Wp/arq/برنوس

< Wp‎ | arq
Wp > arq > برنوس

لْبَرْنُوسْ و بل قبايلية (ابرنوس ,ابيدي ولا اعلاو ) هُوَوَا مونطو مصنوع م صُّوف طويل و بْلاَ كْمَايَم عندو شَاشِيَة تكون مْنَقْزَة وهُوَوَا يرجع فل أصل ل قبايل تاع بَكْرِي,هُوَوَا يْمِيَزْ قبايل تاع شمال افريقيا ,ابن خلدون كان يْعَيَطْ ل قبايل بل عربية صْحَابْ لَبْرَانِيسْ ,و دروك لْبَرْنُوسْ راه يَتَلْبَسْ ف شمال افريقيا ,كانو يلبسوه بزاف صْبَايْحِيَة .

لْبَرْنُوسْ لَبْيَضْ

لأصل تاعو edit

وحدين يڤولو لْبَرْنُوسْ يسموه ابرنوس بل قبايلية تسمى لأصل تاعو أمازيغي ,لأصل برنس ولا برن و زيد بكري كانت كي شغل ڥيستا تغطي رَاسْ ,و وحدوخرين يڤولو كلمة برنوس أصلها إغريقي (بيروس) تعني ڥيستا قصيرا و عندها شَاشِيَة,ف شبه لجزيرة لإيبيرية وقت اللي كانو يلبسو لْبَرْنُوسْ ف وقت لأندلس هاد لكلمة جات من عند ليسبان (لالبورنوث).

لإستعمال تاعو edit

ف شمال افريقيا edit

يلبسو لْبَرْنُوسْ بْيَضْ و خطرات كْحَلْ ولاَّ زْرَڨْ كي شغل مونطو كي يكون لْبَرْد ,يڤولو لْبَرْنُوسْ لَكْحَلْ مْعَسَكْرِي, مل حوايج اللي يميزو معسكر,صَدْرُوه لڤاع دُوَلْ بحر لبيض المتوسط م ترك حَتَّا ل مصر. لْبَرْنُوسْ يَتَنْسَجْ م صُّوف رُطْبَة و لْمْلِيحَة ,ف مصر لْبَرْنُوسْ كان يلبسوه ل مماليك.

فل جازاير edit

 
لأمير عبدل قادر لابس لْبَرْنُوسْ

لْبَرْنُوسْ لْقَهْوِي لْمَخْدُوم بصُّوف تاع لجمل يسموه تاني لَوْبَرْ ,خفيف و متقون فل خدمة ,يخدمو هاد نوع مل بْرَانِيس ف واحة مسعد ف جنوب الجلفة , مطلوب بزاف فل أطلس صاحراوي سيرتو ف جبال اولاد نايل و لعمور ,نْسَا اللي ڤاعدين ف دار يخدموه بطريقة جديدة و متقونة .جاي كي شغل مونطو تاع رجال بشَاشِيَة تاعو مخدوم بل يد بصُّوف تاع لجمل وين صُّوف تاعو تكون رُطْبَة بزاف و ملايمة مورا ْلْجَّزْ مرة وحدا فل فصل ,لخدمة تاعو تكون فل مَغْزَل ولاَّ لْمَنْسَجْ تقليدي . فل قبايل لْبَرْنُوسْ يصنعوه م صُّوف تاع لكبش ولا نعجة ,بكري كانو يلبسوه رجال لكبار ,يصنعوه نْسا ف دار , خدمة تاع نسيج تَتْوَارَث مل أُمْ لْبَنْتَهَا ,خطرات كولار بْيَضْ و خطرات قَهْوِي نْسا تاني يلبسو من نفس نوع بصح ستيل مختلف لاقبياش مخدوم مل قطن .ف لَعْرَاس تلبس لَعْرُوسَة برنوس خاص. لْبَرْنُوسْ م لكسوة اللي تعبر على تقاليد تاع بكري و رمز م رموز اللي تبين بلي حنا جازايريين. لْبَرْنُوسْ يرمز لسلام و نقاوة ,هاد لبسة تقليدية بقات حتا لضروك و تلبست ف ڤاع لمناطق تاع ل جازاير , و زيد تلبس حتى فل أوراس , فل قبايل و حتا ف سطيف ,مازال حاضر و يتلبس فل مناسبات و ف لَعْرَاس تاع جازاير .و زيد حتى فل خْتَانَة تاع لولاد صغار نْلَبْسُولْهَم .و ف لَعْرَاس يلبس لَعْرِيس بكل فرحة هاد لْبَرْنُوسْ لَبْيَضْ.و لَعْرُوسَة تلبس لْبَرْنُوسْ و تُخْرُجْ بيه من دار والديها و يْنَحِيلْهَا شَاشِيَة لْبَرْنُوسْ و يباركلها.




لمراجع edit

[1]

Template:Autres projets

Template:Palette Template:Portail

Catégorie:Costume traditionnel Catégorie:Vêtement maghrébin

  1. https://fr.wikipedia.org/wiki/Burnous