لبلوزة edit
لبلوزة ( البلوزة الوهرانية) هي لباس تقليدي جزايري، اصلها من ولاية وهران و اللي تعتبر اللباس التقليدي تاعها .
اصلها edit
في الاصل هاد اللباس هو من مدينة تلمسان ،من بعد مع مرور الوقت المصممين تاع هاد المدينة استقرو في وهران، العاصيمة تاع القطاع الوهراني ، من بعد صدرو الخبرة تاعهم و ولات اللباس المفضل عند النسا و كامل القطاع الوهراني . لبلوزة لوهرانية تشبه بشكل غريب لعبايات تاع جوزيفين، زوجة نابليون اللول، هي طريقة للاشادة بالامبراطور اللي كان حاب يحرر الشعب من الايستعمار الفرنساوي.
مواصفاتها edit
لبلوزة يلبسوها المتزوجات و النسا الكبارات تجي طويلة على شكل قطعة ولا قطعتين ، القطعة التحتانية عبارة عن قماش و الفوقانية هي شغل صدر مطرز مخدوم بالعقاش و الحجر الملون يكون مفتوح حتى لكتاف كيشغل قوس ولا كاين لي يجي كول باتو ، في العادة تكون لكمام قصيرة و نضيفولها لحزام اللي يكون يشبه لشكل الصدر ولا كاين لي يديرو معاه حزام تاع ذهب ولا فضة . و تحت اللباس تلبس المرا لباس وحدوخر خفيف يقولولو الجلطيطة و اللي تكون تقريبا نفس لون القماش ، هاد اللباس يختالف على حساب نوع القماش و على حساب الفصالة تاعو و تطريز الصدر و لكمام . ي يديرو معاه حزام تاع ذهب ولا فضة . و تحت اللباس تلبس المرا لباس وحدوخر خفيف يقولولو الجلطيطة و اللي تكون تقريبا نفس لون القماش ، هاد اللباس يختالف على حساب نوع القماش و على حساب الفصالة تاعو و تطريز الصدر و لكمام.