NEWS
ADVERTISE WITH US
Home  >  News
Bilang ng nade-deploy na OFW tumaas ngayong 2021: POEA
ABS-CBN News
Posted at Sep 23 2021 08:06 PM
Bilang ng nade-deploy na OFW tumaas ngayong 2021: POEA
0:00/0:00
Watch more on iWantTFC
MAYNILA- Bahagyang tumaas ang bilang ng mga nade-deploy na overseas Filipino workers, ayon sa Philippine Overseas Employment Administration. 
Ayon sa POEA, nasa 30,000 kada buwan ang deployment ng land-based OFWs habang 40,000 ang sea-based. 
Nasa 50 porsiyento na ito ng karaniwang deployment bago ang pandemya. 
Mas mataas din ito kaysa noong 2020 kung saan 70 porsiyento ang ibinagsak ng mga oportunidad sa ibang bansa. 
Nagbabala naman ang POEA sa nag-aalok ng trabaho sa mga dating apps. 
"Maging mapanuri kung kayo ay OFW. Lalung-lalo na iyong pong mga partner po ninyo diyan sa dating application na iyon ay nag-o-offer ng mga employment opportunities. Huwag po kayong papatol at sigurado po kayo magiging biktima na ng online scam," ani POEA Administrator Bernard Olalia. 
Pinaka-in demand pa rin ngayon ang Pinoy health care workers sa UK, Germany, Saudi, Qatar at Kuwait. 
Nagpapatuloy rin ang deployment ng mga Pinoy seafarer sa mga cargo vessel at nagsimula na ang demand sa cruise ship. 
Pero ayon sa Society of Hong Kong Accredited Recruiters in the Philippines (SHARP), 30 porsiyento pa lang sa halos 4,000 stranded OFWs ang nakakaalis pa-Hong Kong. 
Hanggang 50 OFW lang kasi ang pinapapasok ng Hong Kong kada araw at limitado rin ang quarantine rooms. 
Dahil dito, umapela ang grupo sa mga counterpart nila sa Hong Kong. 
"Kung meron din kaming gustong hilingin naipapadaan nila sa kanilang government like 'yung mag-add pa sila ng mga rooms at dagdagan pa 'yung kanilang quota daily ng pagpapaalis," ani SHARP President Madolyn Uanang. 
-- Ulat ni Zen Hernandez, ABS-CBN News
Bisitahin ang Patrol.PH para sa iba pang mga balita.
Read More:  OFW   overseas Filipino workers   OFWs during COVID-19   OFW news   workers   pandemic   Hong Kong  POEA   cruise ship   seafarer   health worker   hanapbuhay  trabaho   Bernard Olalia  
SOCIAL WEB
ABS-CBN News
@ABSCBNNews
Matapos ang 2 taong relasyon, sa simbahan nauwi ang pag-iibigan ng isang lesbian at gay couple sa Misamis Oriental.… https://t.co/jEi11d7OKv​https://t.co/LjYu7V3O3k
5 h
Kakay (Dimples Romana) is worried about Rica's (Charlie Dizon) disappearance. Official Viral Scandal showpage: https://ent.abs-cbn.com/viralscandal Watch the full episodes of Viral Scandal...
55 m


© 2021 ABS-CBN Corporation. All Rights Reserved.
ABOUT
CAREERS
PRIVACY
TERMS
CONTACT US
ADVERTISE WITH US




Welcome, Kapamilya!
We use cookies to improve your browsing experience.
Continuing to use this site means you agree to our use of cookies.
Tell me more!