NEWS
ADVERTISE WITH US
Home  >  News
Philippine Airlines flights bawal muna sa Hong Kong; mga OFW apektado
ABS-CBN News
Posted at Aug 30 2021 06:44 PM | Updated as of Aug 31 2021 10:58 AM
Philippine Airlines flights bawal muna sa Hong Kong; mga OFW apektado
0:00/0:00
Watch more on iWantTFC
MAYNILA -- Mga overseas Filipino worker (OFW) ang apektado sa 2 linggong pagbabawal ng Hong Kong sa paglipad sa kanila ng Philippine Airlines (PAL), sabi ngayong Lunes ng grupo ng mga manggagawang Pinoy sa nasabing teritoryo.
Noong Linggo, 1 araw bago magbukas ang Hong Kong sa mga nabakunahang OFW, ipinagbawal ng pamahalaan doon ang pagtanggap sa mga pasahero ng PAL nang 2 linggo o hanggang Setyembre 11.
Ito'y matapos makitang 3 sa 7 imported COVID-19 cases sa Hong Kong noong Linggo ang galing Pilipinas sakay ng eroplano ng PAL.
Hong Kong bans Philippine Airlines flights from Manila for 2 weeks
Ayon sa grupong BAYAN sa Hong Kong at Macau, apektado nito ang pagpapadala ng mga OFW sa Hong Kong, lalo na't pahirapan ang pag-schedule ng mga flight.
Trabaho anila ang nakasalalay sa bawat araw na hindi nakakalipad ang mga OFW pa-Hong Kong.
"'Yong mawalan ka ng isang airlines that are allowed to bring in passengers, malaki impact," sabi ni BAYAN Hong Kong and Macau Chairperson Eman Villanueva.
"May ka-exchange ako ng message na kababayan natin, parang third time na niya na na-cancel ang flight via PAL so stranded talaga siya diyan," kuwento ni Villanueva.
"I hope magawan ng paraan and hopefully 'yong government can make representation dito sa Hong Kong."
Ayon naman sa pahayag ng PAL, negatibo ang ipinresentang COVID-19 test result sa kanila ng 3 pasahero, na 2 Pinoy at 1 Chinese.
Sinisiguro rin nilang ipinapatupad nila ang mahigpit na health and safety protocol sa flight.
Para sa mga apektadong pasahero ng PAL sa susunod na 2 linggo, maaari silang magpa-rebook, refund o i-convert ang kanilang tickets bilang travel voucher nang walang multa.
Tuloy naman ang cargo flights ng PAL.
— Ulat ni Jacque Manabat, ABS-CBN News
Bisitahin ang Patrol.PH para sa iba pang mga balita.
Read More:  PatrolPH   Tagalog news   Hong Kong   travel  travel restriction   Philippine Airlines   OFW   BAYAN Hong Kong and Macau   Covid-19   PAL  
SOCIAL WEB
Nawalan ng tirahan ang 12 pamilya sa sunog sa Sitio Bato, Barangay Inarawan, Antipolo City | via @anjo_bagaoisan… https://t.co/yOAIR4dz3j​https://t.co/g4mp8JTz8D
1 h
Panginoon, tulungan Mo kaming makabangon. https://t.co/tAlhiAvVFG
1 h
© 2021 ABS-CBN Corporation. All Rights Reserved.
ABOUT
CAREERS
PRIVACY
TERMS
CONTACT US
ADVERTISE WITH US




Welcome, Kapamilya!
We use cookies to improve your browsing experience.
Continuing to use this site means you agree to our use of cookies.
Tell me more!