news.abs-cbn.com
NEWS
ADVERTISE WITH US
Home  >  News
Isyu sa teritoryo, karapatang pantao, tema ng SONA 2019 protest
ABS-CBN News
Posted at Jul 22 2019 05:49 PM | Updated as of Jul 22 2019 11:00 PM
Watch more News on iWantTFC
MAYNILA (UPDATE) — Kasabay ng ikaapat na State of the Nation Address (SONA) ni Pangulong Rodrigo Duterte ngayong Lunes, nagkasa rin ng sari-saring kilos-protesta ang maraming grupo sa Batasang Pambansa at sa iba pang karatig na lugar.
Isa sa mga nanaig na isyu ng mga militanteng grupo ay ang posisyon ng administrasyon sa West Philippine Sea at ang tila pagbabalewala umano ng Pangulo sa karapatang pantao.
Kabilang sa mga nagprotesta ang mga grupong Gabriela, Kilusang Mayo Uno, Anakpawis, Bagong Alyansang Makabayan (Bayan), Alliance of Health Workers, at ilang religious groups.
Alliance of Health Workers complain of the president’s unfulfilled promises. Wearing fish as headpieces, they also call on the defense of West Philippine Sea from the encroachment of Chinese vessels. pic.twitter.com/k5nApiJ9BC — Raph Bosano (@raphbosano) July 22, 2019
May temang karagatan ang placard at iba pang props ng mga grupo.
'Siyokoy, pugita,' bibida sa SONA rallies bilang paglarawan kay Duterte
Inulan nang malakas ang mga kilos-protesta. Gayunman, hindi nagpatinag ang mga grupo at nagtangka pa ring lumapit sa Batasang Pambansa para iparating ang kanilang mensahe kay Duterte.
Nagawa pa nilang mag-jamming sa gitna ng ulan habang sinisigaw ang mga pinaglalaban.
Nauna nang sinabi ng mga grupo na pinili nila ang anila'y "pinakapangit" na lamang-dagat na siyokoy para ilarawan ang "pangit" na sitwasyon sa ilalim ng pamumuno ni Duterte.
One of the biggest effigies on today’s #SONA2019 protest is this huge Duterte-marine creature hybrid holding a gun. Protesters push the effigy to the frontlines. pic.twitter.com/nyS7780GNm — Kevin Manalo (@kevinmanalo_) July 22, 2019
Ang effigy - na kinalauna'y sinunog ng mga tagaprotesta - ang naglalarawan sa kanilang pananaw na "nakikipagsabwatan" si Duterte sa pangulo ng Tsina na si Xi Jinping.
Nanawagan ang mga grupo ng mangingisda na patalsikin si Duterte dahil dito.
Fisherfolk call for Duterte’s impeachment over supposed failure to execute national laws against Chinese aggression in the West Philippine Sea. #SONA2019 pic.twitter.com/kUfudvuWtY — Michael Joe Delizo (@michael_delizo) July 22, 2019
Dambuhalang isda naman ang ginawa ng grupong Sikad, at nakapinta sa palikpik nito ang pagpapatigil sa pangha-harass sa mga Pilipinong mangingisda.
"Malaking bagay ang paglikha mula sa sining biswal, sa musika, sa pelikula kailangan nating tumindig na mga artista sa side ng mga mamamayan na tuloy ang paglalaban," ani Gerone Centeno ng Sikad.
SONASERYE: Aprubado pa rin ba ng bayan ang war on drugs?
Watch more News on iWantTFC
Sinabi rin ng mga grupo na dapat manaig ang karapatang pantao sa gitna ng umaarangkadang war on drugs ng pamahalaan, kung saan libo-libo na ang napapatay.
Ayon sa tala ng Philippine National Police, aabot sa 6,600 ang napatay sa drug war, mas mababa sa umano'y 27,000 na naitala ng human rights groups.
Naging payapa naman daw ang mga kilos-protesta, ayon sa pulisya.
— May ulat nina Doris Bigornia, Jeff Canoy, Jeffrey Hernaez, Zhander Cayabyab, Kevin Manalo, at Raphael Bosano, ABS-CBN News
Bisitahin ang Patrol.PH para sa iba pang mga balita.
Read More:  PatrolPH   Tagalog News   TV Patrol   SONA 2019   kilos-protesta   protests   SONA protests   Gabriela  Magsasaka   Kilusang Mayo Uno   Anakpawis   Bayan  Alliance of Health Workers   #SONA2019  
© 2022 ABS-CBN Corporation. All Rights Reserved.
ABOUT
CAREERS
PRIVACY
TERMS
CONTACT US
ADVERTISE WITH US




Welcome, Kapamilya!
We use cookies to improve your browsing experience.
Continuing to use this site means you agree to our use of cookies.
Tell me more!