İlham Əliyev 2 fərman, 1 sərəncam imzaladı
14:30
Prezident İlham Əliyev “Azərbaycan Respublikası Energetika Nazirliyinin fəaliyyətinin təmin edilməsi və “Azərbaycan Respublikasının Sənaye və Energetika Nazirliyi haqqında Əsasnamənin, nazirliyin strukturunun və aparatın işçilərinin say həddinin təsdiq edilməsi barədə” Azərbaycan Respublikası Prezidentinin 2006-cı il 15 may tarixli 404 nömrəli Fərmanında dəyişikliklər edilməsi haqqında” Azərbaycan Respublikası Prezidentinin 2014-cü il 11 aprel tarixli 149 nömrəli Fərmanında dəyişiklik edilməsi barədə fərman imzalayıb.
Axar.az fərmanın mətnini təqdim edir:
“Azərbaycan Respublikası Energetika Nazirliyinin fəaliyyətinin təmin edilməsi və “Azərbaycan Respublikasının Sənaye və Energetika Nazirliyi haqqında Əsasnamənin, nazirliyin strukturunun və aparatın işçilərinin say həddinin təsdiq edilməsi barədə” Azərbaycan Respublikası Prezidentinin 2006-cı il 15 may tarixli 404 nömrəli Fərmanında dəyişikliklər edilməsi haqqında” Azərbaycan Respublikası Prezidentinin 2014-cü il 11 aprel tarixli 149 nömrəli Fərmanının (Azərbaycan Respublikasının Qanunvericilik Toplusu, 2014, № 4, maddə 365, № 6, maddə 637; 2015, № 3, maddə 272; 2018, № 5, maddə 899; 2020, № 9, maddə 1149) 3-cü hissəsi aşağıdakı redaksiyada verilsin:
“3. Azərbaycan Respublikası Energetika Nazirliyinin işçilərinin say həddi cəmi 180 ştat vahidi olmaqla, Nazirliyin Aparatı üzrə 140 ştat vahidi, Azərbaycan Respublikasının Energetika Nazirliyi yanında Bərpa Olunan Enerji Mənbələri Dövlət Agentliyi üzrə 40 ştat vahidi müəyyən edilsin.”.
***
Prezident İlham Əliyev məişət tullantıları ilə bağlı idarəetmə sahəsində bəzi məsələlərin tənzimlənməsi və “Bakı şəhərində məişət tullantıları ilə bağlı idarəetmənin təkmilləşdirilməsi haqqında” Azərbaycan Respublikası Prezidentinin 2008-ci il 6 avqust tarixli 2983 nömrəli Sərəncamında dəyişiklik edilməsi barədə sərəncam imzalayıb.
Sərəncamda deyilir:
Azərbaycan Respublikasında yaşayış məntəqələrinin abadlaşdırılması və ətraf mühitin qorunması dayanıqlı inkişaf prinsiplərinə əsaslanan müasir üsullarla təmin edilir. Bu çərçivədə tətbiq edilən tullantıların idarə edilməsi sistemi ətraf mühitin mühafizəsi standartlarına uyğun olmaqla, şəhərlərin ekologiyasının yaxşılaşmasına əhəmiyyətli təsir göstərir.
Ölkədə ekoloji tarazlığın mühafizəsi məqsədilə tullantıların idarə edilməsi sahəsində formalaşmış təcrübənin digər ərazilərdə, o cümlədən Azərbaycanın mədəniyyət paytaxtı elan edilmiş Şuşa şəhərində reallaşdırılması atmosferə və ətraf mühitə mənfi təsirlərin azaldılması, resurslardan davamlı istifadə, habelə müasir ekoloji idarəetmə sisteminin inkişafı üçün geniş imkanlar yaradar.
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Azərbaycan Respublikasında bərk məişət tullantılarının idarə edilməsi sisteminin müasir tələblərə uyğun təşkili işlərinin davam etdirilməsi, bu prosesin mütəşəkkil qaydada həyata keçirilməsi, habelə “Təmiz Şəhər” Açıq Səhmdar Cəmiyyətinin müsbət təcrübəsindən istifadənin əhatə dairəsinin genişləndirilməsi məqsədilə qərara alıram:
1. Şuşa şəhərinin ərazisində əmələ gələn bütün bərk məişət tullantılarının yığılmasını, daşınmasını, yerləşdirilməsini və zərərsizləşdirilməsini “Təmiz Şəhər” Açıq Səhmdar Cəmiyyəti həyata keçirsin.
2. “Bakı şəhərində məişət tullantıları ilə bağlı idarəetmənin təkmilləşdirilməsi haqqında” Azərbaycan Respublikası Prezidentinin 2008-ci il 6 avqust tarixli 2983 nömrəli Sərəncamında (Azərbaycan
Respublikasının Qanunvericilik Toplusu, 2008, № 8, maddə 750; 2010, № 7, maddə 610; 2014, № 5, maddə 477; 2016, № 8, maddə 1384) aşağıdakı dəyişikliklər edilsin:
2.1. adında “Bakı şəhərində məişət” sözləri “Məişət” sözü ilə əvəz edilsin;
2.2. preambula üzrə:
2.2.1. birinci abzas aşağıdakı redaksiyada verilsin:
“Azərbaycan Respublikasında əldə edilən sosial-iqtisadi nailiyyətlər yaşayış məntəqələrinin müasir şəhərsalma və tikinti fəaliyyətinin prinsipləri əsasında inkişaf etdirilməsi istiqamətində ardıcıl tədbirlərin həyata keçirilməsinə zəmin yaratmışdır.”;
2.2.2. dördüncü abzasda “Bakı şəhərində məişət” sözləri “Məişət” sözü ilə əvəz edilsin;
2.3. 2-ci hissəyə “zərərsizləşdirilməsi” sözündən sonra “, həmçinin Bakı şəhərinin Qala qəsəbəsinin və Şuşa şəhərinin ərazisində əmələ gələn belə tullantıların yığılması və daşınması” sözləri əlavə edilsin;
2.4. 4-cü hissəyə “Bakı şəhərinin ərazisində” sözlərindən sonra “(Qala qəsəbəsi istisna olmaqla)” sözləri əlavə edilsin;
2.5. 6-cı hissədə “Əmlak Məsələləri Dövlət Komitəsi” sözləri “İqtisadiyyat Nazirliyi” sözləri ilə əvəz edilsin.
3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
***
Prezident İlham Əliyev “Dövlət satınalmaları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2021-ci il 27 may tarixli 330-VIQD nömrəli Qanununun tətbiqi və Azərbaycan Respublikası Prezidentinin “Dövlət satınalmaları haqqında” Azərbaycan Respublikası Qanununun tətbiq edilməsi barədə” 2002-ci il 29 yanvar tarixli 668 nömrəli Fərmanında, 2019-cu il 16 aprel tarixli 647 nömrəli Fərmanı ilə təsdiq edilmiş “Dövlət satınalmalarının vahid internet portalı haqqında Əsasnamə”də dəyişiklik edilməsi barədə fərman imzalayıb.
Fərmanda deyilir:
1. Müəyyən edilsin ki:
1.1. “Dövlət satınalmaları haqqında” Azərbaycan Respublikası Qanununun 17.3-cü maddəsinin birinci və ikinci cümlələrində, 29.3-cü maddəsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Prezidenti həyata keçirir;
1.2. həmin Qanunun 29.3-cü maddəsində “orqan (qurum)” dedikdə Azərbaycan Respublikasının Nazirlər Kabineti nəzərdə tutulur;
1.3. həmin Qanunun 17.3-cü maddəsinin birinci və ikinci cümlələrində “orqan (qurum)” dedikdə Azərbaycan Respublikasının İqtisadiyyat Nazirliyi nəzərdə tutulur.
2. Azərbaycan Respublikasının Nazirlər Kabineti:
2.1. “Dövlət satınalmaları haqqında” Azərbaycan Respublikası Qanununun 29.3-cü maddəsinə uyğun olaraq, açıq tender və ya kotirovka sorğusu üsulunu tətbiq etməklə elektron satınalma vasitəsilə keçirilən satınalmalarda iştirak haqqının məbləğini, ödənilməsi və ondan istifadə qaydasını Azərbaycan Respublikası İqtisadiyyat Nazirliyinin təklifləri əsasında bir ay müddətində təsdiq edib Azərbaycan Respublikasının Prezidentinə məlumat versin;
2.2. bu Fərmanın 3-cü hissəsində nəzərdə tutulan altsistemə inteqrasiya edilməli olan digər dövlət orqanlarının (qurumlarının) informasiya sistemlərinin və ehtiyatlarının siyahısını, habelə həmin informasiya sistemlərindən və ehtiyatlarından inteqrasiya olunmalı məlumatların dairəsini müəyyən etsin, həmin altsistemin yaradılması və fəaliyyəti ilə əlaqədar maliyyə məsələlərini iki ay müddətində həll etsin;
2.3. qeyri-rezident hüquqi və ya fiziki şəxslərin, yaxud hüquqi şəxslər birliyinin, dövlət mənsubiyyətindən asılı olmayaraq, dövlət satınalmalarının vahid internet portalı vasitəsilə həyata keçirilən satınalmalarda iştirakının təmin olunmasına dair təkliflərini üç ay müddətində Azərbaycan Respublikasının Prezidentinə təqdim etsin;
2.4. “Dövlət satınalmaları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2021-ci il 27 may tarixli 330-VIQD nömrəli Qanunundan irəli gələn digər məsələləri həll etsin.
3. Azərbaycan Respublikasının İqtisadiyyat Nazirliyi “Dövlət satınalmaları haqqında” Azərbaycan Respublikası Qanununun 40.4-cü maddəsinə uyğun olaraq, satınalan təşkilat tərəfindən müqavilənin icrasına başlanması üçün müvafiq dövlət orqanlarından (qurumlarından) icazələrin elektron şəkildə əldə olunmasının təmin edilməsi məqsədilə dövlət satınalmalarının vahid internet portalında müvafiq altsistemin yaradılmasını dörd ay müddətində təmin etsin.
4. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi bu Fərmanın 3-cü hissəsində nəzərdə tutulan altsistemin fəaliyyətini təmin etmək məqsədilə onunla digər dövlət orqanlarının (qurumlarının) informasiya sistemləri və ehtiyatları arasında informasiya mübadiləsinin və elektron xidmətlər göstərilməsinin “Elektron hökumət” portalı vasitəsilə təşkili üçün tədbirlər görsün.
5. “Dövlət satınalmaları haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2002-ci il 29 yanvar tarixli 668 nömrəli Fərmanında (Azərbaycan Respublikasının Qanunvericilik Toplusu, 2002, № 1, maddə 51; 2014, № 5, maddə 477; 2016, № 5, maddə 861; 2018, № 12 (I kitab), maddə 2611; 2020, № 1, maddə 17, № 5, maddə 565; Azərbaycan Respublikası Prezidentinin 2019-cu il 24 iyul tarixli 797 nömrəli Fərmanı) aşağıdakı dəyişikliklər edilsin:
5.1. 2.2-ci bənddə “həmin Qanunun” sözləri “Dövlət satınalmaları haqqında” Azərbaycan Respublikası Qanununun” sözləri ilə əvəz olunsun və həmin bəndə “27.1-ci” sözlərindən əvvəl “17.3-cü maddəsinin birinci və ikinci cümlələrində,” sözləri, “36.9-cu” sözlərindən əvvəl isə “29.3-cü,” sözləri əlavə edilsin;
5.2. 2.6-cı bəndə “orqan” sözündən sonra “(qurum)” sözü və “50-2.2-ci” sözlərindən əvvəl “29.3-cü,” sözləri əlavə edilsin;
5.3. aşağıdakı məzmunda 2.9-1-ci bənd əlavə edilsin:
“2.9-1. həmin Qanunun 17.3-cü maddəsinin birinci və ikinci cümlələrində “orqan (qurum)” dedikdə Azərbaycan Respublikasının İqtisadiyyat Nazirliyi nəzərdə tutulur;”.
6. Azərbaycan Respublikası Prezidentinin 2019-cu il 16 aprel tarixli 647 nömrəli Fərmanı (Azərbaycan Respublikasının Qanunvericilik Toplusu, 2019, № 4, maddə 646; 2020, № 2, maddə 99) ilə təsdiq edilmiş “Dövlət satınalmalarının vahid internet portalı haqqında Əsasnamə”də aşağıdakı dəyişikliklər edilsin:
6.1. 1.2.1-ci yarımbənddə “tender elanının” sözləri “keçiriləcək satınalma barədə elanın” sözləri ilə əvəz edilsin;
6.2. 1.2.2-ci, 1.2.11-ci, 3.3.3-cü, 5.3.1-ci, 5.3.2-ci yarımbəndlərdə, 5.5-ci və 5.13-cü (birinci halda) bəndlərdə ismin müvafiq hallarında “tender” sözü ismin müvafiq hallarında “satınalma” sözü ilə əvəz edilsin;
6.3. 1.2.3-cü yarımbənddən “tenderdə” sözü çıxarılsın;
6.4. 1.2.7-ci, 1.2.10-cu və 3.3.7-ci yarımbəndlərdə ismin müvafiq hallarında “tender təklifləri” sözləri ismin müvafiq hallarında “təkliflər” sözü ilə əvəz edilsin;
6.5. 1.2.8-ci, 3.3.20-ci yarımbəndlərdə və 5.10-cu bəndlərdə (hər iki halda) ismin müvafiq hallarında “tender təklifi” sözləri ismin müvafiq hallarında “təklif” sözü ilə əvəz edilsin;
6.6. 1.2.13-cü yarımbəndə “şərtlər toplusunun,” sözlərindən sonra “kotirovka sorğusu şərtlərinin,” sözləri əlavə olunsun və həmin yarımbənddə “tender” sözü “satınalma” sözü ilə əvəz edilsin;
6.7. 1.5-ci bənd aşağıdakı redaksiyada verilsin:
“1.5. Portalın fəaliyyətinin təşkili ilə əlaqədar zəruri avadanlığın və yeni proqram təminatlarının alınması xərcləri dövlət büdcəsinin vəsaiti hesabına, portalın istismarı, təkmilləşdirilməsi və saxlanması ilə bağlı xərclər isə dövlət-özəl tərəfdaşlığı prinsipinə uyğun olaraq portal vasitəsilə portalın operatoruna ödənilən iştirak haqqı və qanunla qadağan olunmayan digər mənbələr hesabına maliyyələşdirilir.”;
6.8. 3.3.6-cı yarımbənddə “şərtlər toplusunun” sözlərindən sonra “, kotirovka sorğusu şərtlərinin” sözləri əlavə olunsun və həmin yarımbənddə “tender təkliflərinin” sözləri “təkliflərin” sözü ilə əvəz edilsin;
6.9. 5.2.3-cü yarımbənddə “açıq tenderin” sözləri “satınalmanın” sözü ilə əvəz edilsin;
6.10. 5.6-cı bənddən birinci halda “tender” sözü çıxarılsın və həmin bənddə “tender təklifinin” sözləri “həmin təklifin” sözləri ilə əvəz edilsin;
6.11. 5.9-cu bəndin ikinci cümləsində “tender təkliflərini” sözləri “təklifləri” sözü ilə və həmin bəndin dördüncü cümləsində “tenderin” sözü “satınalmanın” sözü ilə əvəz edilsin.
Müəllif: Axar.az
Tarix: 22 İyun 15:55
Digər xəbərlər
Bakı əhalisi ticarət şəbəkəsində nə qədər xərcləyib?
Toplum
23:43
Dənizlidəki yanğınlar söndürüldü - Video
Toplum
23:23
FHN batma təhlükəsi ilə üzləşən 5 nəfəri xilas etdi
Toplum
23:05
Canlı yayımda damarlarını kəsən qazi xilas edildi - DİN
Toplum
22:57
Daşkəsəndə içki məclisində qan töküldü
Toplum
22:16
Polis 40 nəfəri restorana buraxmadı
Toplum
20:45
Çətənənin kultivasiyası ilə məşğul olan şəxs saxlanıldı
Toplum
20:27
Peyvənd olunanların sayı açıqlandı
Toplum
20:18
Ölkədə koronaya yoluxma sayı minə yaxınlaşdı
Toplum
20:00
Əri tərəfindən öldürülən qadının uşaqları ilə bağlı məlumat
Toplum
19:51
MTRŞ müsabiqənin nəticələrini açıqladı
Toplum
19:24
Məktəblər sentyabrda açılacaq? - Nazir
Toplum
19:06
FHN-dən Yardımlıdakı yanğınla bağlı - Açıqlama
Toplum
18:57
Nazirdən müəllimlərə daha bir xoş xəbər
Toplum
18:31
Bəzi ixtisaslar üzrə 10 mindən çox yeni yer ayrıldı
Toplum
17:58
General ordunun döyüşə hazırlıq səviyyəsini yoxladı
Toplum
17:52
Ağsuda toy təşkilatçısı cərimələndi
Toplum
17:49
Zakir Həsənov Qarabağda yeni hərbi hissədə - Foto
Toplum
17:43
Bakı, Sumqayıt və Abşeronda vakant müəllim yerlərinin sayı...
Toplum
17:40
Ancaq polis görəndə tibbi maskanı qaldırırlar - DİN
Toplum
17:26
ABŞ-dan ölkəmizə quş ətinin gətirilməsinə icazə verildi
Toplum
17:20
“Azəriqaz” “Açıq mikrofon” aksiyasına start verdi
Toplum
17:12
Bakıda orta aylıq əmək haqqı nə qədərdir?
Toplum
16:35
Ünvanlı dövlət sosial yardımının məbləği artdı
Toplum
16:17

Axar.az AZRUENآذ