世界愛虎日

 世界愛虎日（粵拼：sai3 gaai3 oi3 fu2 jat6） 係東南亞嘅老虎峰會呼籲全球各地同國際組織辦活動，嚟宣傳同虎有關嘅知識及保護。節日從2011年開始，每年嘅7月29號搞。

由來

2010年11月23號，中華人民共和國、印尼、印度、越南、老撾、緬甸、泰國、馬來西亞、尼泊爾等13個全球野生虎分佈國嘅首腦喺當日嘅俄羅斯聖彼得堡舉辦嘅保護老虎國際論壇入面，討論到野生虎就快要絕種嘅問題。因為喺1800年代尾或1900年代初到2000年代初間，全球野生虎數量從原先100000隻勁跌到得返唔夠3500隻，加上野生虎亦係生態系統一緊要標記，唔保護嘅話會喺生態系統出現重大損失。後嚟為咗畀公眾有保護野生虎嘅意識，會議最後決定，從2011年開始，逢每年7月29號定做「世界愛虎日」。