NEWS
ADVERTISE WITH US
Home  >  News
Green Trends execs nagbigay umano ng pekeng address sa Senado
ABS-CBN News
Posted at Sep 24 2021 10:26 PM
MAYNILA — Mga pekeng address ang ibinigay ng mga opisyal ng kompanyang Green Trends na inimbitahan ng Senate Blue Ribbon Committee sa imbestigasyon sa umano'y maanomalyang pagbili ng PPEs noong 2020.
Kabilang sa mga pinadalhan ng subpoena ng Senado sina Raffy Barcina, Andres Aquino, Ryan Escano, Carlo Agustin, at Jayson Espino na mga opisyal ng Green Trends Trading.
Sa report ni Rodolfo Quimbo ng Office of the Senate Sergeant-At-Arms (OSAA), lumalabas na puro peke ang mga address ng mga ito.
"The subpoena addressed to Aquino, Escano, Barcinas, the OSAA said that all addresses are all fictitious. The certification was issued by Punong Barangay Maria Teresa Montalbo stating that the said addresses and Green Trends does not exist in their barangay," sabi ni Quimbo.
Pharmally exec pinaaresto; gobyerno 'napamahal' sa imported mask
Rehistrado naman daw sa Securities and Exchange Commission ang pangalan ng mga ipinatawag na resource persons subalit hindi totoong address ang mga idineklara ng mga ito sa SEC.
Ang Green Trends ang isa sa mga pinangalanan ni Linconn Ong ng Pharmally na pinagkuhanan nila ng medical supplies para mai-deliver ang order ng PS-DBM.
Opisyal ng Pharmally, ililipat sa Pasay City Jail
Sa pagdinig ng Senado, lumalabas na ang Green Trends ang kinuhanan ng supply ng TigerPhil bago nakarating sa Pharmally ang medical supplies na idineliver nito sa PS-DBM.
Dahil dito, iniutos ni Senate Blue Ribbon Committee chairman Sen. Richard Gordon na ipaaresto na rin ang mga ito at padaluhin sa susunod na hearing.
“I will request the Senate President to compel the attendance of this people and that they be arrested by the OSAA,” sabi ni Gordon.
—Ulat ni Johnson Manabat, ABS-CBN News
Bisitahin ang Patrol.PH para sa iba pang mga balita.
Read More:  PatrolPh   Tagalog news   balita   Senate   Green Trends   Rodolfo Quimbo   Richard Gordon   PS-DBM  Pharmally Corporation  
SOCIAL WEB
TODAY'S #COVID19WRAP: Fewer than 5,000 new cases, vaccination target, updates from other countries (October 26, 202… hhttps://t.co/rWAp6puUXf
7 h
LOOK: Authorities destroy over 50,000 marijuana plants uprooted in 3 sites discovered in Balamban & Toledo City, Ce… https://t.co/PMhcxpPRH7
27 m




© 2021 ABS-CBN Corporation. All Rights Reserved.
ABOUT
CAREERS
PRIVACY
TERMS
CONTACT US
ADVERTISE WITH US




Welcome, Kapamilya!
We use cookies to improve your browsing experience.
Continuing to use this site means you agree to our use of cookies.
Tell me more!