NEWS
ADVERTISE WITH US
Home  >  News
Bentahan ng face shields sa Divisoria, bagsak presyo
ABS-CBN News
Posted at Sep 23 2021 11:46 AM
Bentahan ng face shields sa Divisoria, bagsak presyo
0:00/0:00
Watch more on iWantTFC
MAYNILA— Ibinebenta na ng mas mura ngayon ang face shields sa Divisoria sa Maynila, matapos na ianunsiyo ni Pangulong Rodrigo Duterte Miyerkoles ng gabi na hindi na ito kailangan sa mga open area.
Ang mga mamimili at nagtitinda sa Divisoria ay maagang sumunod sa bagong panuntunan ng pangulo dahil marami sa kanila ay wala nang suot na face shield Huwebes ng umaga.
Wala rin mga barangay na naninita kaya pati physical distancing minsan ay nakakalimutan nang sundin. 
Sinabi kagabi ni Duterte na sa mga closed, crowded at close contact areas na lang kailagang magsuot ng face shield tulad ng sa mga ospital.
Wala ring rekomendasyon ang World Health Organization sa paggamit nito maliban sa health care workers na parte ang face shield sa kanilang personal protective equipment o PPE. 
Proteksiyon ang face shield laban sa pagtalsik ng biological fluid na maaaring maging paraan ng pagkahawa sa sakit. Pero sinabi ng WHO na pwedeng gamitin ang face shield bilang proteksiyon sa mata.
Maraming mga Pilipino ang hindi komportable sa pagsusuot ng face shield kaya pabor ang mga namimili at nagtitinda sa Divisoria na tanggalin na ito sa open area.
Nangangamba naman ang ilang nagtitinda ng face shield na masasayang lang ang ilang mga stocks nila kaya ngayon pa lang ay bagsak presyo na sa P6 kada piraso ang benta nila.
Sa kabila nito, umaasa pa rin sila na meron pa rin maibebenta kahit papaano, hindi nga lang tulad ng dati.
- TeleRadyo 23 Setyembre 2021 
 
Read More:  Divisoria   face shields   Manila  
SOCIAL WEB
ABS-CBN News
@ABSCBNNews
BALIKAN: Umapaw ang kilig sa trailer sa first movie nina Donny Pangilinan at Belle Mariano na #LoveIsColorBlind. https://t.co/ldFTIDgcgT
Stream it on demand and watch the full episode on http://iwanttfc.com or download the iWantTFC app via Google Play or the App Store. Available for Free, Premium and Standard Subscribers...
55 m
© 2021 ABS-CBN Corporation. All Rights Reserved.
ABOUT
CAREERS
PRIVACY
TERMS
CONTACT US
ADVERTISE WITH US




Welcome, Kapamilya!
We use cookies to improve your browsing experience.
Continuing to use this site means you agree to our use of cookies.
Tell me more!