Programa ti Global a Bulkanismo
Ti Programa ti Global a Bulkanismo (GVP) ti Instituto ti Smithsoniano ken dokumentuanna dagiti bulkan ti Daga ken dagiti pakasaritaan ti panagbettakda kadagiti naudi a 10,000 a tawtawen. Ti GVP ket ireportana dagiti agdama a panagbettak manipud iti sangalubongan ken mangtaripato pay ti repositorio dagiti datos a batayan dagiti aktibo a bulkan ken dagiti panagbettakda. Iti daytoy a waya, maipresenta ti global a konteksto para iti aktibo a bulkanismo ti planeta. Ti panagreporta ti Smithsoniano iti agdama nga aktibidad ti bulkan ket nagrugin manipud idi 1968, iti Sentro para iti Nabiit ti Biag a Penomena (CSLP). Ti GVP ket ibalbalayan iti Departamento dagiti Siensia ti Mineral, paset ti Nailian a Museo ti Masna a Pakasaritaan, ti National Mall idiay Washington, D.C.
Idi las-ud ti nasapa a rugi ti panagbettak, ti GVP ket agtignay a kas ti pagalaan dagiti reporta, datos, ken dagiti ladawan a naur-urnos manipud iti global a network dagiti kontributor. Ti nasapa a iyuumay dagiti pakaammo ket naimatonan tapno ti husto a tattao ket mapaammuan ken makatulong a mangurnos ti di nalawag ken dagiti makasuppiat nga aspeto a kadawyan a mapasamak iti las-ud dagiti nasapa nga al-aldaw ti panagbettak.
Ti Linawas a Reporta ti Aktibidad ti Bulkan Naiyarkibo 2023-11-20 iti Wayback Machine ket pagtitinnulongan a gandat a nagbaetan ti Programa ti Global a Bulkanismo ti Smithsoniano ken ti Programa dagiti Peggad ti Bulkan ti Heolohiko a Panagsukisok ti Estados Unidos. Dagiti pakdaar ti aktibidad ti bulkan ket preliminario ken maipablaak iti website ti Reporta ken suheto a mabaliwan gapu ta kaaduan pay a maad-adal dagiti pasamak. Dagiti naisalaysay a reporta dagiti nadumaduma a bulkan ket binulan a maipablaak iti Bulletin ti Network ti Global a Bulkanismo Naiyarkibo 2014-01-04 iti Wayback Machine.[1]
Ti GVP ket dokumentuanna pay dagiti naudi a 10,000 a tawtawen ti bulkanismo ti Daga. Ti naipakasaritaan nga aktibidad ket makatulong kadagiti perspektibo kadagiti masakbayan a pasamak ken kadagiti aktibidad ti bulkan. Dagiti datos a batayan ti bulkan ken panagbettak ti GVP' ket mangbukel ti pundasion para kadagiti amin nga estadistikal nga insasao a maipanggep kadagiti lokasion, pannakasansan, ken ti kapigsa dagiti panagbettak ti bulkan iti Daga iti las-ud ti naudi a 10,000 a tawtawen. Dagiti dua nga edision ti Bulbulkan ti Lubong (Simkin et al., 1981; ken ni Simkin ken ni Siebert, 1994) ket naipablaak a naibatay iti datos ti GVP ken dagiti interpretasion.[2]
Dagiti nagibasaran
- ^ "Programa ti Global a Bulkanismo, Nailian a Museo ti Masna a Pakasaritaan". Naiyarkibo manipud iti kasisigud idi 2023-11-20. Naala idi 3 Enero 2014.
- ^ Bulbulkan ti Lubong,(Simkin et al., 1981); (Simkin ken ni Siebert, 1994); Programa ti Global a Bulkanismo.