NEWS
Home  >  News
Paninita sa harap ng pagpayag na lumabas ang mga bata sa NCR, paiigtingin
ABS-CBN News
Posted at Oct 20 2021 06:50 PM
Paglalaro ng mga bata sa Rajah Sulayman Park sa Malate, Manila noong Oktubre 19, 2021. George Calvelo, ABS-CBN News
MAYNILA - Planong paigtingin ng Metropolitan Manila Development Authority ang paninita sa mga lumalabag sa health protocols, ngayong pinapayagan nang lumabas ang mga bata kahit tuloy pa rin ang banta ng COVID-19.
"Maraming magpapatupad. It could be yung ating barangay, siguro maging yung ating traffic enforcers. Pwede pong sitahin ang mga bata para na rin po sa proteksyon nila ito. Hindi puwedeng kumalat o maglakwatsa ang mga bata nang sila-sila lang," ani MMDA chairman Benhur Abalos Jr. 
Metro Manila mayors to release guidelines allowing children outside their homes
Philippines begins COVID-19 vaccination of children with health risks
Matatandaang sa isang malaking mall sa Paranaque ay makikita ang paglalaro ng mga bata sa playground, bagama't iginigiit na bawal pa pumasok sa mga mall ang mga ito. 
Nilinaw ng mall na outdoor ang lugar, na ayon sa pandemic task force ay puwede naman talaga. 
"Mukhang outdoor naman. Dire-deretso ang hangin. Importante lang dito, sana, may nagpupulis para may social distance. And of course, dapat kasama ang mga magulang or guardian," ani Abalos patungkol sa video. 
Nilinaw din ng lokal na pamahalaan na pinapayagan sa outdoor na playground ang mga menor de edad. 
Samantala, nasa 9,190 ang hinuli sa unang apat na araw ng bagong alert level, na mas mababa sa higit 10,000 average na bilang ng violators noong Alert Level 4, ayon kay Philippine National Police chief Gen. Guillermo Eleazar. 
Karamihan sa mga nahuhuli, o 73 porsyenbto, ay lumabag sa protocols, habang 26 porsiyento ang nahuhuli sa curfew. Isang porsiyento naman sa ibang mga kadahilanan. 
Umaasa naman ang mga opisyal na kasabay ng pagbaba sa alert level ay lalong paiigtingin ang pagsunod sa health protocol ng publiko. 
-- Ulat ni Doris Bigornia, ABS-CBN News
Bisitahin ang Patrol.PH para sa iba pang mga balita.
Read More:  NCR   Alert Level 3   MMDA   Metropolitan Manila Development Authority   kids   children   COVID-19  coronavirus   minors   menor de edad  
Social Web
Loading News
© 2022 ABS-CBN Corporation. All Rights Reserved.
ABOUT
CAREERS
PRIVACY
TERMS
CONTACT US
ADVERTISE WITH US