին հուշագրի շրջանակներում և ուղղված է եվրասիական ինտեգրացիոն գործընթացները համատեղ կառուցելու նպատակով ԵԱՏՄ իրավունքի և ԱՊՀ-ի միջազգային իրավական բազայի միավորման խնդիրների լուծմանը։

«Վերջին տասնամյակում մտավոր սեփականության իրավունքների խախտումների հետ կապված հակաիրավական գործունեությունը տեղափոխվում են թվային դաշտ, ուստի մեր համատեղ ջանքերն ավելի քան արդարացված են և արդիական», - ասել է Նուրժամալ Իլյասովան:

Միևնույն ժամանակ, ԵՏՀ ներկայացուցիչը նշել է, որ Հանձնաժողովի ընթացիկ աշխատանքը կենտրոնացած է համացանցում մտավոր սեփականության օբյեկտների նկատմամբ իրավունքների խախտումների դեմ պայքարի համաձայնեցված մոտեցումների վերաբերյալ ԵԱՏՄ միջազգային համաձայնագրի նախագծի նախապատրաստման վրա, որը, ի թիվս այլնի, նախատեսում է անօրինական բովանդակության արգելափակումների, արգելափակված կայքերի հայելիների մուտքը սահմանափակումների կիրառման հնարավորություններ, որոնողական համակարգերի կողմից այն տեղեկատվական ռեսուրսների մասին տեղեկությունների տրամադրման դադարեցումը, որոնց հասանելիությունը սահմանափակված է, ինչպես նաև հակազդեցության այլ միջոցներ:

Մշակվող գործիքների ներդնումը թույլ կտա ապահովել համցանցում մտավոր սեփականության իրավունքների պաշտպանության արդյունավետ եվրասիական համակարգի գործունեությունը։

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

Ռուսաստանի և Հայաստանի փորձագետները քննարկել են փոփոխվող տնտեսական իրականության մեջ ԵԱՏՄ զարգացման հեռանկարային ուղղությունները

ԵՏՀ, Ռուսաստանի և Հայաստանի պետական մարմինների ներկայացուցիչները և փորձագետները Երևանում՝ «Նոր պայմաններում ԵԱՏՄ զարգացման հեռանկարային ուղղությունները և երրորդ երկրների հետ նրանց փոխակերպվող արտաքին տնտեսական ռազմավարությունների համատեքստում համագործակցության հնարավորությունները» խորագրով կլոր սեղանի ընթացքում քննարկել են Եվրասիական տնտեսական միության և հնարավոր գործընկերների միջև փոխհարաբերությունների կառուցման նոր ռազմավարությունները: Միջոցառումը կազմակերպել են Ռուսաստանի միջազգային հարցերով խորհուրդը (Ռուսաստան), «Ինտեգրում և զարգացում» հասարակական կազմակերպությունը (Հայաստան), Եվրասիական փորձագիտական ակումբը (Հայաստան)։

ԵՏՀ ինտեգրման զարգացման վարչության տնօրեն Գոհար Բարսեղյանը նշել է, որ ԵԱՏՄ-ում նոր իրականությանը հարմարվելու անհրաժեշտությունն ավելի սուր է զգացվել, քան շատ տարածաշրջաններում՝ պայմանավորված այն հանգամանքով, որ Միության երկու երկիր գտնվում են Արևմուտքի կողմից աննախադեպ պատժամիջոցների ճնշման տակ։ Այս համատեքստում նա ընդգծել է 2020 թվականին ընդունված՝ Մինչև 2025 թվականը Եվրասիական տնտեսական ինտեգրման զարգացման ռազմավարական ուղղությունների կարևորությունը։ Փաստաթուղթը պարունակում է միջոցներ, որոնք թույլ են տալիս բարձրացնել տնտեսությունների մրցունակությունը ընթացիկ բարդ պայմաններում։

Նա ընդգծել է, որ փոփոխվող տնտեսական իրականության մեջ երրորդ երկրների և նրանց միավորումների հետ փոխգործակցություն կառուցելիս, ինչպես նաև եվրասիական ինտեգրումը խորացնելու համար անհրաժեշտ է հաշվի առնել գործընկերների շահերը և նրանց արտաքին տնտեսական քաղաքականության միտումները։

«Միջազգային միավորումների գործունեության հիմնական միտումների հետագծումն ու վերլուծությունը կարող են հիմք ծառայել երրորդ երկրների հետ համագործակցության հարցում ճիշտ նպատակներ դնելու և առաջադրանքներ սահմանելու և պետք է հաշվի առնվեն Միության միջազգային գործունեության առաջնահերթությունները որոշող փաստաթղթեր նախապատրաստելիս», - հայտարարել է ԵՏՀ ներկայացուցիչը։

Կլոր սեղանին մասնակցել է նաև ԵՏՀ Առևտրի նախարարի օգնական Սերգեյ Չերնիշևը։ Նա խոսել է ԵԱՏՄ գլոբալացման ճգնաժամի պայմաններում արտաքին առևտրային քաղաքականության առանձնահատկությունների մասին։ Սերգեյ Չերնիշևը հատուկ ուշադրություն է դարձրել առևտրային բանակցությունների վարման ուղղությամբ Հանձնաժողովի աշխատանքին և երրորդ երկրների հետ ազատ առևտրի նոր համաձայնագրերի կնքման հեռանկարներին։

Քննարկմանը մասնակցում են նաև Երևանի պետական համալսարանի դոցենտ, «Ինտեգրում և զարգացում» հասարակական կազմակերպության նախագահ Արամ Սաֆարյանը, ՏԲԴ ԳՀՀ Համալիր եվրոպական և միջազգային հետազոտությունների կենտրոնի գիտական ղեկավար, «Վալդայ» միջազգային բանավեճային ակումբի ծրագրերի տնօրեն Տիմոֆեյ Բորդաչևը, Ռուսաստանի Դաշնության տնտեսական զարգացման նախարարության առևտրային բանակցությունների վարչության տնօրեն Եկատերինա Մայորովան, պրոֆեսոր, Տնտեսագիական հետազոտությունների կենտրոնի ղեկավար, Եվրասիական փորձագիտական ակումբի անդամ Աշոտ Թավադյանը, Արտաքին առևտրի համառուսաստանյան ակադեմիայի Ինտեգրման գործընթացների զարգացման ինստիտուտի տնօրեն Անդրեյ Տոչինը, պրոֆեսոր, «Այլընտրանք» հետազոտական կենտրոնի ղեկավար Թաթուլ Մանասերյանը, «Վալդայ» միջազգային բանավեճային ակումբի ծրագրերի տնօրեն Յարոսլավ Լիսովոլիկը, ՌԳԱ ակադեմիկոս, ՌԳԱ ՀԱԲ Հեռավոր Արևելքի ժողովուրդների պատմության, հնագիտության և ազգագրության ինստիտուտի Գլոբալ և տարածաշրջանային հետազոտությունների կենտրոնի ղեկավար Վիկտոր Լարինը, ինչպես նաև Երևանում ԵԱՏՄ պետությունների դիվանագիտական և առևտրային ներկայացուցչությունների աշխատակիցներ։

Նրանք ընդգծել են Միության պետությունների կողմից ընտրված ինտեգրացիոն կուրսի կարևորությունը՝ որպես հիմնական գործոններից մեկը, որը ԵԱՏՄ պետություններին թույլ է տալիս հաղթահարել ճգնաժամերը նվազ ծախսերով, ինչպես նաև ինտեգրման հետագա հաջող զարգացման համար ռազմավարական պլանավորմանն ավելի մեծ ուշադրություն դարձնելու անհրաժեշտությունը։

Քննարկումը վարում էր ԵՏՀ ինտեգրման զարգացման վարչության փոխտնօրեն Ելենա Դանիլովան։

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

ԵՏՀ-ն շարունակում է աշխատել ագրարային ոլորտում ակադեմիական շարժունակության զարգացման ուղղությամբ

Հոկտեմբերի 19-ին մեկնարկել է Բելառուսի պետական գյուղատնտեսական ակադեմիայի և Վորոնեժի պետական ագրարային համալսարանի կողմից կազմակերպված սելեկցիայի և սերմնաբուծության ոլորտի կադրերի նախապատրաստման կրթական դասընթացը։ Եվրասիական տնտեսական հանձնաժողովի ագրոարդյունաբերական բլոկի ներկայացուցիչներն ընթերցել են ԵՏՀ արդյունաբերության և ագրոարդյունաբերական համալիրի նախարար Արտակ Քամալյանի ողջույնի խոսքը։

Նշվել է ընտրված ուղղության կարևորությունը՝ հաշվի առնելով Եվրասիական տնտեսական միության երկրների բարձր կախվածությունը բուսաբուծության և անասնաբուծության համար արտադրության օտարերկրյա բարձր տեխնոլոգիական միջոցներից, ներառյալ՝ սելեկցիոն և գենետիկական ռեսուրսները։ Այսպես, 2021 թվականին ներմուծվել է ավելի քան 5 մլրդ ԱՄՆ դոլարի նման ապրանք:

Դասընթացի ծրագիրը ներառում է ինչպես գործնական, այնպես էլ հանրակրթական բնույթի համատեղ միջոցառումների շարք, որոնք անցկացվում են Բելառուսի գյուղատնտեսական ակադեմիայի կողմից Վորոնեժի պետական ագրարային համալսարանի ուսանողների համար: Մասնավորապես, ուսանողները կկարողանան այցելել սորտափորձարկման կայան, ճշգրիտ գյուղատնտեսության կենտրոն, սելեկցիոն-գենետիկական և կրթական լաբորատորիաներ, ժամանակակից տեխնիկայի ցուցասրահ, ինչպես նաև մասնակցել դասախոսությունների և գործնական պարապմունքների, թեմատիկ կլոր սեղանին:

Ակադեմիական փոխանակման մասնակից է դարձել ավելի քան 30 ուսանող և դասախոս։

ԵԱՏՄ երկրների բուհերի համագործակցության այս ձևաչափը թույլ է տալիս ստանալ սիներգետիկ էֆեկտ՝ համատեղելով լավագույն մշակումները և գործնական փորձը։

Տեղեկանք

Կրթական դասընթացը կազմակերպվել է ԵԱՏՄ անդամ պետությունների միջև արդյունաբերության և ագրոարդյունաբերական համալիրի կադրերի նախապատրաստման ոլորտում փոխգործակցության զարգացման մասին հուշագրի իրականացման շրջանակներում։

Միխայիլ Մյասնիկովիչ. «Ստեղծված իրավիճակում ԵԱՏՄ անդամ պետությունները պետք է օգտագործեն բոլոր շանսերը և ամրապնդեն եվրասիական ինտեգրումը»

Եվրասիական միջկառավարական խորհրդի նիստին մասնակցելու նպատակով Երևան (Հայաստանի Հանրապետություն) կատարած աշխատանքային այցի ընթացքում ԵՏՀ Կոլեգիայի նախագահ Միխայիլ Մյասնիկովիչը հանդես է եկել դասախոսությամբ Երևանի պետական համալսարանի ուսանողների և դասախոսների համար։

Դասախոսության շրջանակներում Կոլեգիայի նախագահն անդրադարձել է Եվրասիական տնտեսական միության ձևավորման և գործունեության տարբեր ասպեկտներին։ Միխայիլ Մյասնիկովիչը մանրամասն անդրադարձել է ժամանակակից պայմաններում գլոբալ տնտեսական համակարգի գործունեության հարցերին՝ ներառյալ դրամավարկային քաղաքականության հեռանկարները, Մեծ Եվրասիական գործընկերության թեմատիկան, ինչպես նաև ԵԱՏՄ-ում ինտեգրման արագացման ռազմավարական միջոցները։

Միխայիլ Մյասնիկովիչն իր խոսքում նշել է, որ «ներկա իրավիճակում ԵԱՏՄ անդամ պետությունները պետք է օգտագործեն բոլոր շանսերը և ամրապնդեն եվրասիական ինտեգրումը, ինչը կբարձրացնի ազգային տնտեսությունների մրցունակությունը։ Տնտեսական փոխկախվածությունը, տնտեսավարման բոլոր մակարդակներում առկա վստահությունը թույլ են տալիս կայուն առաջընթաց գրանցել և նվազեցնել հակամարտությունների ռիսկերը»։

Եվրասիական տնտեսական հանձնաժողովը ավանդաբար զգալի ուշադրություն է դարձնում անդամ պետությունների գիտական, փորձագիտական և ակադեմիական հանրությանը Միության հեռանկարային օրակարգի մշակմանն ու իրականացմանը ներգրավելու, ինչպես նաև երիտասարդների շրջանում եվրասիական ինտեգրման խթանման հարցերին, ինչը, ի թիվս այլնի, նախատեսված է Մինչև 2025 թվականը Եվրասիական տնտեսական ինտեգրման զարգացման ռազմավարական ուղղություններով:

«Մեր ուժը ինտեգրման արժեքի գիտակցումն է ինչպես կիրառական տնտեսական, այնպես էլ գլոբալ քաղաքակրթական առումով», - դասախոսության ավարտին ասել է Միխայիլ Մյասնիկովիչը։

ԵՊՀ այցի շրջանակներում կայացել է նաև Կոլեգիայի նախագահի հանդիպումը համալսարանի ռեկտոր Հովհաննես Հովհաննիսյանի, Հայաստանի Հանրապետության կրթության, գիտության, մշակույթի և սպորտի փոխնախարար Կարեն Թռչունյանի և բուհի պրոֆեսորադասախոսական կազմի հետ։

Քննարկվել են տնտեսական ինտեգրման ոլորտի կադրերի նախապատրաստման և մասնագետների որակավորման բարձրացման, կրթական ծրագրերում եվրասիական բաղադրիչի ներդրման, համատեղ քննարկումների և տեղեկատվական միջոցառումների անցկացման, բուհին ԵԱՏՄ գործունեության տարբեր ուղղությունների վերաբերյալ գիտահետազոտական աշխատանքներին ներգրավման ուղղությամբ ԵՏՀ և ԵՊՀ համագործակցության հարցեր:

Երևանի պետական համալսարանի ռեկտոր Հովհաննես Հովհաննիսյանը ԵՏՀ Կոլեգիայի նախագահ Միխայիլ Մյասնիկովիչին հանձնել է ԵՊՀ հիմնադրման 100-ամյակին նվիրված մեդալը։

Տեղեկանք

ԵՏՀ-ն սերտ փոխգործակցություն է իրականացնում ԵԱՏՄ երկրների բարձրագույն ուսումնական հաստատությունների հետ։ Նախկինում Հանձնաժողովը համագործակցության ծրագրեր է ստորագրել «Բարձրագույն դպրոց» ԳՀՀ-ի, Ռուսաստանի ԱԳՆ ՄԳԻՄՕ-ի, Ռուսաստանի ԱԳՆ Դիվանագիտական ակադեմիայի, ՌԴ Նախագահին առընթեր ՌԱՆԽիԳՍ-ի, ՄՊԼՀ-ի, ՍՊբՊՏՀ-ի, ինչպես նաև Մ.Վ. Լոմոնոսովի անվան ՄՊՀ ժուռնալիստիկայի ֆակուլտետի հետ: Աշխատանքներ են տարվում Եվրասիական ցանցային համալսարանի ստեղծման ուղղությամբ։

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

ԵՏՀ Կոլեգիայի նախագահ Միխայիլ Մյասնիկովիչը ժամանել է Երևան

Եվրասիական տնտեսական հանձնաժողովի պատվիրակությունը Կոլեգիայի նախագահ Միխայիլ Մյասնիկովիչի գլխավորությամբ ժամանել է Երևան (Հայաստանի Հանրապետություն)։ Ծրագրում. մասնակցություն հոկտեմբերի 20-ից 21-ը կայանալիք Եվրասիական միջկառավարական խորհրդի նիստին, հոկտեմբերի 20-ին՝ Միխայիլ Մյասնիկովիչի հանդիպումը Երևանի պետական համալսարանի (ԵՊՀ) ռեկտոր Հովհաննես Հովհաննիսյանի հետ, ինչպես նաև ԵՊՀ-ում ԵՏՀ Կոլեգիայի ղեկավարի դասախոսությունը, հոկտեմբերի 21-ին՝ Միխայիլ Մյասնիկովիչի և Եվրասիական տնտեսական միության երկրների պատվիրակությունների ղեկավարների հանդիպումը Հայաստանի Հանրապետության նախագահ Վահագն Խաչատուրյանի հետ։

Եվրասիական միջկառավարական խորհրդի նիստը կկայանա Երևան քաղաքում՝ առերես ձևաչափով, Ղրղզստանի Հանրապետության նախարարների կաբինետի ղեկավար, նախագահի աշխատակազմի ղեկավար Ակիլբեկ Ժապարովի նախագահությամբ, Եվրասիական տնտեսական միության պետությունների կառավարությունների ղեկավարների՝ Հայաստանի Հանրապետության վարչապետ Նիկոլ Փաշինյանի, Բելառուսի Հանրապետության վարչապետ Ռոման Գոլովչենկոյի, Ղազախստանի Հանրապետության վարչապետ Ալիխան Սմայիլովի, Ռուսաստանի Դաշնության Կառավարության նախագահ Միխայիլ Միշուստինի և ԵՏՀ Կոլեգիայի նախագահ Միխայիլ Մյասնիկովիչի մասնակցությամբ: Միջկառավարական խորհրդի նիստին (տեսաուղերձի ձևաչափով) կմասնակցեն նաև Ուզբեկստանի Հանրապետության վարչապետ Աբդուլա Արիպովը և Կուբայի Հանրապետության վարչապետ Մանուել Մարերո Կրուսը։

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

Մինչև 2023 թվականի սեպտեմբերի 1-ը պարզեցվել են ԵԱՀ նշանով ապրանքների մակնշման կանոնները

Եվրասիական տնտեսական հանձնաժողովի Խորհուրդը որոշում է կայացրել արտադրանքը ներմուծելուց՝ մաքսային ընթացակարգերն անցնելուց հետո արտադրանքի վրա ԵԱՀ նշանի և սպառողների համար բացադրության, պիտանիության ժամկետի, արտադրողի մասին տեղեկությունների մասին տեղեկատվությամբ մակնշման կիրառման հնարավորության մասին: Ընդ որում, մակնշումը պետք է կիրառվի արտադրանքի վրա նախքան այն սպառողին (գնորդին) իրացնելը: Մակնշման այս պարզեցումը կարող է կիրառվել մինչև 2023 թվականի սեպտեմբերի 1-ը։

Նաև ԵՏՀ Խորհրդի որոշման հիման վրա մինչև 2023 թվականի սեպտեմբերի 1-ը ԵԱՏՄ երկրների կառավարությունների կողմից կարող են սահմանվել ԵՏՀ Խորհրդի 2021 թվականի նոյեմբերի 12-ի N 130 որոշման կիրառման առանձնահատկությունները արտադրանքը մաքսային ընթացակարգերով անցկացնելիս համապատասխանության գնահատման մասին փաստաթղթերը (նման փաստաթղթերի մասին տեղեկությունները) մաքսային մարմիններին ներկայացնելու կարգը և դեպքերը որոշելու մասով: ԵԱՏՄ տարածքում համապատասխանության պարտադիր գնահատման ենթակա արտադրանքի ներմուծման՝ ազգային մակարդակով հաստատված առանձնահատկությունները չեն կարող բացառել ԵԱՏՄ տեխնիկական կանոնակարգերի պահանջների պահպանման պարտադիր լինելը։

Որոշումն ընդունվել է Հանձնաժողովի Խորհրդի 2022 թ. մարտի 17-ի N 12 կարգադրությամբ հաստատված՝ ԵԱՏՄ պետությունների տնտեսությունների կայունության բարձրացման միջոցների ցանկի իրականացման շրջանակներում, ներառյալ՝ մակրոտնտեսական կայունության ապահովումը: Ձեռնարկված միջոցն անհրաժեշտ է ԵԱՏՄ այն երկրների շուկաներում ապրանքների կայուն առաջարկի պահպանման համար, որոնց նկատմամբ կիրառվել են տնտեսական պատժամիջոցներ։

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

ԵՏՀ Խորհրդի 2022 թ. հոկտեմբերի 17-ի նիստի արդյունքները

Եվրասիական տնտեսական հանձնաժողովի խորհուրդը հոկտեմբերի 17-ի նիստում երկարաձգել է ավելի վաղ՝ այս տարվա ապրիլին և մայիսին ընդունված այն որոշումների ժամկետները, որոնք ուղղված են երրորդ երկրների կողմից ներդրված սահմանափակող միջոցների պայմաններում անվավոր փոխադրամիջոցների, գյուղատնտեսական և անտառատնտեսական տրակտորների կայուն արտադրության ապահովմանը:

ԵՏՀ Խորհուրդը որոշում է ընդունել վեց ամսով երկարաձգել մաքսային արտոնությունները պարենային և օծանելիքակոսմետիկական արտադրանքի առանձին տեսակների համար։

ԵԱՏՄ-ում գործարկվել է «Քաղաքացիական ավիաշինություն» նոր տեխնոլոգիական հարթակ։ ԵՏՀ Խորհուրդը հաստատել է Հանձնաժողովի Խորհրդի 2016 թվականի հոկտեմբերի 18-ի կարգադրության համապատասխան լրացումները։

ԵՏՀ Խորհուրդը որոշում է կայացրել արտադրանքը ներմուծելուց՝ մաքսային ընթացակարգերն անցնելուց հետո արտադրանքի վրա ԵԱՀ նշանի և սպառողների համար բացադրության, պիտանիության ժամկետի, արտադրողի մասին տեղեկությունների մասին տեղեկատվությամբ մակնշման կիրառման հնարավորության մասին: Ընդ որում, մակնշումը պետք է կիրառվի արտադրանքի վրա նախքան այն սպառողին (գնորդին) իրացնելը: Մակնշման այս պարզեցումը կարող է կիրառվել մինչև 2023 թվականի սեպտեմբերի 1-ը։

ԵՏՀ Խորհուրդը հավանության է արժանացրել ապրանքներին ներկայացվող Եվրասիական տնտեսական միության պարտադիր պահանջների օպտիմալացման միջոցների ցանկը, այդ թվում՝ դրա պարտադիր համապատասխանության գնահատման մասով: Այս ցանկը ներառում է վեց միջոց, որոնք ուղղված են համապատասխանության գնահատման փաստաթղթերի անբարեխիղճ ստացմանը հակազդեցության մեխանիզմների ստեղծմանը և ԵԱՏՄ-ում համապատասխանության գնահատման համակարգի կատարելագործմանը։

ԵՏՀ Խորհրդի հաջորդ նիստը կկայանա նոյեմբերի 18-ին Մոսկվայում՝ առերես ձևաչափով։

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

ԵԱՏՄ ՄՕ փոփոխությունները կսահմանեն օտարերկրյա համացանցային հարթակներում ձեռք բերվող ապրանքների մաքսային ձևակերպման նոր կարգ

Եվրասիական տնտեսական միության իրավունքիի արդիականացման հարցերի լայն շրջանակ, ինչպես նաև մաքսաին կարգավորման զարգացման ուղղությամբ Ղազախստանի Հանրապետության ֆինանսների նախարարության Պետական եկամուտների կոմիտեի աշխատանքի արդյունքները Եվրասիական տնտեսական հանձնաժողովի հարթակում քննարկել են ԵՏՀ մաքսային համագործակցության նախարար Մակսաթ Մամիտկանովը և Ղազախստանի Հանրապետության ֆինանսների նախարարության Պետական եկամուտների կոմիտեի նախագահ Դանիյար Ժանալինովը։

Քննարկված հարցերի թվում են Միության Մաքսային օրենսգրքի և մաքսային տարանցման միասնական համակարգի կատարելագործումը, էլեկտրոնային առևտրի ինստիտուտի ստեղծումը։

«Հարկ է նշել, որ օրենսգրքում փոփոխություններ կատարելու մասին առաջին համալիր արձանագրության նախագիծը փորձագիտական վերանայման փուլում է՝ մինչև այս տարվա վերջ ներպետական համաձայնեցում կատարելու համար Միության պետություններին այն ուղարկելու նպատակով», - պարզաբանել է Մակսաթ Մամիտկանովը։

Այսպես, Միության Մաքսային օրենսգրքում փոփոխությունների փաթեթը նախատեսում է մաքսային կարգավորման առանձնահատկությունների սահմանում ֆիզիկական անձանց կողմից համացանցում՝ էլեկտրոնային առևտրային հարթակներում ձեռք բերվող ապրանքների նկատմամբ: Նախարարի խոսքով՝ այս նախագիծը «չափազանց կարևոր է Միության երկրների համար, քանի որ սահմանում է օտարերկրյա համացանցային հարթակներում քաղաքացիների կողմից ձեռք բերվող ապրանքների մաքսային ձևակերպման նոր կարգ»։

Սա թույլ կտա բարձրացնել բեռների մշակման արագությունը, ապահովել մաքսային վերահսկողության արդյունավետությունը և, ըստ էության, ստեղծել մաքսային գործի ոլորտի գործունեության նոր տեսակ՝ էլեկտրոնային առևտրի օպերատորի ինստիտուտ։

Հանդիպման շրջանակներում հատուկ ուշադրություն է դարձվել փոխադրումների հետագծման համար Միությունում նավիգացիոն կապարակնիքների կիրառման մասին համաձայնագրին։ Դրա իրականացումը թույլ կտա նվազագույնի հասցնել վերահսկիչ միջոցառումները ներմիութենական սահմաններին, բարձրացնել անդամ պետությունների տարանցիկ գրավչությունը, ապահովել ապրանքների հետագծելիությունը և դրանց օրինական շրջանառությունը ԵԱՏՄ-ում։

Բացի այդ, Ղազախստան կատարած այցի ընթացքում Մակսաթ Մամիտկանովն աշխատանքային հանդիպում է ունեցել Ղազախստանի Հանրապետության ֆինանսների փոխնախարար Երժան Բիրժանովի հետ։ Կողմերը քննարկել են Միության երկրների տնտեսությունների կայունացմանն ուղղված ակտերի նախապատրաստման ուղղությամբ Հանձնաժողովի աշխատանքը, մաքսային կարգավորման կատարելագործման և առևտրի ընթացակարգերի պարզեցման արդիական հարցերը։

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

ԵՏՀ-ն երկարաձգել է մաքսատուրքերի զրոկայան դրույքաչափերը պարենային և օծանելիքակոսմետիկական արտադրանքի առանձին տեսակների համար

Եվրասիական տնտեսական հանձնաժողովի Խորհուրդը որոշել է վեց ամսով երկարաձգել մաքսային արտոնությունները ապրանքների առանձին տեսակների նկատմամբ։

Այս տարվա մարտին հավանության արժանացած արձագանքման օպերատիվ միջոցները թույլ տվեցին ԵԱՏՄ երկրների տնտեսությունները հարմարեցնել աննախադեպ արտաքին ճնշման պայմաններին, կայունացած տրանսպորտալոգիստիկ կապերի փոփոխություններին և արժույթների այն ժամանակ նկատվող տատանումներին։ Ընդ որում, բարձր մակարդակով բազմիցս ընդգծվել է, որ մաքսասակագնային արտոնությունների երկարաձգումը հնարավոր է միայն առանձին՝ հատկապես զգայուն դիրքերի համար, ինչը և արվել է փոխվարչապետների վերջին նիստի ընթացքում, կարծում են ԵՏՀ առևտրային բլոկում։

Այսօր ևս մի քանի գործողություն է համաձայնեցվել մի շարք ապրանքային դիրքերի վերաբերյալ։ Խոսքը, մասնավորապես, բժշկական սարքերի և օծանելիքակոսմետիկական արտադրանքի, ինչպես նաև մանկական սննդի բաղադրիչների արտադրության և իրացման համար նախատեսված պոլիմերային թաղանթի մասին է։

Ընդունված որոշումները տարածվելու են 2022 թվականի հոկտեմբերի 1-ից ծագած իրավահարաբերությունների վրա։

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

ԵՏՀ Խորհուրդը երկարաձգել է ԵԱՏՄ-ում անվավոր փոխադրամիջոցների կայուն արտադրության ապահովմանն ուղղված որոշումները

Եվրասիական տնտեսական հանձնաժողովի խորհուրդը երկարաձգել է այս տարվա ապրիլին և մայիսին ընդունված այն որոշումների վերջնաժամկետները, որոնք ուղղված են անվավոր փոխադրամիջոցների, գյուղատնտեսական և անտառատնտեսական տրակտորների կայուն արտադրության ապահովմանը երրորդ երկրների կողմից կիրառված սահմանափակող միջոցների պայմաններում։

Մինչև 2024 թվականի փետրվարի 1-ը երկարաձգվել է ԵԱՏՄ տարածքում փոխադրամիջոցներ արտադրելու հնարավորությունը՝ Միության երկրների կառավարությունների նորմատիվ իրավական ակտերին համապատասխան։

Մինչև 2023 թվականի դեկտեմբերի 31-ը Բելառուսի Հանրապետության արտադրողների համար երկարաձգվել է առանձին կատեգորիաների փոխադրամիջոցները կայունության վերահսկողության էլեկտրոնային համակարգերով չզինելու՝ նման տրանսպորտի համար տիպի հավանությունների հետագա ձևակերպմամբ, և նման փոխադրամիջոցները իրացնելու հնարավորությունը:

Մինչև 2024 թվականի հունվարի 1-ը երկարաձգվել է 3-րդ բնապահպանական դասի տրակտորների արտադրությանն անցնելու ժամկետը։

Մինչև 2024 թվականի հունվարի 31-ը ԵԱՏՄ պետությունների արտադրողների համար երկարաձգվել է բնապահպանական ցածր դասի (0, 1, 2) տրակտորներ արտադրելու հնարավորությունը։

Մինչև 2024 թվականի հունվարի 31-ը երկարաձգվել է նվազեցված բնապահպանական դաս ունեցող տրակտորների համապատասխանության հավաստագրերի գործողության ժամկետը, իսկ մինչև 2024 թվականի մայիսի 31-ը երկարաձգվել է այդպիսի տրակտորների շրջանառության մեջ դնելու և վաճառելու հնարավորությունը։

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

Սերմերի բիզնեսի զարգացումը ԵՏՀ ուշադրության կենտրոնում է

Մոսկվայի մարզում՝ «Պոիսկ» ռուսական ագրոհոլդինդի հարթակում, Եվրասիական տնտեսական հանձնաժողովի ագրոարդյունաբերական քաղաքականության վարչության արտագնա խորհրդակցության շրջանակներում՝ բիզնեսի ներկայացուցիչների մասնակցությամբ, քննարկվել են Եվրասիական տնտեսական միությունում սելեկցիայի և սերմաբուծության զարգացման հարցեր:

 

 

«Մենք մեծ ուշադրություն ենք դարձնում Եվրասիական տնտեսական միությունում սելեկցիայի և սերմնաբուծության զարգացման հարցին։ Ռազմավարություն-2025-ի իրականացման շրջանակներում աշխատանքներ են տարվում խնդրահարույց հարցերի և դրանց լուծման մոտեցումների նույնականացման ուղղությամբ՝ ոլորտային բիզնեսի հետ անմիջական համագործակցությամբ, - նշել է ԵՏՀ ագրոարդյունաբերական քաղաքականության վարչության տնօրեն Արմեն Հարությունյանը։ - Դա թույլ կտա մշակել ԵԱՏՄ պարենային անվտանգության համար կարևորագույն հատվածի արդյունավետության բարձրացման ինտեգրացիոն միջոցներ»։

Խորհրդակցությանը քննարկվել են բանջարային մշակաբույսերի սելեկցիայի զարգացմանն առնչվող մի շարք հարցեր, որոնք բարձրացրել է «Պոիսկ» ագրոհոլդինգի ղեկավար Նիկոլայ Կլիմենկոն։ Խոսքը սելեկցիայի և սերմնաբուծության նորմատիվ իրավական կարգավորման կատարելագործման անհրաժեշտության, ինչպես նաև սերմնաբուծության ոլորտում ԵԱՏՄ պետությունների հետ կոոպերացիայի հնարավոր մոտեցումների մասին էր։

Արմեն Հարությունյանն իր հերթին հանդիպման մասնակիցներին տեղեկացրել է Հանձնաժողովի կողմից ԵԱՏՄ երկրների հետ համատեղ Միությունում սերմերի միասնական շուկայի ձևավորման, սորտերի փորձարկման և սերմնաբուծության ոլորտներում անդամ պետությունների օրենսդրության միասնականացման ուղղությամբ կատարվող աշխատանքների, ինչպես նաև ԵԱՏՄ-ում սերմի բիզնեսի զարգացման խնդրահարույց հարցերի լուծման հնարավոր մոտեցումների մասին։

Այցի ընթացքում ԵՏՀ ագրոարդյունաբերական բլոկի պատվիրակությանը ներկայացվել են բանջարային մշակաբույսերի սելեկցիոն ջերմոցներ, ինչպես նաև սպառողներին իրացման համար սերմերի ապրանքային խմբաքանակների պատրաստման, մշակման, փաթեթավորման և մակնշման ամբողջական շրջափուլը:

Տեղեկանք

Ավելի քան 30 տարվա պատմության ընթացքում «Պոիսկ» ագրոհոլդինգի սելեկցիոներները բուծել են բանջարեղենի և դեկորատիվ բույսերի ավելի քան 820 սորտ և հիբրիդն, որոնցից 100-ից ավելին օգտագործվում են պրոֆեսիոնալ բանջարագործների կողմից։

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

ԵԱՏՄ-ում կատարելագործվում է համապատասխանության գնահատման համակարգը

Եվրասիական տնտեսական հանձնաժողովի Խորհուրդը հավանության է արժանացրել ապրանքներին ներկայացվող Եվրասիական տնտեսական միության պարտադիր պահանջների օպտիմալացման միջոցների ցանկը, այդ թվում՝ դրա պարտադիր համապատասխանության գնահատման մասով: Այս ցանկը ներառում է վեց միջոց, որոնք ուղղված են համապատասխանության գնահատման փաստաթղթերի անբարեխիղճ ստացմանը հակազդեցության մեխանիզմների ստեղծմանը և ԵԱՏՄ-ում համապատասխանության գնահատման համակարգի կատարելագործմանը։

Արտադրանքի նկատմամբ Եվրասիական տնտեսական միության պարտադիր պահանջների օպտիմալացման միջոցները, այդ թվում՝ սահմանված պահանջներին համապատասխանության պարտադիր գնահատման մասով, ներառում են համապատասխանության գնահատման նպատակով «արտադրանքի խմբաքանակ» հասկացողության հստակեցման առաջարկների մշակում, այդ թվում՝ կախված շրջանառության մեջ դրվող արտադրանքների տեսակից. համապատասխանության գնահատման փաստաթղթերի անբարեխիղճ ստացմանը հակազդեցության մեխանիզմների մշակում. արտադրանքի առանձին տեսակների նկատմամբ Միության տեխնիկական կանոնակարգերի պահանջներին համապատասխանության գնահատման ձևերի, սխեմաների և ընթացակարգերի կատարելագործման առաջարկների մշակում. Միության տեխնիկական կանոնակարգերի պահանջներին համապատասխանության գնահատման աշխատանքների շրջանակներում հետազոտությունների (փորձարկումների) և չափումների արձանագրությունների ազգային գրանցամատյանների հիման վրա միասնական գրանցամատյանի ստեղծում. ռիսկերի վերլուծության հիման վրա համապատասխանության գնահատման իրականացման մասով Միության իրավունքի կատարելագործման առաջարկների նախապատրաստում. արտադրանքի նույնականացման մոտեցումների կատարելագործման միջոցների մշակում և նույնականացման հատկանիշների, վտանգավոր գործոնների և արտադրանքի նկատմամբ պահանջների միջև փոխադարձ կապի հաստատում:

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

ԵԱՏՄ-ում գործարկվել է «Քաղաքացիական ավիաշինություն» նոր տեխնոլոգիական հարթակ

ԵԱՏՄ-ում գործարկվել է «Քաղաքացիական ավիաշինություն» նոր տեխնոլոգիական հարթակ։ Եվրասիական տնտեսական հանձնաժողովի Խորհուրդը հաստատել է Եվրասիական տնտեսական հանձնաժողովի Խորհրդի 2016 թվականի հոկտեմբերի 18-ի կարգադրության համապատասխան լրացումները։

Ավիաշինության ԵՏեխՀ (Եվրասիական տեխնոլոգիական հարթակ) ստեղծման պաշտոնական նախաձեռնողը «Արդյունաբերության զարգացման իրավասությունների կենտրոն» Ռուսաստանի Դաշնության ինքնավար ոչ առևտրային կազմակերպությունն էր: Ավիաշինության ԵՏեխՀ համահիմնադիրներ են դարձել Բելառուսի Հանրապետության N 558 ավիանորոգման գործարանը և Ղազախստանի Հանրապետության «Ղազախստանի ավիացիոն արդյունաբերություն» սահմանափակ պատասխանատվությամբ գործընկերությունը:

«Սա կարևոր իրադարձություն է, որը, ըստ էության, սկիզբ է դնում եվրասիական պաշտոնական բանակցային հարթակի ձևավորմանը, որը իրավասու է մշակել համախմբված ոլորտային նախաձեռնություններ և առաջարկներ ավիաշինության գրեթե ցանկացած հրատապ խնդրի լուծման համար՝ թե՛ արդյունաբերության ոլորտում կոոպերացիայի տեսանկյունից, թե՛ նորարարությունների, գիտության և կրթության, վերջնական արտադրանքի ֆինանսավորման և առաջմղման մեխանիզմների, ինչպես նաև իրավաստեղծ նախաձեռնությունների կողմից, - ընդգծել է ԵՏՀ արդյունաբերության և ագրոարդյունաբերական համալիրի նախարար Արտակ Քամալյանը։ - Միևնույն ժամանակ, սա Միության տարածքում նորարարական գործունեության համակարգման արդեն ստուգված և բավականին լավ գործող մեխանիզմ է, ԵԱՏՄ-ում կոոպերացիայի գնացքաքարշը»:

Արտակ Քամալյանի խոսքով՝ նոր տեխնոլոգիական հարթակի նպատակն է ապահովել բոլոր շահագրգիռ կողմերի (բիզնեսի, գիտության, պետական մարմինների, հասարակական կազմակերպությունների) արդյունավետ փոխգործակցությունը Միության պետությունների ներուժի միավորման հիմա ն վրա՝ ազգային բարձր տեխնոլոգիական ավիացիոն արդյունաբերության փոխշահավետ նորարարական համալիրի խթանման, առևտրային տեխնոլոգիաների ստեղծման, նորարարական և մրցունակ արտադրանքի ձեռնարկությունների զարգացման համար:

Տեղեկանք

ԵՏեխՀ-ի ստեղծման մասին հիմնադիր համաձայնագիրը ստորագրվել է 2022 թվականի հուլիսի 4-ին Արդյունաբերական քաղաքականության խորհրդի 4-րդ նիստի շրջանակներում՝ անդամ պետությունների արդյունաբերության նախարարների և Ուլյանովսկի մարզի նահանգապետ Ա. Ռուսկիխի ներկայությամբ:

«Քաղաքացիական ավիաշինություն» ԵՏեխՀ-ի ստեղծումը նախատեսված է ԵԱՏՄ երկրներում քաղաքացիական ավիաշինության ոլորտում արդյունաբերական համագործակցության ընդլայնման 2022-2023 թվականների ճանապարհային քարտեզով։

Եվրասիական տեխնոլոգիական հարթակները կատարում են գիտական կազմակերպությունների (ԳՀԻ, բուհեր), արդյունաբերական ձեռնարկությունների, ընկերակցության ջանքերը համախմբող ոլորտային խորհրդատվածան մարմինների դերը՝ Եվրասիական տնտեսական հանձնաժողովի համակարգմամբ և իրավասու պետական մարմինների, զարգացման ինստիտուտների և այլ շահագրգիռ սուբյեկտների մասնակցությամբ: Միևնույն ժամանակ, ԵՏեխՀ-ներն ունեն ոլորտային խնդիրների լուծման շրջանակներում ցանկացած բնույթի նախաձեռնությունների մշակման լայն լիազարություններ՝ սկսած գիտությունից, մասնագետների պատրաստումից, գիտական մշակումներից և նորարարություններից մինչև ոլորտի ընթացիկ արդիական խնդիրները՝ եվրասիական ինտեգրման բաղադրիչի տեսանկյունից:

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

Ճգնաժամային ներմուծման ապրանքների առանձին տեսակների համար տուրքերի զրոյական դրույքաչափերը և սակագնային արտոնությունները կերկարաձգվեն մինչև 2023 թվականի մարտի վերջ

Եվրասիական տնտեսական հանձնաժողովի Խորհուրդը հավանություն է տվել կողմերի առաջարկներին՝ ճգնաժամային ներմուծման ապրանքների առանձին տեսակների համար ներմուծման մաքսատուրքերի զրոյական դրույքաչափերը և սակագնային արտոնությունները մինչև 2023 թվականի մարտի 31-ը երկարաձգելու մասին։

Միաժամանակ ԵՏՀ Կոլեգիայի իրավասության մեջ գտնվող մի շարք ապրանքային դիրքերի վերաբերյալ Հանձնաժողովի խորհրդի անունից մոտ ապագայում որոշում կկայացվի։

«Չնայած գարնանը ընդունված մաքսասակագնային կարգավորման միջոցների դրական արդյունքի, մնացել են առանձին զգայուն դիրքեր, որոնց նկատմամբ տուրքերի զրոյացումը կամ սակագնային արտոնությունները երկարաձգվում է վեց ամսով։ Խոսքը սկզբնական ցանկի ապրանքների քառորդ մասի մասին», - նշել է ԵՏՀ առևտրի նախարար Անդրեյ Սլեպնևը։

 

 

Մասնավորապես, երկարաձգումը կտարածվի հումքի՝ դեղագործական և քիմիական արտադրանքի, լաքերի, ներկանյութերի, տեքստիլի և կաշվի մշակման միջոցների, սոսինձների և օսլայի առանձին տեսակների, պլաստմասսաների, կաուչուկի և դրանցից պատրաստված արտադրատեսակների, թաղանթանյութից պատրաստված առանձին արտադրատեսակների, բրդի, բամբակի և վուշի հումքի, քիմիական թելերի, մանվածքի և մանրաթելերի նկատմամբ։ Ցանկում կներառվեն նաև մի շարք պատրաստի արտադրատեսակներ, ինչպիսիք են՝ դեղամիջոցները, բժշկական սարքավորումները, լաբորատոր հետազոտությունների համար նախատեսված ռեագենտները։

Որոշումները տարածվելու են 2022 թվականի հոկտեմբերի 1-ից ծագած իրավահարաբերությունների վրա։

Տեղեկանք

ԵԱՏՄ տնտեսական կայունության բարձրացմանն ու ներքին շուկան արտաքին ճնշման պայմաններում անհրաժեշտ ապրանքներով հագեցնելուն ուղղված աջակցության առաջնահերթ միջոցների ապահովման նպատակով ընդունվել են ԵՏՀ Խորհրդի 2022 թվականի մարտի 17-ի № 37, 2022 թվականի ապրիլի 5-ի №46, 2022 թվականի ապրիլի 15-ի № 76, ինչպես նաև ԵՏՀ Կոլեգիայի 2022 թվականի ապրիլի 12-ի № 63 և 2022 թվականի ապրիլի 19-ի № 66 որոշումները։ Այս որոշումները նախատեսում էին ապրանքների լայն անվանացանկի (ԵԱՏՄ ԱՏԳ ԱԱ 1307 ծածկագրի) նկատմամբ ներմուծման մաքսատուրքերի դրույքաչափերի զրոյացում մինչև 2022 թվականի սեպտեմբերի 30-ը։ Միջոցը թույլ տվեց զգալի աջակցություն ցուցաբերել ինչպես ԵԱՏՄ մի շարք երկրներում պատրաստի արտադրանքի սպառողներին, այնպես էլ ներմուծումից կախված արտադրողներին։

Ֆիզիկական անձանց համար 1000 եվրոյի չափով անմաքս ապրանքների ներմուծման շեմը երկարաձգվել է մինչև 2023 թվականի ապրիլի 1-ը

Սեպտեմբերի 23-ին Եվրասիական տնտեսական հանձնաժողովի Խորհրդի նիստում որոշվել է ֆիզիկական անձանց համար 1000 եվրոյի չափով անմաքս ապրանքների ներմուծման շեմը երկարաձգել մինչև 2023 թվականի ապրիլի 1-ը։

 

Նախկինում Հանձնաժողովի Խորհուրդը բարձրացրել էր անմաքս ներմուծման շեմը մինչև 1000 եվրո այն ապրանքների համար, որոնք փոխադրվում են փոխադրողի կողմից կամ փոստային առաքմամբ, ինչպես նաև տրանսպորտի բոլոր տեսակներով ներմուծվող ուղեբեռով, բացի օդայինից, կամ հետիոտ կարգով: Այս շեմը սահմանվել էր ժամանակավոր՝ մինչև ընթացիկ տարվա հոկտեմբերի 1-ը։

Միջոցի երկարաձգումը թույլ կտա աջակցել քաղաքացիներին պատժամիջոցների ճնշման պայմաններում և խուսափել առաջին անհրաժեշտության ապրանքների և ճգնաժամային ներմուծման ապրանքների դեֆիցիտից:

Տեղեկանք

Հղումներ նախկինում ընդունված որոշումներին՝

- ուղեբեռով կամ հետիոտ կարգով ապրանքներ ներմուծելու մասին որոշում.

- փոխադրողի կամ փոստային առաքանիներով ապրանքների ներմուծման մասին որոշում:

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

ԵՏՀ Խորհրդի 2022 թ. սեպտեմբերի 23-ի նիստի արդյունքները

Եվրասիական տնտեսական հանձնաժողովի Խորհուրդը սեպտեմբերի 23-ի նիստի ընթացքում որոշել է ընդունել Եվրասիական տնտեսական միության երկրներում ներդնել բազմակի օգտագործման էլեկտրոնային ծխախոտի և համանման անհատական էլեկտրոնային գոլորշիացնող սարքերի մակնշում միասնական կանոններով։

 

ԵՏՀ Խորհուրդը նախատեսել է ԵՏՀ Կոլեգիայի կողմից էքսպրես բեռների համար ապրանքների այն հայտարարագրի ճշգրտման լրացման առանձնահատկությունները որոշելու հնարավորությունը, որն օգտագործվում է Միության երկրներում արտաքին էլեկտրոնային առևտրի ոլորտի փորձնական նախագծի իրականացման դեպքում։

ԵՏՀ Խորհրդի անդամները ստորագրել են Ինդոնեզիայի Հանրապետության հետ գործարար երկխոսություն վարելու վերաբերյալ հանձնարարությունը։

Փոփոխություններ են կատարվել կաթի և երեխաների ու դեռահասների համար նախատեսված արտադրանքի վերաբերյալ Միության տեխկանոնակարգերում

Հաստատվել է օրֆանային և բարձր տեխնոլոգիական դեղորայքային պատրաստուկների մակնշման պարզեցված համակարգը:

Ընդունվել ԵԱՏՄ մաքսային տարածքում և սահմանին պետական սանիտարահամաճարակաբանական հսկողության (վերահսկողության) անցկացման կարգում կատարվող փոփոխությունները։

Որոշում է ընդունվել ֆիզիկական անձանց համար 1000 եվրոյի չափով անմաքս ապրանքների ներմուծման շեմը մինչև 2023 թվականի ապրիլի 1-ը երկարաձգելու մասին:

ԵՏՀ Խորհրդի անդամներն ընդունել են Միության մաքսային տարածքում անասնաբուժական նշանակության ախտորոշիչ միջոցների շրջանառության կարգավորման միասնական կանոնները։

ԵՏՀ Խորհրդի հաջորդ նիստը կկայանա հոկտեմբերի 7-ին՝ տեսաձևաչափով։

Անդրեյ Սլեպնև. «Եվրասիական տնտեսական համաժողովի շրջանակներում 2023 թվականին առաջարկվում է բիզնես երկխոսություն վարել Ինդոնեզիայի հետ»

Այդ մասին հայտարարել է Եվրասիական տնտեսական հանձնաժողովի առևտրի նախարար Անդրեյ Սլեպնևը, մեկնաբանելով Մոսկվայում ԵՏՀ Խորհրդի անդամների կողմից ստորագրված համապատասխան հանձնարարությունը։ Վերջնական որոշումը կկայացվի՝ հաշվի առնելով գործընկեր երկրի ներկայացուցիչների հետ հարցի մշակումը։

 

«Վերջերս Եվրասիական տնտեսական բարձրագույն խորհուրդը որոշում է ընդունել Ինդոնեզիայի հետ ազատ առևտրի մասին համաձայնագրի կնքման վերաբերյալ բանակցություններ սկսելու մասին։ Ակնկալում ենք, որ հաջորդ տարի բանակցային գործընթացը կգտնվի ակտիվ փուլում, և գործարար երկխոսությունը կնպաստի առավել արդիական հարցերի և թեմաների քննարկմանը», - նշել է Անդրեյ Սլեպնևը։

 

Այդ կապակցությամբ նա հիշեցրել է, որ Ինդոնեզիան ԱՍԵԱՆ-ի խոշորաագույն տնտեսությունն է և բնակչության թվով չորրորդ երկիրն աշխարհում, և փորձագետների աշխատանքը նախկինում ցույց է տվել, որ մեր պետությունների միջև առևտրային հարաբերությունները զգալի ներուժ ունեն։

 

Տեղեկանք

Վիճակագրական տվյալների համաձայն՝ Ինդոնեզիայի հետ ԵԱՏՄ առևտրաշրջանառությունը 2020 թվականի համեմատ 2021 թվականին աճել է 41,5%,-ով՝ մինչև 3,7 միլիարդ դոլար։ Միաժամանակ արտահանումն ավելացել է 34,1%-ով, ներմուծումն աճել է 44,5%-ով։ Ինդոնեզիայի Հանրապետության հետ ազատ առևտրի մասին համաձայնագրի կնքման վերաբերյալ բանակցությունները կանցկացվեն ԵՏԲԽ 2022 թվականի մայիսի 27-ի № 6 որոշման համաձայն:

Եվրասիական տնտեսական համաժողովը Եվրասիական տնտեսական միության տնտեսական ոլորտում ամենամյա բիզնես միջոցառում է, որը հերթականությամբ անցկացվում է Միության՝ Եվրասիական տնտեսական Բարձրագույն խորհրդում, Եվրասիական միջկառավարական խորհրդում և ԵՏՀ խորհրդում նախագահող պետություններում։ Միության մարմիններում 2023 թվականին նախագահելու է Ռուսաստանի Դաշնությունը։

Պետական սանիտարահամաճարակաբանական հսկողությունը լրացվել է ռիսկի գնահատմամբ

Սեպտեմբերի 23-ին Եվրասիական տնտեսական հանձնաժողովի Խորհուրդն ընդունել է Եվրասիական տնտեսական միության մաքսային տարածքում և սահմանին պետական սանիտարահամաճարակաբանական հսկողության (վերահսկողության) անցկացման կարգի փոփոխությունները։

Նորամուծություններն ուղղված են փաստաթղթում պետական սանիտարահամաճարակաբանական հսկողության (վերահսկողության) իրականացման դրույթների ներառմանը՝ հաշվի առնելով ռիսկերի գնահատումը: Սա թույլ կտա խուսափել մարդու օրգանիզմի վրա բացասական ազդեցությունից առավել «ռիսկային խմբերի» արտադրանք գործածելիս/օգտագործելիս: Կօգնի բացահայտել արտադրանքի առավել «ռիսկային խմբերը», ուժեղացնել դրա նկատմամբ հսկողությունը և նվազեցնել վարչական բեռը այն արտադրանքի նկատմամբ, որը մարդու առողջությանը վնաս պատճառելու բարձր ռիսկեր չի ձևավորում։ Բացի այդ, կնվազեցվի արտադրանք արտադրողների և մատակարարների վարչական բեռը։

 

Այս տարվա մարտի 31-ին Հսկողության կարգում ամրագրված նորմը ներառվել է Եվրասիական տնտեսական միության մասին պայմանագրում։

ԵՏՀ երիտասարդական խորհուրդը և Ռոսմոլոդյոժը խորացնում են համագործակցությունը

Սեպտեմբերի 21-ին Երիտասարդության հարցերի դաշնային գործակալությունում (Ռոսմոլոդյոժ) տեղի ունեցավ աշխատանքային հանդիպում Արարողակարգի և կազմակերպական ապահովման վարչության տնօրեն, ԵՏՀ Երիտասարդական խորհրդի նախագահ Դանիյար Տուրուսբեկովի և Ռոսմոլոդյոժի ղեկավարի տեղակալ Դենիս Աշիրովի միջև:

Հանդիպման ընթացքում քննարկվել են ԵԱՏՄ երիտասարդական օրակարգի հետևյալ արդիական հարցերը՝

 

- Ղրղզստանի Հանրապետության Չոլպոն Աթա քաղաքում ԱՊՀ և ԵԱՏՄ 1-ին երիտասարդական համաժողովի արդյունքները, այդ թվում՝ ԵԱՏՄ երկրների կառավարությունների և միջազգային կազմակերպությունների ղեկավարության հետ գործարար նախաճաշի ընթացքում երիտասարդական պատվիրակությունների մասնակիցների կողմից առաջարկված նախաձեռնությունները.

- ԵՏՀ Կոլեգիայի նախագահի նախաձեռնությունը Երիտասարդական նախաձեռնությունների իրականացման Եվրասիական հիմնադրամ ստեղծելու վերաբերյալ.

- համատեղ նախագծերը 2023 թվականին ԵԱՏՄ մարմիններում Ռուսաստանի Դաշնության նախագահության շրջանակներում և 2021-2022 թվականներին անցած համատեղ միջոցառումները.

- ԵԱՏՄ տարածքում ստաժավորման, երիտասարդական ձեռնարկատիրության և երիտասարդական զբոսաշրջության ընդհանուր ծրագրի հարցեր:

Կողմերը նաև պայմանավորվել են ակտիվացնել 2022-2024 թվականների Համագործակցության ծրագրի լրամշակման և ստորագրման աշխատանքները։

Դանիյար Տուրուսբեկովը խոսել է Եվրասիական տնտեսական հանձնաժողովում երիտասարդական նախաձեռնությունների քննարկման ու մշակման «միասնական պատուհանի» ստեղծման ու զարգազման վերաբերյալ Կոլեգիայի նախագահի հանձնարարության իրականացման ուղղությամբ Հանձնաժողովում իրականացվող աշխատանքների մասին:

Եզրափակելով՝ Դանիյար Տուրուսբեկովը հատուկ շնորհակալություն է հայտնել Երիտասարդության հարցերի դաշնային գործակալության իր գործընկերներին ԱՊՀ և ԵԱՏՄ 1-ին Երիտասարդական համաժողովի ընթացքում ակտիվ աշխատանքի համար և վստահություն հայտնել ի շահ Եվրասիական տնտեսական միության հետագա արդյունավետ համագործակցության մեջ։

ԵՏՀ Արարողակարգի և կազմակերպական ուղեկցման վարչության Տեղեկատվական ապահովման բաժին  

ԵԱՏՄ-ում անասնաբուժական ախտորոշիչ միջոցների շրջանառությունը կկարգավորվի միասնական կանոններով

Եվրասիական տնտեսական հանձնաժողովի Խորհրդի անդամներն ընդունել են Եվրասիական տնտեսական միության մաքսային տարածքում անասնաբուժական նշանակության ախտորոշիչ միջոցների շրջանառության կարգավորման միասնական կանոններ։ Փաստաթուղթն ընդգրկում է անասնաբուժական նշանակության ախտորոշիչ միջոցների շրջանառության կարգավորման ողջ ոլորտը։

 

ԵԱՏՄ կանոնները կսահմանեն անասնաբուժական նշանակության ախտորոշիչ միջոցների գրանցման միասնական ընթացակարգեր, դրանց որակի նկատմամբ միասնական պահանջներ և գնահատման չափանիշներ, ինչպես նաև դրանց շրջանառության ոլորտում պետական վերահսկողություն (հսկողություն) իրականացնելիս ԵԱՏՄ երկրների լիազոր մարմինների տեղեկատվական փոխգործակցության միասնական ձևաչափ։

 

Մինչ օրս անասնաբուժական նշանակության ախտորոշիչ միջոցների շրջանառության բոլոր ասպեկտները կարգավորվում էին ազգային օրենսդրության շրջանակներում, ինչը
ԵԱՏՄ մի շարք պետությունների՝ Միության մաքսային տարածքում անասնաբուժական նշանակության ախտորոշիչ միջոցների շրջանառության չիրականացված իրավունքի պատճառ էր։ Ընդունված փաստաթուղթը ավելի բարենպաստ պայմաններ կստեղծի ԵԱՏՄ անասնաբուժական նշանակության ախտորոշիչ միջոցների ընդհանուր շուկայի գործունեության և զարգացման համար։

ԵՏՀ խորհրդի որոշմամբ սահմանվել են անցումային շրջաններ։ ԵԱՏՄ կանոններն ուժի մեջ կմտնեն երկու փուլով՝

- դրանց հաստատման մասին որոշումն ուժի մեջ մտնելու օրվանից 24 ամիս հետո՝ Հայաստանի Հանրապետության, Բելառուսի Հանրապետության, Ղազախստանի Հանրապետության, Ռուսաստանի Դաշնության համար.

- դրանց հաստատման մասին որոշումն ուժի մեջ մտնելու օրվանից 48 ամիս հետո՝ Ղրղզստանի Հանրապետության համար։

Անասնաբուժական նշանակության ախտորոշիչ միջոցների գրանցման վկայականները, որոնք տրվել են մինչև ԵԱՏՄ կանոնների ուժի մեջ մտնելը, վավեր են Միության մաքսային տարածքում միութենական երկրների օրենսդրությանը համապատասխան սահմանված ժամկետներում, բայց ոչ ուշ, քան 2028 թվականի դեկտեմբերի 31-ը։ ԵԱՏՄ օրենսդրությանը համապատասխան գրանցված անասնաբուժական նշանակության ախտորոշիչ միջոցների գրանցման դոսյեները պետք է համապատասխանեցվեն Միության Կանոններին մինչև 2028 թվականի դեկտեմբերի 31-ը։

Որոշվել են ԵԱՏՄ-ում բազմակի օգտագործման էլեկտրոնային ծխախոտի մակնշման սկզբունքները

Եվրասիական տնտեսական հանձնաժողովի Խորհուրդը քննարկել է Ղրղզստանի Հանրապետության նախաձեռնող առաջարկը և որոշել Եվրասիական տնտեսական միության երկրներում ներդնել բազմակի օգտագործման էլեկտրոնային ծխախոտի և համանման անհատական էլեկտրոնային գոլորշիացնող սարքերի մակնշում միասնական կանոններով։

 

Փաստաթղթի համաձայն՝ անդամ պետություններն ինքնուրույն կորոշեն ներդրման ամսաթիվը և իրենց տարածքում նույնականացման միջոցներով մակնշման կարգը՝ այդ մասին ոչ ուշ, քան վեց ամիս առաջ ծանուցելով ԵՏՀ-ին։ Միևնույն ժամանակ, առանց մակնշման արտադրանքը շրջանառության մեջ դնելու արգելքը չի կարող իրականացվել մինչև 2022 թվականի հոկտեմբերի 1-ը։

«Անդրսահմանային առևտրի շրջանակներում մակնշման ազգային օպերատորների փոխգործակցությունը կիրականացվի ԵԱՏՄ-ում նույնականացման միջոցներով ապրանքների մակնշման համակարգի հիմնական տեխնոլոգիական կազմակերպական մոդելով նախատեսված կարգով», - հստակեցրել է ԵՏՀ մաքսասակագնային և ոչ սակագնային կարգավորման վարչության տնօրեն Վահագն Ղազարյանը:

Հաշվի առնելով այն հանգամանքը, որ Միության մի շարք երկրներում ապրանքների այս խումբը դասվում է ենթաակցիզային ապրանքների կատեգորիային, ազգային օրենսդրության մակարդակով կարող է սահմանվել ապրանքների վրա հակակեղծման միջոցներ պարունակող նյութական կրիչի փակցման լրացուցիչ պահանջ:

 

ԵՏՀ Կոլեգիան կորոշի էլեկտրոնային առևտրի ապրանքների հայտարարագրի ճշգրտման լրացման առանձնահատկությունները

Սեպտեմբերի 23-ի նիստում Եվրասիական տնտեսական հանձնաժողովի Խորհուրդը նախատեսել է ԵՏՀ Կոլեգիայի կողմից էքսպրես բեռների համար ապրանքների այն հայտարարագրի ճշգրտման լրացման առանձնահատկությունները որոշելու հնարավորությունը, որն օգտագործվում է Եվրասիական տնտեսական միության երկրներում արտաքին էլեկտրոնային առևտրի ոլորտի փորձնական նախագծի իրականացման դեպքում։

 

Նման որոշումը պայմանավորված է ստեղծված իրավակիրառ պրակտիկայով և թույլ կտա փոփոխություններ կատարել էլեկտրոնային առևտրի ապրանքների վերաբերյալ նախկինում հայտարարված տեղեկություններում։ Դա կարող է պահանջվել, օրինակ, նախնական մաքսային հայտարարագրման ժամանակ, երբ տեղեկությունները ճշգրտվում են ապրանքների ներմուծումից հետո կամ մաքսային հսկողության արդյունքների հիման վրա: Այսինքն՝ եթե անհամապատասխանություններ հայտնաբերվեն, ապա ծանրոցները ստանալիս հնարավոր կլինի դիմել նախկինում ներկայացված հայտարարագրի փոփոխության համար։

Լուծումը թույլ կտա զարգացնել այս կատեգորիայի ապրանքների տեղափոխման ժամանակ մաքսային կարգավորման նորմատիվ բազա՝ բիզնեսի ու վերջնական սպառողի համար ավելի հարմար դարձնելով հայտարարագրման մեխանիզմը։

Տեղեկանք

Հանձնաժողովի խորհրդի 2021 թվականի ապրիլի 5-ի «Եվրասիական տնտեսական միության անդամ պետություններում արտաքին էլեկտրոնային առևտրի ոլորտի փորձնական նախագծի (փորձի) անցկացման առանձին հարցերի մասին» № 7 կարգադրության համաձայն՝ 2021 թվականի հուլիսի 1-ից մինչև 2022 թվականի դեկտեմբերի 31-ը (երկարաձգման հնարավորությամբ) Միության անդամ պետություններում իրականացվում է համապատասխան փորձնական նախագիծ (փորձ):

2021 թվականի օգոստոսին Հանձնաժողովն առանցքային փաստաթղթեր է ընդունել արտաքին էլեկտրոնային առևտրի ոլորտում փորձարկումներ կատարելու համար, այդ թվում որոշվել են էքսպրես բեռների համար ապրանքների հայտարարագրի լրացման առանձնահատկությունները։

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին

ԵԱՏՄ-ում ջրային կուլտուրաների արտադրությունը հինգ տարում աճել է 1,7 անգամ

Եվրասիական տնտեսական միության երկրներում ջրային կուլտուրայի զարգացման միտումները վկայում են, որ աճի տեմպերով այս ոլորտը զգալիորեն առաջ է անցել ագրոարդյունաբերական համալիրի մյուս ոլորտներից։ Ընդ որում, առավելագույն աճը գրանցում են Ղրղզստանը (5 անգամ), Ղազախստանը (4 անգամ) և Ռուսաստանի Դաշնությունը (1,7 անգամ)։

ԵԱՏՄ-ում ջրային կուլտուրայի զարգացման բարձր տեմպերն ու հեռանկարները նշվել են սեպտեմբերի 21-ից 23-ը Սանկտ Պետերբուրգում կայացած միջազգային ձկնարյունաբերական համաժողովի և ձկնարդյունաբերության, ծովամթերքի և տեխնոլոգիաների ցուցահանդեսի ընթացքում (Global Fishery Forum & Seafood Expo Russia 2022):

«Ջրային կուլտուրան ռազմավարական ոլորտ է, որը խթան է հաղորդում հարակից ճյուղերի զարգացմանը՝ թույլ տալով ամրապնդել ԵԱՏՄ պետությունների արտադրողների պարենային ներուժը և իրավասությունները, - հայտարարել է Եվրասիական տնտեսական հանձնաժողովի ագրոարդյունաբերական քաղաքականության վարչության տնօրեն Արմեն Հարությունյանը, ելույթ ունենալով «Խելացի ջրային կուլտուրա» պանելային նիստում: - Մեր միության ընդհանուր շուկան թույլ է տալիս արդյունավետորեն մատակարարել արտադրանքը. ԵԱՏՄ Միության երկրների միջև ձկան և ձկնամթերքի փոխադարձ առևտրի ծավալը վերջին հինգ տարվա ընթացքում աճել է 1,6 անգամ»։

Նրա խոսքով, Հանձնաժողովը՝ Ռոսռիբոլովստվոյի, ԵԱՏՄ պետությունների և ՖԱՕ-ի փորձագետների հետ միասին մշակում է ոլորտի հետագա զարգացմանը, այդ թվում՝ ներդրումային նախագծերի իրականացման աջակցությանը, ակադեմիական շարժունակության զարգացմանը ուղղված նախաձեռնությունները:

«Ակադեմիական շարժունակության զարգացումը բոլոր երկրների ուսանողներին հնարավորություն կտա ժամանակակից գիտելիքներ ձեռք բերել ձկնաբուծության ոլորտի մի շարք խնդիրների վերաբերյալ»,- նշել է Արմեն Հարությունյանը:

 

Անդամ պետությունների միջև համագործակցության զարգացման վերաբերյալ Հանձնաժողովի Կոլեգիայի կողմից ընդունված հանձնարարականները և ջրային կուլտուրայի և ձկնորսության կայուն զարգացման ապահովման ընդհանուր սկզբունքներն ու մոտեցումները ուղղված են ոլորտի ինտեգրացիոն ներուժի օգտագործմանը և կայուն գործունեությանը:

Արմեն Հարությունյանը վարել է նաև ձկան աճեցման համար նախատեսված կերի ներմուծումից կախվածությունը նվազեցնելու, ձկնադրման նյութի, սարքավորումների, թվային և նորարարական լուծումների ներդրման վերաբերյալ քննարկումը։ Քննարկումը տեղի է ունեցել «Եվրասիական տնտեսական միության երկրներում ջրային կուլտուրայի կայուն զարգացման գործնական հարցերը» խորագրով կլոր սեղանի ընթացքում։

Նշվել է, որ ներկայումս ձկնաբուծության արտադրանքի աճն ապահոնվում է հիմնականում արդյունաբերական արտադրության հաշվին, իսկ 2030 թվականին Ռուսաստանում արդյունաբերական սաղմոնաբուծության արտադրանքը կկազմի 250 հազար տոննա։

Միջոցառմանը մասնակցում էին Ռոսռիբոլովստվոյի, Դաշնության Խորհրդի, ՖԱՕ-ի, Ռոսկաչեստվոյի, ԵԱՏՄ երկրների իշխանության մարմինների և գիտական հաստատությունների, ձկնամթերք և ռեսուրսներ արտադրող ձեռնարկությունների, ոլորտային միությունների, ընկերակցությունների և ջրային կուլտուրայի շուկայի այլ մասնակիցների ներկայացուցիչներ:

ԵՏՀ Արարողակարգի և կազմակերպական ապահովման վարչության Տեղեկատվական ապահովման բաժին