Verwante Artikels
Top Stories
Sep 23 2011 08:00
Die Staatsdienskommissie het in die afgelope boekjaar sy hande vol gehad met klagtes oor die onetiese optrede van staatsamptenare.
Sep 23 2011 08:00
Die regering beperk groei deur sy toenemende betrokkenheid by die ekonomie en sy “rampspoedige” teikens vir werkskepping.
Sep 23 2011 08:00
Suid-Afrika het vir die eerste keer in amper twee dekades meer mense wat kan werk as “afhanklikes”, soos kinders en bejaardes.
Suid-Afrika het vir die eerste keer
in amper twee dekades meer mense wat kan werk as “afhanklikes”, soos kinders en bejaardes.
Die voortgesette daling in die Suid-Afrikaanse bevolkingsgroeikoers
en afname in die geboortekoers sorg nou vir die
seldsame verskynsel van ’n demografiese of “jeugdividend” wat
beleggingsgeleenthede nodig het om ekonomiese
ontwikkeling te versnel en armoede te verlaag.
Dít blyk uit die departement van maatskaplike ontwikkeling se
vorderingsverslag oor die witskrif oor bevolkingsbeleid van 1998.
Dit is gister op die persvergadering ná Woensdag se
kabinetsvergadering bekend gestel.
Die verslag meld: “Dié geleentheid verdwyn weer binne ’n generasie
soos die bevolking verouder en afhanklikheid weer toeneem.”
Die verslag meld die gemiddelde jaarlikse bevolkingsgroeikoers sal
na raming daal tot 0,9% teen 2014 (van 1,3% tussen 2001 tot 2007).
Tussen 1996 en 2001 het die bevolking
teen ’n jaarlikse gemiddelde koers van 2,1% gegroei.
Die verslag noem die bevolking raak meer volwasse. Die persentasie
kinders onder 15 neem af.
Die jeuggedeelte van die bevolking (tussen 15 en 34 jaar) het redelik bestendig gebly, maar die persentasie
daarvan kan in die toekoms groter word.
“Die Suid-Afrikaanse bevolking staan gereed om ’n demografiese
dividend te lewer waar ’n opbloei van die bevolking wat kan werk in verhouding
tot afhanklikes soos kinders en bejaardes ’n
hupstoot vir ontwikkeling kan wees,” noem die verslag.
Mnr. Vusi Madonsela, direkteur-generaal van maatskaplike
ontwikkeling, het op die persvergadering gesê
Suid-Afrika moet behoorlik voordeel trek uit dié jeugdividend.
Teen 2014 sal Suid-Afrika na verwagting ’n bevolking van
51,5 miljoen mense hê.