NEWS
ADVERTISE WITH US
Home  >  News
OFWs sa Libya hinikayat na magbalik-bansa
ABS-CBN News
Posted at Apr 11 2019 08:29 PM
OFWs sa Libya hinikayat na magbalik-bansa
0:00/0:00
Watch more on iWantTFC
Kasabay ng utos ng Department of Labor and Employment (DOLE) na total deployment ban sa Libya, nananawagan sila sa overseas Filipino workers (OFW) doon na boluntaryong bumalik na ng Pilipinas bago pa maipit sa armadong sigalot sa naturang bansa.
OFWs in Libya urged to take advantage of repatriation offer
Noong Miyerkoles, itinaas na ng Pilipinas sa alert level three ang sitwasyon sa Libya kasunod ng lumalalang gulo doon. 
Sasagutin ng gobyerno ang pamasahe ng sinumang OFW na gusto nang umuwi at tutulungan pa daw magkatrabaho sa ibang bansa kung sakali.
"Kung nurses kayo andiyan ang alternative employment that are in Germany, ganu'n din sa Japan," sabi ni DOLE Secretary Silvestre Bello III.
Nasa 2,600 ang OFW na nakabase sa Libya, ayon sa datos ng pamahalaan. Karamihan sa kanila nagtatrabaho sa mga ospital, construction sites, at oil companies.
Sa kabila ng banta sa seguridad, may mga Pilipinong mas nanaising magtrabaho sa gitna ng digmaan.
"Meron talagang putukan, meron bombahan dito, pero tuloy pa rin ang buhay dito sa Tripoli," sabi ng English teacher na si Aniceto Maturan.
Sabi pa niya, hindi pa naman daw apektado ang Tripoli sa karahasan. 
"Iyung iba tuloy pa rin ang klase nila, 'yung iba tuloy ang trabaho sa ospital... Bukas naman ang mga shopping mall dito, tuloy pa rin ang kalakaran dito sa Tripoli, wala pong problema sa umaga," ani Maturan.
Ayon naman kay Susan Ople ng Blas F. Ople Policy Center, malaki ang magagawa ng mga kaanak para kumbinsihin ang mga OFW na bumalik muna ng Pilipinas.
"Sana maisip din nila ang kaligtasan nila at 'yung peace of mind ng pamilya nila at ng mga kawani ng gobyerno na andu'n ngayon para tulungan silang makalikas," sabi ni Ople. 
Ayon sa ulat ng World Health Organization, di bababa sa 47 tao ang napatay at 181 ang nasugatan nitong mga nakaraang araw dahil sa iba't ibang karahasan matapos ang tangka ng Libyan National Army na alisin ang Libya mula sa pagiging internationally recognized government.
—Ulat ni Ron Gagalac, ABS-CBN News
Bisitahin ang Patrol.PH para sa iba pang mga balita.
Read More:  PatrolPh   Tagalog news   balita   TV Patrol  Libya   Tripoli   sigalot   OFW   repatriation   DOLE  overseas Filipino worker   Department of Labor and Employment  
SOCIAL WEB
JUST IN: Justice Dept to issue immigration lookout bulletin order vs Julian Ongpin, last seen with artist Bree Jons… https://t.co/2XqD8UvHF3​@mikenavallo
1 m
Libo-libo ang biktima ng karahasan ng diktaduryang Marcos. 'Wag hayaang mabaon sa kasinungalingan ang mga ipinaglab… https://t.co/gGfb9WlzSe
14 m
© 2021 ABS-CBN Corporation. All Rights Reserved.
ABOUT
CAREERS
PRIVACY
TERMS
CONTACT US
ADVERTISE WITH US




Welcome, Kapamilya!
We use cookies to improve your browsing experience.
Continuing to use this site means you agree to our use of cookies.
Tell me more!