Programa ti Global a Bulkanismo
Manipud iti Wikipedia, ti nawaya nga ensiklopedia

Ti panagbettak idi 1995 ti Bantay Rinjani idiay Indonesia.
Ti Programa ti Global a Bulkanismo (GVP) ti Instituto ti Smithsoniano ken dokumentuanna dagiti bulkan ti Daga ken dagiti pakasaritaan ti panagbettakda kadagiti naudi a 10,000 a tawtawen. Ti GVP ket ireportana dagiti agdama a panagbettak manipud iti sangalubongan ken mangtaripato pay ti repositorio dagiti datos a batayan dagiti aktibo a bulkan ken dagiti panagbettakda. Iti daytoy a waya, maipresenta ti global a konteksto para iti aktibo a bulkanismo ti planeta. Ti panagreporta ti Smithsoniano iti agdama nga aktibidad ti bulkan ket nagrugin manipud idi 1968, iti Sentro para iti Nabiit ti Biag a Penomena (CSLP). Ti GVP ket ibalbalayan iti Departamento dagiti Siensia ti Mineral, paset ti Nailian a Museo ti Masna a Pakasaritaan​, ti National Mall idiay Washington, D.C.
Idi las-ud ti nasapa a rugi ti panagbettak, ti GVP ket agtignay a kas ti pagalaan dagiti reporta, datos, ken dagiti ladawan a naur-urnos manipud iti global a network dagiti kontributor. Ti nasapa a iyuumay dagiti pakaammo ket naimatonan tapno ti husto a tattao ket mapaammuan ken makatulong a mangurnos ti di nalawag ken dagiti makasuppiat nga aspeto a kadawyan a mapasamak iti las-ud dagiti nasapa nga al-aldaw ti panagbettak.
Ti Linawas a Reporta ti Aktibidad ti Bulkan ket pagtitinnulongan a gandat a nagbaetan ti Programa ti Global a Bulkanismo ti Smithsoniano ken ti Programa dagiti Peggad ti Bulkan ti Heolohiko a Panagsukisok ti Estados Unidos. Dagiti pakdaar ti aktibidad ti bulkan ket preliminario ken maipablaak iti website ti Reporta ken suheto a mabaliwan gapu ta kaaduan pay a maad-adal dagiti pasamak. Dagiti naisalaysay a reporta dagiti nadumaduma a bulkan ket binulan a maipablaak iti Bulletin ti Network ti Global a Bulkanismo​.​[1]
Ti GVP ket dokumentuanna pay dagiti naudi a 10,000 a tawtawen ti bulkanismo ti Daga. Ti naipakasaritaan nga aktibidad ket makatulong kadagiti perspektibo kadagiti masakbayan a pasamak ken kadagiti aktibidad ti bulkan. Dagiti datos a batayan ti bulkan ken panagbettak ti GVP' ket mangbukel ti pundasion para kadagiti amin nga estadistikal nga insasao a maipanggep kadagiti lokasion, pannakasansan, ken ti kapigsa dagiti panagbettak ti bulkan iti Daga iti las-ud ti naudi a 10,000 a tawtawen. Dagiti dua nga edision ti Bulbulkan ti Lubong (Simkin et al., 1981; ken ni Simkin ken ni Siebert, 1994) ket naipablaak a naibatay iti datos ti GVP ken dagiti interpretasion.​[2]
Dagiti nagibasaran​[​urnosen ti taudan]
  1. ^ "Programa ti Global a Bulkanismo, Nailian a Museo ti Masna a Pakasaritaan"​. Naala idi 3 Enero 2014.
  2. ^ Bulbulkan ti Lubong​,(Simkin et al., 1981); (Simkin ken ni Siebert, 1994); Programa ti Global a Bulkanismo.
Dagiti akinruar a silpo​[​urnosen ti taudan]
Kategoria​: Bulkanolohia
Agbiruk
Daytoy a panid ket naudi a naurnos idi 20 Abril 2020, 22:47.
Ti teksto ket magun-od babaen ti Lisensia ti Creative Commons Attribution-ShareAlike​; dagiti mainayon a termino ket mabalin pay a maipakat. Kitaen dagiti Termino ti Panagusar para kadagiti salaysay.
Annuroten ti kinapribado
Maipanggep iti Wikipedia
Dagiti renunsia
Mobile a panagkita
Dagiti agparparang-ay
Estadistika
Cookie statement
TungtunganInar-aramidAgpartuat iti pakabilanganSumrek
ArtikuloPagtungtungan
BasaenUrnosenUrnosen ti taudanKitaen ti pakasaritaan
Sarungkaran ti umuna a panidUmuna a PanidPortal ti komunidadDap-ayanKaudian a balbaliwPugto nga artikuloTulongDonasionDagiti nakasilpo ditoyMainaig a sinuksukatanAgikarga iti papelesEspesial a pampanidAgnanayon a silpoPakaammo ti panidDakamaten daytoy a panidDatos ti WikidataAgpartuat iti libroIkarga a kas PDFBersion a maimalditالعربيةCatalàEnglishEspañolEsperantoFrançais日本語PolskiPortuguêsРусскийУкраїнськаUrnosen dagiti silpo