NEWS
ADVERTISE WITH US
Home  >  News
Pahirapan umanong pagkuha ng VaxCertPH certification idinaing ng ilang biyahero
ABS-CBN News
Posted at Nov 13 2021 04:37 PM | Updated as of Nov 14 2021 07:26 PM
Pahirapan umanong pagkuha ng VaxCertPH certification idinaing ng ilang biyahero
0:00/0:00
Watch more on iWantTFC
MAYNILA—Galit na pumila si Leonido Tanedo na pumila sa assistance booth ng VaxCertPH sa Quezon City Hall. 
'VaxCertPH': Soft launch ng portal para sa digital COVID-19 vaccine certificate, inilunsad
Ang VaxCertPH ang kinikilalang vaccine certificate para sa mga biyahero, overseas man o domestic.
DICT exec tells lawmakers VaxCertPH won't replace quarantine bureau's yellow card
Boracay waives RT-PCR test for fully-vaxxed tourists starting Nov. 16
Mga lokal na pamahalaan ang nag-uupload ng datos sa VaxCertPH portal. Kapag na-encode na ng LGU ang datos ay maaari nang kuhanin ng bakunado ang kaniyang digital vaccine certificate. 
Pero di umano makakuha ng vaccination certificate mula sa portal ng VaxCertPH si Tanedo. Problemado siya dahil isa ito sa requirements ng kaniyang uuwiang probinsiya. 
"Pahirap ito para sa mga uuwi!" ani Tanedo. 
Ganito rin ang pinoproblema ni Aldrin Acogido na uuwi ng Negros. 
Paliwanag ng opisyal ng QC task force vaccination na si Dr. Malu Eleria, ang iba sa mga di nakakakuha ng vax cert ay nagkakaproblema sa personal na impormasyon sa datos. 
Personal information din umano ang problema sa Caloocan. Pero may mga lungsod tulad ng Maynila na wala nang backlog. 
" 'Pag nagkakaroon ng problema ng data ng mga vaccinees, right there and then nako-correct na namin," ani Manila Vice-Mayor Honey Lacuna. 
Sa ngayon, pansamantalang pinapayagan ang vaccination card mula sa lokal na pamahalaan. 
"Our advise to the LGU at sa lahat ng mga ahensya tanggapin pa rin nila ang local vaccination card, kasi it would be unfair naman. Nagpabakuna sila ngunit hindi pa na-aa-upload ng kanilang LGU, to address this Sec Eduardo Año ordered na mag isyu ng show cause order sa mga LGU na naging pabaya sa pagbigay ng kanilang datos," ani Department of the Interior and Local Government spokesperson Jonathan Malaya. 
Nasa mahigit kumulang 30 porsiyento umano ng mga nababakunahan na ang hindi pa naa-upload ang datos mula sa ilang LGU. 
-- Ulat ni Zyann Ambrosio, ABS-CBN News
Bisitahin ang Patrol.PH para sa iba pang mga balita.
Read More:  vaxcertPH   vaccine card   COVID-19  coronavurs   vaxcert   ph   Metro Manila   NCR   travel  vaccination   TV Patrol  
SOCIAL WEB
"Wherever you are in the world, you can help us feed Typhoon Odette victims. Donate via YouTube here: https://bit.ly/TulongTulongSaPagAhon" Stream it on demand and watch the full episode...
20 m
"Wherever you are in the world, you can help us feed Typhoon Odette victims. Donate via YouTube here: https://bit.ly/TulongTulongSaPagAhon" Stream it on demand and watch the full episode...
20 m
© 2022 ABS-CBN Corporation. All Rights Reserved.
ABOUT
CAREERS
PRIVACY
TERMS
CONTACT US
ADVERTISE WITH US




Welcome, Kapamilya!
We use cookies to improve your browsing experience.
Continuing to use this site means you agree to our use of cookies.
Tell me more!