NEWS
ADVERTISE WITH US
Home  >  News
Labor day protests, tuloy sa social media dahil sa COVID-19
Raya Capulong, ABS-CBN News
Posted at Apr 28 2020 04:37 PM | Updated as of Apr 28 2020 07:34 PM

MAYNILA — Tuloy ang taunang malawakang kilos protesta ng iba't ibang grupo sa Labor Day sa Mayo 1 sa kabila ng coronavirus disease 2019 (COVID-19) pandemic. 
Pero sa halip na mag-rally sa kalsada, bagong bihis ang protesta dahil sa social media idadaan ng iba't ibang grupo ng manggagawa ang kanilang mga panawagan at hinaing sa gobyerno, ayon sa Kilusang Mayo Uno (KMU). 
Sa virtual press conference nitong Martes, sinabi ni KMU chairperson Elmer Labog na gamit ang social media, palalakasin nila ang kanilang panawagan sa gobyerno na tiyakin ang maayos na kalusugan, kabuhayan, at karapantan ng mga manggagawa habang umiiral ang enhanced community quarantine.
Magsusuot din anila ang mga manggagawa ng pulang face mask bilang pagsuporta sa patuloy na paglaban sa COVID-19.
Ayon pa kay Labog, bukod sa social media, magsasagawa pa rin ng pag-iingay at protesta ang mga manggagawa pero sa kani-kanilang bahay na lang muna habang sinusunod ang physical distancing.
Hirit ng mga mangagawa, dapat solusyong medikal ang ibigay ng gobyerno at hindi umano solusyong militar.
Sinabi rin ni Labog na tungkulin ng Department of Labor and Employment (DOLE) na maghanap ng budget para sa mga naapektuhang mga manggagawa, lalo na ang mga "no work no pay" na walang mapagkakitaan ngayong lockdown.
Sa higit 1 buwang pagpapatupad ng lockdown, maraming kuwento ng mga manggagawa ang naiulat, na ang ilan pa ay namamalimos na lang matapos mawalan ng hanapbuhay. 
Construction worker, restaurant crew nanlilimos na lang nang mawalan ng trabaho sa lockdown
DOLE aminadong kulang ang pondong pang-ayuda sa lahat ng manggagawa
Naglaan ang DOLE ng cash aid para sa mga manggagawa pero inamin nilang hindi ito sapat para matustusan ang lahat ng nasapul ng lockdown.
Sabi ni Labog, sakaling magbalik-trabaho ang mga manggagawa ay dapat may kongkretong nakalatag na plano ang gobyerno at kompanya para matiyak na ligtas ang mga manggagawa laban sa coronavirus. 
 
Bisitahin ang Patrol.PH para sa iba pang mga balita.
Read More:  PatrolPh   Tagalog news   balita   Kilusang Mayo Uno   Labor Day   May 1   protesta  
© 2022 ABS-CBN Corporation. All Rights Reserved.
ABOUT
CAREERS
PRIVACY
TERMS
CONTACT US
ADVERTISE WITH US




Welcome, Kapamilya!
We use cookies to improve your browsing experience.
Continuing to use this site means you agree to our use of cookies.
Tell me more!