Ризница:Добре дојдовте
Што е Ризницата?
Ризницата на Викимедија е складиште на медиумски податотеки кое нуди јавносопственички и слободно лиценцирани содржини (слики, звучни- и видеоснимки) достапни за секого и на сопствениот јазик. Функционира како заедничко складиште за различните проекти на Фондацијата Викимедија, а неговите содржини се слободно достапни, без потреба од членство на некој од проектите. Ова складиште го создале и го одржуваат доброволци, а не платени лица. Рамките на делокругот на Ризницата се објаснети на страниците за делокругот на проектот.
Ризницата користи вики-технологија како онаа на Википедија и секој може да ја уредува. За разлика од други проекти, податотеките кои се подигаат на Ризницата можат да се вметнуваат во страници на сите проекти на Викимедија без да треба да се подигаат посебно на секој од нив.
Ризницата е пуштена на 7 септември 2004 г. и достигна 1.000.000 подигнати податотеки на 30 ноември 2006 г. Моментално Ризницата има 105.017.469 податотеки и $2 мултимедијални збирки. Повеќе информации за позадината на проектот ќе најдете на Одрекување од одговорност, на страницата на Википедија за Ризницата и на нејзината страница на Мета-вики.
За разлика од вообичаените складишта на медиумски податотеки, Заедничката Ризница е слободна. Тука секој слободно може да копира, користи и менува било која податотека под услов да го наведе изворот и авторот, и под услов корисниците да ги издаваат нивните копии/преработки под истата слободна лиценца како останатите корисници. Самата база на податоци на Ризницата и текстовите во неа се под лиценцата Creative Commons Наведи извор/Сподели под исти услови. Условите на лиценцата на секоја поединечна податотека можете да ги видите на описната страница за секоја од нив. Повеќе информации за користење на податотеките ќе најдете на Commons:Искористување на содржините вон Викимедија и Commons:First steps/Reuse.
Учествувајте
Ризницата ќе ја подобрите највеќе со она што најдобро ви оди:
Придонесувајте со свои дела
Ако сте добар фотограф, слободно доринесувајте со вашите најдобри слики. Ако сте добар дизајнер, погледајте кои дијграми и анимации се најмногу потребни. Ако сте добар музичар или филмски/театарски уметник, слободно објавете снимки од вашите изведби на слободни дела овде.
Придонесувајте со вашите способности
Меѓутоа не морате да подигате свои податотеки. Има еден куп други многу важни работи:
- Преведувајте текстови за помош на вашиот јазик.
- Подобрувајте слики.
- Препознајте непознати субјекти.
- Придонесувајте со вашето општо познавање по прашања за авторски права и барања за бришење.
Придонесувајте со посветено време
Не морате дури ни да бидете добар уметник или вешт пишувач на текстови за помош. Ако ви оди средувањето на хаоси, тогаш ќе ни требате за помошник!
- Кога и да видите податотека со нецелосна лиценца или несоодветно наведени извори, означете ја со
{{subst:nsd}}. - Категоризирајте некатегоризирани страници.
- Преместувајте податотеки во релевантни поткатегории
- Слободни медиумски ресурси чекаат да бидат вклучени во проектов.
- Предлагајте и гласајте за Избрани слики (треба регистрација).
- Пронајѓајте и поништувајте вандализам
Водич
Регистрација
За да можете да подигате податотеки на Ризницата, најпрвин треба да сте најавени. Регистрирајте се на врската „Log in / create account“ во горниот десен агол и внесете корисничко име кое ќе го користите за сите активности. Но доколку само сакате да уредувате страници, тогаш не морате да се регистрирате (но се препорачува). Доколку користите обединето најавување, тогаш тоа значи дека веќе имате сметка и на Ризницата.
Упатство „Први чекори“
Нашите страници за помош со првите чекори и ЧПП ќе ви бидат од голема корист по регистрацијата. Таму е објаснето како да се прилагодува посредникот (на пр. јазикот), како се подигаат податотеки и нашиот основен правилник за лиценцирање. За да придонесувате тука не ви требаат технички познавања. Бидете смели во придонесите и претпоставете добронамерност за намерите на другите корисници. Ова е вики - навистина е лесно.
Повеќе информации ќе добиете на Порталот на заедницата. Можете да поставувате прашања на Селската чешма или на IRC-каналот #wikimedia-commons webchat.
Податотеките на Ризницата се организирани по категории и галерии. Добар преглед на категориите ќе најдете на Главната страница.
Ставајте вавилонски (Babel) кутии на вашата корисничка страница за другите да знаат кои јазици ги говорите и да ги посочите графички способности. Сите ваши подигања се скалдираат во ваша лична галерија. Ве молиме потпишувајте се на разговорните странци внесувајќи ~~~~. Ако копирате податотеки од други проекти, на заборавајте да го користите Увозникот на податотеки.
Дополнителни услуги и програми
Ако сакате да подигнете голем број на слики, ќе ви послужат програмите VicuñaUploader или Commonist. Ако ви требаат поконкретни информации за алатки за прегледување и преработка на нашите содржини, погледајте ја страницата за програми и страницата за алатки.
Се надеваме дека ќе ви биде пријатно и забавно со нас.
