76 yaşlı səfirin polad sirri: Bülbüloğlu niyə geri çağırılmadı?
Son günlər bir çox diplomat geri çağırılsa, bəzilərinin yeri dəyişdirilsə də, 2006-cı ildən bəri Rusiyada səfirimiz olan Polad Bülbüloğlu yenə də postunda qaldı.
Axar.az Musavat.com-a istinadən xəbər verir ki, həm səfir kimi kifayət qədər uzun müddət işləməsinə, həm də yaşına baxmayaraq, P.Bülbüloğluna sonsuz etimad göstərilərək Moskvadan çağırılmadı. Ancaq bu postda saxlanması da özlüyündə bəzi haqlı suallar doğurur.
Aydındır ki, Rusiya Azərbaycan üçün olduqca strateji əhəmiyyətli ölkədir. Bu ölkə ilə əlaqələrin tənzimlənməsi əsas etibarilə iki ölkə prezidentinin şəxsi münasibətləri sistemində həll edilir, səfirlik bəzi hallarda ancaq texniki işlərlə məşğul olur.
Onu da demək lazımdır ki, P.Bülbüloğlu Rusiyada tanınmış, nüfuzlu şəxsdir və böyük hörmət sahibidir. Onun oxuduğu mahnılar, bəstələdiyi musiqilər hələ də sevilən şlyagerlər sırasındadır. Bəs P.Bülbüloğlunu toxunulmaz edən başqa hansısa bilmədiyimiz səbəblər varmı? Ümumiyyətlə, Rusiya kimi strateji ölkəyə səfir təyinatında hansı prinsiplər əsas götürülür?
Vaxtaşırı belə fikirlər də səslənir ki, Rusiya kimi ölkəyə alternativ səfir axtarışı gedir, dövlət Moskvanın siyasi kluarlarında qəbul olunacaq bir fiqur olmasını istəyir. Ona görə hələlik Bülbüloğlu “əvəzolunmaz” səfir kimi vəzifəsini davam etdirməkdədir.
Digər tərəfdən, P.Bülbüloğlunu Azərbaycan səfirləri arasında bəlkə də ən xoşbəxti hesab etmək olar. Ona görə ki, onu 75 illiyi münasibətilə həm Azərbaycan Prezidenti İlham Əliyev, həm də elçi olduğu Rusiyada Kreml rəhbəri Vladimir Putin təbrik edib. Bəs yaxın zamanlarda vəzifəsindən gedişi gözlənilirmi? İndiki situasiyada bunu birmənalı iddia etmək, kiminsə adını çəkmək çox çətindir və yerinə bir namizəd ağla gəlmir, lakin ölkədə kifayət qədər ziyalı, peşəkar diplomatlar, Azərbaycan-Rusiya münasibətlərini bilən kadrlar var.
Politoloq Tofiq Abbasov bu mövzuda geniş və detallı fikirlərini açıqladı. Onun sözlərinə görə, səfirlərin təyinatı müxtəlif olur: “Kimisi üç illik təyin olunur, bəziləri 7 illik... İstisna hallar da var. Səfir təyin olunanda onu da nəzərə alırlar ki, həmin ölkə onu necə qarşılayacaq. Çünki hansısa dövlət diplomata müsbət cavab verməyə bilər ki, onu ölkəmdə görmək istəmirəm. Yəni belə bir təcrübə var. Bizdə isə səfirlərin dəyişməsinin səbəbləri var: əvvəla, onların vaxtı çatmışdı, ikincisi, diplomatların şəxsi keyfiyyətlərindən, natiqliyindən, məharətindən, çevikliyindən çox şey asılıdır”.
T.Abbasov qeyd etdi ki, P.Bülbüloğluna gəldikdə Rusiya sıradan ölkə deyil, ABŞ və digər böyük dövlətlər ora səfirini göndərəndə çox götür-qoy edirlər:
“Polad müəllim Rusiya reallığını bilən adamdır, güclü funksionerdir, idarəçidir. Onun mədəniyyət xadimi olmasına görə Rusiyada yaxşı tanıyırlar, qəbul edirlər. Ona görə ölkə rəhbərliyi onu Rusiyaya səfir təyin edəndə ağıllı gediş etdi. Polad müəllimin də bu illər ərzində ağıllı gedişləri olub, müəyyən gərgin məqamların qarşısını alıb. Ancaq bu yaxınlarda xəbər yayılmışdı ki, səfir postundan geri çağırılır. Elə özü də açıqlamasında demişdi ki, yorulmuşam, cavan deyiləm. Sadəcə, yeni reallıq, Rusiya-Azərbaycan əlaqələrinin indiki müstəvisi bu məsələyə təsir edir. Prezidentin də şübhəsiz ki, öz yanaşması var. Məsələn, bu yaxınlarda Prezidentin Moskvaya səfəri oldu, bu səfərlərdə səfirin də rolu olur. Polad Bülbüloğlu uğurlu səfirdir. Amma yaxın zamanda onun əvəzlənməsi lazım gələcək, çünki özü deyib ki, yorulmuşam. Sadəcə, Prezident zəruri bilib ki, hələ də oradadır. Eyni zamanda Rusiyaya təyin olunacaq yeni səfir də elə olmalıdır ki, qəbul edilsin”.
Siyasi ekspert Bülbüloğlu ilə bağlı mühüm bir nüansı da açıqladı: “2008-ci ildə Rusiya-Gürcüstan müharibəsi olanda bölgədə son dərəcə ağır vəziyyət yaranmışdı. O zaman Rusiyanın Prezidenti Medvedyev, Baş nazir Putin idi. Rusiyanın bəzi siyasi dairələrində məkrli planlar hazırlanmışdı, Polad müəllim həmin vaxt Türkiyədə istirahətdə idi.
Mən bunu dəqiq deyirəm və altından qol çəkirəm - Polad Bülbüloğlu həmin ərəfədə Rusiya daxilində idbar qüvvələrin Azərbaycanla bağlı təxribatının qarşısını aldı. Çox istədilər ki, həmin hadisələrə bizi qatsınlar. Təbii ki, diplomatiyamızın başında cənab İlham Əliyev dayanır, amma Rusiyadakı səfirimizin də böyük rolu oldu".
Qeyd edək ki, Polad Bülbüloğlu 1945-ci ildə Bakı şəhərində dünya şöhrətli müğənni, SSRİ xalq artisti, professor Bülbülün ailəsində dünyaya göz açıb. 1987-ci ildə Azərbaycan Dövlət Filarmoniyasının bədii rəhbəri və direktoru, 1988-ci ildən 2006-cı ilədək Azərbaycan Respublikasının mədəniyyət naziri vəzifələrində çalışıb. 2006-cı ildən ölkəmizin Rusiyada səfiridir. Sənətkarın Azərbaycan mədəniyyətinin inkişafında xidmətləri yüksək qiymətləndirilib, o, 1973-cü ildə “Əməkdar incəsənət xadimi”, 1982-ci ildə “Xalq artisti” fəxri adlarına layiq görülüb, 2005-ci ildə “İstiqlal”, 2015-ci ildə “Şərəf” ordenləri ilə təltif edilib.
Müəllif: Axar.az
Tarix: 28 İyul 09:21
Digər xəbərlər
Paşinyanın Ərdoğanla görüşmək arzusu: Ankaranın şərti var...
Gündəm
18:26
İran Azərbaycanla sərhəddəki təlimə SEPAH-ı cəlb etdi
Gündəm
15:01
Rus gəmilərin Bakıda "Mehtər" marşı ilə qarşılanması...
Gündəm
14:34
Türkiyənin Qafqazdakı rolu... – Amerikalı politoloq
Gündəm
10:11
Rusiya MN-in təxribatçı məlumatına MN-dən cavab
Gündəm
01:14
Rusiya MN-nin yeni təxribatı: Şuşaya atəş və iki yaralı...
Gündəm
01:02
Qarabağ müharibəsi dünyanın dəyişdiyini göstərdi - Sərkisyan
Gündəm
18 Sentyabr 21:32
Fariz Babayev bu xəstəxanaya direktor təyin edildi
Gündəm
18 Sentyabr 21:07
Qarabağ savaşından sonra iki qlobal güc var - Maqid
Gündəm
18 Sentyabr 20:11
Rəsmi Bakı Çilini təbrik etdi
Gündəm
18 Sentyabr 19:51
Paşinyan bununla liderliyini göstərməyə çalışır - Politoloq
Gündəm
18 Sentyabr 19:14
Azərbaycan və Rusiya hərbi dənizçilərinin görüşü oldu
Gündəm
18 Sentyabr 19:05
Qondarma rejimin “bayrağ”ını silən polis kimdir? - Video
Gündəm
18 Sentyabr 18:19
Qaribaşvili SOCAR-ın hədiyyəsindən danışdı
Gündəm
18 Sentyabr 17:20
Azərbaycanla hərbi təlimlər fasiləsiz olaraq... - Akar
Gündəm
18 Sentyabr 15:21
Ermənistan Azərbaycana dörd dəfə “İsgəndər” atıb - Şok etiraf
Gündəm
18 Sentyabr 11:43
ABŞ və Fransa üz-üzə: “Vahid Qərb” parçalanır?
Gündəm
18 Sentyabr 09:09
Ərdoğan Putinlə görüşə gedir: Qarabağ da masada olacaq
Gündəm
18 Sentyabr 09:00
Azərbaycan polisi erməni uşaqları başa saldı ki... – Video
Gündəm
18 Sentyabr 00:52
Azərbaycanlılar İran pasportu ilə gəlir - Ermənilər panikada
Gündəm
17 Sentyabr 23:02
Rusiya MN-in xəritə təxribatı: Qarabağdakı ərazi “genişləndi”
Gündəm
17 Sentyabr 21:33
30 illik işğal Ağdamda dərin izlər buraxıb - Klaar
Gündəm
17 Sentyabr 17:23
Paşinyandan Zəngəzur mesajı...
Gündəm
17 Sentyabr 17:16
Qarabağda erməni terrorçu yaralandı
Gündəm
17 Sentyabr 16:09

Axar.az AZRUENآذ