MediaWiki

Codice de comportamento

This page is a translated version of the page Code of Conduct and the translation is 100% complete.
Languages:

Isto es un codice de comportamento pro spatios technic de Wikimedia. Illo se applica tanto in spatios physic, como le eventos technic de Wikimedia e presentationes technic de Wikimedia in altere eventos, e como in spatios virtual (MediaWiki.org, wikitech.wikimedia.org, Phabricator, Gerrit, circulos de email technic, canales IRC technic, Etherpad, e altere spatios orientate al disveloppamento operate per le Fundation Wikimedia).

Principios

In le interesse de promover un communitate aperte e accolligente, nos es dedicate a facer que le participation in projectos technic de Wikimedia sia un experientia respectuose e sin molestias pro omnes, independentemente de genere, identitate e expression de genere, sexo, orientation sexual, dishabilitate, neuroatypicalitate, apparentia physic, dimension de corpore, racia, ethnicitate, origine national, etate, affiliation politic, o religion.

Habilitates technic e stato communitari non influentia le derecto de esser respectate e le obligation de respectar alteres. Novicios e altere contributores con experientia limitate in nostre communitate merita un attitude de benvenita e commentarios constructive. Contributiones prolific e expertise technic non es un justification pro normas inferior de comportamento.

Comportamento inacceptabile

Molestia e altere typos de comportamento inappropriate es inacceptabile in tote le spatios technic de Wikimedia, sia public o private. Exemplos include, sin limitation:

  • Attaccos personal, violentia, menacias de violentia, menacias de action juridic, o intimidation deliberate.
  • Commentarios offensive, derogatori, o discriminatori.
  • Uso gratuite o foras de topico de linguage o imagines sexual.
  • Attention inappropriate o non desirate, toccar o contacto physic (sexual o altere).
  • Communication inappropriate o non desirate, sequer o altere formas de persecution, in le spatio public o private.
  • Photographia o registration indesirate.
  • Revelation del identitate o altere information private de un persona sin su consentimento. Revelar certe information identificative non es consentimento pro revelar altere information identificative.
  • Publication inappropriate o non desirate de communication private. Publicar o reportar communication private o information personal identificabile in le scopo de signalar molestias (como explicate hic) e/o in le caso de denunciation, es acceptabile.
  • Damnificar le discussion o le communitate con methodos como perturbation sustenite, interruption, o blocage de collaboration communitari (i.e., trolling).
  • Discrimination, particularmente contra gruppos marginalisate e alteremente subrepresentate. Tentativas de approximation dirigite a iste gruppos es permittite e incoragiate.
  • Uso del systema de codice de conducta pro scopos altere que reportar violationes genuin del codice de conducta (p.ex., retaliar contra un reportator o victima presentante un reporto affirmante que lor responsa esseva un molestia).
  • Tentar de circumvenir un decision del Comité, p.ex., disblocar alicuno durante un periodo que le Comité le ha bannite.

Reportar un problema

In caso de menacias de prejudicio e altere situationes urgente, notifica primo le autoritates pertinente (si possibile) e invia un e-mail al Fundation Wikimedia via emergency wikimedia.org (plus information).

Personas qui experimenta o observa comportamento inacceptabile es incoragiate a sequer qualcunque de iste passos:

  1. Pete al persona qui se comporta de maniera inacceptabile de cessar. Face le cognoscer iste Codice de Conducta.
  2. Si tu assiste a un evento, reporta le problema al organisatores del evento o a un contacto designate.
  3. Reporta le problema directemente al Comité de Codice de Conducta via techconduct wikimedia.org. Tu pote etiam inviar un reporto al Comité si tu ha reportate un incidente alterubi ma non es satisfacite con le responsa.

Reportos pote esser tanto breve como un notification con un ligamine, ma plus informationes nos adjuta a comprender lo que eveni. Tu pote includer:

  • Tu information de contacto (p.ex., nomines de usator in Wikimedia e Phabricator), si tu vole identificar te.
  • Tu relation del incidente:
    • Ubi e quando illo ha evenite.
    • Un description del comportamento inacceptabile.
    • Qui esseva implicate e qui lo ha vidite evenir.
    • Si le incidente es in curso.
  • Qualcunque information additional que nos adjutara a comprender completemente le problema, como incidentes previe o circumstantias special.
  • Ligamines a registros public del incidente, si illos existe.
  • Capturas de schermo que monstra exactemente lo que occurreva.

Le reportos es tractate de maniera confidential. Pro plus information, vide Confidentialitate.

Visita Codice de Conducta/Casos pro apprender como le reportos al Comité es tractate.

Attribution e reuso

Iste Codice de Conducta es adaptate del Contributor Covenant (revision 49054013), le Codice de Conducta de jQuery (revision 91777886), le Open Code of Conduct (v1.0), e le Citizen Code of Conduct, insimul con le Politica de spatio amical de WMF.

Le texto del Contributor Covenant e le jQuery Code of Conduct es usate sub le Licentia MIT (Contributor Covenant ha cambiante su licentia a CC BY 4.0 ora). Le texto del Open Code of Conduct es usate sub le licentia Creative Commons Attribution. Le texto del Citizen Code of Conduct es usate sub le licentia Creative Commons CompartiSimile Attribution. Le texto in general es sub le licentia standard de MediaWiki.org (CC BY-SA 3.0).

Nos apprecia le contributiones de cata persona e le dedication de cata contributor a facer nostre spatios technic spatios amical pro omnes. Nos incoragia altere projectos a adoptar e adaptar iste codice de conducta, independentemente de si illes usa le infrastructura technic de Wikimedia.

Vide etiam

Tracked in Phabricator
Task T90908
Retrieved from "https://www.mediawiki.org/w/index.php?title=Code_of_Conduct/ia&oldid=6190181"