Палітыка прыватнасьці
This page is a translated version of the page Privacy policy and the translation is 100% complete.
Other languages:
Avañe'ẽ • ‎Bahasa Indonesia • ‎Bahasa Melayu • ‎Basa Banyumasan • ‎British English • ‎Canadian English • ‎Cymraeg • ‎Deutsch • ‎Deutsch (Sie-Form) • ‎English • ‎Esperanto • ‎Frysk • ‎Hausa • ‎Kiswahili • ‎Ligure • ‎Lëtzebuergesch • ‎Malagasy • ‎Mara • ‎Napulitano • ‎Nederlands • ‎Nederlands (informeel) • ‎Nordfriisk • ‎Ripoarisch • ‎Scots • ‎Soomaaliga • ‎Tiếng Việt • ‎Türkçe • ‎Yorùbá • ‎Zazaki • ‎asturianu • ‎azərbaycanca • ‎bosanski • ‎català • ‎dansk • ‎eesti • ‎emiliàn e rumagnòl • ‎español • ‎euskara • ‎français • ‎galego • ‎hrvatski • ‎interlingua • ‎italiano • ‎latviešu • ‎lietuvių • ‎magyar • ‎norsk bokmål • ‎occitan • ‎oʻzbekcha/ўзбекча • ‎polski • ‎português • ‎português do Brasil • ‎română • ‎shqip • ‎sicilianu • ‎suomi • ‎svenska • ‎čeština • ‎Ελληνικά • ‎Кыргызча • ‎башҡортса • ‎беларуская • ‎беларуская (тарашкевіца) • ‎български • ‎македонски • ‎нохчийн • ‎русский • ‎српски / srpski • ‎тоҷикӣ • ‎удмурт • ‎українська • ‎հայերեն • ‎ייִדיש • ‎עברית • ‎اردو • ‎الدارجة • ‎العربية • ‎تۆرکجه • ‎روچ کپتین بلوچی • ‎سنڌي • ‎فارسی • ‎مازِرونی • ‎پښتو • ‎کوردی • ‎नेपाली • ‎मराठी • ‎हिन्दी • ‎অসমীয়া • ‎বাংলা • ‎ਪੰਜਾਬੀ • ‎ગુજરાતી • ‎தமிழ் • ‎తెలుగు • ‎മലയാളം • ‎සිංහල • ‎ไทย • ‎ဖၠုံလိက် • ‎ဘာသာ မန် • ‎မြန်မာဘာသာ • ‎მარგალური • ‎ქართული • ‎ភាសាខ្មែរ • ‎中文 • ‎日本語 • ‎粵語 • ‎ꯃꯤꯇꯩ ꯂꯣꯟ • ‎한국어

Правілы і рэкамэндацыіПалітыка прыватнасьці
Палітыка прыватнасьці Фундацыі «Вікімэдыя» тлумачыць, як мы зьбіраем і выкарыстоўваем Вашыя асабістыя зьвесткі, а таксама дзелімся імі. Вы згаджаецеся з гэтай Палітыкай, калі карыстаецеся бачынамі «Вікімэдыі».
Жадаеце дапамагчы зь перакладам? Перакладзіце адсутныя паведамленьні.
Палітыка прыватнасьці
Гэта падсумаваньне Палітыкі прыватнасьці. Прагарніце ўніз або пстрыкніце тут, каб прачытаць поўныя ўмовы.
Адмова ад адказнасьці: Гэтае падсумаваньне — ня частка Палітыкі прыватнасьці і ня праўны дакумэнт. Гэта проста зручная даведка для разуменьня поўнай Палітыкі прыватнасьці. Думайце пра яе як пра сяброўскі ўдзельніцам(-кам) інтэрфэйс для нашай Палітыкі прыватнасьці.

Мы верым, што Вы не абавязаныя даваць асабістых зьвестак, каб удзельнічаць у руху вольных ведаў, таму Вы можаце:
Мы жадаем разумець, як выкарыстоўваюцца бачыны «Вікімэдыі», каб палепшыць іх для Вас, таму зьбіраем некаторыя зьвесткі, калі Вы:
Мы адданыя:
Ведайце, што:
  • Усялякі зьмест, які Вы дадаеце, або ўсялякае зьмяненьне, якое Вы робіце на бачыне «Вікімэдыі», будзе пастаянна абнародаваным.
  • Калі Вы дадаеце зьмест або робіце зьмяненьне на бачыне «Вікімэдыі» без уваходу, гэты зьмест або зьмяненьне адкрыта і пастаянна заархівуецца ў зацікаўленасьцях грамадзкасьці. Ваш зьмест або зьмяненьне прыпішуць Інтэрнэт-адрасу, скарыстанаму ў той час, замест імя ўдзельніка(-цы).
  • Нашая супольнасьць добраахвотных рэдактарак(-ў) і ўдзельніц(-каў) — самакіраваная. Пэўныя адміністратаркі(-ы) бачынаў «Вікімэдыі», абраныя супольнасьцю, выкарыстоўваюць прылады, якія даюць ім абмежаваны доступ да неабнародаваных зьвестак пра нядаўні ўнёсак, каб яны маглі абараніць бачыны «Вікімэдыі» і ажыцьцявіць палітыку.
  • Гэтая Палітыка прыватнасьці не датычыць усіх бачынаў і паслуг, якімі ведае Фундацыя «Вікімэдыя», а менавіта тых, што маюць сваю ўласную палітыку прыватнасьці (як крама «Вікімэдыя») або бачыны і паслугі, якімі ведаюць трэція бакі (як праекты староньніх распрацоўнікаў праз Воблачныя паслугі «Вікімэдыі»).
  • Часам мы выдаем адкрытыя і злучаныя або неасабістыя зьвесткі для грамадзкасьці праз звалкі і наборы дадзеных у якасьці нашага забавязаньня асьвеце і дасьледаваньням па ўсім сьвеце.
  • Вы можаце не карыстацца бачынамі «Вікімэдыі» дзеля абароны Фундацыі «Вікімэдыя» і іншых карыстальніц(-каў), калі ня згодныя з нашай Палітыкай прыватнасьці.
Гэта пераклад. Калі ласка, глядзіце афіцыйнае і забавязвальнае выданьне гэтага дакумэнту ангельскамоўны арыгінал.
Уступ
Вітаем!
Фундацыя «Вікімэдыя» — непрыбытковая арганізацыя, якая вядзе такія вэб-бачыны супрацы і вольных ведаў, як Вікіпэдыя, Вікісховішча і Вікіслоўнік.
Гэтая Палітыка тлумачыць, як мы зьбіраем і выкарыстоўваем Вашыя асабістыя зьвесткі, а таксама дзелімся імі.
  • Мы зьбіраем вельмі мала асабістых зьвестак пра Вас.
  • Мы не здаём і не прадаём Вашыя зьвесткі трэцім асобам.
Выкарыстоўваючы бачыны «Вікімэдыі», вы згаджаецеся з гэтай палітыкай.
Вікірух грунтуецца на простым, але магутным прынцыпе: разам мы можам зрабіць больш, чым кожны з нас паасобку. Мы ня можам працаваць супольна бяз збору, пашырэньня і агляду зьвестак пра нашых удзельніц і ўдзельнікаў пры пошуку новых шляхоў, каб зрабіць бачыны «Вікімэдыі» больш ужытковымі, бясьпечнымі і выгаднымі.
Мы верым, што збор і выкарыстаньне зьвестак маюць ісьці поруч з празрыстасьцю. Гэтая Палітыка прыватнасьці тлумачыць, якім чынам Фундацыя «Вікімэдыя», як непрыбытковая арганізацыя, што разьмяшчае такія бачыны «Вікімэдыі», як Вікіпэдыя, зьбірае і выкарыстоўвае зьвесткі ды дзеліцца такімі зьвесткамі, якія мы атрымліваем ад Вас праз Вашае карыстаньне бачынамі «Вікімэдыі». Важна разумець, што Вы згаджаецеся на збор, перадачу, апрацоўку, захоўваньне, раскрыцьцё і выкарыстаньне Вашых зьвестак, апісаных у гэтай Палітыцы прыватнасьці, калі выкарыстоўваеце ўсялякую бачыну «Вікімэдыі». Гэта значыць, што важна прачытаць гэтую Палітыку ўважліва.
Мы лічым, што Вам не абавязкова падаваць неабнародаваныя асабістыя зьвесткі, каб удзельнічаць у руху вольных ведаў. Вы не абавязаныя падаваць такія рэчы, як Вашае сапраўднае імя, адрас або дату народзінаў, каб запісацца пад звычайным рахункам або дапісваць зьмест на бачынах «Вікімэдыі».
Мы не прадаём і не здаём Вашыя асабістыя зьвесткі. Таксама мы не даём іх іншым для продажу Вам чагосьці. Мы выкарыстоўваем іх, каб высьветліць, як зрабіць бачыны «Вікімэдыі» больш прыцягальнымі і даступнымі, каб убачыць, якія задумы спрацоўваюць, і каб зрабіць навучаньне і дапісваньне больш забаўляльнымі. Прасьцей кажучы: мы выкарыстоўваем гэтыя зьвесткі, каб зрабіць бачыны «Вікімэдыі» лепшымі для Вас.
Урэшце, менавіта такія людзі, як Вы — прыхільніцы і прыхільнікі вольных ведаў — робяць магчымым ня толькі існаваньне, але таксама рост і росквіт бачынаў «Вікімэдыі».
Азначэньні
Мы прызнаём, што толькі меншасьць з Вас дасьведчаная ў такіх тэхнічных панятках, як «адсочвальныя піксэлы» і «маркёры» («біркі»), якія выкарыстоўваюцца ў Палітыцы прыватнасьці. Незалежна ад таго, ці вы — пачатковец у панятках прыватнасьці, ці адмысловец, які толькі жадае асьвяжыць веды, наш Слоўнік ключавых тэрмінаў можа быць для вас карысным.
Ва ўсёй гэтай Палітыцы мы выкарыстоўваем агульнапрынятую мову замест больш фармальных тэрмінаў, бо кожная асоба (а ня толькі праўнікі) мае быць здольнай лёгка зразумець, як і чаму іхнія зьвесткі зьбіраюць і выкарыстоўваюць. Вось табліца перакладаў, каб дапамагчы забясьпечыць Вашае разуменьне некаторых асобных ключавых тэрмінаў.


Калі мы кажам...... мы маем на ўвазе:
Фундацыя «Вікімэдыя» / Фундацыя / мы / нас / нашыяФундацыя «Вікімэдыя» — непрыбытковая арганізацыя, якая вядзе бачыны «Вікімэдыі».
Бачыны «Вікімэдыі» / нашыя паслугіБачыны і паслугі «Вікімэдыі» (незалежна ад мовы) ўлучна з нашымі галоўнымі праектамі, такімі як: Вікіпэдыя і Вікісховішча, а таксама мабільныя дастасаваньні, праграмны інтэрфэйс дастасаваньня, электронная пошта і апавяшчэньні. Аднак выключаюцца бачыны і паслугі ў разьдзеле ніжэй «Што гэтая Палітыка прыватнасьці не ахоплівае».
Вы / Ваш / мянеВы, нягледзячы на тое, што Вы — асоба, суполка або ўстанова і нягледзячы на тое, што Вы карыстаецеся бачынамі «Вікімэдыі» або нашымі паслугамі ад свайго ці чыйгосьці іншага імя.
гэтая Палітыка / гэтая Палітыка прыватнасьціГэты запіс, названы Палітыка прыватнасьці Фундацыі «Вікімэдыя».
унёсакДададзены Вамі зьмест або зробленыя Вамі зьмяненьні на ўсялякіх бачынах «Вікімэдыі».
Асабістыя зьвесткіПададзеныя Вамі нам або сабраныя ад Вас зьвесткі ў ходзе Вашага карыстаньня бачынамі «Вікімэдыі», якія магчыма скарыстаць, каб асабіста вызначыць Вас. Каб было ясна, мы лічым асабістымі зьвесткамі прынамсі наступныя, калі іх магчыма скарыстаць, каб вызначыць Вас, хоць не абвязкова зьбіраем усе з наступных відаў зьвестак:
1. імя, адрас, тэлефонны нумар, адрас электроннай пошты, імя ўдзельніцы(-ка), пароль, нумар дзяржаўнага пасьведчаньня, Інтэрнэт-адрасы, зьвесткі пра карыстальніцкага пасярэдніка і нумар крэдытнай карткі; і
2. усялякія датычныя дадзеныя, зьвязаныя з вызначальнай асобай, такія як: дата народзінаў, плоць, плоцевая схільнасьць, расавае або этнічнае паходжаньне, шлюбны або сямейны стан, генэтычныя і біямэтрычныя дадзеныя, стан здароўя або зьнявечанасьці, палітычная залучанасьць і веравызнаньне.
трэці бок / трэція бакіАсобы, установы, вэб-бачыны, паслугі, вырабы і дастасаваньні, якія не кантралююцца, не кіруюцца і не вядуцца Фундацыяй «Вікімэдыя». Гэта ўлучае іншых удзельніц(-каў) «Вікімэдыі» і незалежныя арганізацыі або суполкі, якія дапамагаюць прасоўваць Вікірух, такія як аддзяленьні, тэматычныя арганізацыі і суполкі удзельнікаў «Вікімэдыі», як і добраахвотніц(-каў), супрацоўніц(-каў), кіраўніц(-коў), службоўцаў, грантаатрымальніц(-каў) і падрадчыкаў такіх арганізацыяў або суполак.
Што гэтая Палітыка прыватнасьці ахоплівае і што не
Гэтая Палітыка прыватнасьці тычыцца нашага збору зьвестак пра Вас і абыходжаньня з такімі зьвесткамі, якія мы атрымліваем у выніку Вашага выкарыстаньня ўсялякай з бачынаў «Вікімэдыі», за выняткам патлумачанага ніжэй. Гэтая Палітыка таксама тычыцца зьвестак, якія мы атрымліваем ад нашых партнэраў ды іншых трэціх бакоў. Калі ласка, глядзіце ніжэй, каб зразумець больш пра тое, што ахоплівае гэтая Палітыка прыватнасьці.
Прыклады таго, што ахоплівае гэтая Палітыка прыватнасьці
Дзеля разуменьня, гэтая Палітыка прыватнасьці ахоплівае, незалежна ад мовы:
  • Усе нашыя найважнейшыя бачыны (якія знаходзяцца ў сьпісе найважнейшых праектаў), такія як Вікіпэдыя, у тым ліку старонкі ўдзельнікаў і ўдзельніц, старонкі абмеркаваньня і дошкі абвестак.
  • Нашыя блогі і праграмныя інтэрфэйсы дастасаваньня (калі мы не падалі асобную палітыку такіх службаў).
  • Афіцыйныя мабільныя праграмы Фундацыі «Вікімэдыя».
  • Электронныя лісты, кароткія паведамленьні і апавяшчэньні ад нас або дасланыя нам ад Вас.
Гэтая Палітыка прыватнасьці, аднак, не ахоплівае некаторыя абставіны, калі мы можам зьбіраць або апрацоўваць зьвесткі. Прыкладам, нейкае іх выкарыстаньне можа ахоплівацца асобнай палітыкай прыватнасьці (як у Краме «Вікімэдыя») або бачынамі ці службамі, якія вядуць трэція бакі (такія, як праекты распрацоўнікаў праз Воблачныя паслугі «Вікімэдыі»). Калі ласка, глядзіце ніжэй, каб зразумець больш пра тое, што гэтая Палітыка прыватнасьці не ахоплівае.
Больш пра тое, што гэтая Палітыка не ахоплівае
Гэты разьдзел — частка Палітыкі прыватнасьці і прызначаецца падрабязна растлумачыць, якія абставіны не ахопліваюцца нашай Палітыкай прыватнасьці.
Бачыны і прылады «Вікімэдыі» з адрознай палітыкай
Некаторыя вэб-бачыны або прылады Фундацыі «Вікімэдыя» маюць іншую палітыку ці ўмовы прыватнасьці, якая адрозьніваецца ад гэтай Палітыкі прыватнасьці. Гэтыя вэб-бачыны ўлучаюць:
Калі бачына Фундацыі «Вікімэдыя» кіруецца адрознай палітыкай прыватнасьці, яна спашлецца на такую палітыку. Старонка, дзе прыладу магчыма спампаваць або запусьціць, будзе ўлучаць спасылку на такую палітыку, калі прылада Фундацыі кіруецца адрознай палітыкай прыватнасьці.
Сябры супольнасьці
Бачыны «Вікімэдыі» — гэта супольніцтвы любасьці, якія пастаянна падтрымліваюцца і абнаўляюцца сусьветнай супольнасьцю добраахвотніц і добраахвотнікаў. У выніку некаторыя добраахвотніцы і добраахвотнікі маюць доступ да пэўных асабістых зьвестак і іх выкарыстаньне можа не кіравацца гэтай Палітыкай прыватнасьці. Добраахвотніцы і добраахвотнікі, якія маюць такі доступ, улучаюць:
  • Выканаўчых добраахвотніц(-каў), такіх як правяральніцы(-кі) ўдзельніц(-каў) або сьцюарды(-кі). Гэта — добраахвотніцы(-кі), якія ажыцьцяўляюць палітыку бачыны «Вікімэдыі» і займаюцца бясьпекай бачынаў «Вікімэдыі». Ад іх патрабуецца падпарадкаваньне нашай Палітыцы доступу да неабнародаваных зьвестак, як і іншай датычнай прыладаў палітыцы, калі гэтыя адміністратары маюць доступ да асабістых неабнародаваных зьвестак.
  • Пастаўнікоў прыладаў. Мы падтрымліваем пляцоўкі староньніх распрацоўнікаў(-ц), каб экспэрымэнтаваць і распрацоўваць такія новыя прылады і бачыны, як wmflabs.org. Вы можаце перадаваць ім зьвесткі, калі выкарыстоўваеце адну з прыладаў, распрацаваныя гэтымі добраахвотніцамі(-камі). Ад іх патрабуецца падпарадкаваньне ўмовам, якія кіруюць асобнай пляцоўкай, на якой прылада даступная, калі гэтыя добраахвотніцы(-кі) маюць доступ да неабнародаваных або асабістых зьвестак.
  • Іншых удзельніц(-каў). Мы даем некалькі прыладаў, якія дазваляюць стасавацца адно з адным. Зносіны могуць ахоплівацца гэтай Палітыкай, калі праходзяць праз нашыя сыстэмы, але ўдзельніцы(-кі), якія атрымліваюць гэтыя паведамленьні, і тое, што яны робяць з паведамленьнямі, калі іх атрымліваюць, не ахопліваецца гэтай Палітыкай. Прыклады ўлучаюць:
    • дапісваньне ў сьпісы рассылкі, прыналежныя Фундацыі;
    • запытваньне падтрымкі ад добраахвотніц(-каў) праз нашую сыстэму анлайн-квіткоў (электронны ліст, адасланы на info[at]wikimedia.org ідзе ў гэтую сыстэму);
    • ліставаньне іншым удзельніцам(-кам) праз бачыны «Вікімэдыі» (прыкладам праз выкарыстаньне магчымаьці Ліставаць гэтаму ўдзельніку); і
    • гаману праз IRC (такую як у канале #wikipedia-be-tarask).
Трэція бакі
Гэтая Палітыка прыватнасьці ахоплівае спосаб, якім Фундацыя «Вікімэдыя» зьбірае, выкарыстоўвае і раскрывае асабістыя зьвесткі, і не закранае парадкі трэціх бакоў. Прыкладам гэтая Палітыка не закранае парадкі:
  • Вэб-бачынаў, якія вядуць іншыя арганізацыі, зьвязаных праз разьдзелы Вікіпэдыі «Крыніцы» або або якія вядуць аддзяленьні «Вікімэдыі» ці іншыя арганізацыі руху. Гэтыя арганізацыі могуць атрымліваць зьвесткі ад Вас, калі Вы наведваеце іх вэб-бачыны пасьля выкарыстаньня адной з вэб-бачынаў «Вікімэдыі». Яны кіруюцца сваёй ўласнай палітыкай прыватнасьці.
  • Мабільных дастасаваньняў, якія падаюць іншыя арганізацыі або асобы. Гэтыя арганізацыі або асобы могуць атрымліваць зьвесткі ад Вас, калі Вы карыстаецеся такімі дастасаваньнямі для доступу да бачынаў «Вікімэдыі» або зьместу бачыны «Вікімэдыі». Яны кіруюцца сваёй уласнай палітыкай прыватнасьці.
Часам добраахвотніцы(-кі) могуць разьмясьціць такую прыладу збору дадзеных, як сцэнар, прыбор, адсочвальны піксэл або кнопка пашырэньня на бачыну «Вікімэдыі» без нашага ведама. Гэтая Палітыка не ахоплівае тое, як трэція бакі абыходзяцца са зьвесткамі, які атрымліваюць пасродкам такой прылады. Вы можаце прыбраць прыладу самі або данесьці пра яе да privacy[at]wikimedia.org, каб мы маглі разабрацца, калі натрапілі на такую прыладу трэцяга бока і лічыце, што яна парушае гэтую Палітыку.
Адпаведная супольнасьць можа дапоўніць выкладзеныя ў гэтай Палітыцы правілы і абавязкі, калі правілы супольнасьці абумоўліваюць інфармацыю, як у выпадку правіла Правяраючых удзельнікаў. Аднак ім не дазволена ствараць новыя выключэньні або інакш скарачаць ахову, дадзеную гэтай Палітыкай.
Збор і выкарыстаньне інфармацыі
Віды інфармацыі, якую мы атрымліваем ад Вас, і як мы яе атрымліваем
Ваш абнародаваны ўнёсак
Усё, што вы разьмясьцілі на бачынах «Вікімэдыі», можа ўбачыць і скарыстаць кожны.
Вы ствараеце пастаянны, абнародаваны запіс кожнага кавалка зьместу, дададзенага, прыбранага або зьмененага Вамі, калі робіце ўнёсак на ўсялякім сайце «Вікімэдыі», у тым ліку на старонках удзельніка(-цы) або абмеркаваньня. Гісторыя старонкі пакажа, калі быў зроблены Ваш унёсак або выдаленьне, як і Вашае імя ўдзельніцы або ўдзельніка (калі Вы ўвайшлі) або Ваш Інтэрнэт-адрас (калі Вы не ўвайшлі). Мы можам скарыстаць Вашыя абнародаваныя ўнёскі, або спалучана з абнародаванымі ўнёскамі іншых або асабіста, каб стварыць новыя функцыі ці датычныя зьвестак вырабы для Вас або каб даведацца больш пра тое, як выкарыстоўваюцца сайты «Вікімэдыі».
Прылюдна бачныя зьвесткі
Вам варта меркаваць, што зьвесткі, якія Вы дзейна дапісваеце на сайтах «Вікімэдыі», у тым ліку асабістыя зьвесткі, ёсьць прылюдна бачнымі і іх магчыма знайсьці праз пошукавікі, калі Палітыка ня кажа інакш. Усё, чым Вы дзеліцеся, можа быць скапіявана і распаўсюджана празь Сеціва іншымі людзьмі, як большасьць рэчаў у Сеціве. Калі ласка, не дапісвайце ніякіх зьвестак, якія Вам няёмка рабіць пастаянна абнародаванымі, як то раскрываць Вашае сапраўднае імя або месцазнаходжаньне ў Вашым унёску.
Вы маеце ўсьведамляць, што абнародаваныя Вамі адмысловыя зьвесткі або абнародаваныя намі задзіночаныя зьвесткі можа скарыстаць кожны для агляду і вываду такіх далейшых зьвестак, як краіна ўдзельніка(-цы), палітычная прыналежнасьць і плоць.
Зьвесткі пра ўліковы запіс і рэгістрацыя
Каб скарыстаць які-кольвек сайт «Вікімэдыі», уліковы запіс ствараць не абавязкова.
Калі вы ствараеце ўліковы запіс, ня трэба даваць нам сваё імя або адрас электроннай пошты.
Калі Вы ня створыце ўліковы запіс, вашыя ўнёскі прылюдна прыпішуць да Інтэрнэт-адраса.
Ці жадаеце стварыць уліковы запіс? Слаўна! Не жадаеце ствараць уліковы запіс? Няма пытаньня!
Каб чытаць або дапісваць на сайт «Вікімэдыі», стварэньне ўліковага запісу непатрэбнае, за выняткам рэдкіх акалічнасьцяў. Аднак калі вы зробіце ўнёсак без уваходу, ваш унёсак прылюдна прыпішуць да Інтэрнэт-адраса, зьвязанага з вашай прыладай.
Калі вы жадаеце стварыць звычайны ўліковы запіс, у большасьці выпадкаў мы патрабуем толькі імя ўдзельніка(-цы) і пароль.
Больш пра імёны ўдзельнікаў
Вашае імя ўдзельніка(-цы) будзе прылюдна бачным, таму, калі ласка, будзьце асьцярожныя ў выкарыстаньні вашага сапраўднага імя ў якасьці вашага імя ўдзельніка(-цы). Ваш пароль выкарыстоўваецца толькі для пацьверджаньня таго, што ўліковы запіс Ваш. Ваш Інтэрнэт-адрас таксама аўтаматычна перадаецца нам, і мы яго часова запісваем, каб прадухіліць злоўжываньне. Ніякія іншыя асабістыя зьвесткі не патрабуюцца: ні імя, ні адрас электроннай пошты, ні дата народзінаў, ні інфармацыя пра крэдытную картку.
Пасьля стварэньня ўліковыя запісы ўдзельнікаў(-ц) ня могуць прыбірацца цалкам (хоць вы звычайна можаце схаваць зьвесткі на вашай асабістай старонцы, калі захочаце). Гэта таму, што вашыя абнародаваныя ўнёскі маюць прывязвацца да іх творцы (вас). Пры некаторых акалічнасьцях Вікісупольнасьці могуць дапамагаць удзельнікам(-цам) у прыбіраньні з праектаў дадатковых зьвестак, датычных іхняга ўліковага запісу.
Мы можам спытаць у вас больш такіх дэмаграфічных зьвестак, як вашая плоць або ўзрост, каб дасягнуць лепшага разуменьня складу нашых удзельнікаў(-ц), перакласьці нашыя службы і даведацца, як мы можам удасканаліць нашыя паслугі. Мы скажам вам, ці маюць такія зьвесткі быць абнародаванымі або прыватнымі, каб вы маглі прыняць сьвядомае рашэньне, ці жадаеце вы даць нам гэтыя зьвесткі. Даваньне такой інфармацыі заўжды цалкам адвольнае. Калі не жадаеце, не паведамляйце — усё проста.
Зьвесткі пра разьмяшчэньне
Глябальная сыстэма пазыцыяваньня і іншыя тэхналёгіі месцавызначэньня
Некаторыя магчымасьці, якія мы прапануем, працуюць лепш, калі мы ведаем мясцовасьць, у якой Вы знаходзіцеся.
Калі вы пагодзіцеся, мы можам скарыстаць Глябальную сыстэму пазыцыяваньня (і іншыя тэхналёгіі, якія звычайна выкарыстоўваюць для вызначэньня месцазнаходжаньня), каб паказваць Вам больш дарэчны зьмест. Мы канфідэнцыйна захоўваем зьвесткі, атрыманыя такім чынам, за выняткам абумоўленага ў гэтай Палітыцы. Даведацца больш пра тое, як мы карыстаемся гэтымі тэхналёгіямі, можна паглядзеўшы сьпіс прыкладаў у нашых ЧаПах.
Мэтазьвесткі
Часам мы аўтаматычна атрымліваем зьвесткі пра разьмяшчэньне ад вашай прылады. Прыкладам, калі вы хочаце запампаваць здымак праз мабільнае дастасаваньне Вікісховішча, мы можам аўтаматычна атрымаць з Вашай прылады такія мэтазьвесткі, як месца і час вашага здымка. Калі ласка, прыміце да ўвагі, што дапомныя налады на вашай мабільнай прыладзе звычайна ўлучаюць запампоўку мэтазьвестак здымка або відэа на бачыны «Вікімэдыі» адрозна ад зьвестак пра разьмяшчэньне, сабраных праз апісаныя вышэй сыгналы Глябальнай сыстэмы пазыцыяваньня. Калі ласка, зьмяніце налады на Вашай прыладзе, калі не жадаеце, каб мэтазьвесткі адсылаліся нам і абнародаваліся падчас запампоўкі.
Інтэрнэт-адрасы
Урэшце, калі вы наведваеце якую-кольвек бачыну «Вікімэдыі», мы аўтаматычна атрымліваем Інтэрнэт-адрас прылады (або вашага проксі-сэрвэра), якой Вы карыстаецеся для доступу ў Сеціва, што магчыма скарыстаць для вызначэньня Вашага месцазнаходжаньня.
Інфармацыя датычна Вашага выкарыстаньня бачынаў «Вікімэдыі»
Мы выкарыстоўваем тэхналёгіі збору зьвестак пра тое, як Вы выкарыстоўваеце бачыны «Вікімэдыі».
Падобна да іншых вэб-бачынаў, мы атрымліваем некаторую інфармацыю пра Вас аўтаматычна, калі Вы наведваеце бачыны «Вікімэдыі».
Мы таксама выкарыстоўваем разнастайныя агульнапашыраныя тэхналёгіі, такія як маркёры (біркі, кукі), каб зьбіраць зьвесткі адносна таго, як вы выкарыстоўваеце бачыны «Вікімэдыі», каб зрабіць нашыя паслугі бясьпечнейшымі і лягчэйшымі для выкарыстаньня ды каб дапамагчы стварыць для вас лепшы і больш наладжвальны досьвед.
Мы жадаем зрабіць бачыны «Вікімэдыі» лепшымі для вас, даведваючыся больш пра тое, як вы іх выкарыстоўваеце. Напрыклад, як часта вы наведваеце бачыны «Вікімэдыі», што вам падабаецца, што вы знаходзіце карысным, як вы заходзіце на бачыны «Вікімэдыі» і ці скарысталі б карысную функцыю яшчэ, калі б мы патлумачылі яе інакш. Мы таксама жадаем, каб гэтая Палітыка і нашая практыка адлюстроўвала каштоўнасьці нашай супольнасьці. Дзеля гэтага мы канфідэнцыйна захоўваем зьвесткі датычна вашага выкарыстаньня бачынаў «Вікімэдыі», за выняткам абумоўленага ў гэтай Палітыцы.
Інфармацыя, якую мы атрымліваем аўтаматычна
Калі вы наведваеце бачыны «Вікімэдыі», мы атрымліваем некаторыя зьвесткі аўтаматычна, бо так працуюць азіральнікі. Гэтыя зьвесткі ўлучаюць від прылады, якой вы карыстаецеся (могуць улучаць унікальны нумар апазнаньня прылады для некаторых бэта-выданьняў нашых мабільных дастасаваньняў), від, вэрсію і моўныя перавагі вашага азіральніка, від і вэрсію апэрацыйнай сыстэмы вашай прылады, у некаторых выпадках назву вашага пастаўніка Сеціва або сотавай сувязі, вэб-бачыну, што адаслала вас на бачыну «Вікімэдыі», якія старонкі вы запытваеце і наведваеце, а таксама дату і час кожнага запыта, які вы робіце на бачынах «Вікімэдыі».
Прасьцей кажучы, мы выкарыстоўваем гэтыя зьвесткі, каб палепшыць ваш досьвед на бачынах «Вікімэдыі». Прыкладам, мы выкарыстоўваем гэтыя зьвесткі, каб кіраваць бачынамі, даваць большую бясьпеку і змагацца з вандалізмам; аптымізаваць мабільныя дастасаваньні, адладжваць зьмест і наладжваць моўныя перавагі, выпрабоўваць магчымасьці, каб бачыць, што працуе, і паляпшаць працу; разумець, як карыстальнікі(-цы) узаемадзейнічаюць з бачынамі «Вікімэдыі», адсочваць і вывучаць выкарыстаньне разнаякіх функцыяў, здабываць разуменьне дэмаграфіі розных бачынаў «Вікімэдыі» і аглядаць тэндэнцыі.
Інфармацыя, якую мы зьбіраем
Мы выкарыстоўваем разнастайныя агульнапашыраныя тэхналёгіі, такія як маркёры (біркі), каб зразумець, як Вы выкарыстоўваеце бачыны «Вікімэдыі», каб зрабіць нашыя паслугі бясьпечнейшымі і лягчэйшымі для выкарыстаньня ды каб дапамагчы стварыць лепшы і больш наладжвальны досьвед для вас.
Мы жвава зьбіраем некаторыя віды зьвестак пры дапамозе разнастайных агульнапашыраных тэхналёгіяў. Яны звычайна ўлучаюць адсочвальныя піксэлы, Ява-сцэнар і разнастайныя тэхналёгіі зьвестак мясцовага захоўваньня, такія як маркёры (біркі, кукі) і мясцовае захоўваньне. Мы ўсьведамляем, што некаторыя з гэтых тэхналёгіяў маюць ня лепшую славу ў грамадзе і могуць выкарыстоўвацца для далёка не высакародных задачаў. Таму мы жадаем як мага выразьней паясьніць, чаму мы выкарыстоўваем гэтыя спосабы, і віды зьвестак, якія зьбіраем зь іх дапамогай.
У залежнасьці ад тэхналёгіі, якую мы выкарыстоўваем, зьвесткі мясцовага захоўваньня могуць быць усім: ад тэксту, выяваў і цэлых артыкулаў (як мы патлумачым ніжэй) да асабістых зьвестак (такіх як ваш Інтэрнэт-адрас) і зьвестак пра вашае выкарыстаньне бачынаў «Вікімэдыі» (як то вашае імя ўдзельніка або час вашага наведваньня).
Мы выкарыстоўваем гэтыя зьвесткі, каб зрабіць ваш досьвед на бачынах «Вікімэдыі» больш бясьпечным і лепшым, каб здабыць большае разуменьне перавагаў карыстальнікаў і іх узаемадзеяньня з бачынамі «Вікімэдыі», і каб агулам палепшыць нашыя паслугі. Мы ніколі не скарыстаем маркёры (біркі) трэціх бакоў, акрамя як з вашага дазволу. Калі ласка, паведамце нам на privacy@wikimedia.org​, калі натрапіце на прыладу трэцяга боку для збору зьвестак, якую вы не ўхвалілі (якую іншы ўдзельнік або адміністратар мог памылкова разьмясьціць).
Больш пра зьвесткі мясцовага захоўваньня
Зьвесткі мясцовага захоўваньня, Ява-сцэнар і адсочвальныя піксэлы дапамагаюць нам рабіць такія рэчы, як:
  • Даваць вам адладжвальны досьвед, як то праз выкарыстаньне маркёраў (бірак) ведаць вашыя моўныя перавагі, запамінаць перавагі ўдзельніка, якія вы ставіце, каб мы маглі даць вам адладжаны выгляд і пажаданае адчуваньне, і каб апавесьці вам пра цікавыя справы і мерапрыемствы «Вікімэдыі» ў вашай мясцовасьці.
  • Даставіць вам больш дарэчны зьмест хутчэй. Прыкладам, мы выкарыстоўваем мясцовае захоўваньне, каб захоўваць вашыя апошнія прачытаныя артыкулы наўпрост на вашай прыладзе, каб іх магчыма было хутка атрымаць. Таксама мы выкарыстоўваем маркёры (біркі), каб даведацца аб шуканых прадметах, каб мы маглі аптымізаваць пошукавыя вынікі, якія вам дастаўляем.
  • Разумець, як вы выкарыстоўваеце бачыны «Вікімэдыі», каб ведаць, што працуе і карысна. Прыкладам, мы можам скарыстаць маркёры (біркі), каб даведацца пра сьпіс артыкулаў, за якімі вы сочыце ў вашым сьпісе назіраньня, каб мы маглі параіць падобныя артыкулы, якімі вы можаце зацікавіцца.
  • Разумець, як вы карыстаецеся бачынамі «Вікімэдыі» на розных прыладах, каб здолець зрабіць нашыя разнастайныя бачыны больш спраўнымі і дзейснымі для вас.
  • Рабіць бачыны «Вікімэдыі» больш зручнымі ў выкарыстаньні, як то праз выкарыстаньне маркёраў (бірак), каб падтрымліваць вашае наведваньне, калі вы ўваходзіце, або каб запамінаць вашае імя ўдзельніка(-цы) ў полі ўваходу.
Ці жадаеце даведацца яшчэ больш? Вы можаце прачытаць больш у нашых ЧаПах пра некаторыя адмысловыя маркёры (біркі), якія мы выкарыстоўваем, калі яны пратэрміноўваюцца, і для чаго мы імі карыстаемся.
Мы верым, што гэты збор зьвестак дапамагае палепшыць ваш досьвед карыстальніка, але вы можаце прыбраць або адключыць некаторыя ці ўсе зьвесткі мясцовага захоўваньня праз налады вашага азіральніка ў залежнасьці ад яго віду. Больш даведацца больш пра выбар, які маеце, вы можаце ў нашых ЧаПах. Некаторыя магчымасьці не спрацуюць належна, калі вы адключыце зьвесткі мясцовага захоўваньня, хоць гэтыя зьвесткі могуць быць непатрэбнымі для карыстаньня нашымі бачынамі.
Калі ласка, зьвярніце ўвагу на тое, што некаторыя зьвесткі пра дзеяньні, прадпрынятыя пад Вашым імем удзельніка(-цы), абнародуюцца ў адкрытых часопісах поруч зь дзеяньнямі іншых удзельнікаў(-ц), хоць вышэйпададзеныя прыклады датычна зьвестак пра Вас, якія зьбіраюць праз прылады збору дадзеных, застаюцца канфідэнцыйнымі ў адпаведнасьці з гэтай Палітыкай. Прыкладам адкрыты часопіс можа ўлучаць дату стварэньня Вашага ўліковага запісу на бачыне «Вікімэдыі» поруч з датамі стварэньня іншых уліковых запісаў.
Як мы выкарыстоўваем зьвесткі, якія ад Вас атрымліваем
Мы і нашыя пастаўнікі паслуг выкарыстоўваем Вашыя зьвесткі на законнай падставе імкненьня да нашага дабрачыннага прызначэньня, што ўлучае:
Вядзеньне бачынаў «Вікімэдыі», пашырэньне Вашага ўнёску і кіраваньне нашымі паслугамі.
  • Дапамагаць Вам дзяліцца ведамі са сьветам і дадаваць новыя магчымасьці ў нашыя паслугі.
  • Наладжваць доступ да Вашага ўліковага запісу і падаваць Вам зьвязаную паслугу.
  • Дасылаць Вам такія выканаўчыя зьвесткі, як зьмяненьні ў нашай палітыцы.
  • Дазваляць Вам адсылаць паведамленьні іншай асобе на Ваш выбар. Наўпроставыя зносіны між удзельнікамі (такія як паведамленьні, адасланыя праз магчымасьць «Ліставаць гэтаму ўдзельніку») не абнародуюцца і канфідэнцыйна захоўваюцца намі ў сыстэмах Фундацыі «Вікімэдыя» або праходзяць празь іх, за выняткам абумоўленага ў гэтай Палітыцы.
Мы займаемся гэтай дзейнасьцю, каб кіраваць нашымі дачыненьнямі з Вамі, бо маем законную зацікаўленасьць трымацца нашых прававых абавязкаў.
Падаваньне наладжвальных паслуг.
Даць Вам наладжаны зьмест, абвесткі і налады ды палепшыць Вашае ўражаньне ад бачынаў «Вікімэдыі».
Мы адладзім паслугі ў некаторых выпадках паводле Вашага ўказаньня і ва ўсіх выпадках дзеля прытрымваньня нашай законнай дабрачыннай задачы імкнуцца да нашага прызначэньня.
Мы лічым, што адпраўка электронных лістоў з навінамі пра абнаўленьні, апытаньнямі і данясеньнямі пра рэчы могуць Вас зацікавіць.
  • Паведамляць Вам пра рэчы, якія адбываюцца з Фундацыяй «Вікімэдыя», бачынамі «Вікімэдыі» або Вікірухам.
  • Перасьцерагаць Вас наконт зьмяненьня ў артыкуле, за якім Вы вырашылі сачыць.
Мы дашлем Вам гэтыя віды электронных лістоў толькі з Вашай згоды. Мы не прадаем, не здаем і не выкарыстоўваем адрас Вашай электроннай пошты, каб рэклямаваць Вам вырабы або паслугі трэціх бакоў. Вы можаце кіраваць тым, якога роду апавяшчэньні Вы атрымліваеце і як часта, зайшоўшы ў Налады абвестак. Вы можаце даведацца больш пра электронную пошту і апавяшчэньні, а таксама як зьмяніць Вашыя перавагі ў нашых ЧаПах.
Адсылка адвольных апытаньняў і запыт зваротнай сувязі
Мы заўжды Вам скажам, калі даем магчымасьць падзяліцца Вашымі думкамі, як мы плянуем скарыстаць Вашыя адказы і ўсялякія асабістыя зьвесткі, якія Вы падаеце.
Вашыя адказы на нашыя апытаньні і запыты зваротнай сувязі — заўжды неабавязковыя. Мы дашлем Вам гэтыя віды запытаў толькі з Вашай згоды. Вы можаце кіраваць тым, якога роду апавяшчэньні Вы атрымліваеца і як часта, зайшоўшы ў Налады абвестак. Вы можаце даведацца больш пра электронную пошту і апавяшчэньні, а таксама як зьмяніць Вашыя перавагі ў нашых ЧаПах.
Паляпшэньне бачынаў «Вікімэдыі» і павышэньне бясьпекі Вашага досьведу карыстаньня.
  • Скарыстаць Ваш абнародаваны ўнёсак у скапленьні з такім унёскам іншых або асобна, каб стварыць для Вас новыя магчымасьці ці зьвязаныя з дадзенымі вырабы або даведацца больш пра тое, як карыстаюцца бачынамі «Вікімэдыі».
  • Для дасьледаваньня і агляду.
  • Змагацца са спамам, крадзяжом тоеснасьці, шкодным апраграмаваньнем і іншага роду злоўжываньнем.
  • Аптымізаваць мабільныя і іншыя дастасаваньні.
  • Выпрабаваць магчымасьці, каб убачыць, што працуе, зразумець як удзельнікі(-цы) ўзаемадзейнічаюць з бачынамі «Вікімэдыі», адсочваць і вывучаць выкарыстаньне разнаякіх магчымасьцяў, здабыць разуменьне аўдыторыі розных бачынаў «Вікімэдыі» і разабрацца ў кірунках.
Мы займаемся гэтай дзейнасьцю, каб паспрыяць нашай законнай дабрачыннай задачы і трымацца нашых прававых абавязкаў.
Іншае
Зьвесткі пра разьмяшчэньне
Глябальная сыстэма пазыцыяваньня і іншыя тэхналёгіі месцавызначэньня
Мы можам скарыстаць агульнапашыраныя тэхналёгіі месцавызначэньня, каб паказаць Вам больш дарэчны зьмест, як заяўлена вышэй. Прыкладам нашыя мабільныя дастасаваньні могуць вызначыць артыкулы з бачынаў «Вікімэдыі» пра цікавыя мясьціны каля Вашай мясцовасьці. Нагадваем, што Вы можаце адключыць наш доступ да гэтых тэхналёгіяў месцавызначэньня ва ўсялякі час і па-ранейшаму карыстацца бачынамі «Вікімэдыі».
Мэтазьвесткі
Мы можам аўтаматычна атрымліваць зьвесткі пра месцазнаходжаньне з Вашай прылады, як заяўлена вышэй. Прыкладам, калі ласка, майце на ўвазе, што налады па змаўчаньні на Вашай мабільнай прыладзе звычайна вядуць да ўлучэньня ў запампоўку мэтазьвестак, зьвязаных з Вашым здымкам, калі Вы запампоўваеце здымак з выкарыстаньнем мабільнага дастасаваньня Вікісховішча. Нагадваем, калі ласка, зьмяніце налады на Вашай прыладзе, калі не жадаеце адсылкі нам мэтазьвестак і іх абнародаваньня падчас запампоўкі.
Інтэрнэт-адрасы
Мы аўтаматычна атрымліваем Інтэрнэт-адрас прылады (або Вашага проксы-сэрвэра), якой Вы карыстаецеся для доступу ў Сеціва, што магчыма скарыстаць для вызначэньня Вашага геаграфічнага месцазнаходжаньня, калі Вы наведваеце бачыну «Вікімэдыі». Мы канфідэнцыйна захоўваем Інтэрнэт-адрасы, за выняткам абумоўленага ў гэтай Палітыцы. Мы можам скарыстаць Ваш Інтэрнэт-адрас, каб даць безыменныя або зборныя зьвесткі пастаўнікам паслуг датычна абсягу выкарыстаньня ў пэўных галінах, калі Вы наведваеце бачыны «Вікімэдыі» з мабільнай прылады.
Мы выкарыстоўваем гэтыя зьвесткі пра месцазнаходжаньне, каб зрабіць Ваш досьвед на бачынах «Вікімэдыі» больш бясьпечным і лепшым, здабыць большае разуменьне перавагаў карыстальнікаў(-ц) і іх узаемадзеяньня з бачынамі «Вікімэдыі», а таксама агулам палепшыць нашыя паслугі. Прыкладам мы выкарыстоўваем гэтыя зьвесткі, каб даць большую бясьпеку, аптымізаваць мабільныя дастасаваньні і даведацца, як пашырыць і палепшыць падтрымку Вікісупольнасьцяў. Мы таксама выкарыстоўваем асабістыя зьвесткі спосабам, апісаным у разьдзелах гэтай Палітыкі пад назвай «На законнай падставе» і «Каб абараніць Вас, сябе і іншых».
Распаўсюд
Калі мы можам дзяліцца Вашымі зьвесткамі
Мы можам дзяліцца Вашымі зьвесткамі, калі Вы даеце нам адмысловы на тое дазвол, на законнай падставе і ў іншых апісаных ніжэй акалічнасьцях.
З Вашага дазволу
Мы дзелімся Вашымі зьвесткамі, калі Вы даеце нам адмысловы на тое дазвол.
Мы дзелімся Вашымі зьвесткамі з пэўнай мэтай, калі Вы згодныя. Вы можаце знайсьці больш зьвестак у сьпісе прыкладаў у нашых ЧаПах.
На законнай падставе
Мы раскрыем Вашыя зьвесткі ў адказ на службовы законны выклік у суд, калі мы палічым яго правамоцным. Мы апавясьцім Вас пра такія запыты, калі магчыма.
Мы адчынім, скарыстаем, захаваем і раскрыем Вашыя асабістыя зьвесткі, калі мы абгрунтавана палічым гэта патрэбным, каб задаволіць абавязвальны і правамоцны ордэр, позву ў суд, судовы загад, закон або пастанову ці іншы судовае або выканаўчае распараджэньне. Аднак мы паспрабуем з усіх сілаў змагацца з гэтым, калі палічым, што асобны запыт раскрыцьця зьвестак удзельніка(-цы) ёсьць незаконным або злоўжывае прававым ладам і закрануты(-ая) ўдзельнік(-ца) не мае намеру супраціўляцца такому раскрыцьцю сам(-а). Мы забавязваемся апавяшчаць Вас праз электронную пошту прынамсі за 10 каляндарных дзён, калі магчыма, перад раскрыцьцём Вашых асабістых зьвестак на законнае патрабаваньне. Аднак мы можам даць абвестку, толькі калі мы не абмежаваныя законам зьвязвацца з Вамі, пры адсутнасьці верагоднай пагрозы жыцьцю або небясьпекі, што ствараецца або ўзрастае праз раскрыцьцё запыту, а таксама калі Вы далі нам адрас электроннай пошты.
Нічога ў гэтай Палітыцы прыватнасьці не прызначаецца абмяжоўваць усялякія законныя пярэчаньні або абароны, якія Вы можаце мець датычна запыту трэцяга бока (будзь то цывільнага, крымінальнага або ўрадавага), каб раскрыць Вашыя зьвесткі. Мы раім безадкладна шукаць парады адваката, калі такі запыт зроблены датычна Вас.
Глядзіце нашыя ЧаПы пра Позву ў суд для дадатковых зьвестак.
Калі арганізацыя перамяшчаецца (сапраўды малаверагодна)
Мы апавясьцім Вас за 30 дзён да перадачы ўсялякіх асабістых зьвестак новым уласьнікам або падпаданьня пад новую Палітыку прыватнасьці ў малаверагодным выпадку зьмяненьня ўласьнікаў Фундацыі.
Мы працягнем канфідэнцыйна захоўваць Вашыя асабістыя зьвесткі, за выняткам абумоўленага ў гэтай Палітыцы, а таксама папярэдзім Вас праз бачыны «Вікімэдыі» і апавясьцім праз ВікімэдыяАбвяшчае-C або падобны сьпіс рассылкі прынамсі за 30 каляндарных дзён да перадачы ўсялякіх асабістых зьвестак або іх падпаданьня пад адрозную Палітыку прыватнасьці ў скрайне неверагодным выпадку зьмяненьня ўласнасьці на ўсю або практычна ўсю Фундацыю, ці калі мы пройдзем праз рэарганізацыю (такую як зьліцьцё, задзіночваньне або набыцьцё).
Каб абараніць Вас, сябе і іншых
Мы або ўдзельнікі(-цы) з пэўнымі выканаўчымі правамі могуць раскрываць зьвесткі, якія абгрунтавана патрэбныя, каб:
  • ажыцьцявіць палітыку Фундацыі «Вікімэдыя» і Вікісупольнасьці або расьсьледаваць яе магчымыя парушэньні;
  • абараніць нашую арганізацыю, інфраструктуру, супрацоўнікаў(-ц), падрадчыкаў і грамадзкасьць;
  • прадухіліць няўхільную ці паважную цялесную шкоду асобе або яе сьмерць.
Нам або асобным удзельнікам(-цам) з пэўнымі выканаўчымі правамі, як апісана ніжэй, можа спатрэбіцца падзяліцца Вашымі асабістымі зьвесткамі, калі гэта лічыцца абгрунтавана патрэбным, каб ажыцьцявіць нашыя Ўмовы выкарыстаньня, гэтую Палітыку прыватнасьці або ўсялякую палітыку Фундацыі «Вікімэдыя» ці Вікісупольнасьці або разабрацца ў іх магчымых парушэньнях. Нам можа таксама спатрэбіцца доступ і пашырэньне зьвестак для дазнаньня і абароны сябе ад праўных пагрозаў або дзеяньняў.
Бачыны «Вікімэдыі» — гэта супольніцтва, дзе ўдзельнікі(-цы) пішуць большасьць палітыкі і абіраюць міжсобку людзей, якія валодаюць пэўнымі выканаўчымі правамі. Гэтыя правы могуць улучаць доступ да абмежаванай колькасьці неабнародаваных зьвестак пра нядаўні ўнёсак і дзейнасьць іншых удзельнікаў(-ц). Яны карыстаюцца гэтым доступам, каб дапамагчы абараніць супраць вандалізму і злоўжываньня, змагацца з назаляньнем іншых удзельнікаў(-ц) і агулам спрабаваць зьмяншаць разбуральныя паводзіны на бачынах «Вікімэдыі». Гэтыя разнастайныя абраныя ўдзельнікамі выканаўчыя суполкі маюць свае ўласныя рэкамэндацыі датычна прыватнасьці і канфідэнцыйнасьці, але ўсе такія суполкі маюць пагадзіцца трымацца нашай Палітыкі доступу да неабнародаваных зьвестак. Гэтыя абраныя ўдзельнікамі выканаўчыя суполкі нясуць адказнасьць перад іншымі ўдзельнікамі(-цамі) праз стрымкі і процівагі: удзельнікі(-цы) абіраюцца ў кіраваным супольнасьцю парадку і паднаглядныя з боку сваіх калег праз запісаную гісторыю іх дзеяньняў. Аднак праўныя імёны гэтых удзельнікаў(-ц) невядомыя Фундацыі «Вікімэдыя».
Мы спадзяемся, што гэтага ніколі ня здарыцца, але мы можам раскрыць Вашыя асабістыя зьвесткі, калі палічым, што гэта абгрунтавана спатрэбіцца, каб прадухіліць няўхільную і паважную цялесную школу або сьмерць асобы або каб абараніць нашую арганізацыю, супрацоўнікаў, падрадчыкаў, удзельнікаў ці грамадзкасьць. Мы можам таксама раскрыць Вашыя асабістыя зьвесткі, калі абгрунтавана палічым гэта патрэбным, каб выявіць, прадухіліць або інакш ацаніць і адказаць на магчымы спам, шкоднае апраграмаваньне, махлярства, злоўжываньне, незаконную дзейнасьць і бясьпекавыя або тэхнічныя турботы (Праглядзіце сьпіс прыкладаў у нашых ЧаПах для дадатковых зьвестак).
Нашым пастаўнікам паслуг
Мы можам раскрыць асабістыя зьвесткі нашым пастаўнікам паслуг або падрадчыкам, каб дапамагчы весьці або палепшыць бачыны «Вікімэдыі» і падаць паслугі ў падтрымку нашага прызначэньня.
Мы ня можам зрабіць гэта ўсё, як бы мы не стараліся. Тау часам мы выкарыстоўваем пастаўнікоў паслуг або падрадчыкаў, якія дапамагаюць весьці ці паляпшаць бачыны «Вікімэдыі» для Вас і іншых карыстальнікаў(-ц). Мы даем доступ да Вашых асабістых зьвестак гэтым пастаўнікам або падрадчыкам пры патрэбе ажыцьцявіць іх паслугі нам або скарыстаць іх прылады і паслугі. Мы ставім такія патрабаваньні, як пагадненьні аб канфідэнцыйнасьці, каб упэўніцца, што гэтыя пастаўнікі абыходзяцца з Вашымі зьвесткамі адпаведна і бароняць Вашую прыватнасьць ня менш за прынцыпы гэтай Палітыкі (Праглядзіце сьпіс прыкладаў у нашых ЧаПах).
Мы выкарыстоўваем Ваш Інтэрнэт-адрас, каб даць безыменныя або зборныя зьвесткі пастаўнікам паслуг датычна абсягу выкарыстаньня ў пэўных галінах, калі Вы наведваеце бачыны «Вікімэдыі» з Вашай мабільнай прылады.
Каб зразумець і экспэрымэнтаваць
  • Мы даем добраахвотным распрацоўнікам і дасьледнікам доступ да сыстэмаў, якія зьмяшчаюць Вашыя зьвесткі, каб дазволіць ім бараніць, распрацоўваць і дапісваць бачыны «Вікімэдыі».
  • Мы таксама дзелімся неасабістымі або зборнымі зьвесткамі з трэцімі бакамі, зацікаўленымі ў вывучэньні бачынаў «Вікімэдыі».
Адкрытае апраграмаваньне, што сілкуе бачыны «Вікімэдыі», залежыць ад унёску яго добраахвотных распрацоўнікаў(-ц), якія бавяць час за напісаньнем і выпрабаваньнем крынічніка, каб дапамагчы яму паляпшацца і разьвівацца разам з патрэбамі нашых карыстальнікаў. Мы даем некаторым распрацоўнікам абмежаваны доступ да сыстэмаў, што зьмяшчаюць Вашыя асабістыя зьвесткі, каб аблегчыць іх працу, але толькі пры абгрунтаванай патрэбе распрацаваць і дапісаць бачыны «Вікімэдыі».
Мы дзелімся неасабістымі або зборнымі зьвесткамі з дасьледнікамі, навукоўцамі і іншымі зацікаўленымі трэцімі бакамі, якія жадаюць вывучаць бачыны «Вікімэдыі», падобным чынам. Пашырэньне гэтых зьвестак дапамагае ім зразумець статыстыку і кірункі выкарыстаньня, прагляданьня і аўдыторыі. Потым яны могуць падзяліцца сваімі высновамі з намі і іншымі карыстальнікамі, каб мы маглі лепей зразумець і палепшыць бачыны «Вікімэдыі».
Мы ставім такія патрабаваньні, як абгрунтаваныя тэхнічныя і дамоўныя абароны, каб упэўніцца, што гэтыя пастаўнікі паслуг абыходзяцца з Вашымі зьвесткамі згодна прынцыпам гэтай Палітыкі і ў адпаведнасьці з нашымі ўказаньнямі, калі мы даем доступ да асабістых зьвестак распрацоўнікам або дасьледнікам трэцяга боку. Калі ласка, прыміце да ўвагі, што мы ня можам ручацца ні за тое, што яны будуць прытрымлівацца нашага пагадненьня, ні за тое, што мы будзем рэгулярна праглядаць і правяраць іх праекты, нягледзячы на абавязкі, якія мы ўскладаем на распрацоўнікаў і дасьледнікаў (Вы можаце даведацца больш пра пераапазнаваньне ў нашых ЧаПах).
Бо мы іх абнародавалі
Зьвесткі, якія Вы разьмяшчаеце —
абнародаваныя, і іх могуць убачыць і скарыстаць усе.
Усялякія зьвесткі, якія Вы адкрыта разьмяшчаеце на бачынах «Вікімэдыі», абнародуюцца. Прыкладам, калі Вы разьмяшчаеце свой паштовы адрас на старонцы гутарак, гэта абнародуецца і не бароніцца гэтай Палітыкай. І Ваш Інтэрнэт-адрас адкрыта ўбачаць, калі Вы рэдагуеце без рэгістрацыі або ўваходу ва ўліковы запіс. Калі ласка, уважна падумайце пра пажаданы Вамі ўзровень безыменнасьці перад раскрыцьцём асабістых зьвестак на Вашай старонцы ўдзельніка(-цы) або яшчэ недзе.

Абарона
Як мы баронім Вашыя зьвесткі
Мы выкарыстоўваем разнастайныя фізычныя і тэхнічныя захады, правілы і парадкі, каб дапамагчы абараніць Вашыя зьвесткі ад недазволенага доступу, выкарыстаньня і раскрыцьця.
Мы стараемся абараніць Вашыя зьвесткі ад недазволенага доступу, выкарыстаньня або раскрыцьця. Мы выкарыстоўваем разнастайныя фізычныя і тэхнічныя захады, палітыку і парадкі (такія як парадкі нагляду за доступам, сеткавыя ўпоры і фізычная бязьпека), прызначаныя бараніць нашыя сыстэмы і Вашыя асабістыя зьвесткі. На жаль, няма цалкам бясьпечных перадачы або захоўваньня зьвестак, таму мы ня можам паручыцца, што нашую бясьпеку не ўзламаюць (тэхнічнымі захадамі або праз парушэньне нашых палітыкі і парадкаў).
Мы ніколі не спытаем Ваш пароль праз электронную пошту (але можам адправіць Вам часовы пароль электроннай поштай, калі Вы запытаеце скід пароля). Калі ласка, паведаміце нам на privacy@wikimedia.org, каб мы маглі даведацца пра крыніцу ліста, калі Вы калі-небудзь атрымаеце такі з запытам Вашага пароля.
Як доўга мы захоўваем Вашыя зьвесткі
Мы захоўваем Вашыя асабістыя зьвесткі толькі датуль, пакуль гэта патрэбна для падтрымкі, разуменьня і паляпшэньня бачынаў «Вікімэдыі» або для падпарадкаваньня заканадаўству ЗША, за выняткам інакш заяўленага ў гэтай Палітыцы.
Калі мы атрымліваем ад Вас асабістыя зьвесткі, то захоўваем іх найкарацейшы магчымы час, сумяшчальны зь вядзеньнем, разуменьнем і паляпшэньнем бачынаў «Вікімэдыі» і нашымі абавязкамі паводле датычнага заканадаўства ЗША. Неасабістыя зьвесткі могуць захоўвацца бестэрмінова (Праглядзіце сьпіс прыкладаў у нашых ЧаПах).
Калі ласка, памятайце, што пэўныя зьвесткі, такія як Ваш Інтэрнэт-адрас (калі Вы рэдагуеце без уваходу) і ўсялякі абнародаваны ўнёсак на бачынах «Вікімэдыі», архівуюцца і адлюстроўваюцца бестэрмінова паводле азначэньня. Празрыстасьць унёску і гісторыяў перагляду ў праектах важкая для іх спраўнасьці і надзейнасьці. Глядзіце нашыя рэкамэндацыі па захоўваньні дадзеных, каб даведацца больш пра нашую практыку. Глядзіце нашыя ЧаПы для дадатковых зьвестак пра тое, як Вы можаце запытаць выдаленьне або доступ да Вашых асабістых зьвестак ці іншыя правы, якія Вы можаце мець на іх.
Важныя зьвесткі
Дзеля абароны Фундацыі «Вікімэдыя» і іншых удзельнікаў Вы можаце не выкарыстоўваць бачыны «Вікімэдыі», калі ня згодныя з гэтай Палітыкай прыватнасьці.
Дзе месьціцца Фундацыя і што гэта значыць для мяне
Фундацыя «Вікімэдыя» — непрыбытковая арганізацыя, што месьціцца ў Сан-Францыска (штат Каліфорнія) з сэрвэрамі і цэнтрамі дадзеных, разьмешчанымі ў ЗША. Вы ведаеце, што Вашыя асабістыя зьвесткі зьбяруць, перададуць, захаваюць, апрацуюць, раскрыюць і інакш скарыстаюць у ЗША, як апісана ў гэтай Палітыцы прыватнасьці, калі вырашыце скарыстаць бачыны «Вікімэдыі» ў ЗША або за мяжой. Вы таксама ведаеце, што ў сувязі з аказаньнем Вам паслуг Вашыя зьвесткі могуць перадавацца намі з ЗША ў іншыя краіны, якія могуць мець адрозныя або менш суворыя законы аб абароне дадзеных, чым у Вашай краіне.
Наш адказ на сыгналы «Не адсочвайце» (НА)
Мы не дазваляем сачэньня трэцімі вэб-бачынамі, якія Вы не наведвалі.
Мы ня дзелімся Вашымі зьвесткамі з трэцімі бакамі для задачаў збыту.
Мы дужа забавязаныя не дзяліцца неабнародаванымі зьвесткамі і асабістымі зьвесткамі з трэцімі бакамі. У прыватнасьці мы ні дазваляем адсочку вэб-бачынам трэціх бакоў, якія Вы не наведвалі (улучна з службамі разбору, рэклямнымі і сацыяльнымі сеткамі), ні дзелімся Вашымі асабістымі зьвесткамі з трэцімі бакамі дзеля задачаў збыту. Паводле гэтай Палітыкі, мы можам дзяліцца Вашымі зьвесткамі толькі ў асобных абставінах, пра якія Вы можаце даведацца больш у разьдзеле гэтай Палітыкі прыватнасьці «Калі мы можам падзяліцца Вашымі зьвесткамі».
Мы не мяняем нашыя паводзіны ў адказ на сыгнал вэб-азіральніка «Не адсочвайце», бо баронім усіх карыстальнікаў(-ц) гэткім чынам.
Калі ласка, адчыніце нашыя ЧаПы для дадатковых зьвестак датычна сыгналаў «Не адсочвайце» і таго, як мы зь імі абыходзімся.
Зьмяненьні гэтай Палітыкі прыватнасьці
Істотныя зьмяненьні гэтай Палітыкі наступяць толькі пасьля 30 дзён грамадзкага абгавору.
Час ад часу можа спатрэбіцца зьмяненьне гэтай Палітыкі прыватнасьці, бо рэчы мяняюцца зь цягам часу і мы жадаем упэўніцца, што нашая Палітыка прыватнасьці дакладна адлюстроўвае нашую практыку і закон.
Мы просім, каб Вы праглядалі найноўшае выданьне нашай Палітыкі прыватнасьці. Працяг Вашага карыстаньня бачынамі «Вікімэдыі» пасьля набыцьця моцы гэтай Палітыкай прыватнасьці складае згоду з гэтай Палітыкай з Вашага боку. Працяг Вашага карыстаньня бачынамі «Вікімэдыі» пасьля набыцьця моцы ўсялякім наступным выданьнем гэтай Палітыкі і акрэсьленага вышэй апавяшчэньня складае згоду з гэтым выданьнем Палітыкі прыватнасьці з Вашага боку.
Зьвяжыцеся з намі
Калі ласка, лістуйце нам на privacy@wikimedia.org або зьвяжыцеся з намі наўпрост, калі маеце пытаньні і парады наконт гэтай Палітыкі прыватнасьці або збору зьвестак паводле гэтай Палітыкі.
Вы таксама можаце мець права падаць скаргу ў наглядальную ўправу, адказную за Вашую краіну або край, у залежнасьці ад Вашай правападлегласьці.
Дзякуй!
Дзякуй за чытаньне нашай Палітыкі прыватнасьці. Мы спадзяемся, што Вам падабаецца карыстацца бачынамі «Вікімэдыі» і цэнім Ваш удзел у стварэньні, вядзеньні і пастаяннай працы над паляпшэньнем найбольшага сховішча вольных ведаў у сьвеце.
Калі ласка, прыміце да ўвагі, што спачатнае ангельскае выданьне мае перавагу ў выпадку ўсялякіх адрозьненьняў у значэньні або тлумачэньні між ангельскамоўным арыгіналам гэтай Палітыкі прыватнасьці і перакладам.
Датычныя прыватнасьці старонкі
Палітыка прыватнасьці ЧаПыСлоўнік тэрмінаў ЧаПы пра позвуРэкамэндацыі па захоўваньні дадзеныхДоступ да неабнародаваных асабістых дадзеных Пагадненьне аб канфідэнцыйнасьці​Як падпісаць Выняткі наконт непаўналетніх Палітыка прыватнасьці ахвярадаўцаў
Last edited on 6 February 2021, at 16:05
Meta
Content is available under CC BY-SA 3.0 unless otherwise noted.
Privacy policy
Terms of Use
Desktop
HomeRandomLog inSettingsDonateAbout MetaDisclaimers
WatchEdit