Şad xəbər: maaş, pensiya, müavinət və təqaüdlər artırılır
Prezident İlham Əliyev əhalinin sosial rifahının qorunması sahəsində əlavə tədbirlər haqqında sərəncam imzalayıb.
Axar.az sərəncamın mətnini təqdim edir:
"Ölkə əhalisinin rifah halının yaxşılaşdırılması aparılan sosial-iqtisadi siyasətin mühüm prioritetlərindən biridir. Son illərdə bu istiqamətdə ciddi irəliləyişlərə nail olunmuş, əhalinin sosial müdafiəsinin gücləndirilməsi, sosial ödənişlərin, əməkhaqlarının artırılması istiqamətində ardıcıl addımlar atılmışdır. Bu məqsədlə 2019-cu ildə iki sosial islahat zərfi qəbul olunaraq icra edilmiş, müavinət və təqaüdlərin məbləğinin orta hesabla 92%, əmək pensiyasının minimum məbləğinin 72%, minimum əməkhaqqının 92%, dövlət büdcəsindən maliyyələşdirilən qurumlarda işləyənlərin əməkhaqlarının orta hesabla 50% artırılması təmin edilmişdir. Görülmüş tədbirlər nəticəsində 2018-ci ilin əvvəli ilə müqayisədə orta aylıq nominal əməkhaqqının məbləğində 39%, əmək pensiyalarının orta məbləğində 60%, sosial müavinətlərin orta məbləğində 2 dəfə, Azərbaycan Respublikası Prezidentinin təqaüdlərinin orta məbləğində isə 2,2 dəfə artım əldə olunmuşdur.
2021-ci ildə ölkəmiz COVID-19 pandemiyasının yaratdığı sarsıntıları geridə qoyaraq, inamlı şəkildə iqtisadi bərpa yoluna qayıtmışdır. Bu, dünya miqyasında pandemiyaya qarşı peyvəndlərin ərsəyə gətirilməsi, ölkəmizdə isə insanlarımızın bu xəstəlikdən qorunması istiqamətində dövlət tərəfindən əhatəli və effektiv sosial-iqtisadi tədbirlərin, xüsusilə genişmiqyaslı peyvəndləmə kampaniyasının keçirilməsi, həmçinin 2020-ci ildə əhalinin sosial baxımdan həssas qruplarına maliyyə və sosial dəstək göstərilməsi, eləcə də pandemiyadan zərər çəkmiş iqtisadi sahələrdə fəaliyyət göstərən sahibkarlara, qurumlara vergi və bank-kredit güzəştlərinin verilməsi sayəsində mümkün olmuşdur. Bununla yanaşı qeyd olunmalıdır ki, dünya iqtisadiyyatında bərpa meyillərinin güclənməsi müşahidə olunmaqdadır. Lakin dünya miqyasında iqtisadi fəallığın bərpası və məcmu tələbin artması templərinin vaxtilə dayandırılmış istehsal, nəqliyyat-logistika və təchizat güclərinin iqtisadi dövriyyəyə qaytarılması sürətini xeyli üstələməsi beynəlxalq bazarlarda bir çox əmtəələrin qiymətlərinin əhəmiyyətli dərəcədə qalxmasını şərtləndirərək yeni çağırışlar yaratmışdır.
Bu vəziyyət ölkəmizə idxal olunan əmtəələrin, o cümlədən bir sıra ərzaq məhsullarının qiymətlərinin artımına səbəb olur və nəticə etibarilə sosial baxımdan ən həssas əhali qruplarının rifah halına mənfi təsir göstərir.
Beynəlxalq bazarlardakı proseslərin ölkədaxili qiymətlərə sirayət etməsinin ölkə əhalisinə, xüsusilə həssas əhali qruplarına mənfi fəsadlarını yumşaltmaq və əhalinin sosial müdafiəsini gücləndirmək məqsədilə Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
Azərbaycan Respublikasının Nazirlər Kabineti:
1. Əmək haqlarının, əmək pensiyalarının və sosial müavinətlərin, təqaüdlərin və digər sosial ödənişlərin məbləğlərinin artırılmasının təmin edilməsi ilə bağlı Azərbaycan Respublikasının 2022-ci il dövlət büdcəsi layihəsində müvafiq tədbirlərin əks etdirilməsi üçün təkliflərini hazırlayıb Azərbaycan Respublikasının Prezidentinə təqdim etsin.
2. Bu Sərəncamdan irəli gələn digər məsələləri həll etsin.
Müəllif: Axar.az
Tarix: 16 Oktyabr 15:11
Şərhlər
Digər xəbərlər
Yeni Quba-Qonaqkənd yolu - Fotolar
Toplum
00:55
Sakinlər DAD-dan dad edirlər... - Video
Toplum
00:45
Zabit: Özümü ağaca bağladım, əsgərlər üstümdən keçdi - Video
Toplum
6 Dekabr 23:59
Azərbaycan Afrika ölkələrinə vaksin göndərdi
Toplum
6 Dekabr 22:41
Paşayeva şəhidimizin anası ilə görüşdü
Toplum
6 Dekabr 21:47
Azərbaycanda faydalı qazıntı yataqları hərraca çıxarılır
Toplum
6 Dekabr 21:41
FHN-dən minatəmizləmə əməliyyatı ilə bağlı açıqlama
Toplum
6 Dekabr 21:07
Prezident və xanımı Qubada - Foto
Toplum
6 Dekabr 20:19
Daha bir korona xəstəsi ictimai yerdə aşkarlandı
Toplum
6 Dekabr 19:05
"İdeal"ın keçmiş sahibindən məhkəməyə - Etiraz
Toplum
6 Dekabr 18:35
Təbiətə vurulan zərər açıqlandı - Nazirlik
Toplum
6 Dekabr 18:22
Ölkədə sutka ərzində 3 nəfərə buster doza vuruldu
Toplum
6 Dekabr 17:57
Mağazada istehlaka yararsız məhsullar tapıldı
Toplum
6 Dekabr 17:51
Yeni il yarmarkalarında qiymətlər necədir?
Toplum
6 Dekabr 17:45
Koronaya yoluxanların sayı kəskin azaldı
Toplum
6 Dekabr 17:39
Eldar Həsənovun növbəti məhkəmə iclası keçirildi
Toplum
6 Dekabr 17:38
Bu hərbçilərin buraxılış mərasimi keçirildi - Video
Toplum
6 Dekabr 17:32
Neft Fondu 15 milyondan çox maaş ödəyəcək
Toplum
6 Dekabr 17:26
Qaxda ağır qəza: "Toyota" kanala aşdı - Foto
Toplum
6 Dekabr 17:19
Ruslan Əliyev Vətən müharibəsi iştirakçısı ilə görüşdü
Toplum
6 Dekabr 17:13
Evlərdən 13 minlik oğurluq edən şəxslər saxlanıldı
Toplum
6 Dekabr 17:07
Əli Əsədov qərar imzaladı
Toplum
6 Dekabr 16:50
“Bazarstor”un idxal etdiyi bibərlərdə virus aşkarlandı
Toplum
6 Dekabr 16:18
ABŞ əsgərləri Türkiyə ilə sərhəddə belə göründü
Toplum
6 Dekabr 15:51

Axar.az AZRUENآذ