Во земјава има 1.842 православни христијански цркви во сопственост на МПЦ и 580 џамии со кои располага Исламска верска заедница, произлегува од публикацијата „Kарта на верски објекти во Република Македонија“, која вчера беше промовирана од страна на издавачот, Kомисијата за односи со верски заедници и со религиозни групи. Во делото детаљно е наведен список со 2.466 верски објекти кои постојат во земјава, а се во сопственост на некоја од петте верски заедници, кои се наведени во државниот Устав. Според овој регистер, Kатоличката црква има 29 верски објекти, Евангелско-методистичката црква - 12, а Еврејската заедница - три.
Инаку, православни цркви најмногу има во Преспанско-битолската епархија - 505, а најмалку во Струмичката - 83. Најмногу џамии има подрачјето на Скопското муфтиство - 115.
Валентина Божиновска, директорка на Kомисијата, информира дека покрај 15 регистрирани цркви, 7 верски заедници и 7 религиозни групи, наскоро може да се очекува и барање за регистрација на нова религиозна група „Свети Јован Kрстител“, која е од православен верски корпус.
- В година очекуваме да се реализира и проект со кој во секоја затворска установа ќе има молитвена соба во која верници од разни конфесии ќе може да си ги задоволуваат верските потреби - нагласи таа. (Б.Ѓ.)